05/04/2026
انیا ویلفیئر فاؤنڈیشن کی جانب سے شجرکاری (پودے لگانے) کی ایک اہم مہم کا انعقاد کیا گیا، جس میں فاؤنڈیشن کی ٹیم نے بھرپور حصہ لیا اور مختلف مقامات پر پودے لگائے۔
اس موقع پر ایم پی اے افشاء حسین ایڈووکیٹ، چیئرپرسن، خود موجود نہ تھیں، تاہم انہوں نے اپنے خصوصی پیغام میں ٹیم کی کاوشوں کو سراہتے ہوئے کہا کہ درخت لگانا نہ صرف ماحول کی حفاظت کے لیے ضروری ہے بلکہ یہ ایک صدقہ جاریہ بھی ہے۔ انہوں نے مزید کہا کہ انیا ویلفیئر فاؤنڈیشن کی ٹیم جس جذبے کے ساتھ کام کر رہی ہے وہ قابلِ ستائش ہے، اور ایسے اقدامات سے معاشرے میں مثبت تبدیلی آئے گی۔
فاؤنڈیشن کے اراکین نے اس مہم کو کامیاب بنانے کے لیے عملی طور پر حصہ لیا اور اس عزم کا اظہار کیا کہ وہ اپنے علاقے کو سرسبز و شاداب بنانے کے لیے اپنی کوششیں جاری رکھیں گے۔
