26/01/2025
إِنَّا ِلِلَّٰهِ وَإِنَّا إِلَيْهِ رَاجِعُونَ
سید الیاس حسین میاں انوری، اب ہمارے درمیان نہیں رہے۔ ان کی رحلت نہ صرف میںاں خاندان، میاں مریدان بلکہ ضلع کرم، ہنگو، کوہاٹ اور ضلع اورکزئی کے طوری و بنگش قبائل کیلئے لیے ایک ناقابل تلافی نقصان ہے ۔ سید الیاس حسین میاں انوری ایک باکردار، متقی، اور شفیق شخصیت کے حامل تھے۔ ان کی وفات ہمارے لیے گہرے رنج و غم کا باعث ہے۔
ہم اللہ تعالیٰ سے دعاگو ہیں کہ وہ سید الیاس حسین میاں انوری کو اپنے پیارے پیشواؤں اور اہل بیت علیہم السلام کے ساتھ جنت الفردوس میں اعلیٰ مقام عطا فرمائے۔ خداوند عالم ان کی مغفرت فرمائے، ان کے درجات بلند کرے، اور ان کے نیک اعمال کو قبولیت بخشے۔
پروردگار سے دعا ہے کہ وہ بحق حضرت امام موسیٰ کاظم علیہ السلام مرحوم کے اہل خانہ کو اس کٹھن وقت میں صبر جمیل عطا فرمائے۔ خاص طور پر بادشاہ سید شجاعت حسین میاں انوری، مولانا سید صداقت حسین میاں انوری، سید دیانت حسین میاں انوری، اور سید امامت علی شاہ، سید صدیف حسین میاں انوری اور سید صدیق حسین میاں انوری کو اس ناقابل بیان غم کو سہنے کی ہمت اور استقامت عطا کرے۔ اللہ تعالیٰ ان کے دلوں کو سکون اور اطمینان عطا کرے اور ان کے لیے اجرِ عظیم مقدر فرمائے۔
ہم اس غم کے موقع پر دعا کرتے ہیں کہ اللہ تعالیٰ تمام سوگواروں کو صبر و حوصلہ عطا کرے اور مرحوم کے لیے ہماری دعاؤں کو قبول فرمائے۔ آمین یا رب العالمین
