03/10/2026
گزشتہ روز ڈی جی آئی ایس پی آر کی تہلکہ خیز پریس کانفرنس میں بھارتی فالس فلیگ آپریشنز اور جعلی مقابلوں کے دعوؤں کا بھانڈا پھوٹنے کے بعد نئی دہلی اور بھارتی فوجی قیادت شدید بوکھلاہٹ اور رسوائی کا شکار ہو گئی ہے۔
عالمی و علاقائی سطح پر ہونے والی رسوائی اور ہزیمت پر پردہ ڈالنے کے لیے بھارتی آرمی ہیڈ کوارٹرز نے مقبوضہ کشمیر میں تعینات 15 کور (چنار کور) کے کمانڈر لیفٹیننٹ جنرل بلبیر سنگھ کو فوری طور پر عہدے سے برطرف کرنے کا خفیہ نوٹیفکیشن جاری کر دیا ہے۔ ملٹری سیکریٹریز برانچ کی جانب سے جاری کردہ حکم نامے کے مطابق لیفٹیننٹ جنرل بلبیر سنگھ سے فوری طور پر کور کی کمان واپس لے کر انہیں ہیڈ کوارٹر ناردرن کمانڈ / انٹیگریٹڈ ہیڈ کوارٹر منسٹری آف ڈیفنس سے اٹیچ کر دیا گیا ہے، جبکہ لیفٹیننٹ جنرل امت کبتھیال کو 15 کور کی کمان سنبھالنے کی ہدایت کی گئی ہے۔
دفاعی مبصرین کے مطابق، پاکستان کی جانب سے ثبوتوں کے ساتھ بھارتی فیک انکاؤنٹر کے ڈرامے کو بے نقاب کیے جانے کے بعد مودی سرکار نے اپنی ناکامی کا ملبہ اپنے ہی کمانڈر پر گرا کر قربانی کا بکرا بنا دیا ہے۔ سیکیورٹی ماہرین کا کہنا ہے کہ اعلیٰ سطح کے فوجی کمانڈر کی ہنگامی برطرفی اس بات کا کھلا اعتراف ہے کہ بھارتی فوج کی فالس فلیگ فیکٹری بری طرح بے نقاب ہو چکی ہے اور بھارت کے پاس اپنا چہرہ بچانے کا کوئی راستہ باقی نہیں بچا۔
゚viralシ
