20/07/2026
آؤ مل کر انسانیت کی خدمت کریں
وَتَعَاوَنُوا عَلَى الْبِرِّ وَالتَّقْوَىٰ وَلَا تَعَاوَنُوا عَلَى الْإِثْمِ وَالْعُدْوَانِ
"نیکی اور تقویٰ کے کاموں میں ایک دوسرے کی مدد کرو، اور گناہ اور زیادتی کے کاموں میں ایک دوسرے کی مدد نہ کرو۔"
(سورۃ المائدہ: 2)
انسانیت کی خدمت صرف پیسہ خرچ کرنے کا نام نہیں۔
اگر آپ ایک استاد ہیں تو کسی بچے کو علم دے دیں۔
اگر آپ ڈاکٹر ہیں تو کسی غریب مریض کا علاج کر دیں۔
اگر آپ وکیل ہیں تو کسی مظلوم کی رہنمائی کر دیں۔
اگر آپ تاجر ہیں تو کسی ضرورت مند کے ساتھ آسانی کر دیں۔
اگر آپ مزدور ہیں تو کسی بوڑھے کا سامان اٹھا دیں۔
اگر آپ ڈرائیور ہیں تو کسی بے سہارا مسافر کی مدد کر دیں۔
اگر آپ طالب علم ہیں تو کسی کمزور طالب علم کو پڑھا دیں۔
اگر آپ کے پاس صرف چند لمحے ہیں تو کسی نابینا یا بزرگ کو سڑک پار کرا دیں، کسی یتیم کے سر پر شفقت سے ہاتھ رکھ دیں، کسی پریشان انسان کی بات سن لیں، یا کسی دکھی دل کو امید کے دو لفظ کہہ دیں۔
ہر نیکی، چاہے کتنی ہی چھوٹی کیوں نہ ہو، کسی کی زندگی بدل سکتی ہے اور اللہ تعالیٰ کے ہاں عظیم اجر کا سبب بن سکتی ہے۔
مِيثَاقُ الْعَدْل ایک ایسی تحریک ہے جو ہر انسان کو دعوت دیتی ہے کہ وہ اپنے علم، اپنے ہنر، اپنے وقت، اپنی طاقت اور اپنے اخلاق کے ذریعے معاشرے میں خیر کا ذریعہ بنے۔
آئیں! مل کر ایک ایسا معاشرہ بنائیں جہاں ہر شخص کسی نہ کسی کے لیے سہارا ہو، اور انسانیت ہماری پہچان بن جائے۔
مِيثَاقُ الْعَدْل
باہمی تعاون کا مضبوط بندھن
سرمایۂ آخرت | خدمتِ انسانیت | تعمیرِ کردار
