افواج پاکستان سوشل میڈیا سپورٹ مؤمنٹ

11/04/2026

27/03/2026

*پاکستان کے مفاد میں اتحاد اور شعور*
حالیہ دنوں میں کچھ خبریں اور بیانات سامنے آئے ہیں، جن میں بیرونِ ملک بیٹھ کر پاکستان پر معاشی دباؤ، تجارتی پابندیوں یا عالمی فورمز پر سخت اقدامات کی بات کی جا رہی ہے۔ اگر یہ باتیں درست ہیں تو یہ ایک سنجیدہ معاملہ ہے، کیونکہ ایسے اقدامات کا سب سے زیادہ اثر پاکستان کے عام شہری اور معیشت پر پڑتا ہے۔
اختلافِ رائے ہر جمہوری معاشرے کا حق ہے، لیکن یہ سوال ہر شہری سے پوچھا جانا چاہیے: کیا سیاسی اختلاف کو اس حد تک لے جانا درست ہے جہاں ملک کو عالمی سطح پر نقصان پہنچنے کا خدشہ ہو؟
کسی بھی قیادت کے اقدامات کو جذبات کے بجائے ثبوت اور نتائج کی بنیاد پر پرکھنا چاہیے۔
پاکستان کا مفاد ہر سیاسی اختلاف سے بالاتر ہے۔
یہ بھی ذہن میں رکھنا ضروری ہے کہ افواجِ پاکستان کسی سیاسی بیانیے یا سوشل میڈیا پروپیگنڈے کا حصہ نہیں، بلکہ صرف اور صرف ملک کے دفاع اور سلامتی کی ذمہ دار ہیں۔
ہماری قومی سلامتی کی ضامن، اور ہر حال میں وطن کے محافظ ہیں۔
قوم سے میری درخواست ہے کہ ہر خبر اور ہر دعوے کو تحقیق کے بعد قبول کریں، جذباتی نعروں کے بجائے شعور اور دلیل کے راستے کو اپنائیں۔ ایسے بیانیے جو ہمیں تقسیم کریں، ان سے دور رہیں۔
مضبوط قومیں الزام تراشی سے نہیں، دلیل اور اتحاد سے آگے بڑھتی ہیں۔
پاکستان ہمیشہ قائم و دائم رہے گا پاکستان زندہ باد
*ڈاکٹر سید اقبال شاہ*
*چیئرمین*
*افواج پاکستان سوشل میڈیا سپورٹ موومنٹ*