16/04/2026
متحدہ طلبہ محاذ کے زیرِ اہتمام تمام طلبہ تنظیموں کی ایک اہم میٹنگ رانامحمدعثمان صدرMTMپاکستان کی زیرصدارت منعقد ہوئی، جس میں جمعیت طلبہ اسلام کی نمائندگی حافظ محمد آبشار اور محمدعمار کشمیری نے کی۔
اجلاس میں موجودہ حالات خصوصاً ایران کے حوالے سے تفصیلی گفتگو کی گئی۔ اس بات پر اتفاق کیا گیا کہ امتِ مسلمہ کو درپیش عالمی سازشوں کے مقابلے میں مسلمانوں کا اتحاد اور یکجہتی وقت کی سب سے بڑی ضرورت ہے۔
ہم واضح کرتے ہیں کہ ہمارا مؤقف کسی مسلکی اختلاف کو ہوا دینا نہیں بلکہ اسلام اور امتِ مسلمہ کے اجتماعی مفاد کی بات کرنا ہے۔ جہاں کہیں بھی مسلمان ظلم، جارحیت اور ناانصافی کے خلاف ڈٹ کر کھڑا ہو، اس کی جرأت و بہادری کو سراہنا چاہیے۔
ہم تمام مکاتبِ فکر کے علماء، نوجوانوں اور طلبہ سے اپیل کرتے ہیں کہ اختلافات سے بالا ہو کر اتحادِ امت، باہمی احترام اور مشترکہ دشمن کے مقابلے میں یک زبان ہو جائیں۔
امت ایک ہے، دشمن مشترک ہے، اور وقت اتحاد کا ہے۔
