13/04/2026
آج بروز پیر، یونیورسٹی انتظامیہ اور طلبہ تنظیموں کے نمائندگان کے درمیان ایک اہم اور کامیاب ملاقات ہوئی۔ اس مشترکہ جدوجہد میں امامیہ سٹوڈنٹس آرگنائزیشن، کشمیر سٹوڈنٹس فیڈریشن، گلگت بلتستان سٹوڈنٹس کونسل ، پختون سٹوڈنٹس فیڈریشن اور میانوالی سٹوڈنٹس ایسوسی ایشن کے ذمہ داران نے بھرپور شرکت کی۔
انتظامیہ کے ساتھ طلبہ کے درپیش مسائل پر تفصیلی گفتگو ہوئی، جس کے نتیجے میں انتظامیہ نے درج ذیل مطالبات کو جلد حل کرنے کی مکمل یقین دہانی کروائی ہے اور ان مسائل کے حوالے سے آفیشل نوٹیفکیشن جلد طلباء تک پہنچ جائےگا :
`اہم فیصلے اور کامیابیاں`:
*سپلیمنٹری اور امپروومنٹ پالیسی*: اس پالیسی پر نظر ثانی کی جائے گی۔ اب 3 GPA (B Grade) کی شرط کے بجائے طالب علم کو وہی گریڈ الاٹ کیا جائے گا جو اس نے اپنے مضمون (Subject) میں حاصل کیا ہوگا۔
*لیٹ فیس میں کمی*: طلبہ کی سہولت کے لیے لیٹ فیس جرمانہ 5000 روپے سے کم کر کے 3000 روپے کر دیا گیا ہے۔
*فیس کی تاریخ میں توسیع*: فیس جمع کروانے کی آخری تاریخ میں مزید اضافہ کیا جائے گا تاکہ تمام طلبہ باآسانی واجبات ادا کر سکیں۔
*کھیلوں کا انعقاد*: طلبہ کی تفریح اور صحت مند سرگرمیوں کے لیے اسی سمسٹر میں اسپورٹس ویک (Sports Week) کا انعقاد یقینی بنایا جائے گا۔
*فیسوں میں ریلیف*: سپلیمنٹری اور امپروومنٹ کے امتحانات کی فیسوں میں بھی واضح کمی کی جائے گی۔
تمام طلبہ تنظیموں کے نمائندے مبارکباد کے مستحق ہیں جنہوں نے متحد ہو کر طلبہ کے حقوق کی آواز بلند کی اور یہ کامیابیاں حاصل کیں۔
سیکرٹری اطلاعات
امامیہ سٹوڈنٹس آرگنائزیشن وفاقی اردو یونیورسٹی یونٹ ضلع اسلام آباد۔
