01/05/2025
پھرين مئي مزدورن جي عالمي ڏينهن تي سنڌ ڪليري اتحاد جو پيغام،
سنڌ ڪليري اتحاد سڀني مزدورن کي انهن جي اڻٿڪ محنت، لگن ۽ جدوجهد لاءِ خراج تحسين پيش ڪري ٿو، هي ڏينهن انهن هيروز جي قربانين کي ياد ڪرڻ جو ڏينهن آهي جن پنهنجي حقن لاءِ آواز اٿاريو ۽ هڪ اهڙي سماج جي بنياد رکي جتي هر مزدور جو احترام ڪيو وڃي،
سنڌ ڪليري اتحاد پنهنجي عزم کي ورجائي ٿو ته اسان پنھنجي معاشري جي سڀني مزدورن جي حقن ۽ ڀلائي جي تحفظ لاءِ پنهنجي جدوجهد جاري رکنداسين، اسان جو يقين آهي ته هڪ خوشحال ۽ ترقي يافته سماج ان جي مزدور طبقي تي منحصر آهي.
اڄ پھرين مئي مزدورن جي عالمي ڏهاڙي تي اسان حڪومت ۽ سڀني لاڳاپيل ادارن کان مطالبو ڪريون ٿا ته مزدور دوست پاليسيون ٺاهيون وڃن ۽ انهن تي سختي سان عمل درآمد کي يقيني بڻايو وڃي، مزدورن کي انهن جا جائز حق ملڻ گهرجن، انهن کي محفوظ ۽ صحتمند ماحول ۾ ڪم ڪرڻ جا موقعا فراهم ڪيا وڃن، ۽ انهن جي محنت جو منصفانه معاوضو ڏنو وڃي.
سنڌ ڪليري اتحاد سڀني مزدور تنظيمن ۽ سول سوسائٽي تنظيمن سان گڏجي ڪم ڪرڻ لاءِ تيار آهي ته جيئن هڪ اهڙو سماج ٺاهيو وڃي جتي هر مزدور باوقار زندگي گذاري سگهي.
اچو ته گڏجي عهد ڪريون ته اسين هميشه پنهنجي پورهيت ڀائرن ۽ ڀينرن جي حقن لاءِ آواز بلند ڪنداسين.
پورهيت طبقو زنده آباد!....
سنڌ ڪليري اتحاد زنده باد!...
