APCA ملازم اتحاد Sindh

19/06/2026

حالیہ بجٹ 2027-2026 میں ملازمین اور پینشنرز کو رلیف اونٹھ کے منہ میں زیرہ کے برابر ملا ہے
پیٹرول کی قیمت 225 تک کرنا چاہئے کہ عوام اور سفید پوش طبقہ کو کرایہ جات میِ رلیف مل سکے، یہاں پر رکشہ اور ٹرانسپورٹر کا کہنا ہوتا ہے کہ ہماری گاڑیاں گیس پر چلتی ہیں اور کوئی افسران اس معاملہ میں عوام کو کوئی رلیف نہیں دے سکے ہیں

19/06/2026

تنخواہوں کے اسکیل روائیز اور دیگر مراعات کیلئے جو گھروں اور دفاتر میں آرامی تھے وہ وزارت خزانہ کے نوٹیفکیشن کا انتظار کریں
ذرا!

17/06/2026

07/06/2026

With Akhtar Ali – I just got recognized as one of their top fans! 🎉
*عنوان:* سندھ حکومت سے مطالبہ - ملازمین کا 11 نکاتی چارٹر آف ڈیمانڈ فوری منظور کیا جائے، ورنہ 8 جون 2026 کو کراچی پریس کلب پر عزم ملازم اتحاد سندھ کا احتجاج ہوگا۔

*کراچی:* ملازم اتحاد سندھ، ایپکا پاکستان شہید ساقی ، اساتذہ کی تنظیمین، لوئر اسٹاف ایسوسی ایشن سندھ، ایپکا سندھ مسٹر اسداللہ درانی ۔اور مسٹر مقبول مہر ، آل یونیورسٹیز ایمپلائیز فیڈریشن ، سارنگیا ، گریوا ، مہران لیبر فیڈریشن سندھ، لوکل گورنمنٹ ملازمین کی نمائندہ تنظیمین ، ینگ ٹیچر الائنس ، سندھ کالج نان ٹیچنگ اسٹاف ویلفیئر ایسوسی ایشن کے مرکزی چیئرمین محترم شاہ رضا شاہ و دیگر کی مشاورت نے مشترکہ بیان میں سندھ حکومت سے مطالبہ کیا ہے کہ سرکاری ملازمین کے جائز حقوق کے لیے 11 نکاتی چارٹر آف ڈیمانڈ فوری منظور کیا جائے۔ وفاق اور دیگر صوبوں کی طرز پر مراعات نہ دینا آئینِ پاکستان کے آرٹیکل 25 کی صریح خلاف ورزی ہے۔

یہ اعلان 21 مئی 2026 کو قاسم آباد حیدرآباد میں ملازمین نمائندہ تنظیموں کے مشترکہ فیصلے کا تسلسل ہے۔

*11 نکاتی چارٹر آف ڈیمانڈ - مطالبات کا خلاصہ:*

*1. نجکاری بند کرو:* ملک بھر میں بشمول سندھ کے تعلیمی اداروں، ہسپتالوں اور سرکاری اداروں کی نجکاری کا عمل فوری روکا جائے۔ سرکاری ملازمتوں کو ٹھیکیدار سسٹم کے حوالے کرنا قوم کے مستقبل سے کھیل ہے۔

*2. گروپ انشورنس یکمشت:* "مرنے کی شرط" ختم کر کے ریٹائرمنٹ پر گروپ انشورنس اور بہبود فنڈ کی رقم یکمشت ادا کی جائے۔ حکومت سندھ کو ملازمین کی تنخواہوں سے کٹوتی پر سالانہ 3 سے 6 ارب روپے کی بچت ہو رہی ہے، یہ رقم ملازم کا حق ہے۔

*3. ڈسپیرٹی الاؤنس %30:* وفاقی طرز پر ڈسپیرٹی ریڈکشن الاؤنس فوری دیا جائے تاکہ وفاقی اور صوبائی ملازمین کے درمیان تنخواہوں کا تفاوت ختم ہو۔ گریڈ 16 کو 50 ہزار ہاؤس ہائرنگ، سندھ میں 2727 روپے - یہ توہین ہے۔

*4. ایڈھاک الائونس ضم + اسکیل 2026:* تمام ایڈھاک ضم کر کے ریوائزڈ پے اسکیل 2026 نافذ کیا جائے۔ ایڈھاک ریلیف نہیں، مستقل بنیادوں پر تنخواہیں ٹیکس فری چاہیے۔

*5. پینشن بحال:* پینشن ختم کرنے کی بجائے کرپشن ختم کی جائے۔ پرانے پینشن رولز بحال کر کے تمام ملازمین کو پینشن کا حق دیا جائے۔

*6. پینشن کنٹری بیوشن ختم:* نئے ملازمین کی تنخواہ سے پینشن کنٹری بیوشن کی کٹوتی فوری ختم کی جائے۔ 40 سال کٹوتی کے بعد ریٹائرمنٹ پر ذلت قابلِ قبول نہیں۔

*7. کلاس IV ٹائم اسکیل:* سندھ بھر کے کلاس IV ملازمین کو سیکریٹریٹ طرز پر ٹائم اسکیل دیا جائے۔ 40 سال سروس کے بعد بھی گریڈ 1 پر ریٹائرمنٹ ظلم ہے۔

*8. گریڈ 1-17 ٹائم اسکیل 2013 سے:* وفاق کی طرز پر 2013 سے گریڈ 1 تا 17 کے تمام ٹیکنیکل، نان ٹیکنیکل اور دفتری ملازمین کو ایک مرتبہ ٹائم اسکیل دیا جائے۔

*9. ہاؤس رینٹ/ہائرنگ:* سیکریٹریٹ اور ہائی کورٹ طرز پر تمام ملازمین کو ہاؤس ہائرنگ چارٹ یا مساوی ہاؤس رینٹ الاؤنس دیا جائے۔ ایک ملک، ایک قانون۔

*10. الاؤنسز میں اضافہ:* یوٹیلیٹی الاؤنس سیکریٹریٹ/عدلیہ طرز پر رلیف دیا جائے۔ مہنگائی کے تناسب سے میڈیکل اور کنوینس الاؤنس فوری اضافہ جائے۔ تنخواہ کو ٹیکس سے پاک کیا جائے۔

*11. لوکل گورنمنٹ اسٹاف آن لائن تنخواہ:* لوکل گورنمنٹ ملازمین کی تنخواہیں ماہانہ آن لائن ڈیجیٹل بینک اکاؤنٹس میں ادا کی جائیں۔ آن لائن ادائیگی نہ ہونے سے بلا جواز کٹوتیاں ہو رہی ہیں۔

*ڈیڈ لائن اور لائحہ عمل:*
ملازم قائدین نے واضح کیا کہ اگر *7 جون 2026* تک کمیٹی تشکیل اور مسائل کے حل کا نوٹیفکیشن جاری نہ ہوا تو *8 جون 2026 بروز اتوار دوپہر 1 بجے کراچی پریس کلب* پرامن احتجاجی دھرنا دیا جائے گا۔

*"چلو چلو، کراچی چلو"* - سندھ بھر کے ملازمین سے اپیل ہے کہ وہ بھرپور شرکت کریں۔
ملازمین نے واضح کیا کہ احتجاج مقصد نہیں، مجبوری ہے۔ سندھ حکومت ملازمین کی معاشی حالت کو مدنظر رکھتے ہوئے فوری التوا میں پڑے مسائل کا حل کرے اور ملازم اتحاد سندھ قیادت سے مذاکرات کرے۔

*ایم اے بھرگڑی*
مرکزی وائیس چیئرمین، ایپکا پاکستان شہید ساقی

*رابطہ:* 0300-3049882 | http://www.apcapk.com

05/06/2026

چلو چلو پارلیمنٹ ھائوس چلو۔
اپنے حق کیلئے 10 جون2026کو چلو

05/06/2026

سرکاری ملازمین کے جائز حقوق پر حکومتی ڈاکے اور ملازمین اتحادوں کی بدلتی صورتحال
پورے پاکستان، بالخصوص صوبہ پنجاب میں سرکاری ملازمین میں سب سے بڑی تعداد اساتذہ کرام کی ہے۔ اسی طرح طویل عرصے تک پنجاب ٹیچرز یونین اساتذہ کی سب سے بڑی اور منظم تنظیم کے طور پر جانی جاتی رہی۔ آج اگرچہ اساتذہ مختلف تنظیمی دھڑوں میں تقسیم ہیں لیکن کسی بھی احتجاجی مظاہرے، ریلی یا دھرنے پر نظر ڈالی جائے تو سب سے نمایاں اور بڑی شرکت اساتذہ کرام کی ہی دکھائی دیتی ہے۔ حتیٰ کہ جب احتجاجی تحریکیں سخت مراحل میں داخل ہو جائیں، گرفتاریاں ہونے لگیں یا دھرنے طویل ہو جائیں تو بعض ایسے افراد بھی خود کو "ٹیچر کمیونٹی" کا حصہ ظاہر کرنے لگتے ہیں جن کا تدریسی شعبے سے براہِ راست تعلق نہیں ہوتا۔
تاہم اساتذہ برادری کے لیے لمحۂ فکریہ یہ ہے کہ جب بھی کسی مشترکہ یا اتحادی پلیٹ فارم کی قیادت کسی استاد یا ٹیچر نمائندے کے پاس آتی ہے تو اسے دل سے قبول کرنے کے بجائے اختلافات اور تحفظات سامنے آنا شروع ہو جاتے ہیں۔
وفاقی ہو یا صوبائی بجٹ، اساتذہ اور دیگر سرکاری ملازمین کئی دہائیوں سے اپنے جائز مطالبات کے حصول کے لیے احتجاجی جدوجہد کرتے آئے ہیں۔ ایک طویل عرصے تک اساتذہ متحدہ محاذ اساتذہ پاکستان اور کلریکل سٹاف ایپکا کے پلیٹ فارم سے وفاقی بجٹ کے موقع پر اسلام آباد میں احتجاج ریکارڈ کرواتے رہے۔ لیکن وقت کے ساتھ یہ احساس شدت اختیار کر گیا کہ روایتی احتجاجی طریقہ کار کے بجائے ایک پلیٹ فارم پر جمع کرنا ناگزیر ہو چکا ہے۔
یہی پس منظر تھا جس میں 2020 کے بجٹ کے دوران جب سرکاری ملازمین کی تنخواہوں میں ایک روپیہ بھی اضافہ نہ کیا گیا اور پنشن و گریجویٹی کے معاملات میں بھی قدغنوں کی باتیں ہونے لگیں تو ملک بھر کے ملازم قائدین سلام الدین بٹکزی ، سمیع اللہ خلیل ، ڈاکٹر امتیاز احمد عباسی شہید ، فضل غفار باچا، چوہدری سرفراز مرحوم ، ندیم احمد اشرفی ، سلطان مجددی اور دیگر نے آل گورنمنٹ ایمپلائز گرینڈ الائنس (اگیگا) کی بنیاد رکھی۔
اگیگا کے قیام کے بعد پاکستان کی تاریخ میں پہلی مرتبہ بجٹ سے ہٹ کر ڈسپیرٹی الاؤنس کے حصول کی منظم تحریک سامنے آئی۔ پنجاب میں جناب سلطان مجددی صاحب جن کا تعلق ایپکا سے تھا، اگیگا پنجاب کے پہلے چیئرمین بنے جبکہ راجہ اورنگزیب دھنیال صاحب صدر اور ندیم اشرفی صاحب جنرل سیکرٹری مقرر ہوئے۔
2021 کے بجٹ سے قبل پنجاب کے ملازمین کو سپیشل الاؤنس ملا اور بجٹ میں بھی وہی اضافہ دیا گیا جو وفاقی ملازمین کو ملا تھا۔ بعد ازاں 2021 کے آخر میں سلطان مجددی صاحب کے اگیگا سے علیحدہ ہونے پر اس وقت کے صدر اگیگا پنجاب راجہ اورنگزیب دھنیال صاحب کو چیئرمین کی اضافی ذمہ داری بھی سونپی گئی جو انہوں نے 2022 کے بجٹ کے بعد تک نبھائی۔
2022 میں وفاقی ملازمین کو مارچ کے مہینے میں 15 فیصد ڈسپیرٹی الاؤنس ملا اور اسی طرز پر پنجاب کے ملازمین بھی اس سے مستفید ہوئے۔ پھر 2022 کے بجٹ میں سابقہ پانچوں ایڈہاک ریلیف الاؤنس بنیادی تنخواہوں میں ضم ہوئے اور 15 فیصد ایڈہاک ریلیف الاؤنس بھی دیا گیا، جس کے ثمرات صوبائی ملازمین تک بھی پہنچے۔
اس کے بعد کے حالات سب کے سامنے ہیں۔ 2022 کے آخر میں خالد جاوید سنگھیڑہ صاحب اگیگا پنجاب کے چیئرمین بنے۔ پھر 2023 اور 2024 کی تنظیمی اور احتجاجی سرگرمیوں کے بعد 2025 کے حالات بھی کسی سے پوشیدہ نہیں۔
گزشتہ دو برسوں سے اگیگا خیبر پختونخوا کی قیادت وزیر زادہ صاحب کے پاس رہی جن کا تعلق ایپکا سے تھا، جبکہ چند ماہ قبل وہاں بھی ایک نئے چیئرمین کا انتخاب ہوا جن کا تعلق ٹیچر کمیونٹی سے ہے۔ اسی طرح پنجاب میں بھی خالد جاوید سنگھیڑہ صاحب کی جگہ حافظ غلام محی الدین صاحب کو چیئرمین بنایا گیا، جن کا تعلق بھی اساتذہ برادری سے ہے۔
یہاں ایک بنیادی سوال جنم لیتا ہے۔ جب اگیگا کے پلیٹ فارم کی قیادت ایپکا کے پاس رہے تو اساتذہ برادری سے مکمل تعاون اور تابعداری کی توقع کی جائے جب یہی قیادت کسی استاد یا ٹیچر نمائندے کے پاس آ جائے تو پورے کا پورا اتحادی پلیٹ فارم ان لوگوں کی نظروں میں بیکار ہو جاتا ہے

ملک بھر کے اساتذہ کرام، بالخصوص پنجاب کے اساتذہ اور ان کے نمائندگان کے لیے لمحہ فکریہ ہے زرا سوچیئے گا ضرور

02/06/2026

‏🚨فخر زمان عدل صاحب نے دریا کو کوزے میں بند کر دیا
بڑا ہی بد قسمت انسان ہوگا جنہوں نے یہ نہیں سنا دیکھا
زبردست حقائق سے اگاہ کر دیا ہے 💯❤️👍👌