Ummeed The Rehabilitation Welfare Organization

19/05/2026

In Peshawar, a grandmother’s prayers and therapeutic food helped twin sisters fight for survival

14/05/2026

27/04/2026

27/04/2026

یو کے اور یورپ کے سمندروں میں حالیہ تحقیق کے دوران ایک ایسی چیز سامنے آئی ہے جس نے ماہرین کو واقعی حیران کر دیا۔

جہاں سمندر کے اندر بڑے بڑے ونڈ ٹربائنز لگائے گئے ہیں، وہاں نیچے مچھلیاں اور دیگر سمندری جاندار بڑی تعداد میں جمع ہونے لگے ہیں۔ ونڈ ٹربائن دراصل وہ بڑے پنکھوں والے ڈھانچے ہوتے ہیں جو ہوا کی طاقت سے گھوم کر بجلی پیدا کرتے ہیں، اور انہیں عام طور پر سمندر میں اس لیے لگایا جاتا ہے تاکہ تیز ہوا سے زیادہ توانائی حاصل کی جا سکے۔

ابتداء میں ماہرین کو خدشہ تھا کہ شاید یہ ڈھانچے سمندری ماحول پر منفی اثر ڈالیں گے، اس لیے انہوں نے باقاعدہ اس پر تحقیق شروع کی۔ انہوں نے مختلف جگہوں پر مشاہدہ کیا، پانی کے نیچے کی ویڈیوز بنائیں، ڈیٹا اکٹھا کیا اور ایک عرصے تک مسلسل نوٹ کرتے رہے کہ ان ٹربائنز کے اردگرد کیا ہو رہا ہے۔

اسی دوران انہوں نے دیکھا کہ ان ٹربائنز کے نیچے آہستہ آہستہ زندگی بڑھنے لگی ہے۔

سب سے پہلے چھوٹے جاندار اور algae ان کے ستونوں پر جمنا شروع ہوئے۔ پھر ان چھوٹے جانداروں کو کھانے کے لیے چھوٹی مچھلیاں آنے لگیں، اور ان کے پیچھے بڑی مچھلیاں بھی۔ یوں ایک مکمل فوڈ چین بننا شروع ہو گئی۔

دوسری اہم وجہ یہ سامنے آئی کہ ان علاقوں میں عام طور پر مچھلی پکڑنے پر پابندی ہوتی ہے، جس کی وجہ سے یہ جگہ سمندری مخلوقات کے لیے ایک محفوظ زون بن جاتی ہے۔ وہاں نہ جالوں کا خطرہ ہوتا ہے، نہ زیادہ انسانی مداخلت، اس لیے مچھلیاں سکون سے رہتی اور افزائش کرتی ہیں۔

ماہرین نے جب یہ سب مسلسل مشاہدہ کیا تو انہیں اندازہ ہوا کہ یہ صرف چند مچھلیوں کا جمع ہونا نہیں، بلکہ ایک باقاعدہ نیا ایکو سسٹم بن رہا ہے۔
یعنی ایک طرف انسان ہوا سے بجلی پیدا کر رہا ہے، اور دوسری طرف غیر ارادی طور پر سمندر کے اندر زندگی کو ایک نئی جگہ بھی فراہم کر رہا ہے۔

یہی وہ بات ہے جو اس پوری خبر کو خاص بناتی ہے…
انسان نے تو صرف ایک کام کے لیے ڈھانچے لگائے تھے، لیکن قدرت نے اسے اپنے طریقے سے استعمال کرتے ہوئے وہاں ایک نئی دنیا آباد کر دی۔

پوسٹ اچھی لگے تو آگے تک ضرور پہنچائیے۔

دعا کا طالب
محمد عظیم حیات
لندن