Sindh Graduates Association Qasimabad

23/09/2026

23 September 2026
سگا قاسم آباد برانچ پاران گورنمينٽ بوائز ڊگري ڪاليج قاسم آباد ۾ شاندار ڪيريئر ڪائونسلنگ سيمينار

شاگردن جي رهنمائي، مستقبل جي منصوبابندي ۽ تعليمي شعور جي واڌاري لاءِ اهم پروگرام

حيدرآباد: سنڌ گريجوئيٽ ايسوسيئيشن (سگا) قاسم آباد برانچ پاران گورنمينٽ بوائز ڊگري ڪاليج قاسم آباد ۾ شاگردن لاءِ هڪ شاندار ڪيريئر ڪائونسلنگ سيمينار منعقد ڪيو ويو، جنهن جو مقصد شاگردن کي اعليٰ تعليم، مستقبل جي تعليمي ۽ پيشاور موقعن، ۽ مناسب ڪيريئر جي چونڊ بابت رهنمائي فراهم ڪرڻ هو.

سيمينار جي صدارت سگا قاسم آباد برانچ جي صدر جناب نذير احمد هڱورو صاحب ڪئي. پروگرام ۾ سگا سنڌ جي وائيس چيئرمين پروفيسر خالد حسين چنا صاحب خاص طور تي شرڪت ڪئي، جنهن سان تقريب جي اهميت ۾ وڌيڪ اضافو ٿيو. برانچ صدر جناب نذير احمد هڱورو صاحب معزز مهمان جي شرڪت تي خاص طور تي سندن ٿورا مڃيا.

تقريب جي مهمانِ خصوصي ۽ نامياري اسڪالر پروفيسر محمد نواز سومرو صاحب شاگردن کي پنهنجي فڪر انگيز ۽ معلوماتي خطاب ذريعي تعليم جي اهميت، مستقبل جي منصوبابندي، محنت، مستقل مزاجي ۽ مناسب ڪيريئر جي چونڊ بابت تفصيلي رهنمائي فراهم ڪئي. سندن مؤثر ليڪچر مان شاگردن ڀرپور فائدو حاصل ڪيو، جڏهن ته پروگرام جي آخر ۾ شاگردن پاران مختلف اهم سوال پڻ ڪيا ويا، جن جا تفصيلي جواب ڏنا ويا.

ان موقعي تي سگا سنڌ جي وائيس چيئرمين پروفيسر خالد حسين چنا صاحب نامياري اسڪالر پروفيسر محمد نواز سومرو صاحب کي سنڌ جي ثقافت جي خوبصورت علامت اجرڪ اوڍائي عزت ۽ احترام جو اظهار ڪيو، جڏهن ته SGA قاسم آباد برانچ جي صدر جناب نذير احمد هڱورو صاحب گورنمينٽ بوائز ڊگري ڪاليج قاسم آباد جي معزز پرنسپال پروفيسر منير ڪريم ٻرڙو صاحب کي پڻ اجرڪ اوڍائي سندن مانُ مڃيو.

پروگرام جي باقاعده شروعات تلاوتِ ڪلامِ پاڪ سان ڪئي وئي، جنهن جي سعادت ڪاليج جي اسٽاف سيڪريٽري پروفيسر ڊاڪٽر دودو خان صاحب حاصل ڪئي.

سيمينار ۾ سگا قاسم آباد برانچ جي نائب صدر پروفيسر محمد سليم صاحب، برانچ انفارميشن سيڪريٽري سيد وسيم علي شاهه نقوي ۽ ميمبر مئنيجمينٽ ڪميٽي پروفيسر عبدالباري صاحب سميت ڪاليج جي استادن ۽ شاگردن وڏي انگ ۾ شرڪت ڪئي.

مقررین ان ڳالهه تي زور ڏنو ته شاگرد قوم جو مستقبل آهن، تنهنڪري کين صرف نصابي تعليم تائين محدود رکڻ بدران جديد دور جي گهرجن، اعليٰ تعليم جي موقعن، مختلف شعبن ۽ روزگار جي بدلجندڙ رجحانن بابت آگاهي ڏيڻ وقت جي اهم ضرورت آهي.

سگا قاسم آباد برانچ پاران منعقد ڪيل هي ڪيريئر ڪائونسلنگ سيمينار شاگردن لاءِ انتهائي مفيد، معلوماتي ۽ حوصلا افزا ثابت ٿيو. پروگرام دوران شاگردن جي ڀرپور دلچسپي ۽ سوالن مان ظاهر ٿيو ته نوجوان پنهنجي مستقبل بابت مناسب رهنمائي ۽ مثبت موقعن جا خواهشمند آهن.

سنڌ گريجوئيٽ ايسوسيئيشن (سگا) قاسم آباد برانچ ان عزم جو اظهار ڪيو ته مستقبل ۾ پڻ شاگردن جي تعليمي رهنمائي، ڪيريئر ڪائونسلنگ ۽ شخصيت سازي لاءِ اهڙا مثبت، تعميري ۽ علمي پروگرام منعقد ڪيا ويندا.

سيد وسيم علي شاهه نقوي
برانچ انفارميشن سيڪريٽري
سگا قاسم آباد

17/09/2026

17/09/2026

15/09/2026

11 سيپٽمبر 2026.

سنڌ گريجوئيٽس ايسوسيئيشن (سگا) قاسم آباد برانچ جو اهم اجلاس

سنڌ گريجوئيٽس ايسوسيئيشن (سگا) قاسم آباد برانچ جي عهديدارن ۽ BMC جو اهم اجلاس 11 سيپٽمبر 2026ع تي روپا ماڙي ريسٽورنٽ حيدرآباد ۾ منعقد ٿيو، جنهن ۾ مرڪزي وائيس چيئرمين خالد حسين چنا صاحب پڻ خصوصي طور شرڪت ڪئي.

اجلاس جي شروعات تلاوتِ ڪلامِ پاڪ سان ڪئي وئي. جنهن جو شرف برانچ جي صدر محترم نذير احمد ھنگورو جن کي مليو. ميٽنگ جي ڪاروائي شاخ جي جنرل سيڪريٽري ڊاڪٽر آفتاب احمد چانڊيو جن ھلائي. ان کانپوءِ برانچ جي جنرل سيڪريٽري اجلاس جي ڪارروائي کي اڳتي وڌايو ۽ مختلف تنظيمي معاملن، برانچ جي ڪارڪردگي، ميمبرن جي مسئلن ۽ مستقبل جي سرگرمين بابت اهم خيالن جي ڏي وٺ ڪئي وئي. اجلاس ۾ طئي ٿيو ت ھر مھيني ھڪ ڪانفرنس يا سيمينار موٽيويشن پروگرام رکيو ويندو.
اجلاس ۾ شرڪت ڪندڙ عهديدار

صدر: نذير احمد ھنگورو
نائب صدر:
پروفيسر محمد سليم ڪوريجو
جنرل سيڪريٽري:
پروفيسر ڊاڪٽر آفتاب احمد چانڊيو
جوائنٽ سيڪريٽري:
پروفيسر افتخار الحق مهر
ماليات سيڪريٽري:
پروفيسر نور محمد درس
اطلاعات سيڪريٽري:
پروفيسر سيد وسيم علي شاهه نقوي

ميمبر ڪاروباري ڪاميٽي

پروفيسر مولا بخش قمبراڻي
پروفيسر انجنيئر عبدالجبار ھنگورو
پروفيسر عبدالباري نوناري
پروفيسر محمد نواز سومرو

اجلاس دوران SGA قاسم آباد برانچ جي انهن ساٿين

پروفيسر سيد وسيم علي شاه نقوي ، پروفيسر مولا بخش قمبراڻي ۽
پروفيسر فھيم احمد شيخ

کي پڻ مبارڪباد پيش ڪئي وئي، جن کي ليڪچرار مان اسسٽنٽ پروفيسر جون ترقيون مليون آهن. ان موقعي تي کين گلن جا هار پارائي عزت ۽ احترام سان مبارڪباد ڏني وئي.

وائيس چيئرمين پروفيسر خالد حسین چنا صاحب جي طرفان سندس جو لکيل ڪتاب

سنڌ جو سيواگر حيدر بخش ھڪڙو
سنڌ جنين کي ساريو

ڪتاب گفٽ طور ڏنا.

اجلاس ۾ شرڪت ڪندڙن ترقي ماڻيندڙ ساٿين لاءِ نيڪ تمنائن جو اظهار ڪندي اميد ظاهر ڪئي ته هو پنهنجي نئين ذميوارين کي محنت، ايمانداري ۽ خدمت جي جذبي سان سرانجام ڏيندا ۽ اداري جي ترقي ۾ پنهنجو ڀرپور ڪردار ادا ڪندا.

آخر ۾ سنڌ گريجوئيٽس ايسوسيئيشن قاسم آباد برانچ جي تنظيمي مضبوطي، اتحاد ۽ مستقبل جي سرگرمين کي وڌيڪ بهتر بڻائڻ لاءِ گڏيل عزم جو اظهار ڪيو ويو.

آخر ۾ صدارتي خطاب شاخ جي صدر نذير احمد ھنگورو جن ڪيو ۽ دعاءِ خير ڪرائي.

سيد وسيم علي شاهه نقوي
اطلاعات سيڪريٽري
سگا قاسم آباد برانچ

15/09/2026

تاريخ 14 سيپٽمبر 2026 : بلڊ ڊونيشن ڪيمپ، مفت ٿيليسيميا مائينر CBC Blood Test ۽ ٿيليسيميا جي آگاهي تي سيمينار:
سنڌ گريجوئيٽس ايسوسيئيشن قاسم آباد شاخ ۽ سنڌ يونيورسٽي ڄامشورو جي شعبي رياضي ۽ ڪمپيوٽر سائنس طرفان ڪاشف اقبال ٿيليسيميا ڪيئر سينٽر (KITCC) جي سھڪار سان سنڌ يونيورسٽي جي شعبي رياضي ۽ ڪمپيوٽر سائنس جي ڊپارٽمينٽ ۾ بلڊ ڊونيشن ڪيمپ، مفت ٿيليسيميا مائينر CBC Blood Test ۽ ٿيليسيميا جي آگاهي تي سيمينار ٿي گذريو، جيئن ته سيمينار ۾ ٽن شخصيتن جنهن ۾ ڪاشف اقبال ٿيليسيميا ڪيئر سينٽر (KITCC) جي چيئرمين ۽ فائونڊر محترم محمد اقبال، اويئرنيس آفيسر سيد آصف حسين ۽ سنڌ گريجوئيٽس ائسوسيئيشن سگا شاخ قاسم آباد جو جنرل سيڪريٽري ۽ ڪمپيوٽر سائنس جو ايسوسئيٽ پروفيسر ڊاڪٽر آفتاب احمد چانڊيو خطاب ڪيو. سيمينار جي شروعات قرآن شريف جي تلاوت سان ڪئي وئي جنهن جو شرف پھرين سال جي شاگرد محمد حسيب کي مليو.
ان موقعي تي سگا شاخ قاسم آباد جي طرفان شاخ جي نائب صدر محمد سليم ڪوريجو مھمانن کي سنڌ جي ثقافت اجرڪ سوکڙي طور پيش ڪيو.
سيمينار ۾ محترم محمد اقبال چيو ته ڏينهنون ڏينهن ٿيليسيميا جي مرض ۾ واڌ ڏسڻ کان پوءِ ٿيليسيميا جي موضي مرض ۽ ان کي اڳواٽ پرکڻ ۽ ٿيليسيميا مائينر اسڪرينگ بلڊ ٽيسٽ جي اھميت جي باري ۾ معاشري کي آگاهي ڏيڻ جي تمام گهڻي ضرورت نظر اچي ٿي جنهن جي نتيجي ۾ ان ضرورت کي پوري ڪرڻ لاءِ ڪاشف اقبال ٿيليسيميا ڪيئر سينٽر پنهنجون خدمتون معاشري جي اڳيان سرانجام ڏئي رهيو آهي، . جڏهن ته سيد آصف حسين ڪاشف اقبال ٿيليسيميا ڪيئر سينٽر جي ڪم ڪار ۽ سھوليتن تي روشني وڌي. جڏهن ته ڊاڪٽر آفتاب احمد چانڊيو سنڌ گريجوئيٽس ايسوسيئيشن جي باري ۾ مھمانن کي ٻڌايو ته سگا جو ڪم انسانذات جي خدمت آهي سگا جون ھن مھل 100 کان وڌيڪ شاخون مختلف شعبن ۾ جنھن ۾ تعليم توڙي صحت ۽ ثقافت ۾ پنھجون خدمتون سرانجام ڏئي رهيون آهن، ھن وڌيڪ ٻڌايو ته سگا 55 سالن کان وٺي پنھنجي گريجوئيشن ذريعي انسانذات جي پنهنجي وس آهر خدمت ڪرڻ لاءِ معاشري ۾ نمايان رھي آھي. سيمينار ۾ شعبي جي استادن سميت وڏي تعداد ۾ شاگردن ۽ شاگردياڻين شرڪت ڪئي جنهن ۾ سگا شاخ قاسم آباد جي نائب صدر محمد سليم ڪوريجو، پروفيسر ڊاڪٽر زين العابدين، پروفيسر محمد رفيق ملاح، ڊاڪٽر زبير ڪلھوڙو،ڊاڪٽر ڪاشف ميمڻ، ڊاڪٽر آصيه سومرو، ڊاڪٽر شازيا سمون، ڊاڪٽر صائمه ڪلثوم، ڊاڪٽر حرا فاطمه نقوي، ۽ ٻيا موجود رهيا.
سيمينار جي پڄاڻي تي سڀني شاگردن ۽ شاگردياڻين کي مفت ٿيليسيميا مائينر CBS Blood Test ۽ بلڊ ڊونيشن جي دعوت ڏني وئي، 200 کان وڌيڪ يونيورسٽي جي شاگردن، شاگردياڻين ۽ استادن ان ۾ حصو ورتو جنهن مان 09 ماڻهن کي ٿيليسيميا سسپيڪ طور تي سڃاڻپ ٿي.،
ان سان گڏوگڏ چيئرمين محمد اقبال پنهنجي اداري ڪاشف اقبال ٿيليسيميا ڪيئر سينٽر جي طرفان سنڌ يونيورسٽي جي وائيس چانسلر پروفيسر ڊاڪٽر فتح محمد مري (سندس جي آفيس ۾), ڊائريڪٽر IMCS پروفيسر ڊاڪٽر اياز ڪيريو، جنرل سيڪريٽري سنڌ گريجوئيٽس ايسوسيئيشن قاسم آباد ڊاڪٽر آفتاب احمد چانڊيو کي شيلڊ پيش ڪيون. ۽ مستقبل ۾ نيڪ مقصد لاءِ گڏ ڪم ڪرڻ جي پڻ آڇ ڪئي، جڏهن ته سگا شاخ قاسم آباد جي طرفان رضاڪار طور ڪم ڪندڙن کي ھمٿ افظائي ڪرڻ لاءِ سرٽيفڪيٽ ڏنا ويا ۽ پوءِ مانجهاندو پڻ ڪرايو ويو.

سنڌ گريجوئيٽس ائسوسيئيشن سگا شاخ قاسم آباد

14/09/2026

04/09/2026

6 Sept 2026

14/06/2026

Media Coverage of 12 June 2026 World Anti-Child Labour Day Event

12/06/2026

12 جون 2026:
سنڌ گريجوئيٽس ائسوسيئيشن سگا شاخ قاسم آباد جي طرفان نسيم نگر چوڪ تي ريلي ڪڍي ٻارڙن کان مزدوري خلاف عالمي ڏهاڙو ملهايو ويو. ٻارڙن کان مزدوري نه ڪرائڻ ۽ تعليم ڏيڻ جي آڳاھي لاءِ سگا قاسم آباد شاخ جي ساٿين سان مختلف مڪتب فڪر جي ماڻهن گڏجي ھڪ ريلي نسيم نگر چوڪ تي ڪڍي وئي، هن ريلي ۾ ٻارن پڻ شرڪت ڪئي سڀني جي هٿن ۾ پلي ڪارڊ ببينر هئا ، هنن ان دوران اهيو مطالبو ڪيو ته سوسائٽي جي ماڻهن کي ٻارڙن کان جبري مزدوري نه ڪرائي وڃي ۽ سرڪار کان مطالبو ڪيو ته ان قانون تي عمل ڪرايو وڃي ۽ ان ٻارن کي تعليم ڏياري وڃي. اڳواڻن ڳالهائيندي چيو ته گورنمينٽ بجيٽ ۾ ٻار جي پيدائش تي وظيفي طور پيسا ڏيڻ جي منظوري ته ڏئي ٿي پر ٻارن جي جبري پورهئي خلاف ڪو عملي حڪمنامو جاري نه ڪيو آهي. اسان جو مطالبو آهي ته قانون تي عمل ڪرايو وڃي ۽ تعليم جي زيور سان ٻارن کي نوازيو وڃي. هنن وڌيڪ چيو ته ٻارڙن کان مزدوري ڪرائڻ ھڪ سماجي ڏوھ آ ھي ۽ غيرقانوني آھي، ساٿين وڌيڪ چيو ته افسوس ان ڳالھ جو آ ته گورنمينٽ قانون ته ٺاهي وڃي ٿي، پر ان تي عمل ڪرائڻ لاءِ ڪي تسلي بخش اپاءَ نه وٺي سگهي آهي. اڄ جا ٻار اسان جي سوسائٽي جا مستقبل آھن. ان موقعي تي ريلي ۾ سگا قاسم آباد شاخ جي ساٿين ۾ شاخ جي جنرل سيڪريٽري پروفيسر ڊاڪٽر آفتاب احمد چانڊيو، نائب صدر محمد سليم ڪوريجو، جوائنٽ سيڪريٽري افتخار الحق مھر ، فھيم شيخ، وقار علي خشڪ، عبدالباري نوناري، وسيم علي شاھ نقوي، نور محمد درس ۽ شاگردن سميت ٻين شھرين پڻ شرڪت ڪئي.