17/07/2024
⛔ کراچی میں آج بروز 17 جولائی 2024 جھلسا دینے والی گرمی کا راج رہا! شہر قائد میں زیادہ سے زیادہ درجہ حرارت مختلف مقامات پر نصب ویدر اسٹیشن پر 39 سے 41 ڈگری کے درمیان ریکارڈ کیا گیا جبکہ نمی کا تناسب 55 سے 70 فیصد ہونے کے باعث محسوس کرنے والا درجہ حرارت یعنی ہیٹ انڈیکس مختلف مقامات پر 60 ڈگری سے بھی اوپر تجاوز کر گیا جس کے باعث شہر کے اکثر مقامات سے آج ہیٹ اسٹروک کے کیسز رپورٹ ہوئے ہیں جبکہ یوم عاشورہ کے موقع پر منعقد ہونے والی مختلف مجالس میں 200 افراد شدید گرمی کے باعث طبیعت بگڑنے پر جناح ہسپتال میں داخل کیے گئے ہیں۔
⛔ یاد رہے یہ پچھلے 40 سالوں میں دوسرا موقع ہے جب درجہ حرارت جولائی کے مہینے میں 40 ڈگری سے اوپر تجاوز کرگیا ہو جبکہ اس سے قبل اس قدر گرم درجہ حرارت جولائی 2020 میں دیکھے گئے تھے جب 17 جولائی کو درجہ حرارت 42.6 ڈگری ریکارڈ کیا گیا تھا۔رواں جولائی شہر قائد کے رات کے درجہ حرارت (کم سے کم) بھی تاریخی گرم ہے جو اس سے قبل 2020 جولائی میں دیکھے گئے تھے۔
