https://www.facebook.com/1111405079005968/

Hafizabad News, hafizabad, Hafizabad (2026)

13/04/2026

معزز اراکین پریس کلب
السلام علیکم! امید ہے آپ باخیریت ہونگے ۔اپ کو مطلع کیا جاتا ہے کہ نومنتخب چیئرمین جناب بابر اعجاز صدیقی کی مشاورت اور اپروول کے بعد درج ذیل اراکین پریس کلب کو بطور ایگزیکٹو ممبر نامزد کیا گیا ہے ۔
1:غضنفر علی کھرل
2: پروفیسر محمد ریاض بھٹی
3:سید محمود بسمل
4:ظہیر اقبال بھٹی
5:ساجد عباس اعوان
6:انتخاب حیدر اعوان
7:احسان اللہ قادری
8: محمد افضال
9: حافظ محمد اکمل
10:شفقت علی جاوید
11: شوکت علی وٹو
12: بشارت علی بھٹی
13: ڈاکٹر امجد مراد
14:نوید شہزاد مغل
15:طارق محمود رحمانی
آئین کے مطابق سابق چیئرمین و جنرل سیکرٹری اور موجودہ کابینہ کے تمام اراکین ایگزیکٹو کونسل کے ممبر ہوتے ہیں۔تمام نو منتخب ممبران ایگزیکٹو کونسل کو مبارکباد اس دعا کے ساتھ کہ اللہ تعالیٰ انہیں آپنی ذمہ داریاں بطریق احسن سر انجام دینے کی ہمت اور توفیق عطا فرمائے ۔
منجانب:گلزار حسین چوہان صدر ڈسٹرکٹ پریس کلب/یونین آف جرنلسٹس رجسٹرڈ حافظ آباد

11/04/2026

حافظ آباد ایجنٹس کی جنت کیوں.؟؟؟؟

تحریر.... شوکت علی وٹو

حافظ آباد میں انسانی اسمگلنگ کا دھندہ دن بدن بڑھ رہا ہے پہلے اس شہر میں عرب ممالک بھجوانے کے لیے ٹریننگ سنٹر کے نام پر بکنگ سنٹرز بنے پھر یورپ اور اب اسٹڈی ویزہ کے نام پر سنٹرز کھل گیے کوئی چیک اینڈ بیلنس نہیں لوگ اپنا پیسہ وقت کے ضیاع کے ساتھ اپنے پیاروں کو روتے بھی ہیں.حکومت کی جانب سے اس حوالے سے مختلف محکمہ جات کو قائم کیا جن میں ایف آئی اے تو ہے میونسپل کمیٹی حافظ آباد افسران بھی اپنے اختیارات کا استعمال کرتے ہوئے انکی چیکنگ کر سکتے.

اب قوانین پر عملدرآمد کروانا حکومتی محکموں کی ذمہ داری ہے جبکہ متعدد ایجنٹس حافظ آباد کے مختلف محلہ جات گاؤں دیہات میں کام کر رہے ہیں جہاں یہ انسانی اسمگلنگ میں ایجنٹ جرم کر رہے ہیں تو انکی معاونت وہ والدین، افراد کر رہے جن کو پیسے کے چکر غیر قانونی طریقے سے بیرون ملک بھجواتے ہیں.زرائع کے مطابق تقریباً 40 لاکھ سے زائد رقم خرچ کر کے بیرون ملک یورپ بھجواتے ہیں جو ایک بڑی رقم ہے عام غریب افراد عرب ممالک کے لیے 4لاکھ سے 10 لاکھ روپے تک دے رہیں اسی طرح ترکی بھجھوانے کے لیے بھی بھاری رقم لی جاتی ہے جہاں یہ پھر یورپ کے لیے ڈنکی لگاتے ہیں اسی طرح پیرا دا کوٹ ٹھٹھہ کلیاں کا ایک ایجنٹ جو حافظ کہلاتا ہے اب تک متعدد نوجوانوں سے رقوم لے چکا ہے.

اور واپس مانگنے پر دھمکیاں دیتا ہے جاؤ جو کرنا ہے کر لو اس جیسے بے شمار لوگ حافظ آباد میں لوگوں کو لوٹ رہے ہیں مبینہ طور یہ بھی کہا جاتا ہے متعلقہ محکموں کے افراد اپنے قد کاٹھ کے مطابق حصہ بخرا لیتے ہیں جس کی بدولت کسی کو انصاف نہیں ملتا پاتا اور بیرون ممالک بجھوانے والے 100 میں صرف 10 افراد کو بجھوا کر 50 کے پیسے آدھے یا چوتھائی حصہ دیتے ہیں.چکر پر چکر لگوا کر ساتھ دھمکی بھی ہوتی ہے کسی کو بتایا تو تمھاری رقم گئی، غریب پسے لوگ خاموش ہو جاتے ہیں ان کا شکار دوسرے اضلاع کے لوگ بھی ہیں جن ایجنٹ وہاں سے اس شہر کا رخ کرواتے ہیں وہ اپنے حصہ کی رقم لیکر باقی انکے سپرد کر دیتے ہیں.

یہ رقم پاسپورٹ وغیرہ لیکر سہانے خواب دیکھا کر پھر چکر پر چکر لگواتے ہیں آج ویزہ لگے گا پرسوں لگے گا اگلے مہینے تیاری رکھو پھر کئی ماہ سال لگ جاتے ہیں پھر جواب اور باقی رقم کا حصہ بخرہ کر دیا جاتا ہے باقی ماندہ 25 فیصد 50 فیصد سے تک واپسی اور باقی کٹوتی کر لی جاتی ہے غریب نوجوان کہتا ہے کہ چلو کچھ تو واپسی ہو گی کسی کو نہ خدا کا خوف اور نہ قانون کا،کیونکہ ایف آئی اے یہاں سے 50 کلومیٹر دور گوجرانوالہ گجرات میں ہے یہاں آنے میں انکے پاس وسائل کی کمی کے ساتھ مبینہ مال منتر سے دور رکھا جاتا ہے سائل ان اضلاع سے دور کا ہو تو پھر مسائل اور بڑھ جاتے پھر عرب ممالک میں جانے والے پہلے بہت غریب ہوتے ہیں بڑی مشکل سے جمع پونجی کے ساتھ لوگوں سے ادھار لیکر رقوم دیتے ہیں انکے پاس کرایہ بھی نہیں ہوتا.

اور ویزہ نہ ملنے پر انکے پیچھے بھی قرض دینے والے لٹھ لیکر چڑھے ہوتے ہیں اس صورت وہ بیچارے 50 فیصد رقم پر صبر و شکر کرتے ہیں .گزشتہ دنوں بھی حافظ آباد کے نوجوان ان جیسے ایجنٹس کے زریعے بیرون ممالک یورپ جانے کی خواہش میں اپنی جان گنوا بیٹھے ہیں خبریں شور اور پھر والدین کے لیے ساری زندگی پچھتاوا، کوئی تو پوچھے کوئی تو بولے کوئی تو ان ایجنٹس کیخلاف کارروائیاں کرے لیکن خاموشی ہے کاش قانون کی بالادستی ہوتی.شہریوں کا کہنا ہے ضلع ہونے کے باوجود ایف آئی اے کا دفتر نہ ہونا مسائل کو جنم دے رہا ہے حکومت وقت سے مطالبہ کیا ہے ضلع حافظ آباد میں ایف آئی اے کا دفتر قائم کرنے فوری احکامات جاری کیے جائیں.

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

11/04/2026

سرکاری اراضی پر غیر قانونی پارکنگ اسٹینڈ پیرا فورس، ضلعی انتظامیہ کی نااہلی، دفتر پٹواریاں، شاہین مارکیٹ، لوکل گورنمنٹ، تھانہ سٹی حافظ آباد سے متصل سرکاری اراضی پر غیر قانونی موٹرسائیکل اسٹینڈ.

حافظ آباد (آئی این این اے/شوکت علی وٹو)سرکاری اراضی پر غیر قانونی پارکنگ اسٹینڈ کیخلاف کارروائی نہ ہونا نااہلی کوتاہی ہے. اسٹنٹ کمشنر حافظ آباد کو تحری طور پر آگاہ کرنے کے باوجود خاموشی ظاہر کرتی ہے سب گول مال ہے غیر قانونی قائم اسٹینڈ سے فی موٹرسائیکل 30 روپے وصول کیے جاتے ہیں پیرا فورس و ضلعی انتظامیہ کی نااہلی کوتاہی ہے.

دفتر انجمن پٹواریاں، لوکل گورنمنٹ حافظ آباد، شاہین مارکیٹ، تھانہ سٹی حافظ آباد سے متصل، پٹوار خانہ کے باہر سرکاری اراضی پر قائم غیر قانونی موٹر سائیکل اسٹینڈ بدستور پیرا فورس کی مبینہ نااہلی اور غفلت کے باعث جاری ہے جہاں شہریوں سے کھلے عام بھتہ وصولی کا سلسلہ تاحال نہ رک سکا، موٹر سائیکل پارک کرنے والے ہر شہری سے 30 روپے وصول کیے جا رہے ہیں اور اس مقصد کے لیے باقاعدہ ٹوکن بھی جاری کیے جاتے ہیں.حالانکہ اس اسٹینڈ کے قیام کے لیے کسی قسم کا سرکاری ٹینڈر یا اجازت نامہ موجود نہیں،

عینی شاہدین اور دستیاب ویڈیوز کے مطابق موقع پر موجود افراد جن میں ایک کم عمر لڑکا بھی شامل ہے بلا خوف و خطر شہریوں سے رقم وصول کر رہے ہیں .پیرا فورس کی موجودگی کے باوجود اس غیر قانونی عمل کو نہ روکا جانا انتظامی نااہلی کا منہ بولتا ثبوت ہے، کم عمر لڑکا خود اعتراف کرتے ہوئے بیان دیتا دکھائی دیتا ہے کہ وہ ہر موٹر سائیکل سے 30 روپے وصول کر رہا ہے.

جو اس غیر قانونی عمل کا واضح ثبوت ہے، واضح رہے کہ وزیراعلیٰ پنجاب کی معاون خصوصی برائے فوڈ سیفٹی اینڈ کنزیومر پروٹیکشن سلمیٰ بٹ کے رمضان المبارک کے دوران حافظ آباد ماڈل بازار کے دورے کے موقع پر ایک صحافی کی جانب سے اس غیر قانونی موٹر سائیکل اسٹینڈ کی نشاندہی بھی کی گئی تھی.

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

09/04/2026

ڈسٹرکٹ پریس کلب حافظ آباد میں شاندار تقریب حلف برداری منعقد کی گ, نومنتخب کابینہ ڈسٹرکٹ پریس کلب/ یونین آف جرنلسٹس حافظ آباد کا حلف محمد افضل بٹ صدر پی ایف یو جے نے لیا.

حافظ آباد(شوکت علی وٹو )ڈسٹرکٹ پریس کلب یونین آف جرنلسٹس حافظ آباد کی نومنتخب کابینہ کی تقریبِ حلف برداری ڈسٹرکٹ پریس کلب ہال میں پروقار طریقے سے منعقد ہوئی۔نومنتخب کابینہ میں، چئیرمین، بابر اعجاز صدیقی، صدر، گلزار حسین چوہان، سینئر وائس چیئرمین میاں مظہر حیات، وائس چیئرمین، مہر فاروق احسان، نائب صدر، شہزاد امین بھٹی، جنرل سیکرٹری، شیخ زاہد سہیل، جائنٹ سیکرٹری، اسرار حسین شاہ، فنانس سیکرٹری، امیر حمزہ مغل، انفارمیشن سیکرٹری، حماد حسین سیالوی، آفس سیکرٹری، قاضی شیر علی ہیں.

تقریب کے مہمانِ خصوصی صدر پاکستان فیڈرل یونین آف جرنلسٹ (PFUJ) افضل بٹ صغیر چودھری اور میاں شاہد سمیت صحافتی تنظیموں کے دیگر مرکزی قائدین نے بھی شرکت کی، تقریب میں سابق ایم پی میاں مامون جعفر تارڑ، مبشرعزیز گجر صدر ڈسٹرکٹ بار حافظ آباد، پیر سید عطاءالحسنین شاہ نقوی، علامہ پیر غلام مصطفیٰ سلطانی، صابر حسین گجر منہاج القرآن،مختلف تنظیموں وابستہ افراد سمیت مختلف شعبہ ہائے جات سے وابستہ افراد کی شرکت نے تقریب کو چار چاند لگا دیے ۔مہمانوں کا ڈھول کی تھاپ پر شاندار استقبال کیا گیا مہمانان گرامی کو پھولوں کے ہار پہنائے گے، تقریب کا آغاز انتہائی جوش و خروش سے ہوا۔صحافی برادری نے مہمانان گرامی پر پھولوں کی پتیاں نچھاور کیں۔ اس موقع پر فضا "صحافت زندہ باد" کے نعروں سے گونج اٹھی۔تقریب کے دوسرے مرحلے میں صدر پی ایف یو جے افضل بٹ نے ڈسٹرکٹ پریس کلب حافظ آباد کی نومنتخب کابینہ سے ان کے عہدوں کا حلف لیا۔ حلف اٹھانے والے عہدیداران نے اس عزم کا اعادہ کیا کہ وہ صحافتی اخلاقیات کی پاسداری کرتے ہوئے مظلوم طبقے کی آواز بنیں گے.

اور ضلع میں صحافت کے معیار کو بلند کرنے کے لیے اپنی تمام تر توانائیاں صرف کریں گے۔آزادیِ اظہارِ رائے پر زور تقریب سے خطاب کرتے ہوئے صدر پی ایف یو جے افضل بٹ نے کہا کہ صحافت ریاست کا چوتھا ستون ہے اور اس کی آزادی براہِ راست جمہوریت کی مضبوطی سے جڑی ہوئی ہے۔ انہوں نے "آزادیِ اظہارِ رائے" کی اہمیت پر زور دیتے ہوئے کہا، صحافی برادری نے ہمیشہ کڑے وقت میں سچ کا ساتھ دیا ہے۔ ہم آزادیِ رائے پر کسی قسم کا سمجھوتہ نہیں کریں گے۔

حافظ آباد کی صحافی برادری کا اتحاد اس بات کی علامت ہے کہ سچائی کی آواز کو دبایا نہیں جا سکتا۔انہوں نے نومنتخب کابینہ کو مبارکباد دی اور امید ظاہر کی کہ وہ کارکن صحافیوں کے حقوق کے تحفظ کے لیے ہراول دستے کا کردار ادا کریں گےتقریب کے اختتام پر ڈسٹرکٹ پریس کلب یونین آف جرنلسٹ حافظ آباد کی جانب سے تمام معزز مہمانوں کا تہہ دل سے شکریہ ادا کیا گیا۔ مقامی صحافتی برادری نے افضل بٹ، صغیر چودھری اور میاں شاہد کی آمد کو حافظ آباد کے صحافیوں کے لیے باعثِ فخر قرار دیا۔

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

04/04/2026

تقریب حلف برداری

5 اپریل 2026 دن 2 بجے تقریب حلف برداری نومنتخب کابینہ ڈسٹرکٹ پریس کلب حافظ آباد بمقام جناح ہال/ڈسٹرکٹ پریس کلب حافظ آباد میں ہو گی.
انشاء اللہ.
نو منتخب کابینہ.
چئیرمین، بابر اعجاز صدیقی
صدر، گلزار حسین چوہان
سینئر وائس چیئرمین میاں مظہر حیات
وائس چیئرمین، مہر فاروق احسان
،نائب صدر، شہزاد امین بھٹی
جنرل سیکرٹری، شیخ زاہد سہیل
جائنٹ سیکرٹری، اسرار حسین شاہ
فنانس سیکرٹری، امیر حمزہ مغل
انفارمیشن سیکرٹری، حماد حسین سیالوی
آفس سیکرٹری، قاضی شیر علی.

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

25/03/2026

حافظ آباد کی آواز.

تحریر شوکت علی وٹو
03456522331

پوری تحریر پڑھ کر کمنٹس کریں اور آگے شئیر کریں ، جس طرح حافظ آباد کی عوام کو الو بنایا دیا گیا.

مثال ہے ہاتھی کے دانت دیکھانے کے اور کھانے کے اور،، جس کا عملی مظاہرہ حافظ آباد میں ہوتے دیکھا،جہاں عوام، صحافیوں، و دیگر کو الو بنا دیا گیا، بلے بلے کروا کر شہریوں کو مبینہ لوٹنے کا لائسنس جاری کر دیا گیا.رمضان المبارک کے آخری دنوں میں ضلع بھر کے قصابوں نے ضلعی انتظامیہ، پیرا فورس سمیت دیگر تمام متعلقہ محکموں کو آنکھیں نکالتے ہوئے سرکاری ریٹس جو ضلعی انتظامیہ کی جانب سے دیا گیا تھا بڑا گوشت 900 روپے کلو اور چھوٹا گوشت 1800 روپے کلو دیا گیا ہے پر ضلعی انتظامیہ و پیرا فورس عملدرآمد کروانے میں مکمل طور پر ناکام رہی قصابوں نے عید الفطر سے پہلے ہی اپنے ریٹس کو بڑھا دیا جو 1500 روپے کلو بڑے گوشت کے اور 3000 روپے کلو چھوٹے گوشت کے مقرر کر کے بیچنا شروع ہو گیے.

سوشل میڈیا پر مجھ سمیت ضلع بھر کے صحافیوں نے آواز بلند کی جس پر حافظ آباد میں پیرا فورس نے 28 دوکانداروں کو پکڑ کر لاک اپ کر دیا بچے قصائیوں نے گھروں میں جانور ذبح کر کے من مرضی کے ریٹس لینا شروع کر دیے، شہر میں یہ بھی پیدل خبر گردش کرتی رہی، انارکلی میں سیما قصائی نے ڈپٹی کمشنر کو کہا وہ 2900 روپے بھی نہیں بیچ سکتا پورے 3000 روپے میں بیچے گا،اور بیچتا رہا ہے 30 رمضان المبارک کو سہہ پہر میں زائد ریٹس جو اس وقت بڑا گوشت 1500 روپے کلو بیچا جا رہا تھا اور چھوٹا گوشت 3000 روپے تک بیچا جا رہا تھا ہر قصاب نے اپنی مرضی کا ریٹ رکھا ہوا تھا پیرا فورس نے دیکھتے ہی دیکھتے متعدد قصابوں تقریباً 28 کے قریب قصابوں کو پکڑ کر تھانہ سٹی کے لاک اپ میں بند کر دیا سفارشی کی لائن لگ گی.

افسران کو فون جانے شروع ہو گے رات گئے غیر مصدقہ اطلاعات کے مطابق پیرا فورس نے معمولی جرمانے کرنے کے بعد تمام قصابوں کو چھوڑ دیا،اس دوران جب قصابوں نے فوری ریٹ کم کرتے ہوئے 900 روپے کلو گوشت فروخت کرنا شروع کر دیا، مجھ سمیت متعدد صحافیوں و سوشل میڈیا پر صارفین نے ضلعی انتظامیہ و پیرا فورس کو بڑا سراہا کہ شہریوں کو عید پر کنٹرول ریٹ ملے گا لیکن رات گے جب قصابوں کو معمولی جرمانہ کر کے کلین چٹ دے کر کھل شہریوں کو لوٹنے کا مبینہ زبانی کلامی پرمٹ دے دیا گیا قصابوں نے پھر کھل کر شہریوں کو لوٹا اور شہریوں کی آواز تک سننے والا کوئی نہیں تھا شہر میں گردش خبروں کے مطابق پھیلایا گیا کہ پیرا فورس اور ضلعی انتظامیہ نے 1200 روپے کلو بڑا گوشت اور 2200 روپے کلو چھوٹا گوشت فروخت کرنے کی غیر قانونی اجازت دے دی ہے جس کو تقویت اس وقت ملی جب پورے شہر میں قصابوں نے بڑا گوشت 1200 روپے کلو سے لیکر 1500 روپے کلو دھڑلے سے بیچا، چھوٹا گوشت 2500 روپے کلو تک بیچا گیا.

محکمے پنجاب حکومت کے احکامات کے پابند ہوتے ہیں اور جب بھی حکومت کی جانب سے کوئی حکم صادر کیا جاتا ہے تو باقاعدہ نوٹیفیکیشن جاری کیا جاتا ہے اس طرح اگر ضلع میں اشیائے خوردونوش و گوشت وغیرہ کے ریٹس کی بات کی جائے تو باقاعدہ نوٹیفیکیشن جاری کیا جاتا ہے لیکن اس عیدالفطر پر پر زائد ریٹس پر قصائیوں کو پکڑا گیا لیکن حیرت انگیز طور بعدازاں جس زائد ریٹ پر گوشت کی فروخت پر پکڑا گیا تھا چھوڑ دیا گیا اور ڈپٹی کمشنر حافظ آباد، پیرا فورس کے پی آر اوز جو میڈیا کو معلومات دیتے ہیں سے مسلسل رابطہ کرنے کی کوشش کی گی جو فون سن کر اور میسجز دیکھ کر چپ سادھے رہے،شہری لٹتے رہے، پنجاب حکومت کی آنکھیں جو لحمہ بے لحمہ پنجاب حکومت کو روپوٹس کے زریعے آگاہ کرتے ہیں شاید وہ بھی لمبی تان کر سو گے.

پنجاب حکومت کے جو احکامات تھے اور ہیں کیا ان پر عملدرآمد کیا گیا یا آپ ہی بادشاہ سلامت بن کر مرضی کی گی، عید پر قصائیوں کو چند گھنٹے لاک اپ کرنے کے بعد کھلی چھوٹ دینا غیر قانونی عمل تھا. شہریوں کی جیبو‍ں پر ڈاکہ ڈالنے کی کھلی چھوٹ دینا کسی نوٹیفیکیشن کے بغیر ریٹ دینا قانونی طور پر درست عمل ہے؟ بادشاہت چل رہی ہے قانون مرضی کے بنا کر مخصوص طبقہ کو فائدہ دیا گیا ہے.اپنے ہی دیے گے ریٹس پر عملدرآمد نہیں کروایا جا سکا.پنجاب حکومت کی بدنامی کا باعث بنایا گیا عوام جو پہلے ہی مہنگائی کی چکی میں پس رہی ہے اس عوام پر اضافی بوجھ ڈال دیا گیا سرکاری ریٹ 900 روپے کلو بڑا گوشت جو دھڑلے سے 1200 روپے سے 1400 روپے کلو بیچا گیا اور سرکاری ریٹ چھوٹا گوشت 1800 روپے کلو تھا عید پر قصائیوں کو زبانی 2200 روپے کا شوشہ چھوڑ کر 2500 روپے کلو سے زائد پر بیچا جاتا رہا ہے کسی کے سر پر جوں تک نہیں رینگی، سیاسی حکمران جماعت بھی اس ظلم پر مکمل خاموشی اختیار کیے رکھی.

عوام کی چمڑی اتارنے کے مبینہ زبانی احکامات دیے گے شہر میں قصابوں نے مشہور کر دیا کہ ان کو 1200 کلو بڑا گوشت اور 2200 روپے چھوٹا گوشت فروخت کرنے کی زبانی اجازت مل گی ہے حکومتی رٹ کی دھجیاں اڑا دی گی ضلعی انتظامیہ و پیرا فورس قصابوں کے آگے بے بس دیکھائی دیتی رہی عید سے لیکر اگلے دو دن میں کروڑوں روپیہ اضافی رقم جو شہریوں کی جیبو‍ں سے نکلوا لیا گیا ہے کیا اس میں افسران کا بھی مبینہ حصہ تھا جس کی وجہ سے سب کو چھوت دی گی تھی. عید گزر گی شہری لٹ گئے لیکن متعلقہ اتھارٹیز پر بہت سارے سوالات چھوڑ گی، شاید جس کا جواب تو نہ مل پائے گا لیکن اس سے ن لیگ کی پنجاب حکومت کو نقصان دے گی ہے وزیراعلیٰ پنجاب مریم نواز شریف کے اچھے اقدامات کے اثرات بھی عوام تک پہنچنے نہیں دیے جاتے، افسران پنجاب حکومت کی بجائے اپنے فرمان جاری کر کے بدنامی کا باعث بنے ہیں.جہاں پرائس کنٹرول مجسٹریٹس اپنے اختیارات کلرکس و کلاس فور کے ملازمین کو دیکر نوکری پر ہی نہ آئیں جس کی مثال ڈپٹی ڈائریکٹر کالجز ہے جو شوکاز ملنے کے باوجود نوکری پر نہیں آ رہا، وہاں گراں فروشوں کو کھلی چھوٹ ہی ملتی ہے وہاں عوام لٹتی ہی ہے.

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

06/03/2026

حافظ آباد(آئی این این اے/شوکت علی وٹو)چیف جسٹس آف پاکستان اور ہائی کورٹس کے چیف جسٹسز کی ہدایات پر سیشن کورٹ حافظ آباد میں جدید ای لائبریری قائم کر دی گئی۔

ڈسٹرکٹ اینڈ سیشن جج خالد محمود بھٹی نے اسی لائبریری کا با قاعدہ افتتاح کیا۔ اس موقع پر ڈسٹرکٹ اٹارنی سول حجز اور وکلا کی بڑی تعداد بھی موجود تھی۔ اس موقع پر خطاب کرتے ہوئے ڈسٹرکٹ اینڈ سیشن حج خالد محمود بھٹی کا کہنا تھا کہ ای لائبریری کے قیام کا مقصد وکلا اور سائلین کو جدید سہولیات فراہم کرنا ہے تا کہ وہ سپریم کورٹ اور ہائی کورٹس کے اہم فیصلوں اور قانونی مواد تک فوری اور آسان رسائی حاصل کر سکیں۔

انہوں نے کہا کہ اس سہولت سے وکلاء کو قانونی تحقیق میں مدد ملے گی اور عدالتی امور کی انجام دہی مزید مؤثر انداز میں ممکن ہو سکے گی۔ انہوں نے مزید بتایا کہ عدالتی عملے خصوصاً خواتین ملازمین کی سہولت کے پیش نظر عدالت میں ایک خصوصی کمرہ بھی قائم کیا گیا ہے جہاں خواتین ملازمین اپنے بچوں کی نگہداشت کا عمل بھی اپنی ملازمت کے ساتھ جاری رکھ سکیں گی۔ وکلاء نے اس لائبریری کے قیام کو خوش آئند قرار دیتے ہوئے کہا اس اقدام سے قانونی تحقیق اور عدالتی فیصلوں تک رسائی کا عمل پہلے سے زیادہ آسان ہو جائے گا۔

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

05/03/2026

اسٹیمپ وینڈر ایسوسی ایشن حافظ آباد کے عہدیداروں کی تقریب حلف برداری. صدر ملک سیف کھوکھر اور جنرل سیکرٹری انعام اللہ و دیگر نومنتخب عہدیداروں سے گلزار حسین چوہان نے حلف لیا.

حافظ آباد (آئی این این اے) اسٹیمپ وینڈر ایسوسی ایشن حافظ آباد کے نو منتخب عہدیداران کی پروقار تقریب حلف برداری تحصیل احاطہ فوارہ چوک حافظ آباد میں منعقد کی گی جس میں اسٹیمپ وینڈر ایسوسی ایشن حافظ آباد عہدیداروں سمیت ممبران نے بھر پور شرکت کی صدر ڈسٹرکٹ پریس کلب حافظ آباد گلزار حسین چوہان نے نو منتخب عہدیداران جن میں صدر سیف اللہ کھوکھر جنرل سیکرٹری انعام اللہ و دیگر نومنتخب عہدیداروں سے حلف لیا دیگر مہمانان گرامی میں سینئر صحافی شوکت علی وٹو ، لیاقت علی وٹو سابق جنرل سیکرٹری ڈسٹرکٹ پریس کلب حافظ آباد پروفیسر علی ناصر ، استاد شفقت علی جاوید، جنرل سیکرٹری ڈسٹرکٹ پریس کلب شیخ زاہد سہیل اور دیگر مہمانان گرامی نے شرکت کی.

نومنتخب صدر سیف اللہ کھو کھر نے تمام مہمانوں کی آمد کا شکریہ ادا کرتے ہوئے کہا کہ محبتیں ہمیشہ یاد رکھی جائیں گی اور ان محبتوں کا قرض خدمت سے اتاریں گے اس موقع پر سابق جنرل سیکرٹری اسٹیمپ وینڈر ایسوسی ایشن حافظ آباد عرفان جاوید باورا نے گفتگو کرتے ہوئے کہا کہ ہم امید رکھتے ہیں کہ نو منتخب صدر سیف اللہ کھوکھر کی قیادت میں ہماری خدمت کے تسلسل کو آگے بڑھایا جائے گا۔صدر اسٹیمپ وینڈر ایسوسی ایشن حافظ آباد ملک سیف اللہ کھوکھر کا کہنا تھا جس اعتماد کا اظہار کرتے ہوئے مجھ سمیت ساری نومنتخب کابینہ کو بلا مقابلہ منتخب کیا،میں تہہ دل سے شکریہ ادا کرتا ہوں اور ان کے مسائل کو حل کرنا میری اولین ترجیح ہے.

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

23/01/2026

لیاقت علی بھٹی پنجاب پولیس میں اور عوام میں کارکردگی کی بنا پر یکساں مقبول ہیں ڈی پی او کامران حمید کی جانب سے ایس ایچ او لیاقت علی بھٹی اور انکی ٹیم کو تعریفی سرٹیفیکیٹس اور کیش انعام سے نوازا گیا

حافظ آباد(آئی این این اے/شوکت علی وٹو)ڈسٹرکٹ پولیس آفیسر حافظ آباد کامران حمید نے جرائم کے سدباب اور امن و امان کی بحالی کے سلسلے میں نمایاں خدمات انجام دینے والے ایس ایچ او تھانہ صدر حافظ آباد لیاقت علی بھٹی اور انکی ٹیم کو تعریفی سرٹیفیکیٹس اور کیش انعام سے نوازا۔ یاد رہے کہ اعلٰی افسران کیجانب سے لیاقت علی بھٹی کو تھانہ صدر حافظ آباد میں امن وامان کے قیام اور منشیات فروشی سمیت بدمعاشی کلچر کے خاتمے کا ٹاسک دے کر تعینات کیا گیا تھا۔جسے وہ بہترین حکمت عملی سے انجام دے رہے ہیں۔

اس موقع پر ڈی پی او نے کہا کہ جرائم پیشہ عناصر کے خلاف جرات مندانہ کارروائیاں کرنے والے پولیس فورس کا قیمتی اثاثہ ہیں۔ انہوں نے لیاقت علی بھٹی اور تھانہ صدر کی پوری پولیس ٹیم کی محنت، لگن اور پیشہ ورانہ صلاحیتوں کو سراہتے ہوئے کہا کہ ایمانداری، فرض شناسی اور عوامی خدمت کے جذبے سے سرشار پولیس ہی عوام کا حقیقی اعتماد حاصل کر سکتی ہے۔ ڈی پی او کامران حمید کا کہنا ہے حافظ آباد پولیس شہریوں کے جان و مال کے تحفظ اور جرائم کے مکمل خاتمے کے لیے ہمہ وقت متحرک، باہمت اور پرعزم ہے.

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

15/01/2026

تھانہ جلالپور بھٹیاں کا ماہ جنوری میں 3 پولیس مقابلے، بدنام زمانہ ڈاکو گرفتار, ایس ایچ او ملک وقار پھلروان اپنی ٹیم کے ہمراہ جرائم پیشہ عناصر کیخلاف کارروائیوں کا سلسلہ جاری رکھے ہوئے ہیں

حافظ آباد(شوکت علی وٹو /آئی این این اے)ڈی پی او حافظ آباد کامران حمید کی سربراہی میں جرائم پیشہ عناصر کیخلاف کارروائیوں کا سلسلہ جاری ہے ہے ڈیس ایس پی پنڈی بھٹیاں غازی محمد عارف کی زیر قیادت پولیس جرائم پیشہ افراد کو ٹف ٹائم دے رہی ہے اب تک متعدد ڈاکوؤں کو پولیس مقابلہ کے بعد گرفتار کر چکی ہے. ایس ایچ او تھانہ جلالپور بھٹیاں ملک وقار پھلروان اپنی ٹیم کے ہمراہ جرائم پیشہ عناصر کیخلاف کارروائیوں کا سلسلہ جاری رکھے ہوئے ہیں ماہ جنوری میں ابتک 3 پولیس مقابلے کر چکے ہیں.

اس قبل بھی ڈاکوؤں منشیات فروشوں کیخلاف کارروائیاں کر چکے ہیں. پنڈی بھٹیاں کے سرکل تھانہ جلالپور بھٹیاں کی حدود ٹھٹھہ مونا صلابت کے قریب پولیس تھانہ جلالپور بھٹیاں اور ڈاکوؤں کے درمیان مقابلہ.ایک ڈاکو زخمی حالت میں گرفتار جبکہ دیگر فائرنگ کرتے فرار. ٹھٹھہ مونا صلابت کے نزدیک ڈاکواور پولیس کا آمنا سامنا ہو گیا فائرنگ کا تبادلہ، پولیس تھانہ جلالپور بھٹیاں اور ڈاکوؤں کے درمیان مقابلہ.فائرنگ رکنے پر ایک زخمی حالت میں ڈاکو گرفتار ہوا ہے جبکہ دو ساتھی فرار ہونے میں کامیاب ہو گئے ۔

زخمی ڈاکو کی شناخت محمد خان قوم کھوکھرسکنہ گاؤں نارووال سے ہوئی ہے.زخمی ڈاکو محمد خان ابتک متعدد چوری ڈکیتی اور پولیس مقابلہ سمیت کئی وارداتوں میں ریکارڈ یافتہ ہے زخمی ڈاکو کو برائے علاج معالجہ تحصیل ہیڈ کوارٹر ہسپتال پنڈی بھٹیاں روانہ کر دیا گیا ہے.

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

19/12/2025

حافظ آباد میں اینٹ، گوشت، سبزیاں، پھل اشیائے خوردونوش کنٹرول ریٹ پر ملنا نہ ممکن. رواں ماہ بھٹہ خشت پر چھاپوں کا خمیازہ شہری بھگت رہے ہیں اینٹوں کا ریٹ بڑھ گیاش.افسران و ملازمین خزانے پر بوجھ؟

حافظ آباد(آئی این این اے/شوکت علی وٹو) وزیراعلیٰ پنجاب مریم نواز شریف کے احکامات کو من و عن عمل کروانا صوبائی محکموں کا کام ہے جو اس پر عملدرآمد کروانے کے عجیب طرز عمل اپنائے ہوئے ہیں چند روز قبل بھٹہ خشت پر کچھ کارروائیاں کی گئیں ریٹ کم ہونے کی بجائے کا اثر ہوا مذید مہنگے داموں اینٹیں بیچی جا رہی ہیں.

حکومت پنجاب نے کنٹرول ریٹس پر اشیاء کی فروخت کو یقینی بنانے کی خاطر پیرا فورس بنا کر اختیارات دیے،حافظ آباد میں تاحال ریٹس کو کنٹرول نہیں کیا جا سکا. اشیائےخوردونوش، دالیں. سبزیاں اور پھل کہیں بھی ضلعی انتظامیہ و مارکیٹ کمیٹی کی جاری کردہ لسٹ کے مطابق مل نہیں پاتا دودھ دہی سے لیکر گوشت تک دی گی ریٹ لسٹ پر ملنا ممکن نہیں.سبزیوں و پھل کا مصنوعی خود ساختہ ریٹ لسٹ جاری کی جاتی ہے.پرائس کنٹرول کمیٹیوں میں وہ نمائندے شامل جو حقائق کو بیان نہیں کرتے یا پھر انکو بولنے نہیں دیا جاتا.

بکرا چھترا چھوٹا گوشت ریٹ کے مطابق 1800 روپے کلو ہے 23 روپے کلو بک رہا ہے بڑا گوشت 900 کلو، 1200 روپے کلو بک رہا ہے دودھ 170 روپے کلو ہے200 روپے لیکر 225 روپے کلو بیچا جا رہا، دہی 180 کلو ریٹ ہے بیچی 250 روپے کلو ، اینٹ کا سرکاری ریٹ 9 ہزار ہے جبکہ 20 ہزار فی ہزار بک رہی ہے. شہریوں کو کون ریلیف فراہم کرے گا بڑا سوالیہ نشان ہے حکومت پنجاب ان افسران ملازمین کو نہیں پوچھے گی تو بدنامی حکومت کا مقدر ٹھہرے گی.

Can mention all top fans once a day Maryam Nawaz Sharif Chief Minister Punjab's Updates Chief Secretary Punjab Deputy Commissioner Hafizabad Deputy Commissioner Hafizabad Commissioner Gujranwala, Division, Gujranwala Govt of Punjab DG ACE Punjab Government of Pakistan Marriyum Aurangzeb

Imperial News Network Agency.(INNA)
Shoukat Ali Watto
Voice Of Hafizabad
📲🇵🇰03456522331
=================================

ایک آواز-ایک مشن-ایک تحریک

👈 پاکستان سمیت دنیا بھر خبروں سے اپڈیٹ رہنے کے لیے نیچےدیے،، واٹس ایپ چینل،، لنک پر کلک کریں اور فالو کریں.

https://whatsapp.com/channel/0029Vazuw007tkjI0q2bWN2g

Hafizabad News

13/04/2026

11/04/2026

11/04/2026

09/04/2026

04/04/2026

25/03/2026

06/03/2026

05/03/2026

23/01/2026

15/01/2026

19/12/2025

Address

Telephone

Website

Alerts

Contact The Organization

Shortcuts

Share

Category