YOUTH WING MCKWF

26/08/2026

مغل چک کلاں ویلفیئر فاؤنڈیشن (یوتھ ونگ) کے زیر اہتمام شاندار مقابلہ حسنِ نعت!
الحمد للہ! مغل چک کلاں ویلفیئر فاؤنڈیشن کے یوتھ ونگ کے تحت منعقد ہونے والے پروقار مقابلہ حسنِ نعت کی تقریبِ تقسیم انعامات نہایت کامیابی کے ساتھ اختتام پذیر ہوئی۔
اس پروقار تقریب میں نعت رسول مقبول ﷺ کا نذرانہ عقیدت پیش کرنے والے کامیاب اور پوزیشن ہولڈر طلباء و شرکاء میں انعامات تقسیم کیے گئے۔ تقریب کے دوران درج ذیل معزز شخصیات نے اپنے مبارک ہاتھوں سے انعامات تقسیم کیے:
* صاحبزادہ محمد آصف نقشبندی
* پروفیسر علامہ امتیاز الحسن صدیقی
ڈاکٹر طیب کمال فنانس سیکٹری مغل چک کلاں ویلفیئر فاؤنڈیشن
* عبدالغفار بھٹی (انفارمیشن سیکرٹری، مغل چک کلاں ویلفیئر فاؤنڈیشن)
* حاجی منیر عاجز
> یہ تقریب عشقِ رسول ﷺ کے فروغ اور نوجوانوں کی حوصلہ افزائی کا ایک بہترین مظہر تھی۔ مغل چک کلاں ویلفیئر فاؤنڈیشن تمام کامیاب ہونے والے شرکاء کو مبارکباد پیش کرتی ہے اور تمام معزز مہمانوں کا تہِ دل سے شکریہ ادا کرتی ہے جنہوں نے اپنی شرکت سے اس تقریب کو چار چاند لگائے۔
>
ترجمان / یوتھ ونگ مغل چک کلاں ویلفیئر فاؤنڈیشن

20/08/2026

17/08/2026

بخِدمتِ جناب اسسٹنٹ کمشنر صاحب،
گوجرانولہ۔
موضوع: گاؤں مغل چک کلاں میں مردار گوشت فروخت کرنے والے قصائی کے خلاف فوری قانونی کارروائی کی درخواست۔
جنابِ عالی،
اہالیانِ علاقہ کی طرف سے انتہائی مؤدبانہ گزارش ہے کہ ہمارے گاؤں مغل چک کلاں میں ایک مبشر قصائی نامی کی جانب سے کھلے عام مردار، بیمار اور غیر معیاری جانوروں کا گوشت فروخت کیا جا رہا ہے۔ یہ غیر قانونی اور گھناؤنا فعل معصوم شہریوں کی زندگیوں اور صحت کے ساتھ براہِ راست خطرناک کھلواڑ ہے۔
مبشر قصائی کی اس غفلت اور لالچ کی وجہ سے پورے علاقے میں سنگین بیماریاں پھیلنے کا شدید خطرہ پیدا ہو چکا ہے۔ اس غیر صحت بخش گوشت کے استعمال سے انسانی جانیں خطرے میں ہیں، جو کہ قانوناً سنگین جرم ہے۔
آپ سے دست بستہ گزارش ہے کہ اس سنگین مسئلے کا فوری نوٹس لیتے ہوئے متعلقہ محکمے (فوڈ اتھارٹی اور پولیس) کے ہمراہ مذکورہ قصائی کی دکان پر اچانک چھاپہ مارا جائے، گوشت کی کوالٹی کی جانچ کی جائے اور مبشر قصائی کے خلاف سخت سے سخت قانونی کارروائی عمل میں لائی جائے تاکہ مزید انسانی جانوں کو اس زہر سے بچایا جا سکے۔
عین نوازش ہوگی۔
عرضی گزار:
مغل چک کلاں ویلفیئر فاؤنڈیشن۔

13/08/2026

جشن آزادی مبارک

06/05/2026

الحمدللہ!

مغل چک کلاں ویلفیئر فاؤنڈیشن، غوسیہ دربار تا مغل چک میں HT لائن کے کام کی منظوری ایک عرصہ پہلے کروائی گئی تھی، جس کا مقصد علاقے میں بجلی کے مسلسل مسائل کا خاتمہ تھا۔ پہلے یہاں دن بھر بجلی کی خرابی معمول بن چکی تھی جس سے گاؤں کے لوگوں کو شدید مشکلات کا سامنا کرنا پڑتا ہے۔

خوشی کی بات ہے کہ اب اس منصوبے پر باقاعدہ کام کا آغاز ہو چکا ہے۔ یہ نہ صرف گاوں کے لیے ایک بڑی کامیابی ہے بلکہ عوام کے لیے ایک سہولت اور بہتری کی نئی امید بھی ہے۔

ہم اس کاوش پر تمام متعلقہ افراد اور اداروں کو خراجِ تحسین پیش کرتے ہیں اور دعا گو ہیں کہ یہ کام جلد از جلد مکمل ہو تاکہ اہلِ علاقہ کو مکمل ریلیف مل سکے۔

جزاک اللہ خیر 🤲
منجانب ۔مغل چک کلاں ویلفیئر فاؤنڈیشن

06/05/2026

بخدمت جناب اظہر قیوم ناہرا صاحب ایم این اے / جناب چوہدری محمد اقبال گجر سابق ایم پی اے صاحب،

عنوان: مغل چک کلاں ویلفیئر فاؤنڈیشن کی کارکردگی رپورٹ اور گاؤں کے بنیادی مسائل کے حل کی درخواست
جنابِ عالی،
انتہائی ادب و احترام کے ساتھ گزارش ہے کہ "مغل چک کلاں ویلفیئر فاؤنڈیشن" ایک غیر سیاسی اور فلاحی تنظیم ہے جو اپنے علاقے کی تعمیر و ترقی کے لیے کوشاں ہے۔ فاؤنڈیشن نے اپنے اوورسیز اور لوکل ممبران اور اہل خیر کے تعاون سے اب تک درج ذیل منصوبے کامیابی سے مکمل کیے ہیں:

1. ایمبولینس کا قیام: ایمرجنسی میں گاؤں کے مریضوں کی منتقلی کے لیے ہمہ وقت دستیاب اور گاؤں کے مستحق اور مفلس مریضوں کے لیے بالکل فری منتقلی۔
2. کمیونٹی سینٹر: فاؤنڈیشن نے اپنی مدد آپ کے تحت تقریباً پچاس لاکھ کی لاگت سے کمیونٹی سینٹر تیار کیا ہے جس میں اہل علاقہ کی بچیوں اور بچوں کے لیے علیحدہ علیحدہ شارٹ کورسز کا انتظام عنقریب کیا جائے گا ۔
3. سیکیورٹی (CCTV): گاؤں کے تحفظ کے لیے اہم مقامات پر کیمروں کی تنصیب۔
4. واٹر فلٹریشن پلانٹ: صاف پانی کی فراہمی کے لیے 12 فلٹرز پلانٹ کی تنصیب جو ہر دو ماہ تبدیل کیے جاتے ہیں۔
5. اسٹریٹ لائٹس: رات کے وقت عوامی سہولت کے لیے گلیوں میں روشنی کا انتظام۔
6. رمضان راشن پیکج: ہر سال مستحقین کے لیے راشن کی باقاعدہ فراہمی۔
7. شادی گرانٹ: مستحق بیواؤں کی بیٹیوں کے جہیز اور شادی کے لیے مالی مدد۔
8. تعلیمی معاونت: ضرورت مند طلبہ کے لیے مفت کتب اور یونیفارم کا انتظام۔

جنابِ والا! فاؤنڈیشن اپنی بساط کے مطابق کام کر رہی ہے، مگر درج ذیل بڑے مسائل حکومت کی توجہ اور فنڈز کے منتظر ہیں:

* گاؤں میں سیوریج (نکاسیِ آب) کا نہایت بوسیدہ نظام جس کی فوری بحالی ضروری ہے۔
* علاقے کی طالبات کے لیے ہائی سکول سے گرلز کالج اور طلبہ کے لیے پرائمری سکول سے بوائز ہائی اسکول کا قیام۔
* علاقائی ڈسپنسری جس میں اب کوئی بھی ڈاکٹرز اور عملہ موجود نہیں ہے اس کو اپ گریڈ کر کے ہسپتال کا درجہ دینا۔
* گاؤں کے قدیم چھپڑ/جوہڑ کی صفائی اور اسے ایک خوبصورت عوامی پارک میں تبدیل کرنا۔

آپ سے پرزور گزارش ہے کہ مغل چک کلاں کے ان مسائل کو ترجیحی بنیادوں پر حل کروا کر عوام کی دعائیں سمیٹیں۔ ہم آپ کے تعاون کے منتظر ہیں۔
مخلص،
انتظامیہ: مغل چک کلاں ویلفیئر فاؤنڈیشن

16/04/2026

ہمارے گاؤں کے منتخب نمائندگان، جناب مدثر قیوم نہرا صاحب (ایم این اے) اور چوہدری اقبال گجر صاحب (ایم پی اے) کے نام ایک کھلا پیغام:

ہمارے گاؤں کو "مثالی گاؤں" کا درجہ دیے کافی عرصہ گزر چکا ہے، مگر افسوس اور شرم کی بات ہے کہ آج تک اس اعلان پر کوئی عملی پیش رفت نہیں کی گئی۔ یہ صرف ایک کھوکھلا وعدہ ثابت ہوا ہے جس نے عوام کی امیدوں کا مذاق اڑایا ہے۔

گاؤں کے حالات انتہائی تشویشناک ہیں۔ نہ سیوریج کا مناسب نظام موجود ہے، نہ بوائز ہائی اسکول، اور نہ ہی کوئی معیاری ہسپتال۔ عوام بنیادی سہولیات کے لیے دربدر ہیں جبکہ نمائندگان صرف دعوؤں تک محدود نظر آتے ہیں۔ اور ماشاءاللہ ہمارے گاؤں کے سماجی رہنما بھی آج کل تماشا دیکھتے نظر آ رہے ہیں۔

مغل چک کلاں ویلفیئر فاؤنڈیشن اس کھلی نااہلی اور مجرمانہ غفلت کی شدید مذمت کرتی ہے۔ ہم واضح کرنا چاہتے ہیں کہ اگر فوری طور پر ترقیاتی کام شروع نہ کیے گئے تو عوام اپنے حق کے لیے ہر ممکن آواز بلند کرے گی۔

اب مزید خاموشی اختیار نہیں کی جائے گی۔ ہم مطالبہ کرتے ہیں کہ فی الفور عملی اقدامات کیے جائیں اور "مثالی گاؤں" کے نام پر عوام کو دھوکہ دینا بند کیا جائے۔ اور اس پر عملی جامہ پہنایا جائے۔

یہ گاؤں کے لوگوں کا حق ہے، کوئی احسان نہیں۔

شکریہ
منجانب۔ مغل چک کلاں ویلفیئر فاؤنڈیشن

02/02/2026

اہم میٹنگ — رمضان المبارک راشن بیگز مہم
آج مغل چک کلاں ویلفیئر فاؤنڈیشن کی ایک نہایت اہم اور بامقصد میٹنگ
ہمارے محترم ڈاکٹر خورشید صاحب (سابق صدر فاؤنڈیشن) کی رہائش گاہ پر منعقد ہوئی۔
میٹنگ میں آنے والے رمضان المبارک کے پیشِ نظر
مستحق خاندانوں کے لیے راشن بیگز کی خریداری، شفاف تقسیم، معیار اور ٹائم لائن پر تفصیلی غور و خوض کیا گیا۔
اس موقع پر فاؤنڈیشن کے اوورسیز عہدیداروں نے بھی آن لائن شرکت کر کے
اپنی قیمتی آراء، تجاویز اور بھرپور تعاون کا یقین دلایا، جو ہمارے لیے باعثِ حوصلہ ہے۔
الحمدللہ!
یہ میٹنگ باہمی مشاورت، اتحاد اور خدمتِ خلق کے جذبے کے ساتھ کامیابی سے مکمل ہوئی۔
ہم دعا گو ہیں کہ اللہ تعالیٰ اس نیک کاوش کو قبول فرمائے اور ہمیں زیادہ سے زیادہ مستحق گھرانوں تک آسانی سے پہنچنے کی توفیق عطا فرمائے۔ 🤲
خدمت کا سفر جاری ہے…
آپ کا اعتماد — ہماری طاقت