Youth for Human Rights Pakistan

20/10/2026

گوجرہ کے سینئر صحافی ملک امجد اسلام امجد پر سرِعام بہیمانہ تشدد کی شدید مذمت!

ہم مطالبہ کرتے ہیں کہ اس واقعے میں ملوث ملزمان اور مبینہ پسِ پردہ عناصر کی نشاندہی کے لیے فوری، شفاف اور غیر جانب دارانہ تحقیقات کی جائیں، ذمہ داران کو گرفتار کرکے قانون کے مطابق انصاف کے کٹہرے میں لایا جائے۔

صحافیوں پر تشدد نہ صرف آزادیٔ صحافت بلکہ آزادیٔ اظہار اور شہریوں کے بنیادی حقوق پر بھی حملہ ہے۔ صحافیوں کے تحفظ اور انہیں خوف و دباؤ سے آزاد ماحول میں اپنے پیشہ ورانہ فرائض انجام دینے کا حق یقینی بنایا جائے۔

20/10/2026

معاشروں کی بقا کا حقیقی معیار بلند و بالا عمارتیں یا معاشی اشاریے نہیں، بلکہ وہاں کے عام انسان کی جان، مال اور عزت کا تحفظ ہے۔
​ملتان کے نجی یتیم خانے سے تعلق رکھنے والے 15 سالہ وسیم عباس کا سفاکانہ قتل محض ایک حادثہ نہیں، بلکہ ہمارے نظام کی فرعونیت اور بے حسی کا عریان چہرہ ہے۔
​ظلم سے جان بچانے کے لیے بھاگتے ہوئے معصوم بچے پر گاڑی چڑھا دینا اس بات کا ثبوت ہے کہ معاشرے میں انسانی زندگی کی قیمت صفر ہو چکی ہے۔
​یہ دردناک واقعہ اس ناانصافی اور طبقاتی جبر کا استعارہ ہے جس کے تحت کمزور انسان اپنی بقا کی جنگ لڑنے پر مجبور ہے۔
​ریاست اور قانون کو چاہیے کہ وہ یتیم خانوں کے استحصال کا خاتمہ کرتے ہوئے ملزمان کو عبرت ناک سزا دیں تاکہ انسانی حقوق اور قانون کی حکمرانی کو یقینی بنایا جا سکے۔
​

09/10/2026

The Norwegian Nobel Committee has decided to award the Nobel Peace Prize for 2026 to “Navi” Pillay “for her efforts to promote peace and international law”

24/09/2026

اہم مطالبہ! 🇵🇰🇸🇦
"پولیو ویکسین کی سہولت ضلع سے تحصیل تک لاؤ!"
سعودی عرب کے سفر کے لیے انسدادِ پولیو کے قطرے لازمی ہیں۔ مگر یہ سہولت صرف صحت کے ضلعی دفاتر پر ہے!
لاکھوں مسافروں کو صرف پولیو کے دو قطروں کے لیے دور دراز علاقوں سے ضلع جانا پڑتا ہے۔ یہ کیسا نظام ہے؟ 😥
ہم وزیر اعلیٰ پنجاب، وزیر صحت اور سیکریٹری ہیلتھ سے مطالبہ کرتے ہیں کہ:
فوری طور پر پولیو کے قطروں کی یہ سہولت ڈپٹی ڈسٹرکٹ ہیلتھ آفیسر اور تحصیل ہیڈ کوارٹر ہسپتالوں (THQ) کی سطح پر بھی مہیا کی جائے۔
عوام کو سہولت دینا حکومت کی ذمہ داری ہے!
آواز اٹھائیں، اس پوسٹ کو زیادہ سے زیادہ شیئر کریں!
ٰ_پنجاب
Govt of Punjab

23/09/2026

لاہور کے تھانہ قلعہ گوجر سنگھ میں ایس ایچ او کی سیٹ پر کینیڈا سے آئی ایک خاتون بیٹھی ہے۔ داستان کچھ دلچسپ ھے اس بھارتی نژاد کینیڈین ہندو خاتون کے والد 1947 متحدہ ھندوستان کے وقت میں اسی تھانہ میں انسپکٹر تھے ۔ والد کی جائے تعیناتی پر حاضری دینے یہ بھارتی خاتون جب تھانے پہنچی اور ایس ایچ او کو اپنا تعارف کروایا تو انہوں نے کرسی چھوڑ دی اور خاتون کو اس کرسی پر بیٹھنے کی دعوت دی۔تاکہ وہ اپنے والد کی یادوں کو بہت اچھے سے محسوس کرپائیں جذبات سے مغلوب خاتون کی آنکھوں میں آنسو آگئے ۔۔ وقت گزر جاتا ہے لوگ چلے جاتے ہیں مگر یادیں اور محبتیں ہمیشہ زندہ رہتی ہیں ۔۔۔۔۔

29/08/2026

Nuclear testing harms the environment, undermines economic development, and has devastating effects on people’s lives and health. It is a relic of the past that has no place in the 21st century.

“Nuclear tests do not prove strength. They shatter trust, invite reciprocal tests, fuel a nuclear arms race and betray every community still living with the legacy of past nuclear tests,” said UN Secretary-General ‌António Guterres on Saturday's International Day against Nuclear Tests.

“The world must never witness another nuclear explosion.”

27/08/2026

🚨 ہنگامی اپیل: نیپال کو اس مشکل گھڑی میں ہماری ضرورت ہے! 🇳🇵
​قدرتی آفت کی اس ناگہانی صورتحال میں نیپال کے متاثرین بے یار و مددگار ہیں۔ دنیا بھر کی انسانیت سے اپیل ہے کہ آگے بڑھیں اور نیپال کے بہادر لوگوں کا ساتھ دیں۔
​🕯️ ہماری دعائیں اور تمام تر ہمدردیاں متاثرہ خاندانوں کے ساتھ ہیں۔
🤝 آئیں مل کر نیپال کی بحالی اور امداد کے لیے اپنا کردار ادا کریں۔
​

26/08/2026

مصطفی کمال وزیر صحت فوری استعفی دو۔

15 بچے وفاقی دارالحکومت اسلام آباد کے ایک سرکاری ہسپتال میں ھلاک ہو گئے۔ ہسپتال میں ایمرجنسی اقدامات کی کوئی تیاری نہ تھی۔ انہیں آگ سے بچا کیوں نہ سکے۔

اٹھارہویں ترمیم کے بعد پاکستان کی وفاقی وزارتِ صحت کے انتظام کے تحت صرف 6 اسپتال ہیں، جن میں سے 4 اسلام آباد، ایک راولپنڈی اور ایک لاہور میں ہے۔ صرف 6 اسپتالوں کے لیے ایک وفاقی وزیر بھی مقرر کیا گیا ہے۔جو نااہل وفاقی وزیر مصطفیٰ کمال صرف 6 اسپتال نہیں سنبھال سکتا۔

ہمارا مطالبہ ھے کہ پمز اسپتال اسلام آباد میں 15 معصوم بچوں کے زندہ جل کر جاں بحق ہونے کے معاملے میں وفاقی وزیر صحت مصطفیٰ کمال ایگزیکٹو ڈائریکٹر پمزاور دیگر ذمہ داروں کے خلاف قانونی کاروائی کی جائے۔

14/08/2026

خود انحصاری کی جانب اہم قدم: نادرا نے پاکستان میں تیار کردہ کیو آر کوڈ پر مبنی قومی شناختی کارڈ متعارف کرا دیا

خود انحصاری اور ڈیجیٹل شناخت کی زیادہ آسان اور قابلِ رسائی تصدیق کی جانب ایک اہم پیش رفت کے طور پر نیشنل ڈیٹا بیس اینڈ رجسٹریشن اتھارٹی (نادرا) نے محفوظ کیو آر کوڈ پر مبنی نیا چِپ کے بغیر قومی شناختی کارڈ متعارف کرا دیا ہے۔ یہ پولی کاربونیٹ کارڈ نادرا کی تکنیکی اور سیکیورٹی ضروریات کے مطابق نیشنل سیکیورٹی پرنٹنگ کمپنی (NSPC)، کراچی نے پاکستان میں تیار کیا ہے۔ درآمدی مائیکرو چِپ کی جگہ محفوظ کیو آر کوڈ کے استعمال سے بیرونِ ملک سے حاصل کی جانے والی چِپ پر انحصار ختم ہو گیا ہے، جبکہ محفوظ ڈیجیٹل تصدیق کو بھی زیادہ آسان اور مؤثر بنایا گیا ہے۔
وفاقی حکومت نے 23 فروری 2026 کو نئے کارڈ کے اجراء کی منظوری دی تھی۔ نئے کارڈ میں مائیکرو چِپ کی جگہ محفوظ کیو آر کوڈ شامل کیا گیا ہے، جسے پاک آئیڈنٹیٹی (PakID) موبائل ایپلیکیشن کے ذریعے اسمارٹ فون پر پڑھا اور اس کی تصدیق کی جا سکے گی۔ کیو آر کوڈ میں کارڈ ہولڈر کی متعلقہ شناختی معلومات اور تصویر موجود ہوں گی۔ اس سے مختلف ادارے اپنے کمپیوٹرائزڈ نظام میں نام، پتے اور دیگر مطلوبہ شناختی معلومات زیادہ آسانی اور یکسانیت کے ساتھ درج کر سکیں گے اور ڈیٹا کے اندراج کے دوران ہونے والی غلطیوں میں بھی کمی آئے گی۔
نئے کارڈ پر خاندان نمبر کے ساتھ معذور افراد، بزرگ شہریوں، اعضاء عطیہ کرنے والے افراد اور ریاست آزاد جموں و کشمیر کے شہریوں کے لیے مخصوص نشانات بھی درج ہوں گے۔ کارڈ ہولڈر کا نام اور پتہ اردو اور انگریزی دونوں زبانوں میں درج ہوگا۔ کارڈ کے نظر آنے والے اور پوشیدہ سیکیورٹی فیچرز کو بھی موجودہ تقاضوں اور ملک میں دستیاب تیاری کی صلاحیت کے مطابق جدید بنایا گیا ہے۔
چِپ پر مبنی اسمارٹ قومی شناختی کارڈ تقریباً 14 سال قبل متعارف کرایا گیا تھا۔ تاہم عملی طور پر چِپ ریڈرز اور متعلقہ انفراسٹرکچر دستیاب نہ ہونے کے باعث چِپ سے منسلک سہولیات مطلوبہ انداز میں استعمال نہیں ہو سکیں۔ کیو آر کوڈ پر مبنی نیا کارڈ اس عملی رکاوٹ کو دور کرتا ہے کیونکہ اس کی تصدیق عام اسمارٹ فون یا کیمرے سے منسلک مناسب سافٹ ویئر کے ذریعے کی جا سکے گی۔ ٹیلی کام آپریٹرز، بینکوں، ہسپتالوں، پاکستان ریلوے، پولیس اور دیگر مجاز اداروں کو بھی ایسا سافٹ ویئر فراہم کیا جائے گا جس کے ذریعے وہ کارڈ پر موجود کیو آر کوڈ پڑھ کر اس کی تصدیق کر سکیں گے۔
نیا کارڈ مرحلہ وار متعارف کرایا جا رہا ہے۔ پہلے مرحلے میں 14 اگست 2026 سے کیو آر کوڈ پرکے ساتھ نیا پولی کاربونیٹ کارڈ ابھی جاری ہونے والے سادہ ٹیسلن میٹریئل والے قومی شناختی کارڈ جو کہ چپ کے بغیر ہے کی جگہ جاری کیا جائے گا۔ جنوری 2027 سے تمام اقسام کے قومی شناختی کارڈز، بشمول قومی شناختی کارڈ برائے بیرونِ ملک پاکستانی (NICOP) اور جووینائل کارڈز، کے لیے بھی یہی نیا کارڈ جاری کیا جائے گا۔ آخری مرحلے میں پاکستان اوریجن کارڈ (POC) کو بھی چِپ کے بغیر کیو آر کوڈ پر مبنی نئے کارڈ پر منتقل کر دیا جائے گا۔
پہلے سے جاری شدہ تمام اقسام کے شناختی کارڈ اپنی مقررہ مدتِ میعاد تک بدستور کارآمد رہیں گے۔

14/08/2026