Muttahida Qaumi Movement Pak GB

12/03/2026

قیادت وہی جو دلوں کو جوڑے ۔۔۔۔
مصطفیٰ کمال بھائی
انیس قائم خانی بھائی

23/02/2026

جب ہم سندھ میں کراچی کی بہتری اور پی پی پی کی پورے سندھ میں بیڈ گورننس کی بات کرتے ہیں تو ہمیں سندھ مخالف تصور کیا جاتا ہے ایسے نہیں چلے گا

23/02/2026

متحدہ قومی موومنٹ کے چیئرمین ڈاکٹر خالد مقبول صدیقی کی زیرِ صدارت مرکز بہادرآباد سے متصل پارک میں ذمّہ داران کا اجلاس

سید مصطفیٰ کمال، ڈاکٹر فاروق ستار، انیس قائم خانی، سید امین الحق اور فرقان اطیب سمیت حق پرست سینیٹرز ارکانِ قومی و صوبائی اسمبلی اراکین مرکزی شعبہ جات اور ذمّہ داران کی بڑی تعداد شریک

ایم کیو ایم خدمت سے پہچانی جاتی ہے یہی ہماری سیاست کی اساس اور قوت ہے، ڈاکٹر خالد مقبول صدیقی

ایم کیو ایم شہر کو اہل پڑھے لکھے اور ایماندار ہاتھوں میں دینے جا رہے ہیں یہی ہماری انتخابی حکمتِ عملی اور عوامی عہد ہے، چیئرمین متحدہ

گل پلازہ سانحے سے متعلق قائم ٹریبونل جانبدار ہے انصاف کے بجائے طاقتور مفادات کی اوطاق بنا ہوا ہے، چیئرمین متحدہ قومی موومنٹ

ایم کیو ایم عوامی مینڈیٹ کے تحفظ کے لئے ہر آئینی و جمہوری محاذ پر بھرپور کردار ادا کرتی رہے گی، ڈاکٹر خالد مقبول صدیقی

کراچی۔۔۔23فروری2026ء
متحدہ قومی موومنٹ کے چیئرمین ڈاکٹر خالد مقبول صدیقی کی زیرِ صدارت مرکز بہادرآباد سے متصل پارک میں ذمّہ داران کا اجلاس منعقد ہوا، جس میں سینئر مرکزی رہنما سید مصطفیٰ کمال، ڈاکٹر فاروق ستار، انیس قائم خانی، سید امین الحق اور فرقان اطیب سمیت حق پرست سینیٹرز ارکانِ قومی و صوبائی اسمبلی مرکزی شعبہ جات اور ذمّہ داران کی بڑی تعداد شریک ہوئی، خطاب میں ڈاکٹر خالد مقبول صدیقی نے کہا کہ رمضان کے ابتدائی ایام خدمت اور باعزت امداد کا عملی امتحان ہیں ایم کیو ایم سیاست نہیں خدمت سے پہچانی جاتی ہے یہی ہماری سیاست کی اساس اور قوت ہے، انہوں نے ہدایت جاری کی کہ مستحق ساتھیوں تک امداد وقار شفافیت اور رفتار کے ساتھ پہنچائی جائے، چیئرمین ایم کیو ایم نے اعلان کیا کہ کنٹونمنٹ بورڈز اور بلدیاتی انتخابات کے لئے پارٹی مشینری ہمہ وقت متحرک ہو چکی ہے ہم شہر کو اہل پڑھے لکھے اور ایماندار ہاتھوں میں دینے جا رہے ہیں یہی ہماری انتخابی حکمتِ عملی اور عوامی عہد ہے، انہوں نے ذمّہ داران و کارکنان کو مخاطب کرتے ہوئے انہوں نے اتحاد و یگانگت کو فولادی بنانے اور شہری علاقوں پر اپنے جائز حق کی بازیابی کے لئے منظم جدوجہد تیز کرنے کا حکم دیا، ڈاکٹر خالد مقبول صدیقی نے کہا کہ جابرانہ نظام کے تحت برسوں ہمارے حقوق پر ڈاکہ ڈالا گیا مگر تاریخ گواہ ہے کہ مصنوعی طریقوں سے ایم کیو ایم کا متبادل کبھی نہیں بنایا جا سکا۔ انہوں نے گل پلازہ سانحے سے متعلق قائم ٹریبونل کو جانبدار قرار دیتے ہوئے کہا کہ یہ انصاف کے بجائے طاقتور مفادات کی اوطاق بنا ہوا ہے ایسے اقدامات عوام کے زخموں پر نمک چھڑکنے کے مترادف ہیں، انہوں نے واضح کیا کہ متحدہ قومی موومنٹ آئین قانون اور جمہوری اقدار کی پابند امن پسند مگر حق کے معاملے میں بے لچک جماعت ہے اور عوامی مینڈیٹ کے تحفظ کے لیے ہر آئینی و جمہوری محاذ پر بھرپور کردار ادا کرتی رہے گی۔

21/02/2026

اردو ہماری قومی وحدت، تہذیبی شناخت اور تاریخی ورثے کی علامت ہے، ڈاکٹر خالد مقبول صدیقی

مادری زبان کسی بھی قوم کی فکری بنیاد ہوتی ہے اور یہی زبان نسلوں کو آپس میں جوڑتی ہے، چیئرمین ایم کیو ایم پاکستان

اردو صرف اظہار کا ذریعہ نہیں بلکہ ہماری اقدار، روایات اور اجتماعی شعور کی امین ہے، وفاقی وزیر برائے تعلیم

ایم کیو ایم پاکستان کے چیئرمین اور وفاقی وزیر برائے تعلیم ڈاکٹر خالد مقبول صدیقی کا 21 فروری "بین الاقوامی یومِ مادری زبان" کے موقع پر قوم کے نام خصوصی پیغام

کراچی۔۔۔21فروری2026ء
اردو ہماری قومی وحدت، تہذیبی شناخت اور تاریخی ورثے کی علامت ہے مادری زبان کسی بھی قوم کی فکری بنیاد ہوتی ہے اور یہی زبان نسلوں کو آپس میں جوڑتی ہے، اِن خیالات کا اظہار متحدہ قومی موومنٹ پاکستان کے چیئرمین اور وفاقی وزیر برائے تعلیم ڈاکٹر خالد مقبول صدیقی نے 21 فروری "بین الاقوامی یومِ مادری زبان" کے موقع پر قوم کے نام جاری کردہ اپنے خصوصی پیغام میں کیا، اپنے پیغام میں ڈاکٹر خالد مقبول صدیقی کا مزید کہنا تھا کہ اردو صرف اظہار کا ذریعہ نہیں بلکہ ہماری اقدار، روایات اور اجتماعی شعور کی امین ہے، آج کے دن ہمیں عہد کرنا چاہیے کہ ہم اپنی مادری زبان کے فروغ، تحفظ اور ترویج کے لیے عملی اقدامات کریں گے، انہوں نے نوجوانوں پر زور دیا کہ وہ اردو زبان کو روزمرہ زندگی، تعلیم، تحقیق اور سوشل میڈیا میں زیادہ سے زیادہ استعمال کریں تاکہ ہماری آنے والی نسلیں اپنی اصل شناخت سے جڑی رہیں، ڈاکٹر خالد مقبول صدیقی نے مزید کہا کہ زبانوں کا احترام دراصل ثقافتوں کا احترام ہے اور اردو کا فروغ قومی یکجہتی کو مضبوط بنانے میں کلیدی کردار ادا کرتا ہے، آخر میں انہوں نے قوم کو بین الاقوامی یومِ مادری زبان کی مبارکباد پیش کرتے ہوئے اس عزم کا اعادہ کیا کہ ایم کیو ایم پاکستان اردو زبان کے تحفظ اور ترویج کے لیے اپنا تاریخی کردار ادا کرتی رہے گی۔

14/02/2026

ایم کیو ایم پاکستان کے سینئر مرکزی رہنما سید امین الحق نے قومی اسمبلی میں کراچی ایئرپورٹ کی خستہ حالی پر آواز بلند کردی،

سید امین الحق کا قومی اسمبلی میں کراچی ایئرپورٹ اور امیگریشن مسائل پر احتجاج،

امیگریشن کاؤنٹر پر لمبی قطاریں اور گھنٹوں انتظار، مسافر شدید مشکلات کا شکار ہیں، سید امین الحق

کراچی ایئرپورٹ پر سہولیات کا فقدان ہے، سید امین الحق

ایم کیو ایم رہنما سید امین الحق کا حکومت سے فوری نوٹس لینے کا مطالبہ

09/02/2026

05/02/2026

پی پی پی کی گنڈاگردی ۔۔۔۔
اقتدار کے نشے میں بوٹ بیسن پولیس تھانے پر دھاوا ۔۔۔
حراست میں موجود افراد کو ساتھ لے گے
کراچی لاوارث نہیں ان کا احتساب لازمی ہو گا إنشاءاللّٰه

05/02/2026

یومِ یکجہتی کشمیر کے موقع پر ایم کیو ایم پاکستان لیاقت آباد ٹاؤن کے تحت کشمیری عوام سے اظہارِ یکجہتی کے لیے خصوصی تقریب کا انعقاد کیا گیا، کشمیری بہن بھائیوں کے حق میں خصوصی دعائیں کی گئیں اور اس عزم کا اظہار کیا گیا کہ ایم کیو ایم پاکستان ہر فورم پر کشمیری عوام کے حقِ آزادی اور انصاف کی بھرپور حمایت جاری رکھے گی، اس موقع پر سینئر رہنما انیس احمد قائمخانی، COC انچارج فرقان اطیب، اراکین مرکزی کمیٹی، اراکین COC سمیت ٹاؤن اور UCs کے ذمہ داران کی بڑی تعداد موجود۔

05/02/2026

کشمیری عوام کا مقدمہ آج بھی عالمی ضمیر کے کٹہرے میں، حقِ خودارادیت کے بغیر خطے میں پائیدار امن ناممکن، ڈاکٹر خالد مقبول صدیقی

حکومتِ پاکستان کشمیر کے مسئلے کو عالمی فورمز انسانی حقوق کونسل اور بین الاقوامی عدالتوں میں مزید مؤثر اور جارحانہ سفارتی حکمتِ عملی کے تحت اجاگر کرے تاکہ بھارتی مظالم کا پردہ چاک ہو سکے، ڈاکٹر خالد مقبول صدیقی

ایم کیو ایم پاکستان مظلوم کشمیریوں کی ہر سطح پر حمایت جاری رکھے گی، چیئرمین متحدہ

کراچی۔۔۔04فروری2026ء

متحدہ قومی موومنٹ کے چیئرمین ڈاکٹر خالد مقبول صدیقی نے یومِ کشمیر کے موقع پر مرکز بہادر آباد سے جاری کردہ اپنے دوٹوک اور اصولی بیان میں کہا ہے کہ کشمیر محض ایک علاقائی تنازع نہیں بلکہ انسانیت انصاف اور عالمی قوانین کی کھلی خلاف ورزی کی زندہ مثال ہے جس پر دنیا کی خاموشی لمحۂ فکریہ بن چکی ہے، انہوں نے کہا کہ بھارتی قابض افواج مقبوضہ جموں و کشمیر میں برسوں سے نہتے شہریوں پر بدترین مظالم ڈھا رہی ہیں جن میں ماورائے عدالت قتل جبری گمشدگیاں پیلٹ گنز کا استعمال اور اجتماعی سزائیں شامل ہیں مگر عالمی طاقتیں محض تماشائی بنی ہوئی ہیں، ڈاکٹر خالد مقبول صدیقی نے واضح کیا کہ اقوامِ متحدہ کی قراردادیں آج بھی کشمیری عوام کے حق میں موجود ہیں اور ان پر عملدرآمد کے بغیر جنوبی ایشیاء میں پائیدار امن کا خواب کبھی شرمندۂ تعبیر نہیں ہو سکتا، انہوں نے کہا کہ پاکستان کا ہر شہری اور ایم کیو ایم پاکستان کا ہر کارکن کشمیری عوام کے ساتھ کھڑا ہے، انہوں نے حکومتِ پاکستان سے مطالبہ کیا کہ کشمیر کے مسئلے کو عالمی فورمز انسانی حقوق کونسل اور بین الاقوامی عدالتوں میں مزید مؤثر اور جارحانہ سفارتی حکمتِ عملی کے تحت اجاگر کیا جائے تاکہ بھارتی مظالم کا پردہ چاک ہو سکے، ڈاکٹر خالد مقبول صدیقی نے اپنے بیان کے اختتام پر کہا کہ یومِ کشمیر اس عہد کی تجدید ہے کہ کشمیری عوام کی قربانیاں رائیگاں نہیں جائیں گی اور ایک دن کشمیر آزادی کی روشن صبح ضرور دیکھے گا۔

‎

02/02/2026

پاکستان کو ہم اپنی ماں اور سندھ کو اس کا حصہ سمجتے ہیں ۔چیرمین ایم کیو ایم پاکستان ڈاکٹر خالد مقبول صدیقی
🇧🇬🇵🇰

02/02/2026

کسی کے حکم پر نہ ناچی ہے نہ ناچے گی
اسی باعث تو کہتے ہیں کراچی پھر کراچی ہے 🇧🇬✌️