Social Welfare Organization Chorit

Call Directions

Social Welfare Organization Chorit promote the basic needs of poor and helpless people.

18/09/2026

چورت یونین اور رحمان پور یونین اندھیروں کی نذر! ⚡
طویل اور غیر اعلانیہ بجلی کی بندش کے باعث دونوں یونینوں کے عوام شدید مشکلات سے دوچار ہیں۔ عوام سراپا احتجاج ہیں اور بنیادی سہولتِ بجلی کی بحالی کا مطالبہ کر رہے ہیں۔
متعلقہ انتظامیہ اور محکمہ برقیات سے اپیل ہے کہ صورتحال کا فوری نوٹس لیا جائے، بجلی کی فراہمی بحال کی جائے اور مستقل بنیادوں پر مسئلے کا حل یقینی بنایا جائے۔
عوام کو اندھیروں میں رکھنا کسی صورت قابلِ قبول نہیں۔
#چورت

گرلز ہائی سکول چورت کے مسائل کے فوری حل پر خراجِ تحسینگزشتہ دنوں سوشل ویلفیئر آرگنائزیشن چورت کے سوشل میڈیا پیج پر گرلز ...
28/08/2026

گرلز ہائی سکول چورت کے مسائل کے فوری حل پر خراجِ تحسین
گزشتہ دنوں سوشل ویلفیئر آرگنائزیشن چورت کے سوشل میڈیا پیج پر گرلز ہائی سکول چورت میں بالخصوص سائنس ٹیچرز کی کمی اور دیگر تعلیمی مسائل کے حوالے سے ایک پوسٹ شیئر کی گئی تھی، جس میں متعلقہ حکام کی توجہ اس اہم مسئلے کی جانب مبذول کرائی گئی تھی۔
اس مسئلے کا فوری نوٹس لیتے ہوئے رکن گلگت بلتستان اسمبلی جناب فرمان علی صاحب نے ڈائریکٹر دیامر استور ڈویژن جناب فقیر اللہ صاحب کے ہمراہ گرلز ہائی سکول چورت کا دورہ کیا۔ اس موقع پر سکول میں موجود مسائل کا تفصیلی جائزہ لیا گیا اور نشاندہی کیے گئے مسائل کو فوری بنیادوں پر حل کرنے کے لیے عملی اقدامات کیے گئے۔
ہم جناب فرمان علی صاحب کا تہہ دل سے شکریہ ادا کرتے ہیں کہ انہوں نے چورت کے تعلیمی ادارے کے اس اہم اور بنیادی مسئلے کا بروقت نوٹس لیتے ہوئے نہ صرف سکول کا دورہ کیا بلکہ مسئلے کے حل کے لیے سنجیدہ اور فوری اقدامات بھی کیے۔
اسی طرح ہم جناب فقیر اللہ صاحب، ڈائریکٹر دیامر استور ڈویژن کے بھی مشکور ہیں کہ انہوں نے اس معاملے میں بھرپور تعاون کیا اور گرلز ہائی سکول چورت کے مسائل کے حل کے لیے عملی کردار ادا کیا۔
ہم امید کرتے ہیں کہ آئندہ بھی چورت کے تعلیمی اداروں کو درپیش مسائل کے حل کے لیے اسی جذبے، سنجیدگی اور ذمہ داری کا مظاہرہ جاری رکھا جائے گا۔
تعلیم کے فروغ اور طلبہ و طالبات کے بہتر مستقبل کے لیے اٹھایا جانے والا ہر مثبت قدم قابلِ تحسین ہے۔
سوشل ویلفیئر آرگنائزیشن چورت

گرلز ہائی سکول چورت کے تعلیمی مسائل کے حل کی جانب ایک مثبت پیش رفت 🌹گزشتہ دنوں سوشل ویلفیئر آرگنائزیشن چورت کے پیج سے گر...
25/08/2026

گرلز ہائی سکول چورت کے تعلیمی مسائل کے حل کی جانب ایک مثبت پیش رفت 🌹
گزشتہ دنوں سوشل ویلفیئر آرگنائزیشن چورت کے پیج سے گرلز ہائی سکول چورت میں اساتذہ کی کمی، خصوصاً سائنس اساتذہ کی عدم دستیابی، کے حوالے سے ایک پوسٹ شیئر کی گئی تھی۔
اس پوسٹ پر ڈپٹی ڈائریکٹر ایجوکیشن محترمہ انیقہ محیط لون صاحبہ نے فوری نوٹس لیتے ہوئے خود متعلقہ سکول کا دورہ کیا اور سکول کے تعلیمی مسائل اور اساتذہ کی کمی کا تفصیلی جائزہ لیا۔
محترمہ انیقہ محیط لون صاحبہ کا یہ اقدام قابلِ تحسین ہے کہ انہوں نے مسئلے کو صرف کاغذی کارروائی تک محدود رکھنے کے بجائے خود موقع پر پہنچ کر صورتحال کا جائزہ لیا۔ انہوں نے 28 اگست 2026 تک ایمرجنسی بنیادوں پر مزید دو اساتذہ تعینات کرنے کی یقین دہانی بھی کرائی، جو یقیناً ایک مثبت، بروقت اور ذمہ دارانہ اقدام ہے۔
ہم ڈپٹی ڈائریکٹر ایجوکیشن محترمہ انیقہ محیط لون صاحبہ کی تعلیمی مسائل کے حل کے لیے فوری توجہ، فرض شناسی، مثبت سوچ اور عملی اقدام کو دل کی گہرائیوں سے سراہتے ہیں۔ امید ہے کہ ان کی اسی مخلصانہ کاوش اور خصوصی توجہ سے گرلز ہائی سکول چورت کی دیگر ضروریات بھی ترجیحی بنیادوں پر پوری کی جائیں گی۔
ہم ان کے اس قابلِ تعریف اقدام پر ان کا تہہ دل سے شکریہ ادا کرتے ہیں اور امید رکھتے ہیں کہ ہماری بچیوں کی تعلیم کے بہتر مستقبل کے لیے آئندہ بھی ایسے عملی اور مؤثر اقدامات جاری رہیں گے۔ 🌹
تعلیم کی بہتری ہی ہمارے علاقے کے روشن مستقبل کی ضمانت ہے۔
محترمہ انیقہ محیط لون صاحبہ کا بروقت اقدام قابلِ تحسین ہے۔ 👏🌹

چورت گرلز ہائی سکول میں سائنس ٹیچرز کا شدید بحران — طالبات کا مستقبل داؤ پر!چورت گرلز ہائی سکول میں جماعت نہم اور دہم کی...
24/08/2026

چورت گرلز ہائی سکول میں سائنس ٹیچرز کا شدید بحران — طالبات کا مستقبل داؤ پر!
چورت گرلز ہائی سکول میں جماعت نہم اور دہم کی سائنس کلاسز جاری ہیں، مگر افسوس کے ساتھ کہنا پڑتا ہے کہ ان اہم جماعتوں کو پڑھانے کے لیے مطلوبہ تعداد میں سائنس اساتذہ موجود نہیں۔ صرف دو اساتذہ کے ذریعے جماعت نہم و دہم کی سائنس کلاسز چلانا نہ صرف تعلیمی معیار پر سوالیہ نشان ہے بلکہ طالبات کے مستقبل کے ساتھ بھی سنگین ناانصافی ہے۔
گزشتہ عرصے میں سکول سے متعدد اساتذہ کو ٹرانسفر کیا گیا، لیکن ان کی جگہ متبادل اساتذہ فراہم نہیں کیے گئے۔ اب رہی سہی کسر اس وقت پوری ہو گئی جب سکول میں سائنس کے مضامین پڑھانے والی لیڈی ٹیچر ذوالفیہ کو بھی درلے مڈل سکول منتقل کر دیا گیا۔
❓ محکمہ تعلیم کے اعلیٰ حکام سے ہمارا سوال ہے:
کیا صرف دو اساتذہ جماعت نہم و دہم کی سائنس تعلیم کے لیے کافی ہیں؟
اگر نہیں، تو پھر طالبات کے تعلیمی نقصان کی ذمہ داری کس پر عائد ہوگی؟
یہ صرف اساتذہ کی کمی کا مسئلہ نہیں بلکہ ہماری بچیوں کے تعلیمی مستقبل کا معاملہ ہے۔ جماعت نہم اور دہم مستقبل کی تعلیمی بنیاد ہیں، اور ان جماعتوں میں سائنس اساتذہ کی عدم دستیابی کے باعث طالبات کو ناقابلِ تلافی تعلیمی نقصان پہنچ سکتا ہے۔
ہم محترم سیکرٹری تعلیم، ڈی جی سکولز، ڈائریکٹر دیامر استور ڈویژن، ڈپٹی ڈائریکٹر ایجوکیشن ضلع استور اور بالخصوص رکن صوبائی اسمبلی گلگت بلتستان جناب فرمان علی سے پرزور اپیل کرتے ہیں کہ:
🔴 چورت گرلز ہائی سکول میں سائنس اساتذہ کی کمی کا فوری نوٹس لیا جائے۔
🔴 ٹرانسفر کیے گئے اساتذہ کے متبادل اساتذہ فوری تعینات کیے جائیں۔
🔴 جماعت نہم و دہم کی سائنس کلاسز کو مستقل اور باقاعدہ اساتذہ فراہم کیے جائیں۔
🔴 طالبات کے قیمتی تعلیمی وقت اور مستقبل کو مزید ضائع ہونے سے بچایا جائے۔
ہم امید کرتے ہیں کہ متعلقہ حکام اس اہم مسئلے کو سنجیدگی سے لیتے ہوئے ہنگامی بنیادوں پر عملی اقدامات کریں گے۔
⚠️ اگر مسئلہ حل نہ کیا گیا تو طالبات اور والدین اپنے جائز تعلیمی حقوق کے لیے پُرامن احتجاج کا حق محفوظ رکھتے ہیں۔
تعلیم صرف عمارت کا نام نہیں، معیاری اساتذہ اور تدریس ہی تعلیم کی اصل بنیاد ہیں۔














رحمان پور یونین اندھیروں کی نذر — متعلقہ اداروں کو ٹس سے مس نہں ۔بجلی کی فوری بحالی عوام کا جائز اور دیرینہ مطالبہ‎‎رحما...
10/07/2026

رحمان پور یونین اندھیروں کی نذر — متعلقہ اداروں کو ٹس سے مس نہں ۔
بجلی کی فوری بحالی عوام کا جائز اور دیرینہ مطالبہ
‎
‎رحمان پور یونین گزشتہ دو سالوں سے بجلی کی شدید قلت کا شکار ہے۔ افسوس کی بات یہ ہے کہ متعلقہ اداروں کی عدم توجہی کے باعث یہاں کا پاور ہاؤس خستہ حالی کا شکار ہو چکا ہے، جس کے نتیجے میں ہزاروں افراد جدید دور میں بھی بجلی جیسی بنیادی سہولت سے محروم زندگی گزارنے پر مجبور ہیں۔
‎
‎رحمان پور پاور ہاؤس میں 500 کے وی کے دو جنریٹر نصب ہیں۔ ان میں سے ایک جنریٹر گزشتہ سال مرمت کر کے فعال کیا گیا، جبکہ دوسرے جنریٹر کی مرمت کا وعدہ بھی کیا گیا تھا۔ تاہم تاحال اس حوالے سے کوئی عملی پیش رفت نہیں ہو سکی، جس کے باعث پورا علاقہ بار بار بجلی کی طویل بندش اور اندھیروں کا سامنا کر رہا ہے۔ اس صورتحال نے عوام کی روزمرہ زندگی، طلبہ
کی تعلیم، کاروباری سرگرمیوں اور دیگر بنیادی امور کو بری طرح متاثر کیا ہے۔
‎
‎اہلیانِ چورت یونین اور رحمان پور یونین نہایت احترام کے ساتھ جناب فرمان علی رانا، سیکرٹری واٹر اینڈ پاور گلگت بلتستان، محترمہ ڈپٹی کمشنر ضلع استور، اور ایکسین واٹر اینڈ پاور ضلع استور سے پُرزور اپیل کرتے ہیں کہ اس سنگین عوامی مسئلے کا فوری نوٹس لیا جائے، پاور ہاؤس کے دوسرے جنریٹر کی مرمت اور ضروری تکنیکی اقدامات بلا تاخیر مکمل کیے جائیں، تاکہ
علاقے میں بجلی کی مستقل اور بلا تعطل فراہمی یقینی بنائی جا سکے۔ وگرنا شدید رد عمل دیا جائےگا۔
‎

03/06/2026

امن کا دوسرا نام: گاؤں چورت
وضاحتی پریس ریلیز
آج کل سوشل میڈیا پر گاؤں چورت میں پیش آنے والے ایک معمولی تنازعے کے حوالے سے مختلف قسم کی افواہیں اور گمراہ کن پروپیگنڈا پھیلایا جا رہا ہے، جو حقائق کے منافی ہے۔ عوام الناس کو اصل حقاٸق سے آگاہ کرنا ضروری سمجھتے ہیں۔
حقیقت یہ ہے کہ گاؤں چورت کے ایک ڈرائیور اور تریشنگ کے ایک ڈرائیور کے درمیان معمولی بحث و تکرار ہوئی، جو بعد ازاں ایک ہلکے نوعیت کے جھگڑے میں تبدیل ہوگئی۔ اس واقعے کے فوراً بعد عمائدین چورت نے اس عمل کی مذمت کی، فریقِ مخالف سے معذرت کی اور متعلقہ فرد سے بھی باقاعدہ معذرت کروائی۔ تاہم تریشنگ کے بھائیوں کی جانب سے مؤقف اختیار کیا گیا کہ حتمی فیصلہ جناب نسیم شاہ کی آمد کے بعد کیا جائے گا۔
بعد ازاں جناب نسیم شاہ تشریف لائے اور افسوس کے ساتھ کہنا پڑتا ہے کہ انہوں نے معاملے کو سلجھانے کے بجائے ماحول کو مزید کشیدہ کرنے کی کوشش کی۔ اس کے باوجود عمائدین چورت نے تحمل، بردباری اور امن کو ترجیح دیتے ہوئے معاملے کو افہام و تفہیم سے نمٹایا اور انہیں عزت و احترام کے ساتھ رخصت کیا۔
ہم اس امر کا اعتراف کرتے ہیں کہ جناب نسیم شاہ نے تریشنگ جا کر بعض مثبت باتیں بھی کیں، تاہم ان کی جانب سے دو ایسے الزامات لگائے گئے جو سراسر بے بنیاد، گمراہ کن اور حقائق کے منافی ہیں:
اول: یہ الزام لگایا گیا کہ خواتین کے ساتھ بدتمیزی کی گئی۔ ہم اس الزام کو سختی سے مسترد کرتے ہیں۔ گاؤں چورت کی روایات، اقدار اور تربیت اس بات کی ہرگز اجازت نہیں دیتیں کہ کسی خاتون کی بے حرمتی کی جائے۔ ہمارے نزدیک خواہ خواتین کا تعلق تریشنگ سے ہو یا چورت سے، سب ہماری مائیں، بہنیں اور بیٹیاں ہیں۔ اگر کوئی شخص ایسی حرکت کا مرتکب پایا جائے تو وہ معاشرتی اور اخلاقی طور پر سخت جوابدہ ہوگا۔
دوم: یہ دعویٰ کیا گیا کہ چورت کی عوام نے روپل اور تریشنگ کی محرم ( عاشورہ )جلوس کو روکنے کی دھمکی دی۔ یہ الزام بھی سراسر جھوٹ اور حقیقت کے برعکس ہے۔ عمائدین تریشنگ بخوبی جانتے ہیں کہ ہر سال محرم الحرام کے جلوس سوشل ویلفیئر آرگنائزیشن چورت کے کارکنان اور عمائدین چورت کی نگرانی میں نہایت پرامن انداز میں چورت کے علاقے سے گزاری جاتی ہے اور اس حوالے سے ہمیشہ مکمل تعاون فراہم کیا گیا ہے۔جو کہ عماٸدین تریشنگ اور ضلعی انتظامیہ بخوبی جانتے ہیں_
صدر
سوشل ویلفیئر آرگنائزیشن چورت

31/05/2026

عمائدین، معززین اور قارئینِ چورت کے نام وضاحتی بیان:

آج مورخہ 31 مئی 2026ء کو ایک جعلی سوشل میڈیا آئی ڈی ’’سرجیکل نیوز استور‘‘ کی جانب سے سوشل ویلفیئر آرگنائزیشن چورت کے حوالے سے ایک پوسٹ نشر کی گئی، جس میں تنظیم کے بارے میں بعض تحفظات اور منفی تاثرات پیش کرتے ہوئے اس کی ساکھ کو متاثر کرنے کی کوشش کی گئی۔ اس صورتحال کے پیشِ نظر چیئرمین سوشل ویلفیئر آرگنائزیشن چورت کی سربراہی میں تنظیم کے دفتر میں ایک ہنگامی اجلاس منعقد ہوا۔

اجلاس میں تفصیلی غور و خوض کے بعد عمائدین، معززین اور قارئینِ چورت کے لیے درج ذیل وضاحتی پیغام جاری کیا جاتا ہے:
1۔سوشل ویلفیئر آرگنائزیشن چورت کے کل کارکنان کی تعداد 27 ہے۔ ان میں سے صرف ایک یا دو کارکنان کے بعض سیاسی شخصیات کے ساتھ نظریاتی یا سیاسی اختلافات موجود ہیں، جنہیں بنیاد بنا کر پوری تنظیم کی ساکھ پر سوال اٹھانے کی کوشش کی گئی۔ حقیقت یہ ہے کہ باقی تمام کارکنان اتحادِ چورت کے مشن کو کامیاب بنانے اور چورت کے دونوں منتخب نمائندوں کے ساتھ بھرپور تعاون اور یکجہتی کے ساتھ کھڑے ہیں۔

2۔ آج چورت میں جس خوشگوار، پرامن اور متحد ماحول کا مشاہدہ کیا جا رہا ہے، وہ چیئرمین سوشل ویلفیئر آرگنائزیشن چورت اور ان کی پوری ٹیم کی شبانہ روز محنت، اخلاص اور خاموش جدوجہد کا نتیجہ ہے۔

3۔ تنظیم کے بعض کارکنان کو اگرچہ بعض سیاسی شخصیات سے اختلافِ رائے رہا ہے، تاہم انہوں نے ہمیشہ امن، بھائی چارے اور اتحادِ چورت کے فروغ کے لیے چیئرمین سوشل ویلفیئر آرگنائزیشن کا بھرپور ساتھ دیا اور اجتماعی مفاد کو ذاتی اختلافات پر ترجیح دی۔

4۔گزشتہ انتخابات کے دوران چند ساتھیوں کو تنظیم سے علیحدہ کیے جانے پر بعض حلقوں کی جانب سے ’’دوہرے معیار‘‘ کا الزام عائد کیا گیا اور اس ضمن میں تنظیم کے بنیادی ارکان مدرس حنیف اللہ، محمد عارف اور دیگر ساتھیوں کا نام بھی لیا گیا۔

اس حوالے سے واضح کیا جاتا ہے کہ اس وقت تنظیم کے اندر متفقہ طور پر ایک ضابطہ منظور کیا گیا تھا، جس کے مطابق کوئی بھی رکن انتخابی مہم یا سیاسی سرگرمیوں میں حصہ نہیں لے گا تاکہ تنظیم کے اندر اختلافات اور تقسیم پیدا نہ ہو۔ اسی ضابطے کی پاسداری کرتے ہوئے چند دیرینہ ساتھیوں کو مجبوری کے تحت تنظیم سے الگ کرنا پڑاکیونکہ ان ساتھیوں نے ضابطے کی خلاف ورزی کی تھی۔

بعد ازاں عوامی آراء اور مشاورت کے نتیجے میں یہ مؤقف سامنے آیا کہ چونکہ سوشل ویلفیئر آرگنائزیشن چورت کا بنیادی مقصد علاقے کی فلاح و بہبود اور اجتماعی مفادات کا تحفظ ہے، اس لیے اراکین کو اپنے سیاسی نظریات اور وابستگیوں کے اظہار کا حق حاصل ہونا چاہیے۔ چنانچہ رواں سال متفقہ طور پر ایک نئی قرارداد منظور کی گئی، جس کے تحت ہر رکن اپنی سیاسی وابستگی کے مطابق مکمل حمایت اور سیاسی سرگرمیوں میں حصہ لے سکتا ہے۔

افسوس کے ساتھ یہ کہنا پڑتا ہے کہ چند افراد کے اختلافات کو تو نمایاں کیا گیا، لیکن ان 25 کارکنان کی شبانہ روز محنت اور خدمات کو نظر انداز کر دیا گیا جو دن رات اتحادِ چورت، عوامی فلاح اور سماجی ہم آہنگی کے لیے مصروفِ عمل ہیں۔

سوشل ویلفیئر آرگنائزیشن چورت اپنے تمام کارکنان، عمائدین اور عوامِ علاقہ کے تعاون پر شکر گزار ہے اور آئندہ بھی اتحاد، بھائی چارے اور فلاحِ عامہ کے لیے اپنی خدمات جاری رکھے گی۔

المشتہر:
لیاقت اللہ
پریس سیکرٹری
سوشل ویلفیئر آرگنائزیشن چورت

آج مورخہ, 16مئ 2026 کو سوشل ویلفیئر آرگنائزیشن چورت کے آفس میں جناب صدر سوشل ویلفیئر آرگنائزیشن چورت کی سربراہی میں ایک ...
17/05/2026

آج مورخہ, 16مئ 2026 کو سوشل ویلفیئر آرگنائزیشن چورت کے آفس میں جناب صدر سوشل ویلفیئر آرگنائزیشن چورت کی سربراہی میں ایک اہم اجلاس منعقد ہوا۔
اجلاس کا مقصد گاؤں چورت میں پر امن الیکشن کا انعقاد کے لئے اقدامات اٹھانا تھا۔
اس مقصد کے لئے تمام کارکنان اور ذمہ داران کو ہدایت کی گئ کہ وہ نوجوانوں اور علاقے کے معززین کے ساتھ انفرادی مزاکرات کریں کہ کس طرح ہمارے گاؤں میں پر امن الیکشن کا قیام عمل میں آسکے۔
اس مقصد کے لئے گاؤں چورت کے نمائندگان اور کمیٹی سے بھی بات کرنے اور ایس او پیز کا قیام پر زور دیا گیا۔
اس پیج کے وساطت سے گاؤں چورت کے تمام نوجوانان، بزرگ اور نمائندگان سے اپیل کی جاتی ہے کہ اس مشن میں اپنا مرکزی کردار ادا کریں۔
الله تعالٰی ہم سب کا ہامی وناصر رہے۔

10/05/2026

تعلیمی انتظامیہ کی ناکامی یا طالبات کی بد قسمتی ۔

آج ایک ایسے ایشو کو سوشل ویلفیئر آرگنائزیشن چورت کے پیج سے شیر کیا جاتا ہے کہ جو سکول انتظامیہ ، نائب ناظم تعلیمات استور ، ڈائریکٹر دیامر استور ڈویژن، ڈائریکٹر جنرل گلگت بلتستان اور سیکریٹری ایجوکیشن سب کے لیے ایک سوالیہ نشان اور شرم کا مقام ہے ۔
آج مورخہ 9 مئ 2026 کو گرلز ہائی سکول چورت کے طالبات نے ایک تحریری درخواست جناب صدر سوشل ویلفیئر آرگنائزیشن چورت کو پیش کئیے جس میں عرض کیا گیا ہے کہ سکول ھذا میں تعلیمی سال 2026 کا آغاز ہوئے دو مہینے گزر گئے ہیں لیکن ابھی تک 20 سے زیادہ پیریڈز نہیں ہو رہے ہیں ۔اور بچوں کا کہنا ہے کہ جون سے ان کے امتحانات شروع ہونے والے ہیں جبکہ ابھی تک ان کو ایک سبق بھی نہیں پڑھایا گیا ہے ۔
ویلفیئر کے صدر اور کارکنان نے سکول کے ہیڈ ماسٹر اور ڈی ڈی او سے بات کی تو پتا چلا کہ سکول ھذا سے چار اساتذہ اپریل سے ہی چھٹیوں میں ہیں جبکہ تین اساتذہ سکول ھذا سے تنخواہ لے کر ڈاؤن سیٹیز میں ڈیوٹی دے رہے ہیں ۔اس کے علاوہ رحمن پور یونین ڈی ڈی او سے 15 سے زیادہ اساتذہ اپنا اثرورسوخ استعمال کرکے دفتروں اور ڈاؤن سیٹیز میں ہیں ۔
اس ایشو کے بارے میں کئ بار ڈی ڈی ایجوکیشن استور سے بات کی لیکن جناب صرف باتوں تک محدود رہا کیونکہ جتنے بھی بندے یہاں سے گئے ہیں اس کے پیچھے ڈی ڈی صاحب کی پشت پناہی ہے۔اسلئے جناب چیف سیکریٹری گلگت بلتستان ،چیف منسٹر گلگت بلتستان ،سیکریٹری ایجوکیشن ،ڈائریکڑر جنرل گلگت بلتستان اور ڈائریکٹر دیامر استورڈویژن سے اپیل کی جاتی ہے کہ اس حساس مسلئے کو 2 دن کے اندر حل نکالا جائے اور زمہدران سے اس لاپرواہی کے بارے میں پوچھا جائے تاکہ طالبات علم جیسے عظیم زیور سے محروم نہ ہو۔
بصورت دیگر سکول ھذا کو بند کر کے احتجاج کیا جائے گا ۔طالبات کی درخواست تحریر کے ساتھ اپلوڈ کیا گیا ہے
۔
المشتہر پریس سیکرٹری سوشل ویلفیئر آرگنائزیشن چورت ۔

Address

Gilgit

Telephone

+923555301676

Website

Alerts

Be the first to know and let us send you an email when Social Welfare Organization Chorit posts news and promotions. Your email address will not be used for any other purpose, and you can unsubscribe at any time.

Shortcuts

Share

Category