Ghanche Student Federation KIU Gilgit

Directions Website

Ghanche Student Federation KIU Gilgit "ربی زدنی علما" تعلیم ہمارا نصب العین ۔۔

20/09/2026

Shout out to my newest followers! Excited to have you onboard! انجینئر محمد شفیع شگری, Aun Baltistani, Noorani Bahi, Ali Afsar Khaily, Bilal Anjum Aliba, Shujaat Ali, Sultan Arif, Farman Ali

Admission Committee — Ghanche Students Federation, KIU Gilgit گانچھے کے وہ تمام طلبہ و طالبات جو قراقرم انٹرنیشنل یونیور...
17/09/2026

Admission Committee — Ghanche Students Federation, KIU Gilgit

گانچھے کے وہ تمام طلبہ و طالبات جو قراقرم انٹرنیشنل یونیورسٹی (KIU)، گلگت میں داخلہ لینے کے خواہش مند ہیں، ان کے لیے ایڈمیشن کمیٹی، گانچھے اسٹوڈنٹس فیڈریشن ہر ممکن معاونت کے لیے تیار ہے۔

داخلے سے متعلق معلومات، رہنمائی اور فارم جمع کروانے میں مکمل تعاون فراہم کیا جائے گا، اور یہ تمام سہولیات بلا معاوضہ فراہم کی جائیں گی۔لہٰذا دیر کس بات کی؟
ابھی رابطہ کریں اور داخلے کے عمل سے متعلق مکمل معلومات حاصل کریں۔آپ کی رہنمائی اور معاونت ہماری ذمہ داری ہے۔

print media coverage
14/09/2026

print media coverage

پریس ریلیزگنچھے اسٹوڈنٹس فیڈریشن KIU یونٹ گلگت کی حلف برداری کی تقریب، طلبہ اور معزز مہمانوں کی بھرپور شرکتگنگچھے اسٹوڈ...
12/09/2026

پریس ریلیز

گنچھے اسٹوڈنٹس فیڈریشن KIU یونٹ گلگت کی حلف برداری کی تقریب، طلبہ اور معزز مہمانوں کی بھرپور شرکت

گنگچھے اسٹوڈنٹس فیڈریشن (GSF) KIU یونٹ گلگت کی ایک اہم اور پروقار حلف برداری کی تقریب گولاچی گرِل ریسٹورنٹ گلگت میں منعقد ہوئی، جس میں طلبہ، تنظیمی عہدیداران اور معزز مہمانانِ گرامی کی کثیر تعداد نے شرکت کی۔ تقریب کا بنیادی مقصد طلبہ کو ایک منظم پلیٹ فارم پر متحد کرتے ہوئے تعلیم، تربیت، باہمی تعاون، اتحاد، نظم و ضبط اور تنظیمی شعور کو فروغ دینا تھا۔

تقریب میں خصوصی طور پر صوفی عبدالرحمان، قاری عبدالباسط یوگوی، نثار علی کھرکوی اور محمد اسماعیل سرمیکی سمیت دیگر معزز مہمانانِ گرامی نے شرکت کی اور طلبہ کی حوصلہ افزائی کی۔

تقریب کے نظامت کی ذمہ داری شعبۂ تعلیم سے وابستہ طلبہ اور تنظیم کے سیکرٹری اطلاعات محمد سہیل فرہاد نے انجام دی۔ تقریب کا باقاعدہ آغاز تلاوتِ کلامِ پاک سے ہوا، جس کی سعادت قاری حزیفہ نے حاصل کی۔ تلاوتِ کلامِ پاک کے بعد بارگاہِ رسالت مآب ﷺ میں عقیدت و محبت کے پھول نچھاور کیے گئے۔ نعتِ رسولِ مقبول ﷺ پیش کرنے کی سعادت بلال انجم اور نور محمد نورانی نے حاصل کی۔ دونوں نعت خواں حضرات نے اپنی خوبصورت اور پرسوز آواز میں سرکارِ دو جہاں، تاجدارِ مدینہ حضرت محمد مصطفیٰ ﷺ کی شانِ اقدس میں نعتیہ کلام پیش کیا، جس سے محفل کا ماحول روحانی کیفیت سے معمور ہوگیا اور شرکاء نے بھرپور عقیدت و احترام کا اظہار کیا۔

اس موقع پر تنظیم کے جنرل سیکرٹری عبدالرحیم بیگ نے استقبالیہ کلمات پیش کرتے ہوئے تمام معزز مہمانوں، طلبہ اور شرکاء کو خوش آمدید کہا۔ انہوں نے تقریب میں شرکت پر مہمانانِ گرامی کا شکریہ ادا کرتے ہوئے گنگچھے اسٹوڈنٹس فیڈریشن کے اغراض و مقاصد، تنظیمی سرگرمیوں اور طلبہ کی تعلیمی و تربیتی ترقی کے حوالے سے تفصیلی گفتگو کی۔ انہوں نے اس عزم کا اظہار کیا کہ گنگچھے اسٹوڈنٹس فیڈریشن طلبہ کو ایک منظم پلیٹ فارم پر متحد کرکے ان کی تعلیمی، اخلاقی اور فکری تربیت میں اپنا کردار مزید مؤثر انداز میں ادا کرے گی۔

گنگچھے اسٹوڈنٹس فیڈریشن کے موجودہ صدر علی موسیٰ نے اپنے خطاب میں طلبہ کی اہمیت، تنظیمی اتحاد اور اجتماعی جدوجہد پر روشنی ڈالی۔ انہوں نے کہا کہ طلبہ کسی بھی قوم کا قیمتی سرمایہ اور مستقبل کے معمار ہوتے ہیں، اس لیے انہیں تعلیم کے ساتھ ساتھ نظم و ضبط، کردار سازی، اخلاقی تربیت اور مثبت سرگرمیوں میں بھی بھرپور کردار ادا کریں گے۔ انہوں نے طلبہ پر زور دیا کہ وہ باہمی اختلافات کو بالائے طاق رکھتے ہوئے اتحاد و اتفاق کے ساتھ تنظیم کو مضبوط بنانے اور طلبہ کے مسائل کے حل کے لیے اپنا کردار ادا کریں گے۔

صوفی عبدالرحمان نے اپنے خطاب میں طلبہ کی تعلیم، کردار سازی، اخلاقی تربیت اور مثبت سرگرمیوں میں فعال کردار کی اہمیت پر روشنی ڈالی۔ انہوں نے طلبہ کو اتحاد، نظم و ضبط اور باہمی تعاون کے ساتھ آگے بڑھنے کی تلقین کرتے ہوئے کہا کہ نوجوان کسی بھی معاشرے کا قیمتی سرمایہ اور مستقبل کے معمار ہوتے ہیں۔ انہوں نے گنگچھے اسٹوڈنٹس فیڈریشن کی جانب سے طلبہ کو ایک مثبت اور منظم پلیٹ فارم فراہم کرنے کی کاوشوں کو سراہا اور تنظیم کے لیے نیک خواہشات کا اظہار کیا۔

تقریب سے خطاب کرتے ہوئے قاری عبدالباسط نے بھی طلبہ کی تعلیمی و اخلاقی تربیت کی اہمیت پر روشنی ڈالی اور انہیں مثبت سوچ، اتحاد، محنت اور بہترین کردار کے ذریعے آگے بڑھنے کی تلقین کی۔

اس موقع پر تنظیم کے سابق صدر اور موجودہ فنانس سیکرٹری کامران بشیر نے اپنے دورِ صدارت کے دوران انجام دیے گئے تنظیمی امور اور خدمات پر تفصیلی روشنی ڈالی۔ انہوں نے گنگچھے اسٹوڈنٹس فیڈریشن کی کارکردگی، تنظیمی سرگرمیوں اور طلبہ کی فلاح و بہبود کے لیے کیے جانے والے اقدامات کا ذکر کرتے ہوئے کہا کہ تنظیم کی کامیابی کا بنیادی راز طلبہ کا اتحاد، باہمی اعتماد اور اجتماعی جدوجہد ہے۔

انہوں نے مزید کہا کہ گنچھے اسٹوڈنٹس فیڈریشن کا مقصد صرف ایک تنظیمی پلیٹ فارم فراہم کرنا نہیں بلکہ طلبہ کو ایک ذمہ دار، باشعور، باصلاحیت اور مثبت کردار ادا کرنے والا شہری بنانے کے لیے تعلیمی و تربیتی ماحول فراہم کرنا بھی ہے۔

تقریب کا سب سے اہم اور مرکزی مرحلہ KIU یونٹ گلگت کی حلف برداری تھا۔ اس موقع پر نومنتخب عہدیداران نے تنظیم کے دستور اور اصول و ضوابط کی پاسداری، تنظیمی ذمہ داریاں دیانت داری اور خلوصِ نیت سے ادا کرنے، طلبہ کے حقوق کے لیے آواز بلند کرنے اور تنظیم کی بہتری و استحکام کے لیے بھرپور کردار ادا کرنے کا عہد کیا۔ نومنتخب عہدیداران نے اس عزم کا اظہار کیا کہ وہ اپنی ذمہ داریوں کو ذاتی مفادات سے بالاتر ہوکر اجتماعی مفاد، طلبہ کی فلاح و بہبود اور تنظیم کے منشور کے مطابق انجام دیں گے۔

حلف برداری کے موقع پر معزز مہمانانِ گرامی نے نومنتخب عہدیداران کو مبارکباد پیش کی اور اس امید کا اظہار کیا کہ نئی قیادت طلبہ کے مسائل کو اجاگر کرنے، ان کے حل کے لیے مؤثر آواز اٹھانے اور تعلیمی و تربیتی سرگرمیوں کو فروغ دینے میں اپنا بھرپور کردار ادا کرے گی۔

تقریب کے اختتام پر تمام شرکاء کے لیے ظہرانے کا اہتمام کیا گیا۔ معزز مہمانانِ گرامی، طلبہ اور تنظیمی عہدیداران نے پرتکلف ظہرانے میں شرکت کی، جس کے بعد یہ پروقار، بامقصد اور یادگار تقریب اختتام پذیر ہوئی۔

شرکاء نے تقریب کے کامیاب انعقاد پر منتظمین کو مبارکباد پیش کرتے ہوئے گنگچھے اسٹوڈنٹس فیڈریشن کے موجودہ صدر علی موسیٰ اور KIU یونٹ گلگت کی نئی قیادت کے لیے نیک خواہشات کا اظہار کیا۔ شرکاء نے اس امید کا بھی اظہار کیا کہ گنگچھے اسٹوڈنٹس فیڈریشن مستقبل میں طلبہ کی تعلیمی، فکری، اخلاقی اور تنظیمی تربیت کے ساتھ ساتھ ان کے مسائل کے حل کے لیے اپنی جدوجہد مزید مؤثر انداز میں جاری رکھے گی۔

پریس ریلیزگانچھے سٹوڈنٹس فیڈریشن کے آئی یو یونٹ گلگت کا ایک اہم اجلاس منعقد ہوا، جس کی صدارت یونٹ صدر موسیٰ علی نے کی۔اج...
11/09/2026

پریس ریلیز

گانچھے سٹوڈنٹس فیڈریشن کے آئی یو یونٹ گلگت کا ایک اہم اجلاس منعقد ہوا، جس کی صدارت یونٹ صدر موسیٰ علی نے کی۔اجلاس کا بنیادی مقصد تنظیم کو مزید فعال اور مؤثر بنانے کے ساتھ ساتھ آئندہ کے لیے ایک بہتر اور جامع لائحہ عمل طے کرنا تھا۔ اجلاس میں تنظیم کی موجودہ صورتحال، طلبہ کے مسائل اور مستقبل کی سرگرمیوں کے حوالے سے تفصیلی مشاورت کی گئی۔
شرکاء اجلاس نے اس عزم کا اظہار کیا کہ تنظیم کو مزید منظم اور مضبوط بنانے کے لیے تمام ساتھی بھرپور کردار ادا کریں گے، جبکہ طلبہ کے حقوق اور مسائل کے حل کے لیے بھی مؤثر انداز میں آواز بلند کی جائے گی۔اجلاس کے اختتام پر آئندہ کی سرگرمیوں کو منظم انداز میں آگے بڑھانے اور تنظیمی امور کو مزید بہتر بنانے پر اتفاق کیا گیا۔

گانچھے سٹوڈنٹس فیڈریشن
کے آئی یو یونٹ گلگت
گنگچھے سٹوڈنٹس فیڈریشن "GSF"

جناب شہباز لقدوم صاحب، امیدوار برائے ضلع کونسل کورو، اور یونین کونسل کورو اس بار بلدیاتی انتخابات میں حصہ لے رہے ہیں۔ یہ...
14/06/2026

جناب شہباز لقدوم صاحب، امیدوار برائے ضلع کونسل کورو، اور یونین کونسل کورو اس بار بلدیاتی انتخابات میں حصہ لے رہے ہیں۔ یہ کورو کے نوجوانوں، بزرگوں اور تمام باشعور عوام کے لیے خوشی اور امید کی ایک نئی کرن ہے۔

شہباز لقدوم صاحب ایک تعلیم یافتہ، باصلاحیت، نڈر اور عوامی مسائل کا ادراک رکھنے والے نوجوان ہیں، جو ہمیشہ اپنی یونین کونسل کے حقوق، ترقی اور عوامی مفادات کے لیے آواز بلند کرتے رہے ہیں۔ ان کی قیادت میں کورو کے عوام کو ایک ایسی نمائندگی مل سکتی ہے جو دیانتداری، قابلیت اور خدمت کے جذبے پر مبنی ہو۔

آج وقت کا تقاضا ہے کہ ہم ذاتی مفادات سے بالاتر ہو کر اپنے علاقے کی ترقی، نوجوان نسل کے بہتر مستقبل اور عوامی مسائل کے حل کے لیے ایک قابل، مخلص اور باصلاحیت قیادت کا انتخاب کریں۔ شہباز لقدوم صاحب کی کامیابی نہ صرف ایک فرد کی کامیابی ہوگی بلکہ پورے کورو کے روشن مستقبل کی ضمانت ثابت ہوگی۔

آئیں! ہم سب مل کر جناب شہباز لقدوم صاحب کا بھرپور ساتھ دیں، ان کے پیغام کو گھر گھر پہنچائیں اور بلدیاتی انتخابات میں انہیں کامیاب بنانے کے لیے اپنا کلیدی کردار ادا کریں۔

کورو کے عوام کا انتخاب — صرف شہباز لقدوم صاحب

آئیں سب مل کر عہد کریں،
شہباز لقدوم صاحب کو کامیاب بنائیں،
اور کورو کو ترقی، خوشحالی اور بہتر قیادت کی راہ پر گامزن کریں۔

𝐆𝐡𝐚𝐧𝐜𝐡𝐞 𝐬𝐜𝐡𝐨𝐨𝐥𝐠𝐢𝐫𝐥𝐬 𝐰𝐢𝐧 𝐠𝐨𝐥𝐝 𝐚𝐧𝐝 𝐬𝐢𝐥𝐯𝐞𝐫 𝐚𝐭 𝐀𝐦𝐞𝐫𝐢𝐜𝐚𝐧 𝐌𝐚𝐭𝐡𝐞𝐦𝐚𝐭𝐢𝐜𝐬 𝐎𝐥𝐲𝐦𝐩𝐢𝐚𝐝 𝟐𝟎𝟐𝟓Students of Qaide-e-Millat Public School, A...
16/01/2026

𝐆𝐡𝐚𝐧𝐜𝐡𝐞 𝐬𝐜𝐡𝐨𝐨𝐥𝐠𝐢𝐫𝐥𝐬 𝐰𝐢𝐧 𝐠𝐨𝐥𝐝 𝐚𝐧𝐝 𝐬𝐢𝐥𝐯𝐞𝐫 𝐚𝐭 𝐀𝐦𝐞𝐫𝐢𝐜𝐚𝐧 𝐌𝐚𝐭𝐡𝐞𝐦𝐚𝐭𝐢𝐜𝐬 𝐎𝐥𝐲𝐦𝐩𝐢𝐚𝐝 𝟐𝟎𝟐𝟓

Students of Qaide-e-Millat Public School, Amirabad Chorbatt, Ghanche, have achieved outstanding success at the international level in the American Mathematics Olympiad (AMO) 2025.

Hira Farman, a Class 7 student of the school, secured a gold medal at the global level, demonstrating exceptional mathematical ability and academic excellence. Another student, Masooma Ibrahim from Class 5, also delivered an impressive performance by winning a silver medal in the same international competition.

Ghanche Student Federation KIU Gilgit Cabinet 2025_26
29/12/2025

Ghanche Student Federation KIU Gilgit Cabinet 2025_26

Address

Karakoram International University Gilgit
Gilgit
15100

Website

Alerts

Be the first to know and let us send you an email when Ghanche Student Federation KIU Gilgit posts news and promotions. Your email address will not be used for any other purpose, and you can unsubscribe at any time.

Shortcuts

Share

Category