20/10/2026
پریس ریلیز
اسٹوڈنٹس ویلفیئر آرگنائزیشن گلگت بلتستان نے شاہ احمد شہیدؒ کی دینی و تنظیمی خدمات، بے لوث جدوجہد اور قربانیوں کو خراجِ عقیدت پیش کرتے ہوئے ان کی خدمات کا اعتراف کیا ہے۔
شاہ احمد شہیدؒ کا تعلق ضلع استور، گلگت بلتستان سے تھا۔ انہوں نے اپنی زندگی دینی تعلیم، تنظیمی استحکام، نوجوانوں کی تربیت اور نظریاتی وابستگی کے لیے وقف کر رکھی تھی۔ کراچی ڈویژن میں تنظیم سازی، یونٹس کے قیام اور کارکنان کی فکری و عملی تربیت میں ان کی خدمات قابلِ تحسین ہیں۔ شاہ احمد شہیدؒ کی شخصیت اخلاص، دیانت داری، سخاوت اور خدمتِ خلق کا عملی نمونہ تھی۔ وہ کارکنان کی معاونت، ضرورت مندوں کی مدد اور تنظیمی ذمہ داریوں کی ادائیگی میں ہمیشہ پیش پیش رہتے تھے۔ ان کا کردار نوجوانوں کے لیے عزم، وفا اور احساسِ ذمہ داری کا قابلِ تقلید نمونہ ہے۔
اسٹوڈنٹس ویلفیئر آرگنائزیشن گلگت بلتستان کے مطابق شاہ احمد شہیدؒ کی خدمات اور جدوجہد نوجوان نسل کے لیے مشعلِ راہ ہیں۔ ان کی زندگی ہمیں اخلاص، نظم و ضبط، ایثار اور اجتماعی مقاصد کے لیے مسلسل جدوجہد کا درس دیتی ہے۔
ؒ
