Markazi Ulema Council

22/08/2026

08/08/2026

أشاد مجلس العلماء المركزي (باكستان)، باتفاق مكة للدفاع المشترك بين المملكة العربية السعودية وباكستان وتركيا، واصفا إياه بأنه خطوة تاريخية تستحق التقدير والاعتزاز، وتعكس عمق العلاقات الأخوية التي تجمع الدول الثلاث.

وقال رئيس المجلس صاحب زاده زاهد محمود القاسمي، والأمين العام شاه نواز فاروقي، إن تعزيز التعاون الدفاعي بين الدول الثلاث يمثل تطورا مهما لدعم الأمن والاستقرار في المنطقة، ويبعث رسالة أمل وثقة إلى العالم الإسلامي.

وأضافا أن توقيع الاتفاق في مكة المكرمة يقدم نموذجا للتعاون والوحدة بين الدول الإسلامية، مؤكدين أن الشراكة السعودية الباكستانية التركية يمكن أن تؤدي دورا مهما في حماية المصالح المشتركة للأمة الإسلامية.

04/08/2026

یوم استحصال کشمیر کے موقع پر ریڈیو پاکستان کے نام خصوصی پیغام

29/07/2026

برمنگھم: مسجد طیبہ میں “محفلِ ذکرِ حبیبِ خدا ﷺ کانفرنس” کا انعقاد، سیرتِ نبوی ﷺ پر عمل اور نوجوانوں کی اخلاقی تربیت پر زور

برمنگھم (یوکے): مسجد طیبہ برمنگھم میں “محفلِ ذکرِ حبیبِ خدا ﷺ کانفرنس” کا روح پرور انعقاد کیا گیا، جس میں برطانیہ بھر سے علماء کرام، دینی شخصیات اور عقیدت مندوں کی بڑی تعداد نے شرکت کی۔

کانفرنس سے چیئرمین مرکزی علماء کونسل پاکستان مولانا زاہد محمود قاسمی، مفتی عفان منصور پوری مولانا رفیق جامی، مفتی زبیر، مولانا ارشد محمود، مولانا عمران الحق حافظ عدیل مولانا ضیاء المحسن سید عزیز الرحمان شاہ پروفیسر مطیع الرحمان ڈاکٹر سیدانوارالحسن اختر زمان غوری مولانا محمد قاسم مولانا حق نواز خالد محمود حافظ عاطف نے شرکت کی مقررین نے نبی کریم حضرت محمد مصطفیٰ ﷺ کی سیرتِ طیبہ، محبتِ رسول ﷺ، حسنِ اخلاق، باہمی احترام اور معاشرتی اصلاح کے مختلف پہلوؤں پر روشنی ڈالی۔

اپنے خصوصی خطاب میں چیئرمین مرکزی علماء کونسل پاکستان مولانا زاہد محمود قاسمی نے کہا کہ موجودہ دور میں نوجوان نسل کو سب سے زیادہ ضرورت اس امر کی ہے کہ وہ قرآنِ مجید، سنتِ نبوی ﷺ اور اسوۂ حسنہ سے رہنمائی حاصل کرتے ہوئے اپنی عملی زندگی کو اسلامی تعلیمات کے مطابق استوار کرے۔ انہوں نے کہا کہ اسلام امن، اعتدال، عدل اور انسانیت کا دین ہے، لہٰذا نوجوان اپنے اخلاق، کردار، معاملات اور اعمال میں سیرتِ طیبہ کو اپنائیں اور معاشرے میں خیر، محبت، برداشت اور مثبت اقدار کے فروغ کا ذریعہ بنیں۔

انہوں نے اس بات پر بھی زور دیا کہ نوجوان تعلیم کے حصول کو اپنی ترجیح بنائیں، معاشرتی برائیوں اور بے راہ روی سے اجتناب کریں اور اپنی عملی زندگی کے ذریعے اسلام کے حقیقی، معتدل اور پرامن پیغام کو اجاگر کریں۔

دیگر مقررین نے بھی اپنے خطابات میں سیرتِ رسول اکرم ﷺ کو انفرادی اور اجتماعی زندگی کے لیے بہترین نمونہ قرار دیتے ہوئے امتِ مسلمہ کے اتحاد، دینی شعور اور اخلاقی اقدار کے فروغ کی ضرورت پر زور دیا۔

تقریب کے اختتام پر مسجد علی اور مسجد طیبہ کے بانی، مرحوم قاری تصور مدنی کی دینی، سماجی اور کمیونٹی خدمات کو خراجِ تحسین پیش کیا گیا۔ مقررین نے مرحوم قاری تصور مدنی اور ان کی اہلیہ محترمہ کے لیے مغفرت، بلندیٔ درجات اور جنت الفردوس میں اعلیٰ مقام کی دعا کی، جبکہ برطانیہ میں دینی اور سماجی خدمات کے فروغ کے لیے ان کی گراں قدر کاوشوں کو سراہا۔

کانفرنس کا اختتام امتِ مسلمہ کے اتحاد، برطانیہ سمیت دنیا بھر میں امن، باہمی ہم آہنگی، خیر و سلامتی اور نوجوان نسل کی دینی و اخلاقی کامیابی کے لیے خصوصی دعا کے ساتھ ہوا

23/07/2026

چیئرمین مرکزی علماء کونسل پاکستان صاحبزادہ مولانا زاہد محمود قاسمی کا جماعت اسلامی کے سیکریٹری جنرل جناب امیر العظیم کے انتقال پر اظہارِ افسوس

چیئرمین مرکزی علماء کونسل پاکستان، صاحبزادہ مولانا زاہد محمود قاسمی نے جماعت اسلامی پاکستان کے سیکریٹری جنرل، جناب امیر العظیم کے انتقال پر گہرے رنج و غم اور دلی افسوس کا اظہار کرتے ہوئے کہا کہ ان کی وفات کی خبر سن کر انتہائی صدمہ پہنچا۔

انہوں نے دعا کی کہ اللہ تعالیٰ مرحوم کی تمام دینی، ملی اور قومی خدمات، عبادات اور حسنات کو اپنی بارگاہ میں شرفِ قبولیت عطا فرمائے، ان کی مغفرت فرمائے، درجات بلند کرے اور انہیں جنت الفردوس میں اعلیٰ مقام عطا فرمائے۔

انہوں نے کہا کہ مرحوم کی ہمہ جہت دینی، تنظیمی اور قومی خدمات ہمیشہ یاد رکھی جائیں گی اور ان کی وفات ملتِ اسلامیہ کے لیے ایک بڑا نقصان ہے۔

صاحبزادہ مولانا زاہد محمود قاسمی نے مرحوم کے اہل خانہ، جماعت اسلامی کی مرکزی قیادت، کارکنان اور تمام سوگواران سے دلی تعزیت اور ہمدردی کا اظہار کرتے ہوئے دعا کی کہ اللہ تعالیٰ سب کو صبرِ جمیل عطا فرمائے اور اس عظیم صدمے کو برداشت کرنے کی توفیق دے۔

شعبہ اطلاعات و نشریات
مرکزی علماء کونسل پاکستان