14/10/2026
ناظم جامعہ برادر صاحب جمال نے ذمہ دارانِ اسلامی جمعیت طلبہ کے ہمراہ جامعہ ملاکنڈ کے نئے وائس چانسلر پروفیسر ڈاکٹر محمد ادریس صاحب سے ملاقات کی اور انہیں جامعہ ملاکنڈ میں خوش آمدید کہا۔ہمیں امید ہے کہ پروفیسر ڈاکٹر محمد ادریس صاحب کی قیادت میں جامعہ ملاکنڈ میں تعلیمی معیار کی بہتری، تحقیقی سرگرمیوں کے فروغ، جدید تعلیمی سہولیات کی فراہمی اور طلبہ کو درپیش مسائل کے حل کے لیے مؤثر اقدامات کیے جائیں گے۔ ان شاء اللہ ان کی قیادت میں جامعہ ملاکنڈ ترقی کی نئی منازل طے کرے گی اور ایک معیاری تحقیقی و تعلیمی ادارے کے طور پر مزید آگے بڑھے گی۔اسلامی جمعیت طلبہ جامعہ ملاکنڈ ان کے لیے نیک خواہشات کا اظہار کرتی ہے اور امید رکھتی ہے کہ جامعہ کی ترقی اور طلبہ کے بہتر مستقبل کے لیے مثبت اقدامات کیے جائیں گے۔
