Chinar Free Dialysis Centre

Call Directions Website Contact the organization

Chinar Free Dialysis Centre Welcome to Chinar Free Dialysis Centre
Services We Provide:
�Free Dialysis
�Free Lab Test
�Free Ambulance Service
�Free Medical Checkup & Medicine

Founder Ghulam Ahmed Chaudhary

ایڈیشنل سیکرٹری آزاد حکومت ریاست جموں و کشمیر جناب ظہیر مختار صاحب نے چنار فری ڈائیلائسز سنٹر بھمبر آزاد کشمیر کا دورہ ک...
26/10/2026

ایڈیشنل سیکرٹری آزاد حکومت ریاست جموں و کشمیر جناب ظہیر مختار صاحب نے چنار فری ڈائیلائسز سنٹر بھمبر آزاد کشمیر کا دورہ کیا۔ اس موقع پر ان کے ہمراہ میزان بینک بھمبر برانچ کے منیجر جناب قمر حسین صاحب ،اوورسیز چوہدری جنید علی بوکن صاحب بھی موجود تھے۔
تنظیم کشمیر دوست انجمن فلاح و بہبود (رجسٹرڈ) بھمبر آزاد کشمیر کے مرکزی صدر چوہدری موسیٰ جان صاحب، نائب صدور راجہ مزمل حسین صاحب اور چوہدری عمران احمد صاحب، جنرل سیکرٹری چوہدری عتیق الرحمن برسالوی صاحب اور سیکرٹری فنانس چوہدری شوکت علی انجم صاحب نے معزز مہمانوں کا پرتپاک استقبال کیا اور انہیں ادارے کے مختلف شعبہ جات کا تفصیلی دورہ کرواتے ہوئے ادارے کی کارکردگی، فلاحی خدمات اور مریضوں کو فراہم کی جانے والی مفت طبی سہولیات کے حوالے سے جامع بریفنگ دی۔
اس موقع پر جناب ظہیر مختار صاحب کو بتایا گیا کہ چنار فری ڈائیلائسز سنٹر گردوں کے امراض میں مبتلا مریضوں کو بلا معاوضہ ڈائیلائسز اور دیگر طبی سہولیات فراہم کرکے دکھی انسانیت کی خدمت میں مصروفِ عمل ہے۔ ادارے کی خدمات اور فلاحی سرگرمیوں کا مقصد مستحق مریضوں کو علاج کی سہولت فراہم کرنا اور مالی مشکلات کے باعث کسی بھی مریض کو علاج سے محروم نہ رہنے دینا ہے۔
دورے کے موقع پر میزان بینک بھمبر برانچ کے منیجر جناب قمر حسین صاحب نے ادارے کے فلاحی مشن میں عملی طور پر شریک ہوتے ہوئے چنار فری ڈائیلائسز سنٹر کی ماہانہ ممبرشپ حاصل کی اور ادارے کے ساتھ بھرپور تعاون جاری رکھنے کی یقین دہانی کروائی۔ ان کا یہ اقدام دکھی انسانیت کی خدمت اور فلاحی اداروں کی معاونت کے جذبے کی قابلِ تحسین مثال ہے۔
دور کے اختتام پر تنظیم کی جانب سے معزز مہمان جناب ظہیر مختار صاحب کو ادارے کی خدمات کے اعتراف اور یادگاری طور پر یادگاری شیلڈ پیش کی گئی۔
تنظیم کشمی دوست انجمن فلاح و بہبود (رجسٹرڈ) بھمبر آزاد کشمیر معزز مہمانوں کی آمد، حوصلہ افزائی اور تعاون کی یقین دہانی پر ان کی شکر گزار ہے۔ ادارہ اپنے تمام معاونین، ممبران اور مخیر حضرات کے تعاون سے خدمتِ خلق کے اس مشن کو مزید وسعت دینے کے لیے پُرعزم ہے۔

دکھی انسانیت کی خدمت کرنے اللہ کے قرب کے اصل حق دار ہوتے ہیں ۔ان خیالات کا اظہار ڈپٹی کمشنر بھمبر سردار فیصل مغل نے آزاد...
24/10/2026

دکھی انسانیت کی خدمت کرنے اللہ کے قرب کے اصل حق دار ہوتے ہیں ۔ان خیالات کا اظہار ڈپٹی کمشنر بھمبر سردار فیصل مغل نے آزاد کشمیر کے بڑے فلاحی ادارے چنار فری ڈائلیسز سنٹر برنالہ برانچ کے وزٹ کے دوران کیا ۔یوم تاسیس آزاد کشمیر کے موقع پر جب وہ ہمراہ ڈسٹرکٹ ہیلتھ آفیسر ڈاکٹر شہزاد غضنفر چنار فری ڈائلیسز سنٹر برنالہ برانچ پہنچے تو عبدالجمیل جنجوعہ ریٹائرڈ ڈسٹرکٹ ایجوکیشن آفیسر کی قیادت میں چنار ٹیم نے والہانہ استقبال کیا ۔24 اکتوبر کی مناسبت سے پرچم کشائی کی تقریب منعقد کی گئی۔خوشی کے موقع پر ڈپٹی کمشنر بھمبر نے معزز مہمانوں کے ہمراہ کیک کاٹا ۔چوہدری عتیق الرحمن برسالوی نے تمام شعبوں کے متعلق تفصیلی بریفننگ دی ۔فری سہولیات عوام کے مسلسل تعاون ۔اوورسیز کمیونٹی کے کردار کے حوالے سے تفصیلی تبادلہ خیال ۔ڈپٹی کمشنر بھمبر نے چنار فری ڈائلیسز سنٹر برنالہ برانچ کی خوبصورت ترین عمارت کی تعمیر پر پوری ٹیم کو مبارکباد پیش کرتے ہوئے تمام ڈونرز کا شکریہ ادا کرتے ہوئے کہا کہ اس نفسا نفسی کے دور میں عزت نفس کو بحال رکھتے ہوئے گردوں کے فیلیر مریضوں کو تمام تر سہولیات فری فراہم کرنے کے لیے دن رات کوشاں ہیں ۔انہوں نے اہلیان برنالہ کی فراخدلی کو سلام پیش کیا۔مہمانوں کی کتاب میں اپنے تاثرات قلمبند کرتے ہوئے کہا پوری کشمیری قوم کو آپ سب پر فخر ہے ۔معزز مہمان کو ادارے کی جانب سے یادگاری شیلڈ پیش کی گئی ۔حافظ اظہر حسین سٹاف آفیسر ہمراہ آفیسر تعلقات عامہ سپیکر قانون ساز اسمبلی نے اپنی جانب سے 50 ہزار روپے عطیہ دیا ۔ڈاکٹر شہزاد غضنفر ڈسٹرکٹ ہیلتھ آفیسر اور ڈپٹی کمشنر نے بھی اس عظیم مشن کے عطیہ دیا ۔ڈپٹی کمشنر نے چنار فری ڈائلیسز سنٹر کی تینوں برانچز کے لیے اپنے مکمل تعاون کا یقین دلایا ۔اس موقع پر تحصیل دار محمد شکیل ۔ اوورسیز کشمیری راہنما چوہدری خاقان دیوڑ ۔راجہ محمد شفیق ممبر ضلع کونسل ۔ڈاکٹر اقدس گوندل ایم ایس۔چوہدری عبد الناصر بوکن ۔راجہ مزمل حسین ۔ملک محمد اقبال ۔چیف آفیسر چوہدری زولفقار چاڑ ۔صوبیدار محمد صدیق آزاد مغل ۔حاجی منظور کھوکھر۔راجہ عبد المجید خان۔زولفقار علی مغل۔کامران یونس جرال۔ملک شہزاد اعوان۔محمد شفیع بٹ۔ملک شاہجہان اعوان ۔انجیئنر چوہدری محمد شفیق۔واجد محمود جرنلسٹ و دیگر موجود تھے۔تمام شرکا نے ڈپٹی کمشنر بھمبر سردار فیصل مغل اور ڈسٹرکٹ ہیلتھ آفیسر ڈاکٹر شہزاد غضنفر و دیگر مہمانوں کی آمد اور تعاون پر شکریہ ادا کیا

راجہ آزاد خان صاحب ساکن سیری، حال مقیم برطانیہ (UK) والوں نے اپنے پوتے راجہ موسیٰ شیراز کے ہمراہ چنار فری ڈائیلائسز سنٹر...
24/10/2026

راجہ آزاد خان صاحب ساکن سیری، حال مقیم برطانیہ (UK) والوں نے اپنے پوتے راجہ موسیٰ شیراز کے ہمراہ چنار فری ڈائیلائسز سنٹر سماہنی کا دورہ کیا۔

اس موقع پر ادارے کے صدر، ریٹائرڈ صدر معلم راجہ محمد فاروق خان صاحب نے معزز مہمانوں کا پرتپاک استقبال کیا اور انہیں ادارے میں خوش آمدید کہا۔ مہمانوں کو وارڈز کا دورہ بھی کروایا گیا، جہاں انہوں نے زیرِ علاج مریضوں سے ملاقات کی، ان کی خیریت دریافت کی اور چنار فری ڈائیلائسز سنٹر سماہنی کی جانب سے گردوں کے مریضوں کو فراہم کی جانے والی مفت طبی سہولیات کے بارے میں تفصیلی معلومات حاصل کیں۔

اس دورے کا سب سے خوبصورت اور قابلِ تحسین پہلو کم عمر راجہ موسیٰ شیراز کا جذبۂ خدمتِ انسانیت تھا۔ انہوں نے اپنی ذاتی پاکٹ منی میں سے 50,000 روپے (پچاس ہزار روپے) گردوں کے فیلئیر مریضوں کی مدد کے لیے چنار فری ڈائیلائسز سنٹر سماہنی کو عطیہ کیے۔

راجہ موسیٰ شیراز کا یہ عمل اس بات کی خوبصورت مثال ہے کہ انسانیت کی خدمت کے لیے عمر یا وسائل کی بڑی مقدار نہیں، بلکہ ایک دردِ دل اور دوسروں کے دکھ کو محسوس کرنے والا جذبہ ضروری ہے۔ اپنی پاکٹ منی میں سے اتنی بڑی رقم مستحق مریضوں کے لیے وقف کرنا یقیناً ایک قابلِ فخر اور قابلِ تقلید اقدام ہے۔ یہ جذبہ نہ صرف قابلِ ستائش ہے بلکہ دوسرے بچوں اور نوجوانوں کے لیے بھی ایک بہترین مثال ہے کہ وہ اپنی استطاعت کے مطابق ضرورت مندوں کی مدد کریں اور معاشرے میں بھلائی کے کاموں کا حصہ بنیں۔

یاد رہے کہ راجہ آزاد خان صاحب چنار فری ڈائیلاسز سنٹر سماہنی کے پرانے ڈونر ہیں۔

چنار فری ڈائیلائسز سنٹر سماہنی کی انتظامیہ راجہ آزاد خان صاحب اور ان کے پوتے راجہ موسیٰ شیراز کی تہہ دل سے شکر گزار ہے کہ انہوں نے ادارے کا دورہ کیا، مریضوں کی خیریت دریافت کی اور اس کارِ خیر میں اپنا حصہ ڈالا۔

اللہ تعالیٰ راجہ آزاد خان صاحب اور ان کے اہلِ خانہ کو جزائے خیر عطا فرمائے، راجہ موسیٰ شیراز کو صحت، تندرستی، علم و عمل اور زندگی کے ہر میدان میں کامیابیوں سے نوازے، ان کے رزق و عمر میں برکت عطا فرمائے اور انہیں ہمیشہ انسانیت کی خدمت کرنے والا بنائے۔ اللہ تعالیٰ اس عطیے کو اپنی بارگاہ میں قبول فرمائے اور اسے گردوں کے مریضوں کے لیے آسانی اور شفا کا ذریعہ بنائے۔ آمین ثم آمین!

24/10/2026
اسسٹنٹ کمشنر سماہنی چوہدری سہیل بشیر صاحب نے چنار فری ڈائیلاسز سنٹر سماہنی کا دورہ کیا۔ اس موقع پر ان کے ہمراہ سید مظہر ...
23/10/2026

اسسٹنٹ کمشنر سماہنی چوہدری سہیل بشیر صاحب نے چنار فری ڈائیلاسز سنٹر سماہنی کا دورہ کیا۔ اس موقع پر ان کے ہمراہ سید مظہر حسین شاہ جعفری صاحب بھی موجود تھے۔

چنار فری ڈائیلاسز سنٹر آمد پر ادارے کے جنرل سیکریٹری ریٹائرڈ صدر معلم خالد محمود صاحب اور ایڈمنسٹریٹر راجہ عبدالر حیم صاحب نے معزز مہمانوں کا پرتپاک استقبال کیا اور انہیں پھولوں کا گلدستہ پیش کیا۔

دورے کے دوران اسسٹنٹ کمشنر سماہنی چوہدری سہیل بشیر صاحب کو وارڈز کا وزٹ بھی کروایا گیا، جہاں انہوں نے گردوں کے مرض میں مبتلا مریضوں کو فراہم کی جانے والی طبی سہولیات اور ادارے کی مجموعی کارکردگی کے حوالے سے آگاہی حاصل کی۔

چوہدری سہیل بشیر صاحب نے چنار فری ڈائیلاسز سنٹر سماہنی کی جانب سے مستحق مریضوں کو بلا معاوضہ ڈائیلاسز کی سہولت فراہم کرنے کے اقدام کو سراہا اور مریضوں کو دی جانے والی مفت سہولیات پر اطمینان کا اظہار کیا۔ انہوں نے اس امر کو قابلِ تحسین قرار دیا کہ ادارہ دکھی انسانیت کی خدمت اور گردوں کے مرض میں مبتلا افراد کو علاج معالجے کی سہولیات فراہم کرنے کے لیے اہم کردار ادا کر رہا ہے۔

چنار فری ڈائیلاسز سنٹر سماہنی ایک ایسا فلاحی ادارہ ہے جو مخیر حضرات کے تعاون اور اہلِ علاقہ کی محبت سے مستحق مریضوں کو مفت ڈائیلاسز کی سہولت فراہم کر رہا ہے۔ اس ادارے کی بنیادی ترجیح مریضوں کی خدمت، ان کی مشکلات میں کمی اور انہیں باعزت طریقے سے علاج کی سہولیات مہیا کرنا ہے۔

آخر میں ایڈمنسٹریٹر ادارہ ہذا راجہ عبدالر حیم صاحب نے اسسٹنٹ کمشنر سماہنی چوہدری سہیل بشیر صاحب کو سعید احمد صاحب کی تصنیف وادی سماہنی تاریخی اور ثقافتی آئینے میں پیش کی۔

ادارے کی انتظامیہ اس موقع پر اسسٹنٹ کمشنر سماہنی چوہدری سہیل بشیر صاحب اور سید مظہر حسین شاہ جعفری صاحب کی آمد پر ان کی تہہ دل سے شکر گزار ہے۔ معزز مہمانوں کی آمد اور ادارے کی خدمات کو سراہنا ادارے کے لیے باعثِ حوصلہ افزائی ہے۔

معروف ڈیجیٹل میڈیا پلیٹ فارم X1 Digital کے وفد نے چنار فری ڈائیلائسز سنٹر بھمبر آزاد کشمیر کا دورہ کیا۔ وفد میں احسن محم...
23/10/2026

معروف ڈیجیٹل میڈیا پلیٹ فارم X1 Digital کے وفد نے چنار فری ڈائیلائسز سنٹر بھمبر آزاد کشمیر کا دورہ کیا۔ وفد میں احسن محمود غازی، CEO & Founder X1 Digital، محمد نعمان اقبال، Managing Director X1 Digital، انجم بلال کاظمی، میزبان پروگرام *وارثِ کشمیر (Waris-e-Kashmir)*، اور معاوض ٹھاکر، Video & Media Head X1 Digital شامل تھے۔
چنار فری ڈائیلائسز سنٹر آمد پر تنظیم کشمیر دوست انجمن فلاح و بہبود (رجسٹرڈ) بھمبر آزاد کشمیر کے مرکزی صدر چوہدری موسیٰ جان صاحب، جنرل سیکرٹری چوہدری عتیق الرحمن برسالوی صاحب، نائب صدر چوہدری عمران احمد صاحب اور سیکرٹری فنانس چوہدری شوکت علی انجم صاحب نے وفد کا پرتپاک استقبال کیا۔
وفد کو ادارے کے مختلف شعبہ جات کا تفصیلی دورہ کروایا گیا اور چنار فری ڈائیلائسز سنٹر بھمبر کی جانب سے گردوں کے امراض میں مبتلا مستحق مریضوں کو بلا معاوضہ ڈائیلائسز سمیت فراہم کی جانے والی سہولیات، ادارے کی کارکردگی اور خدمتِ خلق کے مشن کے بارے میں تفصیلی بریفنگ دی گئی۔
وفد کے اراکین نے ادارے کی فلاحی خدمات کو سراہا اور اس عزم کا اظہار کیا کہ چنار فری ڈائیلائسز سنٹر کی بے لوث خدمات، دکھی انسانیت کے لیے جاری جدوجہد اور مستحق مریضوں کی مشکلات کو اجاگر کرنے کے لیے بھرپور انداز میں میڈیا مہم چلائی جائے گی، تاکہ اس عظیم فلاحی مشن کو زیادہ سے زیادہ لوگوں تک پہنچایا جا سکے اور مخیر حضرات کو اس کارِ خیر میں اپنا کردار ادا کرنے کی ترغیب ملے۔
چنار فری ڈائیلائسز سنٹر کی انتظامیہ نے امید ظاہر کی کہ X1 Digital کے تعاون سے ادارے کی خدمات کو وسیع پیمانے پر اجاگر کرنے، عوامی شعور بیدار کرنے اور مستحق مریضوں کے لیے تعاون کے نئے راستے کھولنے میں مدد ملے گی۔

معروف معالجہ ایم ڈی ریڈیالوجسٹ ڈاکٹر ثمرن عجائب صاحبہ اور ڈاکٹر بلاول خان صاحب نے چنار فری ڈائیلائسز سنٹر بھمبر آزاد کشم...
22/10/2026

معروف معالجہ ایم ڈی ریڈیالوجسٹ ڈاکٹر ثمرن عجائب صاحبہ اور ڈاکٹر بلاول خان صاحب نے چنار فری ڈائیلائسز سنٹر بھمبر آزاد کشمیر کا دورہ کیا، جہاں تنظیم کشمیر دوست انجمن فلاح و بہبود (رجسٹرڈ) کے مرکزی جنرل سیکرٹری چوہدری عتیق الرحمن برسالوی صاحب اور سیکرٹری فنانس چوہدری شوکت علی انجم صاحب نے معزز مہمانوں کا خیرمقدم کیا۔
اس موقع پر معزز مہمانوں کو ادارے کے مختلف شعبہ جات کا تفصیلی دورہ کروایا گیا اور انہیں مرکز کی کارکردگی، مریضوں کو فراہم کی جانے والی مفت ڈائیلائسز کی سہولیات اور دکھی انسانیت کی خدمت کے لیے جاری فلاحی سرگرمیوں کے بارے میں تفصیلی بریفنگ دی گئی۔
ڈاکٹر ثمرن عجائب صاحبہ اور ڈاکٹر بلاول خان صاحب نے ادارے کی شاندار کارکردگی، انتظامی نظم و ضبط اور گردوں کے امراض میں مبتلا مریضوں کو بلا معاوضہ طبی سہولیات فراہم کرنے کے جذبے کو سراہتے ہوئے انتظامیہ کو خراجِ تحسین پیش کیا۔
انہوں نے اس امر کو قابلِ ستائش قرار دیا کہ چنار فری ڈائیلائسز سنٹر مستحق مریضوں کے لیے امید کی کرن بن کر اپنی خدمات سرانجام دے رہا ہے اور انسانیت کی خدمت کے عظیم مشن کو مسلسل آگے بڑھا رہا ہے۔
چنار فری ڈائیلائسز سنٹر صرف ایک طبی ادارہ نہیں، بلکہ ان سینکڑوں خاندانوں کے لیے امید، حوصلے اور زندگی کا سہارا ہے جن کے پیارے گردوں کے مرض سے نبرد آزما ہیں۔
تنظیم کشمیر دوست انجمن فلاح و بہبود (رجسٹرڈ) تمام مخیر حضرات، طبی ماہرین اور خدمتِ انسانیت کے جذبے سے سرشار شخصیات کی قدر کرتی ہے، جن کی حوصلہ افزائی اور تعاون سے یہ مشن مزید مضبوط ہو رہا ہے۔
اللہ تعالیٰ اس ادارے کو دن دگنی رات چوگنی ترقی عطا فرمائے اور اس کارِ خیر میں حصہ لینے والے تمام افراد کو بہترین اجر عطا فرمائے۔ آمین یا رب العالمین

میرپور.. چنار فری ڈائیلاسز سنٹر بھمبر کے وفد کی انجمن فلاح و بہبود انسانیت میرپور کے صدر پروفیسر شاہد منیر جرال سے ملاقا...
22/10/2026

میرپور..
چنار فری ڈائیلاسز سنٹر بھمبر کے وفد کی انجمن فلاح و بہبود انسانیت میرپور کے صدر پروفیسر شاہد منیر جرال سے ملاقات
چنار فری ڈائیلاسز سنٹر بھمبر کے وفد جن میں چوہدری عتیق الرحمن برسالوی ۔چوہدری امجد محمود اور حاجی عنصر اقبال کی قیادت میں فری کڈنی ڈائیلاسز سنٹر، ڈویژنل ہیڈ کوارٹر ٹیچنگ ہسپتال میرپور کا دورہ کیا اور انجمن فلاح و بہبود انسانیت میرپور کے صدر پروفیسر شاہد منیر جرال سے خصوصی ملاقات کی۔ملاقات میں پروفیسر شاہد منیر جرال کو صدر کی ذمہ داریاں سنبھالنے پر مبارک باد پیش کی گئی، جبکہ مفت ڈائیلاسز کی سہولیات، فلاحی منصوبہ جات اور مستحق مریضوں کی بہتر خدمت کے حوالے سے تبادلۂ خیال کیا گیا۔ دونوں اداروں نے ایک دوسرے کے تجربات سے استفادہ کرنے، باہمی روابط مضبوط بنانے اور خدمتِ انسانیت کے مشن کو مزید مؤثر بنانے کے لیے تعاون جاری رکھنے پر اتفاق کیا۔پروفیسر شاہد منیر جرال نے وفد کی آمد اور نیک تمناؤں پر شکریہ ادا کرتے ہوئے کہا کہ دکھی انسانیت کی خدمت ایک مشترکہ ذمہ داری ہے اور اس عظیم مقصد کے لیے تمام فلاحی اداروں کو باہمی تعاون اور مشاورت کے ساتھ آگے بڑھنا چاہیے۔اور چوہدری عتیق الرحمن برسالوی نے سن کو دورہ بھمبر کی دعوت دی ۔جو انہوں نے قبول کرتے ہوئے جلد چنار فری ڈائلیسز سنٹر بھمبر کے باقاعدہ وزٹ کا عزم کیا۔

9 لاکھ 29 ہزار 820 روپے کا عطیہمعروف سماجی شخصیت اور خدمتِ انسانیت کے جذبے سے سرشار حاجی عبدالرشید صاحب آف بزرگوال، حال ...
21/10/2026

9 لاکھ 29 ہزار 820 روپے کا عطیہ
معروف سماجی شخصیت اور خدمتِ انسانیت کے جذبے سے سرشار حاجی عبدالرشید صاحب آف بزرگوال، حال مقیم برطانیہ (UK) نے اپنے صاحبزادے عبدالحفیظ صاحب کے ہمراہ چنار فری ڈائیلائسز سنٹر بھمبر آزاد کشمیر کا دورہ کیا۔ اس موقع پر تنظیم کے مرکزی نائب صدر چوہدری عمران احمد صاحب، جنرل سیکرٹری چوہدری عتیق الرحمن برسالوی صاحب، ڈپٹی جنرل سیکرٹری چوہدری محمد امجد صاحب، سیکرٹری فنانس چوہدری شوکت علی انجم صاحب اور چوہدری عنصر صاحب نے ان کا پرتپاک استقبال کیا۔
اس موقع پر حاجی عبدالرشید صاحب نے چنار فری ڈائیلائسز سنٹر کے لی929820 روپے (نو لاکھ انتیس ہزار آٹھ سو بیس روپے) کا خطیر عطیہ پیش کیا۔ ان کا یہ قابلِ قدر تعاون اس عظیم مشن سے محبت، اعتماد اور دکھی انسانیت کی خدمت کے عزم کا عملی اظہار ہے۔
حاجی عبدالرشید صاحب اور ان کی پوری فیملی چنار فری ڈائیلائسز سنٹر کے مستقل اور قابلِ قدر ڈونرز میں شامل ہیں۔ یہ خاندان ہر سال لاکھوں روپے کے عطیات دے کر گردوں کے امراض میں مبتلا مستحق مریضوں کے مفت علاج اور ڈائیلاسز کی فراہمی میں اپنا بھرپور کردار ادا کرتا آ رہا ہے۔ ان کی مسلسل مالی معاونت نہ صرف ادارے کے لیے تقویت کا باعث ہے بلکہ ان بے شمار مریضوں اور ان کے خاندانوں کے لیے بھی امید کی کرن ہے جو زندگی کی جنگ لڑ رہے ہیں
حقیقت یہ ہے کہ ایسے درد دل رکھنے والے مخیر حضرات ہی خدمتِ انسانیت کے ان چراغوں کو روشن رکھتے ہیں۔ ان کا دیا ہوا عطیہ محض رقم نہیں، بلکہ کسی مجبور مریض کے لیے آسانی، کسی پریشان خاندان کے لیے سکون اور کسی زندگی کو سہارا دینے کا وسیلہ ہے۔
انتظامیہ چنار فری ڈائیلائسز سنٹر بھمبر آزاد کشمیرحاجی عبدالرشید صاحب، ان کے صاحبزادے عبدالحفیظ صاحب اور ان کے تمام اہلِ خانہ کی تہہ دل سے شکر گزار ہے۔ اللہ تعالیٰ ان کے عطیات کو اپنی بارگاہ میں قبول فرمائے، ان کے رزق، صحت، عمر اور کاروبار میں برکت عطا فرمائے اور انہیں دنیا و آخرت کی بے شمار بھلائیوں سے نوازے۔ آمین یا رب العالمین۔

20/10/2026

فراز آصف ساکن مغلورہ تحصیل وضلع بھمبر آزاد کشمیر

Address

District Headquarter Hospital Bhimber
Bhimber

Alerts

Be the first to know and let us send you an email when Chinar Free Dialysis Centre posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Chinar Free Dialysis Centre:

Shortcuts

Share