International Riar Federation

10/07/2026

ندائے ریاڑ
قسط نمبر 2 وقارِ ریاڑ
ریاڑ ہو ریاڑ کا وقار بھی نبھائیے،
محبتوں کے دیے ہر دل میں جلائیے۔

نفرتوں سے کب کسی کے قافلے بنے ہیں،
اتفاق سے ہی اپنی منزلیں سجائیے۔

بزرگوں کی امانت ہے یہ رشتہ، یہ خاندان،
اسے اخلاص، وفا اور ادب سے بچائیے۔

نہ نام ہی پہ ناز ہو، عمل بھی بے مثال ہو،
ریاڑ ہونے کا حق کردار سے دکھائیے۔

طالبؔ یہی دعا ہے ربِ کریم سے،
ریاڑ کا وقار سدا یونہی بلند رہے۔
طالب دعاء
طالب حسین ریاڑ

08/07/2026

89 نیوز پر جٹ الائنس کا مؤقف
چوہدری محمد صدیق جٹ (صدر انٹرنیشنل جٹ کونسل و بانی جٹ الائنس) نے 89 نیوز سے گفتگو کرتے ہوئے مطالبہ کیا کہ فلم "مینگو جٹ" کا نام فوری طور پر تبدیل کیا جائے تاکہ جٹ برادری کے جذبات، عزت اور وقار کا احترام برقرار رہے۔
اس مؤقف پر انٹرنیشنل ریاڑ فیڈریشن جٹ الائنس کے ساتھ مکمل یکجہتی کا اظہار کرتی ہے اور برادری کے وقار کے تحفظ کے لیے ہر آئینی، قانونی اور پرامن جدوجہد میں اس کے شانہ بشانہ کھڑی ہے۔
امن، احترام، اتحاد اور قانون کی بالادستی ہمارا پیغام

06/07/2026

05/07/2026

ندائے ریاڑ
قسط نمبر 1: جاگ ریاڑ نوجوان
وقت کی پکار ہے، جاگ ریاڑ نوجوان،
تم سے ہی ہے قوم کا آج اور کل کا مان۔
خواب جو دیکھے ہیں، سچ بھی کرنے ہیں،
علم و عمل کے راستے خود تمہیں سنوارنے ہیں۔
وقت کو جو کھو دیا، پھر وہ ہاتھ نہیں آتا،
سونے والی قوم کا نام بھی ہے مٹ جاتا۔
نسب پہ فخر کافی نہیں، کردار بھی عظیم کر،
تمہاری ہر ادا میں محبت، دیانت اورتعلیم ہو۔
بکھر گئے تو مٹ جاؤ گے، یہ ہمیشہ یاد رکھنا،
اتحاد کی زنجیر کو مضبوط سدا تم رکھنا۔
اپنے بزرگوں کی محنت کو رائیگاں نہ جانے دو،
اپنی نسلوں کے مستقبل کو اندھیروں میں نہ کھونے دو۔
عزم کو اپنی طاقت بنا، ہمت کو اپنی ڈھال بنا،
محنت، محبت اور اخلاص کو زندگی کا شعار بنا۔
ربِّ کریم پر کامل بھروسہ رکھ، آگے بڑھتا جا،
خدمتِ خلق کو اپنا مقصد اور اپنی پہچان بنا۔
طالبؔ یہی صدا ہے، یہی دل کی آرزو،
جاگ ریاڑ نوجوان، تم ہی ہمارا مستقبل ہو۔

04/07/2026

بسم اللہ الرحمٰن الرحیم
پیارے بھائیو!
الحمدللہ، کل بروز اتوار مورخہ 5 جولائی 2026 سے انٹرنیشنل ریاڑ فیڈریشن کے آفیشل فیس بک پیج پر ایک نئے فکری و ادبی سلسلے "ندائے ریاڑ" کا باقاعدہ آغاز کیا جا رہا ہے۔
اس سلسلے کا مقصد ریاڑ برادری میں شعور، اتحاد، تعلیم، کردار سازی، خدمتِ خلق اور نوجوان نسل میں مثبت سوچ کو فروغ دینا ہے۔ امید ہے آپ اس کا حصہ بنیں گے، اسے پڑھیں گے، اپنی آراء دیں گے اور زیادہ سے زیادہ شیئر کریں گے تاکہ یہ پیغام دنیا بھر میں موجود ریاڑ برادری تک پہنچ سکے۔
آئیے، قلم کی طاقت سے اتحاد، علم اور کردار کی نئی شمع روشن کریں۔
طالب حسین ریاڑ
مرکزی صدر
انٹرنیشنل ریاڑ فیڈریشن

04/07/2026

آپ کے اعتماد، تعاون اور قیمتی ووٹ کا طلبگار اور حقدار۔
برادرِ محترم چوہدری عامر محمود ریاڑ ایڈووکیٹ
امیدوار برائے صدر ڈسٹرکٹ بار ایسوسی ایشن وزیرآباد۔
آئیں، دیانت، خدمت اور باوقار قیادت کے سفر میں ان کا ساتھ دیں۔
آپ کا ایک ووٹ، مضبوط اور مؤثر قیادت کی ضمانت۔