ينگ مسلم کتري ويلفيئر سوسائٽي بدين.

10/01/2026

01/01/2026

✨ نئون سال مبارڪ 2026 ✨

ينگ مسلم کتري ويلفيئر سوسائٽي بدين جي سمورن ميمبرن، ساٿين ۽ ڪميونٽي جي ڀائرن ۽ ڀينرن کي نئون سال مبارڪ هجي۔

دعا آهي ته ايندڙ سال اسان سڀني لاءِ امن، ڀائيچاري، ترقي ۽ خدمتِ خلق جا نوان موقعا کڻي اچي۔

الله پاڪ اسان جي تنظيم کي ڪميونٽي جي ڀلائي لاءِ وڌيڪ مضبوط ۽ ڪامياب بڻائي۔
آمين 🤲

✍🏻 سيڪريٽري اطلاعات، YMKWS بدين
Ghulam Mustafa Khatri
📧 [email protected]
🌐 www.ymkws.org
💫

The Philosophy of the Young Muslim Khatri Welfare Society (YMKWS Badin), is to work for the welfare of its members, to promote brotherhood amongst the members of Jamaat, and to help needy members, in all possible manners, encourage and promote sense of education amongst the children of its members,....

14/12/2025

ينگ مسلم کتري ويلفيئر سوسائٽي بدين پاران 12 ڊسمبر 2025ع، بروز جمعي جي شام 3:30 وڳي کتري ڪميونٽي هال ۾ ڪتاب ڪچهري جي عنوان هيٺ هڪ علمي ۽ فڪري پروگرام ڪاميابي سان منعقد ڪيو ويو۔ سيشن ۾ مشهور صحافي ٽم مارشل جي ڪتاب “جغرافيائي مستقبل” تي گفتگو ۽ بحث ٿي.

پروگرام جي شروعات ايجوڪيشن ڪميٽي ميمبر ۽ ڪوآرڊينيٽر عبدالجبار حبيباڻي ينگ مسلم کتري ويلفيئر سوسائٽي بدين جو تعارف ڪرايو ۽ چيو اسان باقاعدي طور شاگردن لاءِ آگاهي، ڪيريئر ڪائونسلنگ ۽ تعليمي سيشنز ڪرائي رهيا آهيو، جيئن نوجوانن ۾ فڪري واڌارو ۽ جديد دور جي سمجھ پيدا ٿي سگهي۔ ان بعد ناميارو سياسي ۽ پورهيت اڳواڻ وشنومل صاحب ڪتاب *“جغرافيائي مستقبل”* جي اهم موضوعن تي ڳالهه ٻولهه ڪئي ۽ جغرافيائي صورتحال جو عالمي سياست ۽ ملڪن جي پاليسين تي پوندڙ اثرن بابت تفصيلي روشني وڌي۔

پروگرام جي آخر سوالن ۽ جوابن جو وقفي جي دوران شميم حسين، خادم ٽالپر، امر کتري، منور تبسم، حنين حسن، مير لکي ۽ ٻين پنهنجن خيالن جو اظهار ڪيو.

اختتام تي صدر الهنواز کتري صاحب پنهنجا خيال پيش ڪيا ۽ چيو ته اهڙا جديد ۽ سائنسي علمي پروگرام نوجوانن جي سوچ ۾ واڌارو آڻين ٿا ۽ تنظيم مستقبل ۾ به ڪتاب ڪچهري جا اهڙا مفيد سيشن جاري رکندي۔ آخر ۾ مهمانن ۽ شرڪت ڪندڙن جو شڪريو ادا ڪيو ويو۔

Ghulam Mustafa Khatri
✍🏻 سيڪريٽري اطلاعات، YMKWS بدين
📧 [email protected]
🌐 www.ymkws.org
💫

17/11/2025

🎙️🎙️
Meeting Summary

بتاريخ 16 نومبر 2025ع، بروز آچر بعد نمازِ مغرب شام 6:30 وڳي ينگ مسلم کتري ويلفيئر سوسائٽي بدين جي آفيس ۾ عهديدارن، بورڊ آف ڊائريڪٽرز ۽ ايجوڪيشن ڪميٽي جي گڏجاڻي صدر محترم الهنواز جي صدارت هيٺ ٿي گذري۔ ميٽنگ جو آغاز تلاوت ڪلام پاڪ سان ٿيو، جنهن جي سعادت شڪيل عبد الرحيم حاصل ڪئي. جنهن بعد ايجنڊا “کتري فيملي فيسٽيول” بابت تفصيلي مشاورت ڪئي وئي۔

ميٽنگ دوران سڀني ميمبرن پنهنجي پنهنجي تجويزون ۽ راءِ پيش ڪيون، جنهن ۾ پروگرام جي تاريخ، ترتيب ، شڪل ۽ انتظامي ضرورتن تي مفصل بحث ڪيو ويو ۽ اتفاقِ راءِ سان اهو فيصلو ڪيو ويو ته فيملي فيسٽيول فيبروري 2026 جي ٻئي هفتي ۾ منعقد ڪيو ويندو جنهن ۾ عورتن ۽ ٻارڙن جا اسٽال، راندين جا مقابلا، جهولا، ميجڪ شو ۽ محفل موسيقي شامل هوندي.

ان کان علاوه، فيسٽيول جي تيارين کي وڌيڪ بهتر، منظم ۽ اثرائتو بڻائڻ لاءِ هڪ تياري ڪميٽي پڻ تشڪيل ڏني وئي.

✍🏻
Ghulam Mustafa Khatri
سيڪريٽري اطلاعات، YMKWS بدين
📧[email protected]
🌐 www.ymkws.org
💫

10/11/2025

ينگ مسلم کتري ويلفيئر سوسائٽي بدين جي تعليمي ۽ تربيتي ڪميٽي پاران 9 نومبر 2025ع، بروز آچر صبح 10:30 وڳي ڪميونٽي هال ۾
"Empowering Youth Through Future Technology"
عنوان ھيٺ شاگردن لاءِ هڪ ڄاڻ ڀريو ۽ جديد دور سان لاڳاپيل سيشن ڪاميابي سان منعقد ڪيو ويو۔ پروگرام جو مقصد نوجوانن ۾ ٽيڪنالاجي ۽ Artificial Intelligence بابت ڄاڻ وڌائڻ ۽ انهن کي جديد دور جي مهارتن سان آراسته ڪرڻ هو۔

بدين ضلعي جي مختلف شهرن بدين، ٽنڊو باگو، گولاڙچي، تلھار ۽ ڪڍڻ مان شاگردن ۽ شاگردياڻين وڏي تعداد ۾ شرڪت ڪئي۔

پروگرام جي شروعات ۾ عبدالجبار حبيباڻي (ايجوڪيشن ڪميٽي ميمبر ۽ ڪوآرڊينيٽر) چيو ينگ مسلم کتري ويلفيئر سوسائٽي بدين شاگردن لاءِ مختلف آگاهي، ڪيريئر ڪائونسلنگ ۽ تعليمي سيشن ڪرائي رهي آهي۔

ان بعد بدين سافٽ ويئر هائوس جا روح روان حنين حسن صاحب پاران Artificial Intelligence ۽ جديد ٽيڪنالاجي جي اهميت تي هڪ انتهائي دلچسپ ۽ انٽرايڪٽو سيشن پيش ڪيو ويو، جنهن ۾ شاگردن کي جديد سافٽ ويئرز، AI ٽولز ۽ مستقبل ۾ ٽيڪنالاجي جي ڪردار بابت عملي ڄاڻ ڏني وئي۔

آخر ۾ جنرل سيڪريٽري انيس يوسف، ايجوڪيشن ڪميٽي ميمبر عبدالڪريم عبدالمجيد ۽ B.O.D ميمبر عرفان کتري پنهنجا خيال پيش ڪيا. پروگرام ڪاميابي سان مڪمل ٿيو ۽ شرڪت ڪندڙن پاران وڏي دلچسپي ۽ ساراهه حاصل ڪئي۔

✍🏻
Ghulam Mustafa Khatri
سيڪريٽري اطلاعات، YMKWS بدين
📧 [email protected]
🌐 www.ymkws.org
💫

24/10/2025

ينگ مسلم کتري ويلفيئر سوسائٽي بدين جي ھنگامي اجلاس ۾ تنظيم جي ميمبر محمد قاسم ولد محمد اسماعيل جي گھر ۾ قائم گودام تي حملي ۽ سندس ملازم شهباز سومرو مٿان غير انساني تشدد جي سخت لفظن ۾ مذمت ڪئي وئي . تنظيم جو اجلاس صدر الھنواز جي صدارت ۾ ٿيو، جنھن ۾ ٻڌايو ويو ته گذريل ڏينھن جوابدار ثمر خواجه ۽ عمران عرف پپي خواجه ڪجھ غنڊن کي ساڻ ڪري محمد قاسم جي گھر جي اندر داخل ٿيا ۽ موجود ڪاروباري گدام مٿان حملي آور ٿي اتي موجود ملازم مٿان سخت تشدد ڪيو، جوابدار، ساڻ آندل غنڊن سان گڏجي لتن مُڪن ذريعي تشدد ڪندا هٿيارن جي زور تي کيس اغوا ڪري کڻي ويا، ۽ حملي آور ثمر خواجه جي پيءَ اختر خواجه آڏو پيش ڪيو، جنھن پڻ ملازم مٿان تشدد ڪيو، ان واقعي جي ايف آءِ آر داخل ٿي وئي آھي پر جوابدارن جي گرفتاري عمل ۾ نه آئي آھي، اجلاس ۾ ايس پي ۽ ايس ايڇ او بدين کان مطالبو ڪيو ويو ته فوري طور تي جوابدارن جي گرفتاري عمل ۾ آندي وڃي ۽ حملي آورن کان تحفظ پڻ ڏياريو وڃي. اجلاس ۾ ڊاڪٽر محمد عثمان کٽي، عبدالقادر اسماعيل کٽي، انيس يوسف، حاجي يوسف کٽي، محمد قاسم کٽي، غلام مصطفى يوسف، عرفان احمد کٽي، شوڪت غفور کٽي، غلام مصطفى عبدالمجيد، محمد ياسين، ياسر يعقوب، عمران غلام حسين، شڪيل عبدالڪريم ، واصف حسين ، شڪيل الرحمان ۽ ٻين شرڪت ڪئي.
✍🏻
غلام مصطفيٰ عبدالمجيد
سيڪريٽري اطلاعات، YMKWS بدين
📧[email protected]
🌐 www.ymkws.org
💫

10/10/2025

Upcoming Sunday

15/09/2025

تربيتي پروگرام

ٻارن جي تعليم و تربيت ۾ والدين جو ڪردار

پنھنجي ٻارڙن جي پرورش سان گڏ انھن جي تربيت ڪرڻ سڀ کان وڏو چيلينج ھوندو آھي، خاص ڪري اھڙين حالتن ۾ جڏھن والد معاشي ۽ والده گھرو معاملا سڌا ڪرڻ لاء چوويهه ڪلاڪ ڪوشش ۾ ھوندا آھن جيئن ھو پنھنجي اولاد لاءِ وڌيڪ آسانيون پيدا ڪري سگھن. پر ان حالتن ۾ سڀ کان اھم ڳالهه اھا ھوندي آھي ته ٻارڙن جي تعليم ۽ تربيت ڪيئن ڪجي. ٻارڙن جا معاملا ،انھن جون ضرورتون ،کائڻ پيئڻ کان ڳالھائڻ جي سليقي تائين ۽ زندگي ۾ درپيش چيلينجز کي منهن ڏيڻ لاءِ ڇا ڪرڻ گهرجي ؟

ان سلسلي ۾ “ ٻارن جي تعليم و تربيت ۾ والدين جو ڪردار ” جي عنوان تحت ٻارڙن بدران سندن والدين جي تربيت لاءِ ھڪ پروگرام جو انعقاد ڪيو ويو آهي.

جنھن ۾ جناب عبدالرزاق محمد صالح ۽ محترمه غفالا غلام رسول ڳالهه ٻولهه ڪندا. هي پرورام صرف کتري ڪميونٽي لاءِ آرگنائيزر ڪيو ويو آهي.

پروگرام جي تاريخ 28 سيپٽمبر 2025
ڏينھن آچر _ وقت شام 4 کان 6 بجي تائين
ھنڌ کتري ڪميونٽي ھال ڪينٽ روڊ بدين.

رجسٽريشن لاءِ عبدالڪريم عبدالمجيد
03062114059

✍🏻
غلام مصطفيٰ عبدالمجيد
سيڪريٽري اطلاعات، YMKWS بدين
📧[email protected]
🌐 www.ymkws.org
💫

03/09/2025

🌟 Acknowledgment from BESO 🌟

بدين ايجوڪيشنل اينڊ سوشل آرگنائيزيشن (BESO) پاران 6th Educational Mega Event – Brilliance Expo ۾ ينگ مسلم کتري ويلفيئر سوسائٽي بدين کي شرڪت جي دعوت ڏني وئي.

ان موقعي تي تنظيم جي تعليمي ۽ سماجي خدمتن کي ساراهيندي هڪ اعزازي شيلڊ پيش ڪئي وئي، جيڪا تنظيم جي طرفان جنرل سيڪريٽري انيس يوسف ۽ اطلاعات سيڪريٽري غلام مصطفيٰ وصول ڪئي.

✍🏻

سيڪريٽري اطلاعات، YMKWS بدين
📧[email protected]
🌐 www.ymkws.org
💫

18/08/2025

🎙️🎙️
ڪيريئر ڪائونسلنگ سيشن

17 آگسٽ 2025ع تي ينگ مسلم کتري ويلفيئر سوسائٽي بدين جي کتري ڪميونٽي هال ۾ ڪيريئر ڪائونسلنگ جي سِري هيٺ هڪ تربيتي سيشن ٿي گذريو. جنهن ۾ نامياري تعليم دان، سماجي شخصيت سنڌ يونيورسٽي لاڙ ڪيمپس جي انگريزي شعبي جي سربراه پروفيسر ڊاڪٽر طفيل چانڊيو صاحب نوجوانن کي
"جديد دور جي تعليم، ڪيريئر ۽ بهتر مستقبل جي رٿابندي" جي موضوع تي ڄاڻ فراهم ڪئي. پروگرام ۾ ڪميونٽي جي نوجوانن سميت بدين ۽ ڀرپاسي جي تعليمي ادارن شاگردياڻين ۽ شاگردن ڀرپور شرڪت ڪئي.

سيشن جي آخر ۾ تنظيم جي صدر محترم الھ نواز محمد طالب خيالن جو اظهار ڪيو، مهمان اسپيڪر ۽ شريڪ ٿيندڙ شاگردن ۽ شاگردياڻين جو شڪريو ادا ڪيو ۽ سماجي بهتري لاءِ تنظيم جي عزم کي ورجايو. سيشن ۾ شريڪ ٿيندڙ شاگردن جي حوصلہ افزائي لاءِ پروفيسر ڊاڪٽر طفيل چانڊيو، الهنواز کتري، عبدالرزاق کٽي، جبار حبيباڻي ۽ انيس کتري جي هٿان سرٽيفڪيٽ ورهايا ويا.

غلام مصطفيٰ عبدالمجيد
سيڪريٽري اطلاعات YMKWS بدين

[email protected]
www.ymkws.org
💫