04/07/2025
8 محرم الحرام (4 جولائی 2025)
اٹک، یوتھ سٹوڈنٹس آرگنائزیشن کے زیر اہتمام بزمِ فکرِ حضرت امام حسین ؓ و شہادتِ حضرت عمر فاروق ؓ کا انعقاد نگرانِ اعلیٰ ملک فیاض احمد بشیر کے ڈیرے پر ہوا۔ بزم کا باقاعدہ آغاز تلاوت کلامِ پاک سے حافظ عبداللہ نے کیا جبکہ عاقل علی قادری اور ارتضیٰ علی نے نعت و منقبت کی سعادت حاصل کی۔ بعد ازاں نگرانِ اعلیٰ ملک فیاض احمد بشیر نے شہداء کربلا کی لازوال قربانیوں کے حوالے سے پیغام دیا جبکہ بانی و سربراہ فیصل نیاز نے شہادت عمر فاروق ؓ پر روشنی ڈالی اور چیئرمین احسن فاروق نے نقابت کے فرائض سر انجام دیے۔
بزم میں نگرانِ اعلیٰ ملک فیاض احمد بشیر، بانی و سربراہ فیصل نیاز، چیئرمین احسن فاروق، معلم سر توصیف احمد، ویلفیئر ہیڈ عمار یاسر، سیکرٹری مالیات غلام عباس، سیکرٹری اطلاعات عاقل علی قادری، سابق چیئرمین ملک فیصل نواب، سپورٹس ہیڈ ملک دانش وقار، ایگزیکٹو ممبر عاقب طفیل، ممبر شعبہ ویلفیئر انصر بالی خان، مرزا سرکل سے عزیر علی، فیضان علی، عمر فاروق، حافظ عمران، کاروان اقبال سے ارتضیٰ علی، حافظ عبداللہ اور دیگر نے شرکت کی۔
بزم کے بعد کابینہ اجلاس ہوا جس میں یومِ آزادی کے حوالے سے آل اٹک ملی نغمہ و مقابلہ کلام اقبال کروانے پر مشاورت ہوئی جس پر رواں ہفتے کام کا آغاز کر دیا جاۓ گا۔ آگے بڑھو اٹک سپورٹس پروگرام سیزن 2 کو موسم کی شدت کے باعث ماہ آزادی میں نہ کروانے کا فیصلہ کیا گیا جو کہ اب رواں سال موسم سرما میں کرایا جاۓ گا۔ یوتھ نعت کانفرنس جے حوالے سے مشاورت ہوئی ان شاءاللہ ساتویں سالانہ کانفرنس 8 نومبر کو یوم اقبال کی مناسبت سے منعقد ہو گی۔
اجلاس کے بعد ویلفیئر ہید عمار یاسر اور ممبر ویلفیئر فیضان علی کی خدمات کے اعتراف میں الوداعی عشائیہ کا بھی اہتمام کیا گیا۔
رپورٹ: سیکرٹری اطلاعات و نشریات واۓ ایس او عاقل علی قادری
