Islami Jamiat-e-Talaba AMC

Home
Pakistan
Abbottabad
Islami Jamiat-e-Talaba AMC

Directions Website

Islami Jamiat Talba Ayub Medical College.

Islami Jamiat Talba is Largest Student Organization of Pakistan.
ہمارا نصب العین:
اللّٰہ اور اس کے رسول صَلَّی اللَّہُ علیہِ وسلّم کے بتائے ہوئے اصولوں کے مطابق انسانی زندگی کی تعمیر کے ذریعے رضائے الٰہی کا حصول۔

11/09/2026

الحمدللہ! اسلامی جمعیتِ طلبہ کی جدوجہد رنگ لے آئی۔

لاہور ہائی کورٹ نے افغان طلبہ کے حق میں اہم فیصلہ سنا دیا۔
یہ فیصلہ اس بات کا ثبوت ہے کہ حق کے لیے اٹھنے والی آواز، مسلسل جدوجہد اور قانونی و پُرامن جدوجہد کبھی رائیگاں نہیں جاتی۔

ہم افغان طلبہ کے حقِ تعلیم کے لیے آواز اٹھاتے رہیں گے۔
تعلیم ہر طالب علم کا حق ہے، شناخت یا قومیت اس حق کی راہ میں رکاوٹ نہیں بننی چاہیے۔

الحمدللہ علیٰ کل حال۔ ✊📚

10/09/2026

ایوب میڈیکل کالج میں گزشتہ شب پیش آنے والے افسوسناک واقعے اور دو گروہوں کے مابین رونما ہونے والے تصادم پر ہمیں شدید افسوس ہے۔ قانون شکنی یا نظم و ضبط کی خلاف ورزی کی صورت میں ضابطے کے مطابق کارروائی بلاشبہ ناگزیر ہے، تاہم اس واقعے کی پاداش میں تمام طلبہ کو سزاوار ٹھہرانا کسی بھی اعتبار سے مناسب نہیں۔
ہاسٹلز کو فوری طور پر خالی کروانے کا فیصلہ اور اس کے ساتھ پانی و بجلی کی فراہمی کا انقطاع ان سینکڑوں طلبہ کے ساتھ صریح ناانصافی ہے جن کا اس واقعے سے دور کا بھی تعلق نہیں۔ ملک کے طول و عرض سے آئے ہوئے طلبہ، اور وہ طلبہ بھی جن کے اہلِ خانہ بیرونِ ملک مقیم ہیں، اس وقت اپنی تعلیم، امتحانات اور تیاری کے نہایت اہم مرحلے سے گزر رہے ہیں۔ ایسے نازک وقت میں انہیں اس آزمائش سے دوچار کرنا ان کے تعلیمی مستقبل پر منفی اثرات مرتب کرے گا۔
ہم انتظامیہ سے پرزور مطالبہ کرتے ہیں کہ اپنے اس فیصلے پر نظرِ ثانی کرے۔ تمام طلبہ کو مشکلات سے دوچار کرنے کے بجائے، ذمہ دار افراد کی نشاندہی کے بعد صرف انہی کے خلاف کارروائی عمل میں لائی جائے۔ طلبہ کے تعلیمی حقوق، وقت اور مستقبل کا تحفظ انتظامیہ کی اولین ذمہ داری ہے، اور اس ضمن میں ایسا انتظام کیا جانا چاہیے جو ہر طالبعلم کے لیے سہولت کا باعث بنے، نہ کہ زحمت کا۔
سیکیورٹی خدشات کی آڑ میں ہاسٹلز کو خالی کروانے کا فیصلہ ہرگز انصاف کے تقاضوں پر پورا نہیں اترتا، بلکہ یہ انتظامیہ کی جانب سے فیصلہ سازی میں پائی جانے والی عدم پختگی، اور غیر ذمہ دارانہ طرزِ عمل کی عکاسی کرتا ہے۔ ضرورت اس امر کی ہے کہ اصل مسئلے کی نشاندہی کی جائے اور اس کے حقیقی ذمہ داران کو جوابدہ ٹھہرایا جائے، نہ کہ اجتماعی سزا کے طور پر تمام طلبہ کو اس کا نشانہ بنایا جائے۔
اسلامی جمعیت طلبہ، ایوب میڈیکل کالج انتظامیہ کے ہر اس فیصلے کے خلاف آواز بلند کرتی رہے گی جو بے گناہ طلبہ کے حقوق کو متاثر کرے۔ نیز اسلامی جمعیت طلبہ اس فیصلے کے خلاف آئینی و قانونی دائرے میں مستقبل کا لائحہ عمل طے کرنے کا حق بھی محفوظ رکھتی ہے۔
ہم تمام طلبہ سے بھی اپیل کرتے ہیں کہ اپنے جائز حقوق کے حصول کے لیے متحد ہو کر آواز بلند کریں۔

09/09/2026

‎افغان طلبہ کے معاملے پر قانونی جدوجہد کا آغاز

‎نا ظمِ اعلیٰ اسلامی جمعیت طلبہ پاکستان نے قانونی ماہرین سے مشاورت کے بعد افغان طلبہ کے معاملے کو آئینی و قانونی سطح پر اٹھانے کا فیصلہ کیا ہے۔ حالیہ صورتحال میں پی ایم ڈی سی کی جانب سے جامعات اور میڈیکل کالجز کو افغان طلبہ کی واپسی کے لیے ضروری انتظامات کرنے کی ہدایت کی گئی ہے، جس کے نتیجے میں ایسے طلبہ بھی متاثر ہو سکتے ہیں جو باقاعدہ قانونی طریقۂ کار کے تحت پاکستان کے تعلیمی اداروں میں داخل ہوئے اور ابھی اپنی ڈگریاں مکمل نہیں کر سکے، جبکہ بعض طلبہ اپنی تعلیم کے آخری سال میں ہیں۔

‎اسلامی جمعیت طلبہ پاکستان افغان طلبہ کے تعلیمی مستقبل اور ان کے جائز حقوق کے تحفظ کے لیے ہر آئینی و قانونی راستہ اختیار کرے گی۔ اسی سلسلے میں ان شاء اللہ جلد آئینی عدالت اور دیگر متعلقہ عدالتوں سے رجوع کیا جائے گا تاکہ اس معاملے کو مؤثر انداز میں قانونی فورم پر پیش کیا جا سکے۔

اسلامی جمعیت طلبہ
میڈیکل زون خیبر پختونخواہ

08/09/2026

افغان میڈیکل طلبہ کے مستقبل سے کھیلنا بند کرو!

PMDC کو یہ فیصلہ واپس لینا ہوگا۔

پاکستان کے مختلف میڈیکل کالجز میں برسوں سے تعلیم حاصل کرنے والے افغان میڈیکل طلبہ نے اپنی زندگی کے قیمتی سال، اپنی محنت اور اپنے خاندانوں کے وسائل اس خواب کے لیے وقف کیے ہیں کہ وہ ڈاکٹر بنیں اور انسانیت کی خدمت کریں۔

آج اگر ایک پالیسی یا انتظامی فیصلے کی وجہ سے ان طلبہ کی تعلیم، رجسٹریشن یا مستقبل کو خطرے میں ڈالا جا رہا ہے تو ہم اس پر خاموش نہیں رہ سکتے۔

ہم PMDC سے پوچھتے ہیں:

کیا ایک طالب علم کی برسوں کی محنت صرف اس لیے بے معنی ہو جائے کہ اس کا پاسپورٹ پاکستانی نہیں؟

کیا میڈیکل کالج میں داخل ہونے، کلاسز لینے، امتحانات دینے اور برسوں تعلیم حاصل کرنے کے بعد کسی طالب علم کو اچانک اس کے مستقبل سے محروم کرنا انصاف ہے؟

ریگولیشن ضروری ہے، لیکن انصاف بھی ضروری ہے۔

PMDC کا کام میڈیکل تعلیم کے معیار کو یقینی بنانا ہے—طلبہ کی قومیت کو ان کے خوابوں کی سزا بنانا نہیں۔

اگر کسی طالب علم نے قانونی طریقے سے داخلہ لیا، کسی تسلیم شدہ ادارے میں تعلیم حاصل کی اور متعلقہ تقاضے پورے کیے ہیں تو اس کے مستقبل کا تحفظ کیا جانا چاہیے۔

ہم PMDC سے مطالبہ کرتے ہیں:

🔴 افغان میڈیکل طلبہ کے خلاف کسی بھی ایسے فیصلے کو فوری واپس لیا جائے جو ان کی جاری تعلیم کو متاثر کرتا ہے۔

🔴 پہلے سے زیرِ تعلیم طلبہ کو Continuity of Education کی ضمانت دی جائے۔

🔴 کسی بھی نئی پالیسی کو سابقہ طور پر داخل ہونے والے طلبہ پر اس انداز میں لاگو نہ کیا جائے کہ ان کی برسوں کی محنت ضائع ہو جائے۔

🔴 طلبہ، میڈیکل کالجز اور متعلقہ حکام کے ساتھ بامعنی مشاورت کے ذریعے مسئلے کا منصفانہ حل نکالا جائے۔

ہم کسی غیر قانونی داخلے یا تعلیمی معیار کے خلاف نہیں۔

ہم ناانصافی کے خلاف ہیں۔

ہم امتیازی سلوک کے خلاف ہیں۔

ہم ایسے فیصلے کے خلاف ہیں جو طلبہ کے مستقبل کو غیر یقینی میں دھکیل دے۔

یاد رکھیے:

آج کا افغان میڈیکل طالب علم، کل کا ڈاکٹر ہے۔
اور ڈاکٹر کی کوئی سرحد نہیں ہوتی۔

وہ مریض کا علاج کرتے وقت اس کا پاسپورٹ نہیں دیکھتا۔
وہ درد کو قومیت کے ترازو میں نہیں تولتا۔
وہ انسان کی جان بچاتا ہے۔

تو پھر اس کے علم کے راستے میں قومیت کی دیوار کیوں؟

افغان میڈیکل طلبہ اکیلے نہیں ہیں۔

ہم ان کے ساتھ کھڑے ہیں۔
ہم ان کی تعلیم کے ساتھ کھڑے ہیں۔
ہم ان کے مستقبل کے ساتھ کھڑے ہیں۔

PMDC سے ہمارا واضح مطالبہ ہے:
Let Them Study.
Let Them Serve.
Let Them Become Doctors.

🩺📚🤝

04/09/2026

ایوب قرآن کے سائے میں 🌿

ہفتہ وار کہف سرکل
موضوع: سورہ الضحیٰ
مدرس : برادر فیصل خان

24/08/2026

اسلامی جمعیت طلبہ ایوب میڈیکل کالج کے زیر اہتمام حلقہ پی ایم ٹی میں تقسیم کار کا انعقاد کیا گیا، جس میں ناظم ایوب میڈیکل کالج برادر اسامہ ہدایت اور ترجمان اسلامی جمعیت طلبہ ایبٹ آباد مقام اخونزادہ ولید خان نے خصوصی شرکت کی۔

20/08/2026

National Mohsin-e-Insaniyat Quiz Competition

Apply now www.nmiq.pk

19/08/2026

ایوب محبتِ رسول ﷺ کے سائے میں 💐

اسلامی جمعیت طلبہ اے ایم سی کے زیرِ اہتمام سیرت النبی ﷺ پر ایک با مقصد اسٹڈی سرکل منعقد کیا گیا۔ برادر سید اذلان شاہ نے سیرتِ طیبہ کے مختلف پہلوؤں پر گفتگو کی اور حاضرین کو نبی کریم ﷺ کی مبارک زندگی سے رہنمائی حاصل کرنے کی دعوت دی۔

📍 جامع مسجد، ایوب میڈیکل کالج، ایبٹ آباد
🌿 سیرتِ رسول ﷺ کو جاننا، آپ ﷺ سے محبت اور تعلق کو مزید مضبوط بناتا ہے۔
آپ بھی محسنِ انسانیت ﷺ سیرت کوئز مقابلہ 2026 میں اپنی رجسٹریشن یقینی بنائیں۔
📅 11 ستمبر 2026
📍 ایبٹ آباد
آئیے سیرتِ محمد ﷺ کو سمجھیں، اپنائیں اور آگے پہنچائیں۔

Address

Ayub Medical College
Abbottabad
22040

Website

http://jamiat.org.pk/

Alerts

Be the first to know and let us send you an email when Islami Jamiat-e-Talaba AMC posts news and promotions. Your email address will not be used for any other purpose, and you can unsubscribe at any time.