گلیات تحفظ موومنٹ GTM

Call Directions

گلیات تحفظ موومنٹ GTM GTM (Non Government Non Political Organisation) working for protection of nature, environment and betterment of local community.

03/10/2026

چیئرمین جی ٹی ایم سردار محمد صابر اور وائس چیئرمین سردار افتخار گلیات کو درپیش ماحولیاتی مسائل ڈسکور ٹی وی پر پیش کرتے ہوئے ۔۔۔

اہم عدالتی پیش رفت — گلیات تحفظ موومنٹ (GTM)گلیات تحفظ موومنٹ (GTM) کی رِٹ پٹیشن کے معاملے میں پشاور ہائی کورٹ نے صوبائی...
20/09/2026

اہم عدالتی پیش رفت — گلیات تحفظ موومنٹ (GTM)

گلیات تحفظ موومنٹ (GTM) کی رِٹ پٹیشن کے معاملے میں پشاور ہائی کورٹ نے صوبائی حکومتِ خیبر پختونخوا کو ہدایت کی ہے کہ ہِل اسٹیشن نتھیا گلی میں بے ہنگم، غیرمنظم اور ماحولیاتی اصولوں کے منافی تعمیرات و بلڈنگز کی روک تھام کے لیے واضح پالیسی مرتب کی جائے۔
جی ٹی ایم کا بنیادی مؤقف یہی رہا ہے کہ نتھیا گلیج اور پورے گلیات میں تعمیرات کو ماحولیاتی تحفظ، بلڈنگ قوانین، جنگلات اور علاقے کی قدرتی حیثیت کے مطابق منظم کیا جائے۔

یہ معاملہ صرف تعمیرات کا نہیں بلکہ گلیات کے جنگلات، قدرتی ماحول، پانی کے ذخائر اور آنے والی نسلوں کے حقِ تحفظ کا بھی ہے۔

جی ٹی ایم آئندہ بھی قانونی اور پُرامن طریقے سے گلیات کے قدرتی ماحول کے تحفظ کے لیے اپنی جدوجہد جاری رکھے گی۔

11/09/2026

🚨 بریکنگ نیوز |
خیبر پختونخوا کے سیکرٹری جنگلات جنید خان نے گلیات تحفظ موومنٹ کے تحفظات کا نوٹس لیتے ہوئے ڈونگا گلی میں جاری سروے کو ازسرِنو کرنے کا حکم دے دیا۔
سیکرٹری جنگلات نے واضح ہدایت کی ہے کہ سروے کا عمل شفاف، غیرجانبدار اور تمام اسٹیک ہولڈرز کے خدشات کو مدنظر رکھتے ہوئے دوبارہ کیا جائے۔
یہ فیصلہ گلیات کے جنگلات، زمینوں اور تاریخی حدود کے تحفظ کے لیے ایک اہم اور بڑی پیش رفت قرار دیا جا رہا ہے۔
🎥 مزید تفصیلات ویڈیو میں دیکھیں۔

سیکرٹری جنگلات جنید خان کا بڑا اقدام، ڈونگا گلی سروے پر GTM کے تحفظات دور کرنے کی یقین دہانیایبٹ آباد: سیکرٹری جنگلات خی...
09/09/2026

سیکرٹری جنگلات جنید خان کا بڑا اقدام، ڈونگا گلی سروے پر GTM کے تحفظات دور کرنے کی یقین دہانی

ایبٹ آباد: سیکرٹری جنگلات خیبر پختونخوا جنید خان نے ڈونگا گلی سروے کے حوالے سے گلیات تحفظ موومنٹ (GTM) کے تحفظات کا نوٹس لیتے ہوئے اعلیٰ سطحی اجلاس کی صدارت کی،جو 4 گہنٹے جاری رھا جس میں گلیات تحفظ موومنٹ سمیت تمام متعلقہ اسٹیک ہولڈرز نے شرکت کی۔ اس اجلاس میں سابقہ ڈسٹرکٹ ناظم سردار شیربہادر صاحب نے بہی خصوصی طور پر شرکت کی۔

اجلاس میں ڈونگا گلی میں جاری سروے کے طریقہ کار، شفافیت، باؤنڈری پلرز اور سروے سے متعلق مختلف فریقین کے تحفظات پر تفصیلی غور کیا گیا۔

اس موقع پر سیکرٹری جنگلات جنید خان نے واضح کیا کہ سروے کا عمل مکمل طور پر شفاف، غیرجانبدار اور میرٹ کے مطابق ہونا چاہیے تاکہ کسی بھی فریق کو اس پر اعتراض یا شک و شبہ کی گنجائش نہ رہے۔

انہوں نے ہدایت کی کہ سروے کے حوالے سے موجود تمام اضافی اور غیر ضروری باؤنڈری پلرز ختم کیے جائیں اور سروے کے عمل کو نئے سرے سے ایسے شفاف طریقے سے مکمل کیا جائے جس پر تمام متعلقہ فریقین کا اعتماد بحال ہو۔

سیکرٹری جنگلات نے مزید زور دیا کہ سروے کے دوران تمام اسٹیک ہولڈرز کے تحفظات کو مدنظر رکھتے ہوئے ایسا طریقہ کار اختیار کیا جائے جس سے شفافیت، غیرجانبداری اور میرٹ کو یقینی بنایا جا سکے۔

گلیات تحفظ موومنٹ نے سیکرٹری جنگلات جنید خان کی جانب سے GTM کے تحفظات کا نوٹس لینے، اعلیٰ سطحی اجلاس طلب کرنے اور سروے کے عمل کو شفاف بنانے کی یقین دہانی کو خوش آئند اور اہم پیش رفت قرار دیا ہے۔

جی ٹی ایم کا کہنا ہے کہ گلیات کے جنگلات، ریزروج فارسٹ اور قدرتی وسائل کے تحفظ کے لیے ہر سروے اور انتظامی عمل میں شفافیت اور قانون کی بالادستی بنیادی اہمیت رکھتی ہے۔

ڈونگا گلی ریزرو فارسٹ سروے پر جی ٹی ایم کے اعتراضاتڈونگا گلی ریزرو فارسٹ اور لوکیشن فارسٹ کی حدبندی کے سروے پر جی ٹی ایم...
07/09/2026

ڈونگا گلی ریزرو فارسٹ سروے پر جی ٹی ایم کے اعتراضات
ڈونگا گلی ریزرو فارسٹ اور لوکیشن فارسٹ کی حدبندی کے سروے پر جی ٹی ایم کے اعتراضات، سیکریٹری فارسٹ خیبر پختونخوا نے اعلیٰ سطحی اجلاس طلب کر لیا
ڈونگا گلی ریزرو فارسٹ اور لوکیشن فارسٹ کی حدبندی کے جاری سروے پر گلیات تحفظ موومنٹ (GTM) کے مسلسل اعتراضات کا سیکریٹری فارسٹ خیبر پختونخوا نے نوٹس لے لیا ہے۔
جی ٹی ایم کے اعتراضات کے بعد سیکریٹری فارسٹ نے 9 ستمبر کو پشاور میں ایک اعلیٰ سطحی اجلاس طلب کر لیا ہے، جس میں جی ٹی ایم کو بھی شرکت کی باقاعدہ دعوت دی گئی ہے۔
جی ٹی ایم کا مؤقف ہے کہ موجودہ سروے میں وہی اسٹاف/عملہ شامل ہے جو گزشتہ متنازع سروے میں بھی شامل تھا، جس کی وجہ سے سروے کی شفافیت پر سوالات اٹھ رہے ہیں۔
جی ٹی ایم نے مزید اعتراض اٹھایا ہے کہ فارسٹ کی حدبندی کا سروے مقررہ ٹیبل سروے، ٹیبل شیٹ اور متعلقہ ریکارڈ کے مطابق مناسب طریقے سے نہیں کیا جا رہا۔ جی ٹی ایم کے مطابق 1904-05 کی جی ٹی شیٹ اور ٹیبل پلان کو بنیاد بنا کر حدبندی کی جانی چاہیے، جبکہ موجودہ سروے میں ان تاریخی ریکارڈز اور مقررہ طریقہ کار کی مکمل پابندی نہیں کی جا رہی۔
جی ٹی ایم نے ان اعتراضات کو مختلف اوقات میں کنزرویٹر ہزارہ کے سامنے تحریری طور پر بھی پیش کیا، تاہم اعتراضات کے باوجود سروے کا عمل جاری رہا۔
جس کے بعد جی ٹی ایم نے معاملہ براہِ راست سیکریٹری فارسٹ خیبر پختونخوا کے سامنے اٹھایا، جس پر سیکریٹری فارسٹ نے فوری نوٹس لیتے ہوئے 9 ستمبر کو پشاور میں اعلیٰ سطحی اجلاس طلب کر لیا۔
جی ٹی ایم کو بھی اجلاس میں شرکت کی دعوت دی گئی ہے، جہاں موومنٹ اپنے تمام اعتراضات، تاریخی ریکارڈ اور سروے کے طریقہ کار سے متعلق اپنا مؤقف پیش کرے گی۔
جی ٹی ایم کا مطالبہ ہے کہ ڈونگا گلی ریزرو فارسٹ اور لوکیشن فارسٹ کی حدبندی مکمل شفافیت، غیرجانبداری اور اصل تاریخی ریکارڈ کے مطابق کی جائے تاکہ مستقبل میں کسی تنازع کی گنجائش باقی نہ رہے۔

گلیات میں پینے کے پانی کے چشمے خطرے میں — بڑے ہوٹلوں کا سیوریج کہاں جا رہا ہے؟گلیات میں بڑے ہوٹلوں کا سیوریج اور گندا پا...
04/09/2026

گلیات میں پینے کے پانی کے چشمے خطرے میں — بڑے ہوٹلوں کا سیوریج کہاں جا رہا ہے؟

گلیات میں بڑے ہوٹلوں کا سیوریج اور گندا پانی مبینہ طور پر پینے کے پانی کے قدرتی چشموں میں چھوڑا جا رہا ہے، جو ایک انتہائی سنگین ماحولیاتی اور انسانی صحت کا مسئلہ بن چکا ہے۔

گلیات میں ہزاروں افراد اور مقامی آبادی پینے کے لیے قدرتی چشموں کے پانی پر انحصار کرتی ہے۔ اگر ان چشموں میں ہوٹلوں کا گندا اور آلودہ پانی شامل ہو رہا ہے تو اس سے پینے کا صاف پانی آلودہ ہونے اور انسانی زندگیوں کو شدید خطرات لاحق ہونے کا خدشہ ہے۔

افسوسناک امر یہ ہے کہ متعلقہ ادارے، خصوصاً گلیات ڈویلپمنٹ اتھارٹی (GDA)، اس صورتحال کے خلاف مؤثر کارروائی کرنے میں ناکام نظر آ رہے ہیں۔

اگر کسی ہوٹل کا سیوریج واقعی پینے کے پانی کے چشموں میں چھوڑا جا رہا ہے تو اس کی فوری انکوائری، پانی کے لیبارٹری ٹیسٹ، ذمہ داروں کا تعین اور قانون کے مطابق سخت کارروائی ہونی چاہیے۔

عوام کے پینے کے پانی سے کسی قسم کا سمجھوتہ قابلِ قبول نہیں۔
جی ٹی ایم کا مطالبہ ہے کہ:
- تمام بڑے ہوٹلوں کے سیوریج سسٹم کا فوری معائنہ کیا جائے۔
- چشموں کے پانی کے نمونے لے کر سرکاری لیبارٹری سے ٹیسٹ کرائے جائیں۔
- جہاں سیوریج چشموں میں چھوڑا جا رہا ہو، اسے فوری بند کیا جائے۔
- ذمہ دار ہوٹل مالکان اور متعلقہ اہلکاروں کے خلاف قانون کے مطابق کارروائی کی جائے۔
- عوام کو صاف اور محفوظ پینے کا پانی فراہم کرنے کے لیے مستقل نظام بنایا جائے۔

پینے کا پانی عوام کا بنیادی حق ہے — اسے سیوریج سے آلودہ ہونے سے بچانا ریاستی اداروں کی ذمہ داری ہے۔

گلیات بچاؤ، پانی بچاؤ، زندگی بچاؤ۔

ڈونگا گلی سروے پر جی ٹی ایم کے شدید تحفظات " سروے کا عمل مسترد کر دیا کنزرویٹر سے نوٹس لینے کا مطالبہایبٹ آباد: گلیات ت...
03/09/2026

ڈونگا گلی سروے پر جی ٹی ایم کے شدید تحفظات " سروے کا عمل مسترد کر دیا کنزرویٹر سے نوٹس لینے کا مطالبہ

ایبٹ آباد: گلیات تحفظ موومنٹ کے نے گلیات میں جاری سروے کے طریقۂ کار پر شدید تحفظات کا اظہار کرتے ہوئے محکمہ جنگلات سے شفاف، غیرجانبدارانہ اور سائنسی بنیادوں پر سروے کرانے کا مطالبہ کیا ہے۔
کنزرویٹر محکمہ جنگلات لوئر ہزارہ کو جمع کرائی گئی درخواست میں چیئرمین گلیات تحفظ موومنٹ سردار صابر اور وائس چیئرمین سردار افتخار نے مؤقف اختیار کیا کہ 2021 کے سروے میں شامل بعض اہلکاروں کو دوبارہ 2026 کے سروے میں شامل کیے جانے سے سروے کی غیرجانبداری اور شفافیت پر سوالات اٹھ رہے ہیں۔
درخواست میں مطالبہ کیا گیا ہے کہ سابقہ سروے میں شامل عملے کو موجودہ سروے سے الگ کرکے نئی اور غیرجانبدار تکنیکی ٹیم مقرر کی جائے۔
پٹیشنرز نے زور دیا کہ گلیات کا موجودہ سروے 1904-05 کی اصل GT Sheet کو بنیادی تاریخی حوالہ بناتے ہوئے کیا جائے اور اصل سروے شیٹ کی موقع پر Ground Verification اور Plane Table کے ذریعے تصدیق کی جائے، تاکہ تاریخی نقشے اور زمینی حقائق میں مطابقت یقینی بنائی جا سکے۔
گلیات تحفظ موومنٹ نے حب واضح کیا کہ ان کا مقصد سروے کے عمل میں رکاوٹ ڈالنا نہیں بلکہ پشاور ہائی کورٹ کے 10 جون کے حکم کی روح کے مطابق ایسا شفاف اور قابلِ اعتماد سروے یقینی بنانا ہے جس کے نتائج پر تمام فریقین اعتماد کر سکیں۔ پٹیشنرز نے خبردار کیا کہ بنیادی اصولوں کے برخلاف ہونے والے سروے کے نتائج پر انہیں اعتماد نہیں ہوگا اور وہ اپنے تمام قانونی حقوق محفوظ رکھتے ہیں۔

سروے آف پاکستان کا گلیات میں اجلاس، گلیات تحفظ موومنٹ کے تحفظات سامنے آگئےڈونگا گلی: گلیات تحفظ موومنٹ کی پشاور ہائی کور...
01/09/2026

سروے آف پاکستان کا گلیات میں اجلاس، گلیات تحفظ موومنٹ کے تحفظات سامنے آگئے

ڈونگا گلی: گلیات تحفظ موومنٹ کی پشاور ہائی کورٹ میں دائر رٹ پٹیشن پر عدالتی حکم کے تحت سروے آف پاکستان نے آج ڈونگا گلی میں اسٹیک ہولڈرز کا اجلاس منعقد کیا۔ اجلاس میں گلیات تحفظ موومنٹ نے سروے کے طریقہ کار پر اپنے تحفظات اور خدشات کا اظہار کیا۔
موومنٹ کے چیئرمین سردار صابر اور وائس چیئرمین سردار افتخار نے سوال اٹھایا کہ اگر 2015-16 اور 2020-21 کے سروے درست نہیں تھے تو اس بار ہونے والا سروے کیسے درست قرار دیا جائے گا؟ انہوں نے کہا کہ شفاف، قانون کے مطابق اور قابلِ اعتماد سروے ہوا تو اسے تسلیم کیا جائے گا، بصورتِ دیگر اسے دوبارہ پشاور ہائی کورٹ میں چیلنج کیا جائے گا۔
سروے آف پاکستان کے ذمہ داران اور محکمہ جنگلات کے ڈی ایف او بلال خان نے یقین دلایا کہ موومنٹ کے تحفظات کو دور کرنے کے لیے تمام ضروری اقدامات کیے جائیں گے اور سروے کا عمل قانون اور حقائق کے مطابق مکمل کیا جائے گا۔اجلاس میں سابقہ ضلعی ناظم سردار شیر بہادر صاحب نے خصوصی طور پہ شرکت کی اور اپنے تحفظات سے بھی متعلقہ محکموں کو اگاہ کیا ۔۔۔۔

گلیات تحفظ موومنٹ کی رٹ پٹیشن پر پشاور ہائی کورٹ کے حکم کے مطابق ڈونگا گلی میں سرکاری اراضی کی شناخت و حدبندی کا آغاز۔ا...
31/08/2026

گلیات تحفظ موومنٹ کی رٹ پٹیشن پر پشاور ہائی کورٹ کے حکم کے مطابق ڈونگا گلی میں سرکاری اراضی کی شناخت و حدبندی کا آغاز۔

ایبٹ آباد: گلیات کے اہم علاقے ڈونگا گلی میں سرکاری اراضی کی شناخت اور حدبندی (Demarcation) کے لیے محکمہ جنگلات نے باقاعدہ کارروائی شروع کر دی ہے۔

محکمہ جنگلات لوئر ہزارہ فاریسٹ سرکل ایبٹ آباد کی جانب سے جاری سرکاری مراسلے میں تمام متعلقہ محکموں اور اداروں کے نمائندگان کو ڈونگا گلی موقع پر موجود رہنے اور متعلقہ ریکارڈ ساتھ لانے کی ہدایت کی گئی ہے۔

مراسلے میں گلیات تحفظ موومنٹ (GTM) کو بھی اطلاع کے لیے شامل کیا گیا ہے، جس سے ظاہر ہوتا ہے کہ ڈونگا گلی کے معاملے میں موومنٹ کی جانب سے اٹھائے گئے تحفظات کو متعلقہ حکام نے سنجیدگی سے لیا ہے۔

GTM کا مؤقف ہے کہ ڈونگا گلی سمیت گلیات کی سرکاری، جنگلاتی اور تاریخی اراضی کا ریکارڈ سامنے لایا جائے، غیر قانونی قبضوں اور تعمیرات کی نشاندہی کی جائے اور قانون کے مطابق زمین کا تحفظ یقینی بنایا جائے۔

یہ کارروائی گلیات کے عوام اور ماحول کے تحفظ کی جدوجہد میں ایک اہم پیش رفت قرار دی جا رہی ہے۔

ڈونگا گلی میں جنگلات کے سروے پر سنجیدہ سوالات اٹھ گئے
28/08/2026

ڈونگا گلی میں جنگلات کے سروے پر سنجیدہ سوالات اٹھ گئے

Address

Galiyat
Abbottabad

Telephone

+923215318303

Website

Alerts

Be the first to know and let us send you an email when گلیات تحفظ موومنٹ GTM posts news and promotions. Your email address will not be used for any other purpose, and you can unsubscribe at any time.

Shortcuts

Share

Category