15/05/2025
Saludo de amor y amistad a todos! As-salaamu alaykum.
Con todo corazon yo ta rendi mio MILES DE GRACIAS con todo maga quien ya dale confianza, suporta, y ya ayuda con el Team Dalipe/Team Performance en este eleccion.
Durante este de aton termino ya mira, ya actua, y ya realiza kita el ya promete kita progreso y desarollo que ahora ta goza y enbuenamente ta beneficia el de aton maga vivientes. Con humildad y gratitud yo ya recivi desde con ustedes el cargo y responsibilidad como alcalde del ciudad para lleva el necesita maga cambio y propio servicio para na cada Zamboangueño. Por el guia y gracia del Dios Todopoderoso y la Virgen del Pilar ya tene kita buen exito na de aton maga programas y proyectos que ya alivia manada vida y ya manda canaton cre otra vez na buen governanza!
Nunca yo hay descanza de servir con el Pueblo Zamboangueño. Desde ya queda yo SK Chairman, Barangay Kagawad, Barangay Chairman, Numero uno consejal del ciudad, hasta ya eligi ustedes conmigo queda alcalde, amo ya este mi pasion y vocacion na vida.
Tene man posicion o no hay, si JOHN DALIPE hay continua ama, trabaja, y disperta para con el ZAMBOANGA.
Muchisimas gracias.
