Pacifictown-Conchu Homeowners Association Inc.

11/06/2026

𝐏𝐚𝐚𝐥𝐚𝐥𝐚 𝐩𝐨 𝐬𝐚 𝐥𝐚𝐡𝐚𝐭 𝐧𝐠 𝐡𝐨𝐦𝐞𝐨𝐰𝐧𝐞𝐫𝐬 𝐭𝐮𝐧𝐠𝐤𝐨𝐥 𝐬𝐚 𝐦𝐚𝐚𝐲𝐨𝐬 𝐧𝐚 𝐩𝐚𝐠𝐩𝐚-𝐩𝐚𝐫𝐤 𝐬𝐚 𝐥𝐨𝐨𝐛 𝐧𝐠 𝐚𝐭𝐢𝐧𝐠 𝐤𝐨𝐦𝐮𝐧𝐢𝐝𝐚𝐝:

Lalo na po sa mga homeowners na nagpa-park sa kalsada, hinihiling po namin ang kaunting konsiderasyon at pag-unawa sa isa’t isa. Kung kayo po ay magpa-park sa tapat ng bahay ng iba, lalo na kung alam ninyong sila ay nagpapa*ok ng sasakyan sa loob ng kanilang garahe, sana po ay huwag nating harangan ang kanilang gate at kung kinakailangan ay magpaalam muna — kahit panandalian lamang ang pagparada.

Nagpapasalamat po ako sa mga homeowners na talagang gumawa ng paraan upang maipa*ok ang kanilang mga sasakyan sa loob ng kanilang bakuran upang hindi maging sagabal sa kalsada at sa kanilang mga kapitbahay. Sana po ay maibalik natin sa kanila ang parehong konsiderasyon at respeto.

Kung inaasahan naman po nating may bisita na may dalang sasakyan, paki-guide po natin sila kung saan maayos at naaangkop na mag-park. Kung walang sapat na parking sa tapat o loob ng inyong garahe, maaari pong makiusap sa HOA para makapag-park sa ating clubhouse kung saglit lamang o kaya ay magpaalam sa mga kapitbahay kung kinakailangan. Hindi naman po siguro kalabisan ang simpleng pagsasabi at pagpapaalam bilang paggalang sa mga taong maaapektuhan.

Bagama’t ang kalsada ay para sa lahat, wala pong may eksklusibong pagmamay-ari nito, ngunit responsibilidad nating lahat na gamitin ito nang may respeto at konsiderasyon. Lalo na po sa mga bahay na may garahe at nagpapa*ok ng sasakyan, mahalagang manatiling malaya ang kanilang gate dahil hindi natin masasabi kung kailan magkakaroon ng emergency at kakailanganing mailabas agad ang sasakyan. Mahirap po kung kailangan pang hanapin ang may-ari ng sasakyang nakaharang bago makakilos.

Kung kaya naman pong ipa*ok ang sasakyan sa sariling garahe — lalo na ang mga motor, e-bike, at mas maliliit na sasakyan — hinihikayat po natin na gawin ito upang mas maging maayos at maluwag ang ating mga kalsada.

Napakasimple lamang po ng usapin sa parking — hindi po ito dapat maging dahilan ng hindi pagkakaunawaan kundi pagkakataon para magpakita ng disiplina, konsiderasyon, at pagiging mabuting kapitbahay. Ang layunin po natin ay magkaroon ng maayos na daloy ng trapiko at magandang samahan sa loob ng ating komunidad.

11/06/2026

Kaugnay po ng mga accounts na may pending transfer sa Water District, sa ating monitoring at sa koordinasyon na rin sa Water District, mayroon po tayong 70 kabahayan na hindi pa rin naipapasa o nai-transfer ang kanilang water accounts sa Water District.

Sa isinagawang verification, natukoy po na ang ilang kabahayan ay:
•Walang meter
•May naka-install na copper lock (tansong lock) o bolt lock

Sa kabuuang inspeksyon, lima (5) lamang na accounts ang natagpuang walang lock. Agad naman po itong naaksyunan ng Water District at nilagyan ng bolt lock para sa compliance.

Patuloy po ang ating monitoring sa mga accounts na hindi pa naitatala o naitatransfer sa Water District. Anumang hindi awtorisadong pagbubukas ng metro, lalo na sa mga may nakalagay na bolt lock o copper lock, ay irereport po sa Water District.

Kaugnay nito, pinapaalalahanan po ang lahat na makipag-ugnayan sa HOA Office para sa tamang proseso ng pag-transfer ng inyong billing sa Water District. Maraming salamat po.

09/06/2026

📢 PAALALA SA LAHAT NG HOMEOWNERS UKOL SA HOA DUES

Bilang update, as of May 31, 2026, mayroon po tayong kabuuang 172 homeowners na hindi updated sa kanilang HOA dues.

Nais po naming ipaalala na ang pagiging updated sa obligasyon sa a*osasyon ay mahalaga upang patuloy na ma-enjoy ang mga benepisyo at pribilehiyong kaakibat ng pagiging miyembro. Ang hindi pagiging updated sa HOA dues ay maaaring makaapekto sa pagproseso at pag-avail ng ilang serbisyo at pribilehiyo ng a*osasyon.

Kabilang dito ang:
• Pag-iisyu ng HOA Clearance – Ang mga homeowners na may hindi pa nau-update na obligasyon ay maaaring hindi muna mabigyan ng HOA Clearance hanggang sa maayos ang kanilang account status.
• Pag-iisyu ng Vehicle Stickers – Sa nalalapit na distribution ng ating vehicle stickers, kinakailangan ding updated ang account upang maging kwalipikado sa pagkuha nito.

Nais din po naming ipabatid na hindi na muna tatanggap ang HOA ng promissory notes para sa pagkuha ng vehicle stickers. Noong nakaraang taon, nagbigay po tayo ng konsiderasyon at pinayagan ang ilang homeowners na makakuha ng sticker sa pamamagitan ng promissory arrangement upang mabigyan sila ng pagkakataong makahabol sa kanilang obligasyon. Gayunpaman, may ilang account na nanatiling hindi na-update matapos maaprubahan ang naturang arrangement.

Dahil dito, upang mapanatili ang patas at maayos na pagpapatupad ng mga polisiya ng a*osasyon, ipatutupad na po natin nang mas mahigpit ang ating guidelines sa pag-assess ng account eligibility para sa mga clearance at iba pang HOA services.

Para sa transparency at proper documentation, ang talaan ng mga delinquent accounts ay regular na mino-monitor at kino-consolidate buwan-buwan bilang bahagi ng internal records ng a*osasyon at para sa mga kinakailangang report at compliance requirements.

Hinihikayat po namin ang lahat ng homeowners na makipag-ugnayan sa HOA Admin Office upang ma-review at ma-update ang kanilang account kung kinakailangan.

Maraming salamat po sa inyong pang-unawa, pakikiisa, at patuloy na suporta sa ating komunidad.

09/06/2026

📢 ANNOUNCEMENT TO ALL HOMEOWNERS

Nais po naming ipabatid na ang ating Referendum Report para sa Amendment ng Articles of Incorporation at By-Laws ay hindi naaprubahan ng DHSUD dahil sa kakulangan ng quorum.

Para sa kaalaman ng lahat, ang naturang Amendment ay maaaprubahan lamang kapag naabot ang kinakailangang quorum (50% + 1 ng kabuuang miyembro ng a*osasyon). Ang compliance na ito ay mahalaga upang mapanatili ang maayos na katayuan at rehistrasyon ng ating Homeowners Association. Dahil dito, kinakailangan po nating ulitin ang buong proseso mula sa simula upang makumpleto ang mga kinakailangang requirements.

Magkakaroon po tayo ng panibagong pagpupulong upang maipaliwanag nang maayos ang kahalagahan ng nasabing Amendment at maipabatid sa lahat ang mga kinakailangang pagbabago. Nais din po naming linawin na walang pagbabago sa layunin o pangunahing polisiya ng ating a*osasyon—ang Amendment ay isinasagawa lamang upang maiayon ang ating Articles of Incorporation at By-Laws sa kasalukuyang IRR requirements.

Kabilang sa mga iminungkahing pagbabago ang kaunting karagdagang Membership Fee para lamang sa mga bagong magiging miyembro ng a*osasyon, at hindi po ito makakaapekto sa mga kasalukuyang homeowners na miyembro na. Kasama rin sa mga iaamyenda ang pagbabago ng petsa ng Annual General Assembly ng a*osasyon upang maiayon ito sa mga kinakailangang alituntunin at operasyon ng a*osasyon.

📌 Special General Assembly
🗓 June 27, 2026 (Saturday)
🕒 3:00 PM
📍 Venue: Clubhouse

Ang opisyal na Notice of General Assembly at agenda ay ipo-post po sa ating GC.

Kasabay ng pamamahagi ng Notice of General Assembly ay ipapaikot na rin ang Referendum Voting Form. Layunin nito na masiguro na kahit sakaling hindi muling makabuo ng quorum sa darating na pagpupulong, makakolekta pa rin tayo ng kinakailangang boto kaugnay ng Amendment. Mahalaga po ang prosesong ito upang makumpleto natin ang compliance requirements at makuha ang kinakailangang Certificate of Compliance para sa ating a*osasyon.

Hinihiling po namin ang inyong buong kooperasyon, suporta, at aktibong pakikiisa upang matagumpay nating maisakatuparan ang prosesong ito para sa ikabubuti ng ating komunidad.

Mga pag-uusapan din sa Special General Assembly:
• Pag-iisyu ng bagong Vehicle Stickers para sa 2027 at mga umiiral na rules and regulations kaugnay nito
• Pagpapatupad ng mas mahigpit na protocol para sa mga incoming visitors
• Parking concerns at iba pang mahahalagang usapin ng ating komunidad
• Iba pang usaping may kaugnayan sa operasyon at kapakanan ng ating komunidad

Maraming salamat po sa inyong oras, pag-unawa, at patuloy na pakikiisa.

27/05/2026

27/05/2026

𝗕𝗔𝗟𝗜𝗞 𝗘𝗦𝗞𝗪𝗘𝗟𝗔, 𝗕𝗔𝗟𝗜𝗞 𝗔𝗟𝗜𝗡𝗗𝗢𝗚 𝗣𝗥𝗢𝗚𝗥𝗔𝗠 𝟮𝟬𝟮𝟲: 𝗙𝗥𝗘𝗘 𝗛𝗔𝗜𝗥 𝗖𝗨𝗧✂️📚

Handog ng 𝙎𝙖𝙣𝙜𝙜𝙪𝙣𝙞𝙖𝙣𝙜 𝙆𝙖𝙗𝙖𝙩𝙖𝙖𝙣 𝙣𝙜 𝘽𝙖𝙧𝙖𝙣𝙜𝙖𝙮 𝘾𝙤𝙣𝙘𝙝𝙪 ang 𝗙𝗥𝗘𝗘 𝗛𝗔𝗜𝗥 𝗖𝗨𝗧 para sa mga estudyante bilang paghahanda sa nalalapit na pagbabalik eskwela!

📅 May 27 & 29, 2026
⏰ 7:00AM to 4PM
📍 Brgy. Conchu Court
✅ Magdala lamang ng:
• Previous School ID (last school year)
• O kaya Current School ID

Exclusive only for resident of Brgy. Conchu.

💈Kuya Noy & Ate Joan

23/05/2026

𝐈𝐌𝐌𝐄𝐃𝐈𝐀𝐓𝐄 𝐀𝐓𝐓𝐄𝐍𝐓𝐈𝐎𝐍 𝐑𝐄𝐐𝐔𝐈𝐑𝐄𝐃: 𝐏𝐄𝐍𝐃𝐈𝐍𝐆 𝐖𝐀𝐓𝐄𝐑 𝐃𝐈𝐒𝐓𝐑𝐈𝐂𝐓 𝐓𝐑𝐀𝐍𝐒𝐅𝐄𝐑𝐒 📣

Magandang umaga po sa ating mga homeowners.

Nais po naming ipaalam na hawak na po ngayon ng ating HOA ang listahan ng mga households na hanggang ngayon ay hindi pa rin nakakapag-transfer sa Water District. Humingi po ng tulong ang Water District sa HOA upang ma-verify ang mga accounts na hindi pa rin nakakapag-comply sa transition na nagsimula pa noong September 2025.

Ayon po sa Water District, ang mga accounts na hindi pa rin makakapag-transfer ay maaaring lakhan o i-bolt lock ang metro, na magreresulta sa hindi paggamit ng inyong water connection hanggang ito ay maisaayos.

Paalala rin po na kung hindi na kayo nakakatanggap ng water bill pero tuloy-tuloy pa rin ang inyong konsumo, hindi po ibig sabihin na libre ang tubig. Wala po kayong natatanggap na billing dahil huminto ng pag-billing ang PrimeWater at hindi pa rin kayo nakakapag-transfer sa Water District. Patuloy pa rin pong recorded ang inyong konsumo at ito ay makikita at sisingilin once na kayo ay makapag-transfer.

Nais din po naming ipabatid na may mga naitalang insidente ng pamemeke o pagtamper ng HOA Clearance upang makapag-apply sa Water District nang hindi nagbabayad ng HOA dues. Paalala po na required ang valid HOA Clearance bago maaprubahan ang transfer ng account.

Inaanyayahan po namin ang mga concerned homeowners na agad ayusin ang kanilang pag-transfer ng billing sa Water District at makipag-coordinate sa HOA upang maiwasan ang anumang abala sa kanilang water connection.

Maraming salamat po.

18/05/2026

📢 RESPONSIBLE PET OWNERSHIP

Magandang araw po, paalala lang po sa ating lahat.

Nag-ikot po ako ngayong araw per street at wala naman po tayong STRAY DOGS, pero may napapansin pa rin pong mga dumi ng a*o sa kalsada.

Pakiusap po sa mga homeowners na naglalabas ng alagang a*o para maglakad—magdala po sana ng pandakot at linisin agad ang dumi ng ating mga alaga. Simpleng aksyon lang po ito pero malaking tulong ito para mapanatiling malinis, maayos, at safe ang ating paligid.

Mas maganda po talagang maglakad kahit gabi kapag malinis ang kalsada at walang nakakalat na dumi.

⚠️ Paalala rin po: ang pagpapakawala ng a*o nang walang bantay, lalo na kung agresibo, ay maaaring magdulot ng kagat, disgrasya, o abala sa iba at dagdag gastos pa sa may-ari.

May mga na-monitor na rin po ang guards sa CCTV at night roving na mga pagala-galang a*o, kaya paalala lang po na may mga iilang homeowners na rin pong na-issue-an ng written warning.

Pakiusap po ay maging responsable tayo sa ating mga alaga at magtulungan para sa mas malinis at maayos nating community.

Maraming salamat po. 🙏

18/05/2026

📢 NOTICE OF TEMPORARY WATER INTERRUPTION - ELEVATED WATER TANK CLEANING

Magandang araw po. Nais po naming ipaalam na nakatakda ang paglilinis ng ating water tank sa May 20, 2026 (Wednesday).

💧 Inaasahan po ang pansamantalang pagkawala ng tubig mula 8:00 AM hanggang 12:00 PM.

Pinapayuhan po ang lahat na mag-ipon ng sapat na tubig bilang paghahanda. Ang maintenance na ito ay bahagi ng ating patuloy na pagsisikap upang mapanatiling malinis at maayos ang ating water system.

Maraming salamat po sa inyong pang-unawa at pakikiisa. 🙏

18/05/2026

📢 GATE ENTRY FEES & VEHICLE STICKER REMINDER

Magandang araw po, mga homeowners!

Ang pagpapatupad po ng gate entry fees ay bahagi ng ating hakbang upang mahikayat ang lahat na kumuha ng vehicle stickers bilang pagkakakilanlan ng mga residenteng sasakyan sa ating subdivision at upang mapanatili ang kaayusan at seguridad ng komunidad.

📌 PAALALA:
• Ang current vehicle stickers ay mag-eexpire sa September 1 at taun-taon po itong pinapalitan.
• Anuman ang petsa ng pagkuha ng sticker, pare-pareho pa rin po itong magtatapos sa September 1.
• Ia-update po namin kayo sa mga susunod na araw para sa releasing ng bagong stickers.

🙏 Maraming salamat din po sa homeowner na boluntaryong nag-design ng ating bagong sticker nang walang hinihinging kapalit.

📌 Paalala rin po sa ilang homeowners na nakapag-promissory note noon para lamang makakuha ng sticker ngunit hindi na nakapag-comply sa napagkasunduang hulugan matapos mabigyan ng sticker. Dahil dito, humihingi po kami ng pang-unawa na sa susunod ay hindi na po tayo magpapatupad ng promissory arrangement upang maging patas at maayos ang implementasyon para sa lahat.

📍Pakiusap po na ilagay ang sticker sa visible na bahagi ng sasakyan, mas mainam sa driver’s side, upang maiwasan ang abala sa gate. Para naman sa mga sasakyang hindi maaaring lagyan ng sticker, maaari po itong ipakita sa ating guards tuwing papa*ok.

Kasabay ng pagpapatupad ng gate entry fees ay ang pagdagdag ng Blue Guards upang lalo pang mapalakas ang seguridad at maayos na mamonitor ang mga pumapa*ok sa subdivision para sa kaligtasan ng lahat.

📌 Ang lahat po ng nakokolektang gate entry fees ay maayos na nire-record at nire-remit sa Treasurer at ginagamit para sa pasahod ng guards at mga proyekto ng ating subdivision.

Maraming salamat po sa inyong pakikiisa at patuloy na suporta para sa mas ligtas at mas maayos nating komunidad. 🏠 ✨