Pacifictown-Conchu Homeowners Association Inc.

14/09/2026

📢 𝐏𝐀𝐀𝐋𝐀𝐋𝐀 𝐏𝐎 𝐒𝐀 𝐋𝐀𝐇𝐀𝐓 𝐍𝐆 𝐇𝐎𝐌𝐄𝐎𝐖𝐍𝐄𝐑𝐒 𝐍𝐀 𝐌𝐀𝐘 𝐎𝐍𝐆𝐎𝐈𝐍𝐆 𝐂𝐎𝐍𝐒𝐓𝐑𝐔𝐂𝐓𝐈𝐎𝐍

Para po sa mga homeowners na may ongoing construction na nagsimula noong 𝐉𝐮𝐧𝐞 𝟐𝟎𝟐𝟔 𝐩𝐚𝐛𝐚𝐛𝐚, mangyari lamang po na pumunta sa HOA Office upang i-update ang inyong construction status.

Pakisabi po kung:
° Tuloy pa rin ang inyong construction; o
° Tapos na / hindi na itutuloy at kailangan nang ma-process ang refund ng construction bond.

📌 Paalala: Ang construction permit ay valid lamang ng 𝟑 𝐦𝐨𝐧𝐭𝐡𝐬. Kung patuloy pa rin po ang inyong construction, kailangan lamang pong pumunta sa office upang ipaalam at ma-update ang inyong record at construction bond.

✅ 𝐖𝐚𝐥𝐚𝐧𝐠 𝐛𝐚𝐲𝐚𝐝 𝐚𝐧𝐠 𝐩𝐚𝐠-𝐮𝐩𝐝𝐚𝐭𝐞.

⚠️ Important: May ₱𝟓𝟎𝟎 𝐩𝐞𝐧𝐚𝐥𝐭𝐲 po para sa hindi pag-renew o hindi pag-update ng construction permit sa tamang panahon. Kaya pakitandaan po kung kailan kayo nag-apply o kailan nagsimula ang inyong construction permit.

📋 Ang prosesong ito ay nakapaloob sa ating Construction Guidelines/Instructions at nabanggit din noong orientation. Kaya hinihiling po namin ang inyong cooperation na regular na i-update ang inyong construction status.

Para naman po sa mga homeowners na gustong mag-extend ng kanilang construction permit, pakitiyak din po na updated ang inyong HOA dues at nananatiling in good standing ang inyong HOA account.

🙏 Para po sa mga homeowners na regular at on-time na nag-a-update ng kanilang construction permit, please disregard this message.

Para po sa anumang further concerns or clarification regarding your construction permit, construction bond, or renewal, please contact or visit our Admin Office. Maraming salamat po.

11/09/2026

Magandang umaga po sa ating lahat. ☀️

Muli po, nakikiusap ang HOA na magtulungan tayo sa pagpapanatili ng kalinisan at kaayusan ng ating subdivision. Ginagawa po namin ang aming makakaya sa regular na pag-iikot sa bawat street at pag-monitor sa mga bakanteng unit na kailangang linisin o tabasan. Sana po ay makiisa rin tayong lahat.

Ilang paalala po sa lahat:
• 🏠 𝗩𝗔𝗖𝗔𝗡𝗧 𝗨𝗡𝗜𝗧𝗦 – Huwag po nating gawing tambakan ng basura, debris, construction materials, o kung anu-anong gamit ang mga bakanteng unit. Pakitanggal po ang mga kasalukuyang nakatambak na walang pahintulot ng homeowner. Ang mga hindi awtorisadong gamit ay maaari pong kumpiskahin ng HOA.

• 🐕 𝗔𝗟𝗔𝗚𝗔𝗡𝗚 𝗔𝗦𝗢 – Huwag po nating hayaang gumala sa labas ang ating mga alagang a*o nang walang supervision. Kung ilalabas po ang inyong a*o, dapat po ay may leash at dalang pandakot para sa kanilang dumi. May existing rules at kaukulang penalties po tayo, lalo na sa mga paulit-ulit nang napagsasabihan.

• 🚗 𝗝𝗨𝗡𝗞 𝗢 𝗛𝗜𝗡𝗗𝗜 𝗡𝗔 𝗨𝗠𝗔𝗔𝗡𝗗𝗔𝗥 𝗡𝗔 𝗦𝗔𝗦𝗔𝗞𝗬𝗔𝗡 – Kung sa tingin po ninyo ay hindi na talaga maisasalba ang inyong sasakyan at for junk na, maaaring tumulong ang HOA sa pag-dispose o pagbenta nito. Sayang naman po ang parking space at daanan kung matagal nang nakatigil at hindi na ginagamit ang sasakyan. Makakatulong po ito para magkaroon ng dagdag na space at makapagbigay-daan sa ibang homeowners na nangangailangan ng parking.

• 🚰 𝗗𝗥𝗔𝗜𝗡𝗔𝗚𝗘 – Huwag po nating gawing tapunan ng kaning baboy, dumi ng hayop, o anumang basura ang drainage. May existing rules at kaukulang penalties din po para dito. Bukod sa pagbabara, maaari itong pagmulan ng daga, mabahong amoy, at iba pang sanitation problems.

• 🌳 𝗠𝗔𝗧𝗔𝗧𝗔𝗔𝗦 𝗡𝗔 𝗣𝗨𝗡𝗢 𝗦𝗔 𝗟𝗢𝗢𝗕 𝗡𝗚 𝗕𝗔𝗞𝗨𝗥𝗔𝗡 – Walang problema po sa pag-aalaga ng mga puno, pero kung masyado na pong mataas at umaabot na sa mga wiring, pakibawasan o putulan po. Maaari itong maging sanhi ng abala o aksidente, lalo na kapag tag-ulan. Pakilinisan din po ang mga dahon at sanga na nalalaglag sa inyong area.

Paalala rin po: Kung may makita kayong homeowner na gumagawa ng alinman sa mga ipinagbabawal na ito, pakivideohan po kung maaari at ipadala sa HOA. Mas makakatulong po ang video para malinaw ang pangyayari at maiwasan ang hindi pagkakaunawaan.

Munting hiling lang po ito ng HOA. Tumulong po tayo sa kalinisan at kaayusan ng ating subdivision. Hindi po ito trabaho ng HOA lamang—𝗔𝗡𝗚 𝗞𝗔𝗟𝗜𝗡𝗜𝗦𝗔𝗡 𝗔𝗬 𝗥𝗘𝗦𝗣𝗢𝗡𝗦𝗜𝗕𝗜𝗟𝗜𝗗𝗔𝗗 𝗡𝗚 𝗟𝗔𝗛𝗔𝗧. Maraming salamat po.

10/09/2026

BINYAGANG BAYAN 2026 💚

Bilang bahagi ng National Children’s Month ngayong darating na Nobyembre, sama-sama nating ihatid ang ating mga munting Treceño sa isang makabuluhang unang hakbang sa kanilang pananampalataya. 🙏

Inaanyayahan ang mga magulang na pabinyagan ang kanilang mga anak sa Libreng Binyagang Bayan 2026 ng Pamahalaang Lungsod ng Trece Martires sa Nobyembre 6, 2026, na gaganapin sa tatlong parokya ng lungsod:

📍San Judas Tadeo Parish
📍Our Lady of Lourdes Parish
📍San Gregorio Magno Parish

PAALALA: Mga magulang lamang ang maaaring magparehistro sa Office of the City Civil Registrar hanggang Nobyembre 4, 2026.

Tandaan, ihanda ang mga kinakailangang dokumento bago magpalista.

Para sa kumpletong requirements at iba pang detalye, makipag-ugnayan sa Office of the City Civil Registrar, 2/F City Hall Building, o tumawag sa (046) 419-1313 loc. 125.

Ang bawat bata ay karapat-dapat sa isang biyayang magsisilbing gabay sa kanilang paglaki. Manindigan! Tumugon at Kumalinga dahil Sa Batang Handa, Mas Ligtas ang Bansa. 🤍

08/09/2026

📢 PAALALA SA MGA MAMAMAYAN

Mangyaring basahin ang kalakip na larawan para sa mahahalagang impormasyon tungkol sa pagbabayad ng maaga ng Amilyar o Real Property Tax na may 20% diskwento, gayundin sa Garbage Fee.

Hinihikayat ang lahat na makapagbayad sa itinakdang panahon upang mapakinabangan ang kaukulang diskwento at maiwasan ang anumang karagdagang singil.

Maraming salamat sa inyong pakikiisa at pagiging responsableng mamamayan.

07/09/2026

30/08/2026

📢 PAALALA PO SA LAHAT NG HOMEOWNERS

Malapit na po ang September 1, kaya muli po naming ipinapaalala na expired na ang ating existing vehicle stickers. Alinsunod sa napag-usapan noong meeting at sa taunang policy, ang mga sasakyang papa*ok na walang bagong sticker ay kailangang mag-iwan ng valid ID sa guardhouse bilang entry pass.

Ayon po sa record ng opisina, 86 homeowners pa lamang ang nakakuha ng kanilang bagong sticker. Nakapag-abiso naman po tayo dalawang buwan na ang nakalipas upang magkaroon ng sapat na panahon ang lahat na makapag-asika*o.
Ang pagpapatupad po nito ay hindi lamang para sa compliance, kundi higit sa lahat ay para sa seguridad ng ating subdivision at upang mahikayat ang ating mga homeowners na maging updated sa kanilang HOA dues at iba pang obligasyon.

Para po sa kaalaman ng lahat, sa pamamagitan ng maayos na collection at pagbabayad ng HOA dues, patuloy nating napapanatili ang mga sumusunod:
• May licensed security guard tayo sa buong taon
• Malinis, maayos at maliwanag ang ating mga common areas
• Nakakapagpatupad tayo ng mga proyekto kapag may labis na pondo sa isang buwan
• Updated at bayad ang ating monthly water and electric bills
• Updated ang ating binabayarang tax bilang HOA
• Updated ang HOA dues sa Federation of Homeowners Association
• Wala po tayong napabayaang obligasyon bilang HOA

Kung patuloy pong magiging negative ang ating collection, mapipilitan tayong unti-unting bawasan ang ating resources, tulad ng security personnel, maintenance, streetlights, at iba pang serbisyo. Bilang inyong HOA, ayaw po nating umabot sa puntong mangutang para lamang mapanatili ang mga serbisyong mayroon tayo ngayon.
Kaya po tayo naghihigpit, kabilang na sa sticker policy, upang mapanatili ang seguridad at maayos na operasyon ng ating subdivision at para na rin mahikayat ang lahat na maging updated sa kanilang HOA dues.

Maraming salamat po sa lahat ng patuloy na nag-a-update ng kanilang dues. Sa mga hindi pa po nakakapagbayad, wala naman pong problema—hinihikayat lamang po namin ang lahat na makapag-update sa lalong madaling panahon. Sa mga pagkakataong mangailangan ng assistance mula sa HOA, ang magiging konsiderasyon at priority ay ibabatay din sa ating records at sa naging contribution sa ating community.

📌 Sa September, muli po tayong mamimigay ng Statement of Account (SOA) para sa third quarter. Personal ko po itong iaabot, at kung hindi ko kayo maabutan, ipapadala ko po ito sa inyo bilang private message.

Para naman po sa mga homeowners na nais makita at maintindihan ang ating financial records, open po ang Admin Office. Maaari po kayong pumunta upang makita ang ating collections at expenses at malaman kung saan napupunta ang ating HOA funds.

Hinihikayat din po namin ang lahat na makiisa sa HOA at, kung nais ninyo, ay tumakbo sa susunod na election sa 2027 nang mas makita at maunawaan ninyo ang aktuwal na gawain at responsibilidad ng isang HOA officer.

Maraming salamat po sa inyong pang-unawa, pakikiisa, at patuloy na suporta. Sa mga may karagdagang katanungan, bukas po ang ating opisina MWF SAT 8AM to 5PM.

27/08/2026

Nagpaabot sa akin ang barangay ng impormasyon na mayroon pong allocated na 50 rice stubs para sa ating subdivision, courtesy of Mayora. Ang bawat stub po ay katumbas ng 5 kilos ng bigas.

Dahil 50 stubs lamang po ito at very limited, ang distribution ng stubs ay gagawin ko mamayang alas-3 ng hapon sa clubhouse. Ang actual na kuhaan po ng bigas ay alas-4 ng hapon sa barangay hall basketball court.

Gaya po ng sinabi ko kay Secretary, alam naman po natin na lahat po tayo ay nangangailangan. Ngunit dahil limitado lamang ang bilang, ang pagbibigay po ng stubs ay para sa mga talagang nangangailangan, karapat-dapat mabigyan, at may malasakit at aktibong nagko-contribute sa HOA.

Paunahan na lamang po ito dahil 50 stubs lang talaga ang available. Kaya sana po ay huwag na tayong magkaroon ng samaan ng loob o mag-react kung sakaling hindi mabigyan. Hindi po natin kayang mabigyan ang lahat dahil limitado lamang ang assistance.

Kung sa tingin po ninyo ay kailangan ninyo ang assistance at karapat-dapat po kayong mabigyan, pumunta po kayo sa clubhouse mamayang alas-3 ng hapon para kumuha ng stub.

Important reminder po: Bawal po ang makikisabay. Kung kukuha po kayo ng stub pero ipapasabay lamang ninyo sa iba at hindi kayo mismo ang pupunta sa barangay hall para kumuha ng bigas, huwag na po kayong kumuha ng stub.

Kung gusto po ninyong kumuha ng stub, kayo po mismo ang personal na pupunta sa barangay hall alas-4 ng hapon para kunin ang inyong 5 kilos na bigas.

Maraming salamat po sa inyong pang-unawa at pakikiisa. 🙏

24/08/2026

‼️𝐍𝐎𝐓𝐈𝐂𝐄 𝐓𝐎 𝐓𝐇𝐄 𝐏𝐔𝐁𝐋𝐈𝐂📢

Please be informed and strongly advised to be on 𝐟𝐮𝐥𝐥 𝐚𝐥𝐞𝐫𝐭 𝐚𝐧𝐝 𝐚𝐰𝐚𝐫𝐞 𝐫𝐞𝐠𝐚𝐫𝐝𝐢𝐧𝐠 𝐭𝐡𝐞 𝐢𝐧𝐜𝐫𝐞𝐚𝐬𝐢𝐧𝐠 𝐚𝐧𝐝 𝐰𝐢𝐝𝐞𝐬𝐩𝐫𝐞𝐚𝐝 𝐢𝐧𝐜𝐢𝐝𝐞𝐧𝐜𝐞𝐬 𝐨𝐟 𝐰𝐚𝐭𝐞𝐫 𝐦𝐞𝐭𝐞𝐫 𝐭𝐡𝐞𝐟𝐭 𝐚𝐧𝐝 𝐮𝐧𝐚𝐮𝐭𝐡𝐨𝐫𝐢𝐳𝐞𝐝 𝐫𝐞𝐦𝐨𝐯𝐚𝐥, currently taking place across our city.

𝐓𝐡𝐢𝐬 𝐚𝐜𝐭 𝐢𝐬 𝐚 𝐯𝐢𝐨𝐥𝐚𝐭𝐢𝐨𝐧 𝐨𝐟 𝐑𝐞𝐩𝐮𝐛𝐥𝐢𝐜 𝐀𝐜𝐭 𝐍𝐨. 𝟖𝟎𝟒𝟏 (𝐍𝐚𝐭𝐢𝐨𝐧𝐚𝐥 𝐖𝐚𝐭𝐞𝐫 𝐂𝐫𝐢𝐬𝐢𝐬 𝐨𝐟 𝟏𝟗𝟗𝟓)

Corresponding Penalties:

• Fine up to Php100,000.00
• Or both imprisonment and fine at the discretion of the court

Report immediately to TMCWD or at the nearest police station if you notice suspicious person/s on activity around water meters in your area.

Let us all work together to stop this ILLEGAL ACTIVITY and PROTECT our service facilities.

-TMCWD Management

19/08/2026

Maraming salamat sa lahat ng parents na nagdala ng kanilang mga anak at nakilahok sa ating Ligtas Tigdas Campaign. Malaking bagay po ang inyong suporta! 👨‍👩‍👧‍👦

Salamat din po sa ating BNS, BHW, mga Konsehal, Nurse, at kay Kap na personal na pumunta at nagbigay ng suporta upang maging matagumpay ang activity; at pati na rin sa ating mga HOA staff at officers na nag-assist at tumulong sa buong programa.

Maraming salamat sa inyong lahat sa pakikiisa para sa kalusugan at kaligtasan ng ating mga anak! 💕💉

14/08/2026

📣 MULING PAALALA PO SA ATING MGA HOMEOWNERS

Tayo po ay magkakaroon na ng bagong vehicle sticker na magiging effective simula September 1, 2026. Ang sticker po ay valid hanggang December 31, 2027.

Hinihikayat po namin ang lahat na kumuha na ng bagong sticker bago pa dumating ang takdang araw para maiwasan ang abala sa inyong pagpa*ok at paglabas ng ating subdivision.

📌 𝟏𝟎𝟎% 𝐂𝐎𝐌𝐏𝐋𝐈𝐀𝐍𝐂𝐄 𝐏𝐎 𝐓𝐀𝐘𝐎.

Bukod sa vehicle identification, malaking tulong din po ang sticker para sa security at safety ng ating buong subdivision.

Para po sa requirements, at iba pang detalye, maaari po kayong mag-inquire sa ating opisina. Maraming salamat po.