The Bolster PH

The Bolster PH A nonprofit organization that aims to provide support and assistance to our fur-buddies just like a Bolster.
(2)

12/06/2026

UPDATE KAY LUCKY 🐾

May update po tayo sa CBC result ni Lucky today.

Magandang balita po na normal na ang kanyang white blood cells at nag-improve na rin ang kanyang red blood cells. However, bumaba naman po ang kanyang platelet count kaya patuloy pa rin po ang close monitoring sa kanyang kondisyon.

Based rin po sa kanyang laboratory tests, nag-positive si Lucky sa dalawang blood parasites: Ehrlichiosis at Anaplasmosis. Negative naman po siya sa Heartworm, Babesia, at Leptospirosis.

Suspected na rin ang blood parasitism dahil sa mga nakaraang CBC results niya na isinagawa sa ibang clinic noong May 29 at June 2.
Patuloy din po ang pagheal ng kanyang mga stab wounds.
Sa kabila nito, patuloy po nating susuportahan si Lucky sa kanyang gamutan at recovery. Sana ay tuloy-tuloy na ang kanyang paggaling.

11/06/2026

UPDATE KAY NONOY 😺

May latest laboratory result na po si Nonoy. Mabuting balita po na NEGATIVE na ang kanyang FIP test. But based po sa kanyang CBC result ay mataas pa rin po ang infection level kaya kailangan pa rin po ng patuloy na monitoring at gamutan. Sa kabila nito, clinically stable naman po si Nonoy — active, malakas kumain, walang pagsusuka, at soft stool lamang ang napapansin habang nasa intestinal diet siya.

Continuos pa rin po ang pagbibigay ng kanyang mga supplements, at papalitan lamang po ang kanyang antibiotic as per his Vet. Nakaschedule din po siyang kuhanan muli ng CBC sample after one week upang masubaybayan ang kanyang progress.

Sana ay tuloy-tuloy na ang kanyang paggaling. 💛

10/06/2026

RESCUE DOG "LUCKY" 🐾

Ito po si Lucky. Matagal na po siyang tinutulungan ng aming team sa kanyang gamutan at chemotherapy.

Pero ngayong linggo, nakatanggap po kami ng nakakalungkot na balita mula sa kanyang owner. Umuwi si Lucky na duguan at may mga sugat sa katawan. Sa una ay inakala nilang iisa lamang ang saksak na kanyang tinamo, ngunit nang siya ay masuri ng beterinaryo, napag-alamang apat na beses siyang nasaksak.
Nakakadurog ng puso na isipin na habang pilit lumalaban si Lucky para mabuhay, mayroon namang taong nagawang saktan siya nang ganito. Wala pong hayop ang nararapat makaranas ng ganitong kalupitan.

Sa taong gumawa nito, sana ay magkaroon kayo ng konsensya. Ang mga hayop ay nakakaramdam ng sakit, takot, at paghihirap tulad natin. Ang pananakit sa kanila ay hindi lamang kawalan ng awa kundi isang paglabag din sa batas, kabilang ang Animal Welfare Act of the Philippines.

Hinihiling po namin ang inyong dasal para sa mabilis na paggaling ni Lucky. Sa kabila ng lahat ng kanyang pinagdaanan, naniniwala kami na patuloy siyang lalaban.

09/06/2026

HAPPY FACE SI MAX! 🐾

Makikitang masayang masaya si Max na dumating na ang kanyang monthly supplies of meds and vitamins. Kung matatandaan po ninyo si Max ay dumaan din po sa ilang session ng chemotherapy hanggang sa tuluyang lumiit ang mass na nasa kanyang bibig.

Patuloy pa din po ang pagsuporta ng aming Team sakanya by providing his medicine and vitamins.

Masaya po kaming makitang nasa magandang kalagayan at malusog si Max 🥰

08/06/2026

5TH CHEMOTHERAPY SESSION NI BROWNIE 🐾

Masaya po naming binabalita na patuloy na po ang pagliit ng mass sa private part ni Brownie sa tulong ng kanyang tuloy tuloy na session. Our team is looking forward sa tuluyang pagliit pa ng mass na ito hanggang sa tuluyang mawala. Malaking bagay po ang pagtutok ng ating Vet sa kalagayan ni Brownie.

Patuloy po natin isupport and ipagdasal si Brownie. Super bait na dog and super lambing po nya 🥺

07/06/2026

YEY! GRADUATE NA DIN SI POCHIE! 🐾

Kasabay nina Angel at Panda na sinundo si Pochie ng aming team nuong May 30.

Kung matatandaan nyo po, sya ay nasagasaan along Cityland Vito Cruz kaya agaran syang nirescue at dinala ng aming team sa Vet.
Ilang buwan din po sya nagpagaling at inobserbahan hanggang makasigurong makabalik sya sa normal at maayos ang kanyang paglalakad.

Very good doggie si Pochie. Continous pa din po ang kanyang regular check up even if narelease na sya from Vet.

Maraming salamat po sa mga tumulong at patuloy po sana natin na iwish ang ating mga rescues ng good health 💙

06/06/2026

VERY GOOD SI BROWNIE! 🐾

Malakas kumain, masigla, at patuloy na lumalaban everyday. Nakaschedule siya para sa kanyang 6th chemotherapy this coming week.

Sa ngayon, maayos po ang kanyang kalagayan at patuloy na mino-monitor ng kanyang veterinary team ang pagliit ng mass sa kanyang private part. We're happy to see him with positive progress sa kabila ng kanyang pinagdadaanan.

Thank you so much posa lahat ng patuloy na nagdarasal, sumusuporta, at nagmamahal kay Brownie. Tuloy-tuloy lang tayo sa pag-asa at panalangin para sa kanyang tuluyang paggaling.

Laban lang, Brownie! Isang chemo na naman ang haharapin mo, at alam naming kakayanin mo ito. 💪

05/06/2026

GRADUATE NA! 🐾🎓

Masaya po naming ibalita na pareho nang magaling sina Angel at Panda kaya noong May 30 ay nasundo na sila ng aming team mula sa veterinary clinic.

Malalakas silang kumain, active, at masigla na muli. We're happy na makita ang malaking improvement ng ating dalawang mababait na doggies matapos ang kanilang pinagdaanang gamutan at pag-aalaga.

Finally, graduate na sila sa vet! 🎉
Tuloy-tuloy pa rin po ang kanilang regular na pagbisita sa beterinaryo para sa proper monitoring at upang masigurong mananatiling maayos ang kanilang kalusugan.

Maraming salamat sa lahat ng nagdasal, sumuporta, at nagbigay ng pagmamahal kina Angel at Panda especially po sa ating mahuhusay na mga Vet!

Patuloy po nating ipagdasal na manatili silang malusog, masaya, at ligtas sa panibagong chapter of their lives🙏✨

04/06/2026

Update po kay Brownie 🐾

Masiyahin at masiglang-masigla si Brownie today! Nakakatuwang makita kung paano siya unti-unting bumabalik sa kanyang dating sigla araw-araw. Kumakain nang mabuti at active.

Patuloy pa rin po ang kanyang treatments, oral medications, at chemotherapy upang masigurong tuloy-tuloy ang kanyang paggaling.

Maraming salamat po sa lahat ng patuloy na nagdarasal, sumusuporta, at nagmamahal kay Brownie. Malayo pa ang kanyang tatahakin, pero bawat araw na nakikita namin siyang masaya at lumalakas ay isang malaking blessing 🙏

03/06/2026

PAALALA PO SA LAHAT NGAYONG NALALAPIT NA TAG ULAN 🐾

Habang tayo ay may tahanang masisilungan, maraming stray dogs at cats ang walang mapagkublihan sa malakas na ulan at malamig na panahon.

Kung kaya po, maglaan ng kaunting malasakit. Mag-iwan ng pagkain at malinis na tubig sa ligtas na lugar, magbigay ng pansamantalang masisilungan, o kahit simpleng pagprotekta sa kanila laban sa ulan.

Ang ating munting kabutihan ay maaaring maging dahilan upang makaligtas sila sa gutom, lamig, at sakit.

Hindi nila kayang humingi ng tulong, ngunit ramdam nila ang pagmamahal at malasakit na ating ibinibigay.

Ngayong tag-ulan, maging kanlungan tayo ng mga pusang at asong lansangan.

Address

Tondo

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Friday 9am - 5pm
Saturday 9am - 5pm

Website

Alerts

Be the first to know and let us send you an email when The Bolster PH posts news and promotions. Your email address will not be used for any other purpose, and you can unsubscribe at any time.

Shortcuts

Share

Category