03/11/2025
Mayad nga adlaw mga kasimanwa.
Sa martes nga adlaw maga landfall sa Panay Island ang mabaskog nga Bagyo nga si Tino. Ini magadara sang mabaskog nga hangin, pag-uran, posibilidad sang flash floods, kag landslides. Gina abisuhan ang tanan nga mag preparar sang mga masunod:
1. Sikyaron nga mapag-on ang aton panimalay, lansangan ukon higtan ang mga atop kag dingding para hindi maguba;
2. Mag pang clearing operations kag mag pang-utod sang mga kahoy nga marapit sa aton balay kag sa mga linya kang kuryente;
3. Siguraduhon nga hindi barado ang aton mga kanal para malikawan ang pagbaha;
4. Mag preparar sang emergency go bag nga may mga sulod nga: pagkaon kag tubig nga hindi magnaba sa tatlo ka adlaw nga kunsumo kang aton pamilya, mga maintenance nga bulong, emergency first aid kit, importante nga mga dokumento, mga panapton, flashlight ukon kandila kag iban pagid;
5. Siguraduhon nga na full charge ang aton mga battery, cell phone kag power bank;
6. Hibaluon ang inyo tagsa ka mga Barangay designated evacuation center ukon makipag-angot sa inyo tagsa ka mga Barangay kung kinahanglanon mag evacuate;
7. Sikyaron kag hindi pagpabay-an ang aton mga kasapatan. Kung kinahanglanon, dar-a kaupod mag evacute;
8. Hibalu-on ang tagsa ka mga Emergency Hotline Numbers sang aton local emergency response teams; kag
9. Magpabilin nga mag monitor sa lakat sang panahon sa radyo, tv, facebook kag sa iban pagid nga pwede naton makuhaan sang inpormasyon.
Mga kasimanwa, mangin alisto, prepardo kag mag binuligay kita sa tanan nga oras, para kita tanan mangin hilway sa katalagman.
