Taytay Tayo

02/06/2026

𝗛𝗔𝗕𝗜𝗡𝗚 𝗣𝗔𝗠𝗔𝗡𝗔 𝗜𝗡 𝗠𝗢𝗧𝗜𝗢𝗡! 🇵🇭🧡

Ating muling balikan ang makukulay at kahanga-hangang pagtatanghal mula sa konsiyerto ng INDAK Hamaka Dance Company at Indayog Kabataan Dance Troupe na pinamagatang “𝗛𝗔𝗕𝗜𝗡𝗚 𝗣𝗔𝗠𝗔𝗡𝗔: 𝗧𝗵𝗲 𝗜𝗛𝗗𝗖 × 𝗜𝗞𝗗𝗧 𝗗𝗮𝗻𝗰𝗲 𝗖𝗼𝗻𝗰𝗲𝗿𝘁 𝟮𝟬𝟮𝟲” ✨

Narito ang ilan sa mga sayaw na ating nakunan mula sa kanilang makabuluhang pagtatanghal.

Sa bawat galaw, tugtog, at kasuotan ay naipapakita ang mayamang kultura, kasaysayan, at pagkakakilanlan ng ating bansa. Tunay na kahanga-hanga ang husay, dedikasyon, at pagmamahal sa sining ng mga kabataang Taytayeño. 💃

Nawa’y magsilbing inspirasyon ang mga pagtatanghal na ito upang lalo pa nating pahalagahan at ipagmalaki ang ating mga tradisyon at pamana bilang mga Pilipino.

Patuloy nating ipagmalaki ang dangal ng ating kulturang hinubog ng mayamang kasaysayan at ipasa ito sa susunod na henerasyon. 🧡

01/06/2026

𝗧𝗮𝘆𝘁𝗮𝘆 𝗧𝗮𝘆𝗼 𝗮𝘁 𝗛𝗔𝗕𝗜𝗡𝗚 𝗣𝗔𝗠𝗔𝗡𝗔: 𝗧𝗵𝗲 𝗜𝗛𝗗𝗖 𝘅 𝗜𝗞𝗗𝗧 𝗗𝗮𝗻𝗰𝗲 𝗖𝗼𝗻𝗰𝗲𝗿𝘁 𝟮𝟬𝟮𝟲! 🇵🇭🧡

Kahapon, ika-31 ng Mayo 2026, masayang nakibahagi ang Taytay Tayo sa konsiyerto ng INDAK Hamaka Dance Company kasama ang Indayog Kabataan Dance Troupe na pinamagatang “𝗛𝗔𝗕𝗜𝗡𝗚 𝗣𝗔𝗠𝗔𝗡𝗔: 𝗧𝗵𝗲 𝗜𝗛𝗗𝗖 × 𝗜𝗞𝗗𝗧 𝗗𝗮𝗻𝗰𝗲 𝗖𝗼𝗻𝗰𝗲𝗿𝘁 𝟮𝟬𝟮𝟲,” na ginanap sa Kalayaan Park, Taytay, Rizal. ✨

Ito ay may layuning mas makilala pa ng mga Kabataang Taytayeño ang ating bayan, at iangat ang kanilang kamalayan sa ating mga natatanging pamana.

Nasaksihan natin ang makukulay na kasuotan, kahanga-hangang pagtatanghal ng mga tradisyunal na sayaw mula sa iba’t ibang panig ng bansa, at ang sigla at husay ng mga kabataang Taytayeño. 💃

Buhay na buhay ang enerhiya ng mga mananayaw mula sa parehong dance company, at kitang-kita ang talento at dedikasyon ng ating mga kabataan. 👏

Lubos ang ating pasasalamat sa INDAK Hamaka Dance Company, lalo na kay Sir Ces Salonga IV, sa pag-imbita sa Taytay Tayo at sa muling paggamit ng ating awitin bilang panimula ng kanilang konsiyerto.

Nagpapasalamat din tayo sa INDAK Hamaka Dance Company sa paggawad ng sertipiko ng pagpapahalaga bilang pagkilala sa ating matagumpay na kolaborasyon sa buong buwan ng Mayo.

Muli, maraming salamat INDAK Hamaka Dance Company sa kolaborasyong ito. Marami tayong natutunan, hindi lamang sa kasaysayan at iba’t ibang pook sa Taytay, kundi maging sa kahalagahan ng ating mga tradisyunal na sayaw Pilipino at sa pag-angat ng ating kamalayan sa ating mga natatanging pamana. 🧡

Mga Taytayeño, patuloy nating ipagmalaki ang dangal ng ating kultura na hinubog ng mayamang kasaysayan. Sama-sama nating ipasa sa susunod na henerasyon ang ating mahalagang pamana at itaguyod ang diwa ng Taytay para sa mas makulay at makabuluhang kinabukasan. 🧡

29/05/2026

𝗛𝗔𝗕𝗜𝗡𝗚 𝗣𝗔𝗠𝗔𝗡𝗔: 𝗧𝗵𝗲 𝗜𝗛𝗗𝗖 𝘅 𝗜𝗞𝗗𝗧 𝗗𝗮𝗻𝗰𝗲 𝗖𝗼𝗻𝗰𝗲𝗿𝘁 𝟮𝟬𝟮𝟲

𝑻𝒂𝒓𝒂 𝒏𝒂 𝒂𝒕 𝒌𝒊𝒍𝒂𝒍𝒂𝒏𝒊𝒏 𝒂𝒏𝒈 𝒎𝒂𝒚𝒂𝒎𝒂𝒏𝒈 𝒌𝒖𝒍𝒕𝒖𝒓𝒂 𝒂𝒕 𝒑𝒂𝒎𝒂𝒏𝒂 𝒏𝒈 𝒂𝒕𝒊𝒏𝒈 𝒃𝒂𝒚𝒂𝒏!

Tara na mga Taytayeños! 🧡

Tayo ay sumuporta at makiisa sa darating na concert ng INDAK Hamaka Dance Company na pinamagatang 𝗛𝗔𝗕𝗜𝗡𝗚 𝗣𝗔𝗠𝗔𝗡𝗔: 𝗧𝗵𝗲 𝗜𝗛𝗗𝗖 𝘅 𝗜𝗞𝗗𝗧 𝗗𝗮𝗻𝗰𝗲 𝗖𝗼𝗻𝗰𝗲𝗿𝘁 𝟮𝟬𝟮𝟲.

Na may layuning mas makilala pa ng mga Kabataang Taytayeño ang ating bayan, at iangat ang kanilang kamalayan sa ating mga natatanging pamana.

Ito po ay magaganap sa darating na 𝗟𝗶𝗻𝗴𝗴𝗼, 𝗠𝗮𝘆 𝟯𝟭 sa 𝗞𝗮𝗹𝗮𝘆𝗮𝗮𝗻 𝗣𝗮𝗿𝗸. Maguumpisa po ang program sa ganap na 𝟲:𝟬𝟬 𝗣𝗠.

Tara na! Ipagmalaki natin ang Dangal ng Ating Kulturang Habi mula sa Mayamang Kasaysayan, at ipasa sa susunod na henerasyon ang ating mayamang pamana! 🧡

#𝙏𝙪𝙣𝙖𝙮𝙉𝙖𝙏𝙖𝙩𝙖𝙠𝙄𝙉𝘿𝘼𝙆👑
#𝙏𝙝𝙚𝙄𝙉𝘿𝘼𝙆𝙇𝙚𝙜𝙖𝙘𝙮🏆🏆🏆
#𝙀𝙭𝙥𝙧𝙚𝙨𝙨𝙀𝙭𝙥𝙡𝙤𝙧𝙚𝙀𝙭𝙥𝙚𝙧𝙞𝙚𝙣𝙘𝙚
#𝙈𝙖𝙠𝙞𝙣𝙜𝙏𝙖𝙮𝙩𝙖𝙮𝙋𝙧𝙤𝙪𝙙𝙎𝙞𝙣𝙘𝙚2015💙💛💚❤️💜

𝗛𝗔𝗕𝗜𝗡𝗚 𝗣𝗔𝗠𝗔𝗡𝗔: 𝗧𝗵𝗲 𝗜𝗛𝗗𝗖 𝘅 𝗜𝗞𝗗𝗧 𝗗𝗮𝗻𝗰𝗲 𝗖𝗼𝗻𝗰𝗲𝗿𝘁 𝟮𝟬𝟮𝟲

𝑻𝒂𝒓𝒂 𝒏𝒂 𝒂𝒕 𝒌𝒊𝒍𝒂𝒍𝒂𝒏𝒊𝒏 𝒂𝒏𝒈 𝒎𝒂𝒚𝒂𝒎𝒂𝒏𝒈 𝒌𝒖𝒍𝒕𝒖𝒓𝒂 𝒂𝒕 𝒑𝒂𝒎𝒂𝒏𝒂 𝒏𝒈 𝒂𝒕𝒊𝒏𝒈 𝒃𝒂𝒚𝒂𝒏!

Inaanyayahan po namin kayong makiisa sa 𝗛𝗔𝗕𝗜𝗡𝗚 𝗣𝗔𝗠𝗔𝗡𝗔: 𝗧𝗵𝗲 𝗜𝗛𝗗𝗖 𝘅 𝗜𝗞𝗗𝗧 𝗗𝗮𝗻𝗰𝗲 𝗖𝗼𝗻𝗰𝗲𝗿𝘁 𝟮𝟬𝟮𝟲. Layunin ng aming programa na mas makilala pa ng mga Kabataang Taytayeño ang ating bayan, at iangat ang kanilang kamalayan sa ating mga natatanging pamana.

Inaanyayahan po ang lahat ng mga Taytayeñong may pagmamahal sa Sining, Kultura, at Pamana, na maging bahagi ng gawaing ito na makatutulong sa patuloy na pagtataguyod ng Sining at Kultura ng ating bayan.

Magaganap po ito sa darating na 𝗟𝗶𝗻𝗴𝗴𝗼, 𝗠𝗮𝘆 𝟯𝟭 sa 𝗞𝗮𝗹𝗮𝘆𝗮𝗮𝗻 𝗣𝗮𝗿𝗸. Maguumpisa po ang program sa ganap na 𝟲:𝟬𝟬 𝗣𝗠.

Ang programang ito ay hatid ng Pamahalaang Bayan ng Taytay, sa pamumuno ni Mayor Allan Martine S. De Leon, MPA. , sa inisyatibo ni Ginoong Cesar C Salonga IV, Tagapayo ng IHDC at IKDT, Manila International Dance Festival, at JCI Taytay.

Tara na! Ipagmalaki natin ang Dangal ng Ating Kulturang Habi mula sa Mayamang Kasaysayan, at ipasa sa susunod na henerasyon ang ating mayamang pamana!

#𝙏𝙪𝙣𝙖𝙮𝙉𝙖𝙏𝙖𝙩𝙖𝙠𝙄𝙉𝘿𝘼𝙆👑
#𝙏𝙝𝙚𝙄𝙉𝘿𝘼𝙆𝙇𝙚𝙜𝙖𝙘𝙮🏆🏆🏆
#𝙀𝙭𝙥𝙧𝙚𝙨𝙨𝙀𝙭𝙥𝙡𝙤𝙧𝙚𝙀𝙭𝙥𝙚𝙧𝙞𝙚𝙣𝙘𝙚
#𝙈𝙖𝙠𝙞𝙣𝙜𝙏𝙖𝙮𝙩𝙖𝙮𝙋𝙧𝙤𝙪𝙙𝙎𝙞𝙣𝙘𝙚2015💙💛💚❤️💜

25/05/2026

𝗧𝗔𝗬𝗧𝗔𝗬 𝗧𝗔𝗬𝗢 𝗮𝘁 𝗛𝗔𝗕𝗜 𝗡𝗚 𝗚𝗔𝗟𝗔𝗪! 🇵🇭🧡

𝑻𝒂𝒓𝒂 𝒏𝒂 𝒂𝒕 𝒌𝒊𝒍𝒂𝒍𝒂𝒏𝒊𝒏 𝒂𝒏𝒈 𝒎𝒂𝒚𝒂𝒎𝒂𝒏𝒈 𝒌𝒖𝒍𝒕𝒖𝒓𝒂 𝒂𝒕 𝒑𝒂𝒎𝒂𝒏𝒂 𝒏𝒈 𝒂𝒕𝒊𝒏𝒈 𝒃𝒂𝒚𝒂𝒏!

Noong Biyernes, ika-22 ng Mayo 2026, masayang nakibahagi ang Taytay Tayo sa workshop ng INDAK Hamaka Dance Company kasama ang Smile Barangay San Juan na pinamagatang “𝗛𝗔𝗕𝗜 𝗡𝗚 𝗚𝗔𝗟𝗔𝗪: 𝗧𝗛𝗘 𝗜𝗛𝗗𝗖 & 𝗦𝗺𝗶𝗹𝗲 𝗕𝗮𝗿𝗮𝗻𝗴𝗮𝘆 𝗦𝗮𝗻 𝗝𝘂𝗮𝗻 𝗙𝗼𝗹𝗸 𝗗𝗮𝗻𝗰𝗲 𝗪𝗼𝗿𝗸𝘀𝗵𝗼𝗽”, bilang bahagi ng 𝗡𝗮𝘁𝗶𝗼𝗻𝗮𝗹 𝗛𝗲𝗿𝗶𝘁𝗮𝗴𝗲 𝗠𝗼𝗻𝘁𝗵, na ginanap sa Taytay Recreation Center, New Taytay Public Market, Brgy. San Juan. ✨

Nakasaksi tayo ng masaya at masiglang dance workshop sa pangunguna ni SK Teacher Yna Colleen Olanday, na nagbahagi ng ilan sa mga fundamental dance steps. Samantala, sa pamumuno ni Kuya Ces, itinuro naman niya ang katutubong sayaw na Itik-Itik Sibonga.

Napakaganda at napakaimpormatibong dance workshop! 💃

Maraming salamat sa INDAK Hamaka Dance Company sa pag-imbita sa atin, gayundin sa mga SK ng Brgy. San Juan para sa matagumpay na programang ito.

Tara na! Ipagmalaki natin ang dangal ng ating kulturang hinabi mula sa mayamang kasaysayan at ipasa sa susunod na henerasyon ang ating mahalagang pamana!

16/05/2026

𝗧𝗮𝘆𝘁𝗮𝘆 𝗧𝗮𝘆𝗼 𝗮𝘁 𝗛𝗔𝗕𝗜𝗡𝗚 𝗣𝗔𝗠𝗔𝗡𝗔 𝗗𝗮𝘆 𝟯! 🇵🇭🧡

Ngayong araw, muling nakisaya ang Taytay Tayo sa ikatlong araw ng workshop ng INDAK Hamaka Dance Company kasama ang Indayog Kabataan Dance Troupe na pinamagatang “𝗛𝗔𝗕𝗜𝗡𝗚 𝗣𝗔𝗠𝗔𝗡𝗔: 𝗧𝗵𝗲 𝗜𝗛𝗗𝗖 𝘅 𝗜𝗞𝗗𝗧 𝗪𝗼𝗿𝗸𝘀𝗵𝗼𝗽 𝟮𝟬𝟮𝟲” na ginanap sa Barangay San Juan. ✨

Muli nating nasaksihan ang kahanga-hangang talento at husay ng mga kabataang Taytayeño sa kanilang pagsasanay ng sayaw na Jota de Medellin, isang tradisyunal na sayaw Pilipino.

Kasabay nito, ipinakilala rin ng Taytay Tayo sa mga kabataang taga-Brgy. San Juan ang ating adhikain na ipagmalaki at mapanatili ang kasaysayan, kultura, at mga natatagong yaman ng ating bayan, Taytay, Rizal. Nagkaroon din tayo ng Q&A portion tungkol sa kasaysayan at iba’t ibang lugar sa Taytay. Sa tulong ni Sir Cesar Salonga IV, mas nadagdagan pa ang ating kaalaman tungkol sa ating bayan.

Namahagi rin tayo ng brochures na naglalaman ng maikling impormasyon tungkol sa kasaysayan at pista ng ating bayan, pati na rin ang ilan sa mga ipinagmamalaking lugar sa Taytay.

Nagkaroon din tayo ng booth sa tulong ng mga handmade items mula sa AIRA Stitches bilang suporta sa ating kampanya.

Muli rin nating nakasama ang Lakbayin, isang student-led organization na layuning mapreserba ang sinaunang Baybayin ng Pilipinas. Nasaksihan natin ang kanilang workshop tungkol sa kasaysayan ng Baybayin at kung paano ito isulat.

Lubos ang ating pasasalamat sa INDAK Hamaka Dance Company, lalo na kay Sir Cesar Salonga IV, para sa kolaborasyon at pag-imbita sa atin. Maraming salamat din sa lahat ng sumuporta, bumili sa ating booth, at dumalo upang makisaya sa workshop.

Taos-puso rin tayong nagpapasalamat kay Bgry. San Juan SK Kagawad Ralph Malquez sa pagbisita at sa pamimigay ng plastic cup at sandok sa mga kabataan.

Nasa Day 3 na tayo mga Taytayeños! Kaya tuloy-tuloy lang natin ang saya at pagdiriwang ng ating kultura! ✨

Saang barangay naman kaya tayo susunod na makikisaya? 👀
Abangan!

Sama-sama nating itaguyod ang diwa ng Taytay! 🧡

16/05/2026

Happy Fiesta, San Isidro Labrador! 🌾 🌾

Maraming salamat po INDAK Hamaka Dance Company sa muling pagbibigay-buhay sa ating awitin! 🧡🧡🧡

09/05/2026

𝗧𝗮𝘆𝘁𝗮𝘆 𝗧𝗮𝘆𝗼 𝗮𝘁 𝗛𝗔𝗕𝗜𝗡𝗚 𝗣𝗔𝗠𝗔𝗡𝗔 𝗗𝗮𝘆 𝟮! 🇵🇭🧡

Ngayong araw, muling nakisaya ang Taytay Tayo sa ikalawang araw ng workshop ng INDAK Hamaka Dance Company kasama ang Indayog Kabataan Dance Troupe na pinamagatang “𝗛𝗔𝗕𝗜𝗡𝗚 𝗣𝗔𝗠𝗔𝗡𝗔: 𝗧𝗵𝗲 𝗜𝗛𝗗𝗖 𝘅 𝗜𝗞𝗗𝗧 𝗪𝗼𝗿𝗸𝘀𝗵𝗼𝗽 𝟮𝟬𝟮𝟲” na ginanap sa Barangay Sta. Ana. ✨

Nasaksihan natin ang kanilang inihandang sayaw na Manlambus, isang tradisyunal na sayaw mula sa Escalante, Negros Occidental. Tunay na kahanga-hanga ang ipinakitang talento at husay ng mga kabataang Taytayeño.

Kasabay nito, ipinakilala rin ng Taytay Tayo sa mga kabataang taga-Brgy. Sta. Ana ang ating adhikain na ipagmalaki at mapanatili ang kasaysayan, kultura, at mga natatagong yaman ng ating bayan, Taytay, Rizal. Nagkaroon din tayo ng Q&A portion tungkol sa kasaysayan at iba’t ibang lugar sa Taytay. Sa tulong ni Sir Cesar Salonga IV, mas nadagdagan pa ang ating kaalaman tungkol sa ating bayan.

Namahagi rin tayo ng brochures na naglalaman ng maikling impormasyon tungkol sa kasaysayan at pista ng ating bayan, pati ang ilan sa mga lugar na ipinagmamalaki ng Taytay.

Nagkaroon din tayo ng booth sa tulong ng mga handmade items mula sa AIRA Stitches, na nagsisilbing suporta sa ating kampanya.

Nakasama rin natin ang Lakbayin, isang student-led organization tulad natin na naglalayong mapreserba ang sinaunang baybayin ng Pilipinas. Nasaksihan natin ang kanilang workshop tungkol sa kasaysayan ng Baybayin at kung paano ito isulat.

Lubos ang ating pasasalamat sa INDAK Hamaka Dance Company, lalo na kay Sir Cesar Salonga IV, para sa kolaborasyon at pag-imbita sa atin. Maraming salamat din sa lahat ng sumuporta, bumili sa ating booth, at dumalo upang makisaya sa workshop. Taos-puso rin tayong nagpapasalamat kay Smile Kabataang Sta. Ana Chairperson Sane Cruz Yasoña sa pagbisita at suporta sa ating booth.

Day 2 pa lamang ito, kaya tuloy-tuloy na natin ang saya at pagdiriwang ng ating kultura! ✨

Saang barangay naman kaya tayo susunod na makikisaya? 👀
Abangan!

Sama-sama nating itaguyod ang diwa ng Taytay! 🧡

06/05/2026

Isang malaking pagbati sa matagumpay na pagbubukas ng Antipolo Pilgrimage Season 2026! 🎉🙏

Lubos na nagpapasalamat ang Taytay Tayo sa pagkakataong maging bahagi ng napakagandang kolaborasyon na ito. Tunay na kahanga-hanga ang INDAK Hamaka Dance Company, buhay na buhay ang enerhiya, galaw, at ngiti ng bawat isa! 💃🧡

Maraming salamat sa pagbibigay-buhay sa aming awitin sa isang makabuluhang okasyon. Patuloy nating ipagmalaki ang ating kultura at komunidad!

Mayo na sa Antipolo! Tayo na! ✨