Taytay Advocates of Cultural Heritage

15/07/2026

🌊 𝑩𝒂𝒘𝒂𝒕 𝒂𝒍𝒐𝒏, 𝒎𝒂𝒚 𝒌𝒖𝒘𝒆𝒏𝒕𝒐. 𝑩𝒂𝒘𝒂𝒕 𝑷𝒊𝒍𝒊𝒑𝒊𝒏𝒐, 𝒌𝒂𝒃𝒂𝒉𝒂𝒈𝒊.

Mula sa ating mga baybayin hanggang sa iba’t ibang panig ng mundo, ang kasaysayan ng Pilipinas ay kuwento ng mga taong naglakbay, nakipag-ugnayan, at nagdala ng diwang Pilipino saan man sila makarating. Ang dagat ang naging tulay ng ating kalakalan, diplomasya, at ng milyun-milyong Pilipinong bumuo ng mga komunidad sa ibayong-dagat.

⚓ Ngayong Buwan ng Kasaysayan 2026, samahan ang NHCP sa paglalayag sa temang "𝗛𝗶𝗻𝘂𝗯𝗼𝗴 𝗻𝗴 𝗕𝗮𝘆𝗮𝗻, 𝗗𝗶𝗻𝘂𝘆𝗮𝗻 𝗻𝗴 𝗔𝗹𝗼𝗻." Sama-sama nating tuklasin ang mga kuwentong nagbuklod sa ating kapuluan at nag-ugnay sa Pilipinas sa daigdig. 𝑇𝑎𝑟𝑎, 𝑎𝑙𝑎𝑚𝑖𝑛 𝑎𝑛𝑔 𝑎𝑡𝑖𝑛𝑔 𝑘𝑎𝑠𝑎𝑦𝑠𝑎𝑦𝑎𝑛—𝑎𝑡 𝑡𝑢𝑘𝑙𝑎𝑠𝑖𝑛 𝑘𝑢𝑛𝑔 𝑠𝑎𝑎𝑛 𝑡𝑎𝑦𝑜 𝑑𝑎𝑑𝑎𝑙ℎ𝑖𝑛 𝑛𝑔 𝑠𝑢𝑠𝑢𝑛𝑜𝑑 𝑛𝑎 𝑎𝑙𝑜𝑛! 🇵🇭🌊

Antabayanan ang opisyal na kalendaryo ng History Month 2026 sa mga susunod na araw!

14/07/2026

24/06/2026

Ngayong araw ay ipinagdiriwang ang kapistahan ng patron ng ating bayan na si San Juan Bautista. Bukod sa kilala ng mga matatanda o 'taal' ng ating bayan bilang si "Tata Anto" dahil sa palayaw ng pangalang Juan, siya rin ang patron ng Barangay San Juan, ang barangay na ipinangalan sa kanya.

Sa ating bayan ay ipinagdiriwang ang taunang Santong Basaan sa Taytay o ang SABATA Festival na kung saan libo-libong Taytayeño ang nagtitipon sa patio ng simbahan at nagbabasaan habang pinaparada ito sa mga kalsada ng ating bayan bilang basbas at pasasalamat sa nakukuhang biyaya sa tuwing may binibinyagan.

Alam nyo ba na ang bayan ng Taytay ay minsan nang pinalitan ang pangalan ng ating bayan bilang “San Juan del Monte” bilang bayang naka-alay sa patnubay at gabay ni San Juan de Bautista, pero hindi naglaon ay ibinalik rin ang pangalan sa "Taytay".

Nakikiisa ang Taytay Adovcates of Cultural Heritage Inc. sa mga kapatid natin sa Minor Basilica and Parish of St. John the Baptist - Taytay, Rizal at sa mga kapwa Taytayeño sa pagdiriwang ng Kapistahan ng San Juan Bautista at sa taunang SABATA Festival ngayong araw.

Viva, San Juan Bautista!

23/06/2026

Ang Taytay Advocates of Cultural Heritage ay lubos na nakikiramay sa naiwang pamilya ni Ginoong Anastacio "Tacio" V. Alcantara.

Si Tacio Alcantara ay nagsilbi bilang Kagawad ng Barangay San Juan mula taong 1989 hanggang 1995 at kinalaunan ay naging konsehal ng ating bayan mula taong 1995 hanggang 2004 at taong 2007 hanggang 2013 .

Ang aming pagpupugay at pasasalamat sa inyong ambag bilang isang lingkod bayan.

18/06/2026

TINGNAN | Dumalaw sa ating bayan ang Mahal na Birhen ng Kapayapaan at Mabuting Paglalakbay ngayong hapon. Sinaksihan ito ng mga opisyal ng Pamahalaang Bayan ng Taytay at mga mananampalataya ang imahe sa pagdaan nito sa Munisipyo galing sa Fluvial Procession sa Laguna de Bay.

Ang nasabing pagdalaw ay bahagi ng ika-400 anibersaryo ng pagdating ng Birhen ng Antipolo sa Pilipinas ngayong araw.

12/06/2026

Nakikiisa ang Taytay Advocates of Cultural Heritage sa sambayanang Pilipino sa pagdiriwang ngayong araw ng ika-128 Araw ng Kalayaan.

Ang araw na ito ay ating pagpapaalala ng sakripisyo ng ating mga bayani na nag-alay ng kanilang mga sarili sa pagkamit ng kalayaan na tinatamasa natin ngayon. Higit pa sa pag-alala, binibigyang-pugay natin ang sakripisyo ng ating mga bayani sa pamamagitan ng tapat na paglilingkod, bilang responsableng mamamayan, at malasakit sa kapwa at sa bayan.

Mabuhay ang Pilipinas!

11/06/2026

Ngayong araw ay ipinagdiriwang ang ika-125 taong anibersaryo ng pagkakatatag ng ating Lalawigan, ang Lalawigan ng Rizal!

Sa araw na ito taong 1901, nabuo ang Lalawigan ng Rizal sa bisa ng Act No. 137 ng Ikalawang Komisyon ng Pilipinas at binubuo ito ng 33 na bayan mula sa Politico-Militar Distrito de Morong at Provincia de Manila.

Nakikiisa ang Taytay Advocates of Cultural Heritage sa Pamahalaang Panlalawigan ng Rizal sa pagdiriwang ng ika-125 Araw ng Lalawigan ng Rizal.

Larawan mula sa "Census of the Philippine Islands (1918)"

02/06/2026

Maraming salamat sa SM City Taytay!

30/05/2026

First dibs of a Taytayeño visual journey - "TAYTAYAN: Bridging Roots and Expanding Horizons" feat the photos of Mr. Avelino Zapanta!

📅 May 30 to June 5, 2026
📍 Ground Level, Building A, SM City Taytay

This exhibit is brought to you by the Taytay Advocates of Cultural Heritage Inc. and UAP RIZAL NUEVO, in partnership with SM City Taytay and the Municipality of Taytay, Rizal.

27/05/2026

Take a trip down memory lane and witness the evolution of our town through the photos of Mr. Avelino Zapanta! Join us for a stunning visual journey featuring images from the past and present landscape of Taytay entitled; "TAYTAYAN: Bridging Roots and Expanding Horizons"

📅 May 30 to June 5, 2026
📍 Ground Level, Building A, SM City Taytay

This exhibit is brought to you by the Taytay Advocates of Cultural Heritage Inc. and UAP RIZAL NUEVO, in partnership with SM City Taytay and the Municipality of Taytay, Rizal.

----

Tayo ay magbalik-tanaw sa nakaraan at saksihan ang pag-unlad ng ating bayan mula sa mga larawan ni G. Avelino Zapanta! Samahan ninyo kami sa isang nakamamanghang biswal na paglalakbay na nagtatampok ng mga larawan ng kahapon at ngayon ng Taytay, na pinamagatang:

​"TAYTAYAN: Bridging Roots and Expanding Horizons"
📅 Mayo 30 hanggang Hunyo 5, 2026
📍 Ground Level, Building A, SM City Taytay

​Ang eksibit na ito ay inihahandog sa inyo ng Taytay Advocates of Cultural Heritage Inc. at UAP - Rizal Nuevo Chapter, at sa pakikipagtulungan ng SM City Taytay at ng Pamahalaang Bayan ng Taytay, Rizal.