Tarlac PHO - Health Promotion Unit

22/09/2026

𝐀𝐋𝐀𝐌 𝐌𝐎 𝐁𝐀: 𝐇𝐢𝐧𝐝𝐢 𝐧𝐚 𝐥𝐚𝐧𝐠 𝐛𝐚𝐬𝐭𝐚𝐧𝐠 𝐛𝐚𝐤𝐮𝐧𝐚
—𝐛𝐚𝐤𝐢𝐭 𝐧𝐚𝐠𝐭𝐢𝐩𝐨𝐧-𝐭𝐢𝐩𝐨𝐧 𝐚𝐧𝐠 𝐦𝐠𝐚 𝐨𝐬𝐩𝐢𝐭𝐚𝐥 𝐬𝐚 𝐛𝐮𝐨𝐧𝐠 𝐓𝐚𝐫𝐥𝐚𝐜?! 💉🏥

Sept 22, 2025 - Isang mahalagang hakbang na naman para sa kalusugan ng bawat Tarlaqueño! Nagsama-sama ang mga pampubliko at pampribadong ospital sa buong lalawigan ng Tarlac para sa ating 𝑵𝑰𝑷 (𝑵𝒂𝒕𝒊𝒐𝒏𝒂𝒍 𝑰𝒎𝒎𝒖𝒏𝒊𝒛𝒂𝒕𝒊𝒐𝒏 𝑷𝒓𝒐𝒈𝒓𝒂𝒎) Talk, kung saan mas pinaigting at pinag-isa ang ating mga stratehiya para masigurong protektado ang bawat pamilya laban sa mga nakakahawang sakit.

Mula sa mas pinalakas na bakunahan hanggang sa mas mabilis na pagbibigay ng serbisyo, tuloy-tuloy ang ating pagtutulungan upang walang solong Tarlaqueño ang maiwan pagdating sa kalusugan.

Sama-sama tayong bumuo ng mas malusog, ligtas, at bakunadong Tarlac! ❤️

17/09/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, Dr. Dori Reyes 🎈

Bati ng Provincial Health Office - Tarlac Family ang isang makabuluhang kaarawan para sa inyo, at salamat po sa walang-sawang suporta at paggabay na ibinibigay ninyo sa amin araw-araw. 🎁

16/09/2026

𝐏𝐀𝐋𝐈𝐓𝐀𝐍 𝐍𝐆 𝐁𝐄𝐒𝐓 𝐏𝐑𝐀𝐂𝐓𝐈𝐂𝐄𝐒: 𝐋𝐄𝐘𝐓𝐄 𝐀𝐓 𝐓𝐀𝐑𝐋𝐀𝐂, 𝐍𝐀𝐆𝐊𝐀𝐈𝐒𝐀 𝐓𝐔𝐍𝐆𝐎 𝐒𝐀 𝐌𝐀𝐒 𝐏𝐈𝐍𝐀𝐋𝐀𝐊𝐀𝐒 𝐍𝐀 𝐈𝐌𝐏𝐋𝐄𝐌𝐄𝐍𝐓𝐀𝐒𝐘𝐎𝐍 𝐍𝐆 𝐔𝐍𝐈𝐕𝐄𝐑𝐒𝐀𝐋 𝐇𝐄𝐀𝐋𝐓𝐇 𝐂𝐀𝐑𝐄!

Septyembre 15, 2026 - Bilang isa sa mga kinikilalang 'early implementors' ng Universal Health Care (UHC) sa bansa, malugod na tinanggap ng probinsya ng Tarlac ang delegasyon ng Provincial Health Office (PHO) - Leyte sa pamumuno ni 𝑫𝒓. 𝑹𝒐𝒏𝒂𝒍𝒅 𝑬. 𝑭𝒍𝒐𝒓𝒆𝒔 (𝑷𝒓𝒐𝒗𝒊𝒏𝒄𝒊𝒂𝒍 𝑯𝒆𝒂𝒍𝒕𝒉 𝑶𝒇𝒇𝒊𝒄𝒆𝒓 𝑰𝑰) para sa isang makabuluhang benchmarking activity. Ang pagbisitang ito ay isinagawa upang personal na saksihan at pag-aralan ng PHO Leyte kung paano matagumpay na isinasakatuparan ng Tarlac ang kanilang UHC integration. Sa pamamagitan ng pagbabahaginan ng mga epektibong istratehiya at karanasan, mas pinagtitibay ng magkabilang probinsya ang kanilang misyon na magbigay ng mas inklusibo, abot-kaya, at de-kalidad na serbisyong pangkalusugan para sa bawat mamamayan.

Bilang bahagi ng programa, komprehensibong ibinahagi ng Tarlac PHO at ng Tarlac Provincial DOH Office (PDOH) ang kumpletong Health Landscape ng probinsya, na agad sinundan ng isang masusing site visit sa Tarlac Provincial Hospital. Dito ay tahasang inobserbahan ng Leyte delegation ang mga napatunayang sistema ng ospital pagdating sa financial management, human resources, at pang-araw-araw na operations. Ang produktibong palitan ng best practices na ito ay malinaw na nagpapatunay na ang matibay na pagtutulungan at pagkatuto mula sa isa't isa ang susi upang mas mapabilis at mapalakas ang pagsusulong ng UHC sa kani-kanilang mga komunidad.

14/09/2026

𝐏𝐫𝐨𝐭𝐞𝐤𝐬𝐲𝐨𝐧 𝐩𝐚𝐫𝐚 𝐤𝐚𝐲 𝐋𝐨𝐥𝐨'𝐭 𝐋𝐨𝐥𝐚! 𝐏𝐇𝐎 𝐓𝐚𝐫𝐥𝐚𝐜, 𝐍𝐚𝐤𝐢𝐢𝐬𝐚 𝐬𝐚 '𝐇𝐚𝐧𝐝𝐨𝐠 𝐧𝐠 𝐏𝐚𝐧𝐠𝐮𝐥𝐨'

Nakilahok ang Provincial Health Office (PHO) Tarlac sa isinagawang "Handog ng Pangulo" na ginanap sa Bulwagang Kanlahi. Bilang bahagi ng programa, nagkaloob ang PHO ng libreng bakuna laban sa pulmonya (anti-pneumonia shots) upang pangalagaan ang kalusugan ng ating mga mahal na senior citizen.

03/09/2026

🚨 𝐓𝐢𝐲𝐚𝐧 𝐦𝐨 𝐛𝐚'𝐲 𝐦𝐚𝐝𝐚𝐥𝐚𝐬 𝐬𝐮𝐦𝐚𝐬𝐚𝐤𝐢𝐭?
Diarrhea, Wag I-deadma! 🚨

Ang diarrhea o pagtatae ay hindi biro at pwedeng maging delikado. Pero madali itong maiwasan kung tatandaan ang 3 MALINIS na Hakbang:

💧 1. 𝑴𝑨𝑳𝑰𝑵𝑰𝑺 𝑵𝑨 𝑻𝑼𝑩𝑰𝑮 (Ligtas na Inumin):
Huwag uminom ng tubig na hindi ka sigurado! Pakuluan nang mabuti ang drinking water (2-3 minuto kumukulo) o salain (filter) kung kinakailangan.

🍳 2. 𝑴𝑨𝑳𝑰𝑵𝑰𝑺 𝑵𝑨 𝑷𝑨𝑮𝑲𝑨𝑰𝑵 (Tamang Luto at Tago):
Hugasan nang maigi ang mga gulay at prutas bago hiwain! Lutuin nang husto ang mga ulam, lalo na ang karne at isda. Huwag hayaang nakalantad ang pagkain para hindi dapuan ng langaw.

🧼 3. 𝗠𝗔𝗟𝗜𝗡𝗜𝗦 𝗡𝗔 𝗞𝗔𝗠𝗔𝗬 (Wastong Paghuhugas):
Ang malinis na kamay ay sagip-buhay! Ugaliing maghugas ng kamay gamit ang SABON at TUBIG (kahit 20 segundo man lang) bago kumain, bago magluto, at pagkatapos gumamit ng banyo.

⚠️ 𝗧𝗔𝗡𝗗𝗔𝗔𝗡: 𝗔𝗻𝗴 𝗧𝘂𝗻𝗮𝘆 𝗻𝗮 𝗞𝗮𝗹𝗮𝗯𝗮𝗻 𝗮𝘆 𝗗𝗘𝗛𝗬𝗗𝗥𝗔𝗧𝗜𝗢𝗡 (𝗣𝗮𝗴𝗸𝗮𝘁𝘂𝘆𝗼𝘁)! ⚠️
Mabilis maubos ang tubig at lakas ng katawan kapag nagtatae. Huwag nang hintaying lumala, manghina, at ma-ospital!

🏥 𝙆𝙐𝙉𝙂 𝙈𝘼𝙔 𝙎𝙄𝙉𝙏𝙊𝙈𝘼𝙎: Kung ang pagtatae ay matindi, may kasamang lagnat, o hindi tumitigil, PUMUNTA AGAD sa pinakamalapit na Health Center, Clinic, o Ospital!

Protektahan ang sarili at pamilya. I-share ang mensaheng ito! 👇

31/08/2026

Celebrating the bravery and dedication of our heroes! Thank you for your unwavering service to the community. Happy Heroes' Day from the Tarlac Provincial Health Office! 🌟👩‍⚕️👨‍🚒👮‍♂️

31/08/2026

Pangalagaan ang Kalusugan sa Panahon ng Tag-ulan: Walang Sugat pero Lumusong sa Baha? Pwede pa ring Magkaroon ng Leptospirosis at iba pang mga sakit!

Paalala ng Department of Health kung lumusong sa baha, may sugat man o wala, magpakonsulta agad sa pinakamalapit na health facility o YAKAP Clinic upang malaman kung kailangan ng doxycycline prophylaxis.

30/08/2026

Pangalagaan ang Kalusugan sa Panahon ng Tag-ulan: Alamin kung ano ang Leptospirosis!

Ang Leptospirosis ay isang sakit na dulot ng bacteria na Leptospira na nakukuha mula sa ihi ng daga at iba pang hayop.

Maaring magkaroon ng ganitong impeksyon sa pamamagitan ng mga sumusunod:
‼ Paglusong sa maruming baha, lalo na kung bukas na sugat;
‼ Pagkain at pag-inom ng kontaminadong pagkain o inumin;
‼ Pagtalsik ng kontaminadong ihi/tubig sa mata, ilong, o bibig.

Patuloy na paalala ng Department of Health, gawin ang mga sumusunod upang makaiwas:
✅ Huwag lumusong sa baha hangga't maari,
✅ Agad na maghugas o maligo gamit ang malinis na tubig at sabon kung hindi maiwasang malubog sa baha,
✅ Komunsulta agad sa doktor para sa tamang reseta ng gamot kontra leptospirosis.

30/08/2026

29/08/2026

📢 𝐌𝐆𝐀 𝐁𝐀𝐑𝐀𝐍𝐆𝐀𝐘 𝐇𝐄𝐀𝐋𝐓𝐇 𝐖𝐎𝐑𝐊𝐄𝐑𝐒 (𝐁𝐇𝐖𝐬)

MAGANDANG BALITA,

Nakasalin na po sa inyong mga ATM accounts ang inyong HONORARIUM para sa mga Accredited na BHW ng probinsya.

Maaari niyo na po itong i-check at i-withdraw sa pinakamalapit na bangko o ATM station.

Maraming salamat po sa inyong walang sawang paglilingkod at dedikasyon para sa kalusugan ng ating komunidad!

Mag-Ingat po tayo!