Angat Kabataan Organization - AKO

11/06/2026

“𝑲𝒂𝒍𝒂𝒚𝒂𝒂𝒏, 𝑲𝒊𝒏𝒂𝒃𝒖𝒌𝒂𝒔𝒂𝒏, 𝑲𝒂𝒔𝒂𝒚𝒔𝒂𝒚𝒂𝒏”

Ang 𝐀𝐫𝐚𝐰 𝐧𝐠 𝐊𝐚𝐥𝐚𝐲𝐚𝐚𝐧 ay ipinagdiriwang tuwing 𝑯𝒖𝒏𝒚𝒐 12 bilang paggunita sa pagdedeklara ng kalayaan ng Pilipinas mula sa pananakop ng Espanya noong 1898.

Emilio Aguinaldo ang nagdeklara ng kalayaan noong Hunyo 12, 1898 sa kanyang tahanan sa Kawit. Sa araw na iyon, unang iwinagayway ang watawat ng Pilipinas at tinugtog ang pambansang awit na noon ay kilala bilang Marcha Filipina Magdalo, na kalaunan ay naging Lupang Hinirang.

“𝐀𝐧𝐠 𝐀𝐫𝐚𝐰 𝐧𝐠 𝐊𝐚𝐥𝐚𝐲𝐚𝐚𝐧 𝐚𝐲 𝐡𝐢𝐧𝐝𝐢 𝐥𝐚𝐦𝐚𝐧𝐠 𝐩𝐚𝐠𝐠𝐮𝐧𝐢𝐭𝐚 𝐬𝐚 𝐧𝐚𝐤𝐚𝐫𝐚𝐚𝐧 𝐤𝐮𝐧𝐝𝐢 𝐩𝐚𝐚𝐥𝐚𝐥𝐚 𝐫𝐢𝐧 𝐧𝐠 𝐚𝐭𝐢𝐧𝐠 𝐭𝐮𝐧𝐠𝐤𝐮𝐥𝐢𝐧 𝐧𝐚 𝐩𝐚𝐧𝐠𝐚𝐥𝐚𝐠𝐚𝐚𝐧 𝐚𝐧𝐠 𝐤𝐚𝐥𝐚𝐲𝐚𝐚𝐧 𝐩𝐚𝐫𝐚 𝐬𝐚 𝐬𝐮𝐬𝐮𝐧𝐨𝐝 𝐧𝐚 𝐡𝐞𝐧𝐞𝐫𝐚𝐬𝐲𝐨𝐧. “

07/06/2026

07/06/2026

𝘽𝙖𝙧𝙖𝙣𝙜𝙖𝙮 𝙃𝙪𝙢𝙖𝙣 𝙍𝙞𝙜𝙝𝙩𝙨 𝘼𝙘𝙩𝙞𝙤𝙣 𝘾𝙚𝙣𝙩𝙚𝙧 (𝘽𝙃𝙍𝘼𝘾) 𝙊𝙧𝙞𝙚𝙣𝙩𝙖𝙩𝙞𝙤𝙣 𝙖𝙣𝙙 𝙋𝙡𝙖𝙣𝙣𝙞𝙣𝙜 𝙎𝙚𝙨𝙨𝙞𝙤𝙣

Matagumpay nating naisagawa ang Barangay Human Rights Action Center (BHRAC) Orientation and Planning Session kasama ang buong pamunuan ng Barangay Tres Cruses sa pangunguna ni Punong Barangay Eduard Toledo.

Layunin ng gawaing ito na palalimin ang pag-unawa ng mga opisyal ng barangay sa kahalagahan ng karapatang pantao sa lokal na pamamahala, lalo na sa antas ng barangay. Tinalakay rin ang mga legal na batayan, mandato, at mga tungkulin ng BHRAC, gayundin ang mga pangunahing hakbang tungo sa opisyal na pagtatatag nito sa komunidad.

Buong puso kaming nagpapasalamat sa Commission on Human Rights Region IV-A sa pamamagitan ni Information Officer II Ms. Lea Liadres sa pagbabahagi ng kanyang kaalaman at karanasan upang higit na maunawaan ang mahalagang papel ng BHRAC sa pagsusulong at pangangalaga ng karapatang pantao.

Hindi rin magiging matagumpay ang gawaing ito kung hindi dahil sa inisyatiba ni SK Kagawad Jhon Paul Nace, sa pakikipagtulungan at suporta ng People’s Alternative Studies Center for Research and Education in Social Development (PASCRES).

Sama-sama nating isulong ang kultura ng paggalang, pagtataguyod, at pangangalaga sa karapatang pantao sa ating komunidad.

07/06/2026

𝐏𝐨𝐥𝐢𝐭𝐢𝐜𝐬 𝐚𝐧𝐝 𝐆𝐨𝐯𝐞𝐫𝐧𝐚𝐧𝐜𝐞
“𝐁𝐞𝐲𝐨𝐧𝐝 𝐏𝐨𝐥𝐢𝐭𝐢𝐜𝐬: 𝐇𝐨𝐰 𝐆𝐨𝐯𝐞𝐫𝐧𝐦𝐞𝐧𝐭 𝐑𝐞𝐚𝐥𝐥𝐲 𝐒𝐞𝐫𝐯𝐞𝐬 𝐭𝐡𝐞 𝐏𝐞𝐨𝐩𝐥𝐞”

Matagumpay nating naisagawa ang seminar na “Beyond Politics: How Government Really Serves the People,” na dinaluhan ng mga kabataan mula sa Tinig at Aksyon Youth Organization at iba pang mga indibidwal na nagnanais na mas mapalalim ang kanilang kaalaman sa politika at mabuting pamamahala.

Lubos ang aming pasasalamat kay SK Kagawad Jhon Paul Nace as the main organizer and sa People’s Alternative Studies Center for Research and Education in Social Development, Inc. (PASCRES) bilang pangunahing katuwang sa pagsasakatuparan ng makabuluhang seminar na ito.

Taos-puso rin kaming nagpapasalamat sa ating mga resource speakers na sina Jethro Sierra Delos Angeles mula sa Local Youth Development Office, Andrie Hans, at Arohn Gampong Vega ng Angat Kabataan sa pagbabahagi ng kanilang kaalaman, karanasan, at pananaw tungkol sa mahalagang papel ng pamahalaan sa paglilingkod sa mamamayan.

Nawa’y magsilbing inspirasyon at gabay ang mga natutunan sa seminar na ito upang mas maging aktibo, responsableng mamamayan, at makabuluhang kabataan na may malasakit sa komunidad at sa kinabukasan ng ating bayan.

30/05/2026

𝐏𝐫𝐨𝐣𝐞𝐜𝐭 𝐀𝐧𝐠𝐚𝐭: 𝐒𝐜𝐡𝐨𝐨𝐥 𝐒𝐮𝐩𝐩𝐥𝐢𝐞𝐬 𝐃𝐢𝐬𝐭𝐫𝐢𝐛𝐮𝐭𝐢𝐨𝐧

Nakapagbahagi tayo ng munting tulong sa mga batang mag-aaral mula sa Sunrise Place at Quarry Area sa pamamagitan ng pamamahagi ng school supplies bilang dagdag na suporta sa kanilang mga pangangailangan para sa nalalapit na pagbubukas ng klase.

Lubos ang aming pasasalamat sa National College of Science and Technology (NCST) at Grandby Colleges of Science and Technology bilang pangunahing sponsor ng mga gamit na ito.

Nawa’y makatulong ang mga kagamitang ito sa kanilang pag-aaral at magsilbing inspirasyon upang patuloy nilang pagsikapan ang kanilang mga pangarap.

22/04/2026

𝘼𝙣𝙜𝙖𝙩 𝙆𝙖𝙗𝙖𝙩𝙖𝙖𝙣, 𝙩𝙖𝙢𝙥𝙤𝙠 𝙨𝙖 𝙍𝙖𝙥𝙥𝙡𝙚𝙧 𝙋𝙝𝙞𝙡𝙞𝙥𝙥𝙞𝙣𝙚𝙨!

Isa sa mga artikulong nailathala ay isinulat ni AC Obispo , na naglalahad ng simpleng pagtulong ng mga miyembro ng ating organisasyon sa mga jeepney drivers sa bayan ng Tanza-Trece.

Patunay ito na hindi nag-iisa ang ating mga tsuper sa laban sa krisis na kanilang kinakaharap ngayon.

Ipinapakita rin nito na maraming kabataan ang bukas ang isip at puso na handang makiisa, tumulong, at magbigay ng boses sa ating mga kababayan sa pamamagitan ng pagsusulat.

𝙊𝙣𝙚 𝘼𝙈𝘼𝙋𝙎
https://www.facebook.com/share/p/17MpmHkC7i/

18/04/2026

𝙎𝙞𝙢𝙥𝙡𝙚𝙣𝙜 𝙏𝙪𝙡𝙤𝙣𝙜 𝙥𝙖𝙧𝙖 𝙨𝙖 𝙢𝙜𝙖 𝙏𝙎𝙐𝙋𝙀𝙍!

Kanina, ang Angat Kabataan, katuwang ang Dive Into Youth-Cavite, ay nagtungo upang makapag-abot ng kaunting tulong sa ating mga tsuper. Isang simpleng paraan ito para kahit papaano ay maibsan ang bigat ng kanilang pinagdaraanan.

Alam namin na hindi ito ang kabuuang solusyon sa krisis na kanilang kinakaharap ngayon, ngunit naniniwala kami na ito ay isang unang hakbang isang paalala na may mga kababayan silang handang tumulong at makiisa.

Lubos ang aming pasasalamat sa mga nakasama namin mula sa Dive Into Youth, kay HOA President Pops Fil Kionisala , at kay SK Kagawad Jhon Paul Nace . Maraming salamat din kay Angelo Ardina sa pag-imbita upang maging bahagi ng programang ito.

Hindi rin ito magiging posible kung wala ang suporta at donasyon mula sa mga taong laging bukas palad sa pagtulong sa mga nangangailangan lalo na sa major sponsor Ernesto Toledo .

Maraming salamat po sa inyong lahat!

12/04/2026

𝗞𝗮𝗯𝗮𝘁𝗮𝗮𝗻, 𝗕𝗮𝘆𝗮𝗻𝗶𝗵𝗮𝗻 𝗽𝗮𝗿𝗮 𝘀𝗮 𝗺𝗴𝗮 𝗧𝘀𝘂𝗽𝗲𝗿!

Kanina ay dumalo sa pagpupulong si President Jhon Paul Nace kasama ang iba’t ibang youth organizations-representatives bilang paghahanda sa ating nalalapit na donation drive para sa mga jeepney drivers mula sa Tanza at Trece.

Ang inisyatibong ito ay pinangungunahan ni Angelo Ardina , na may layuning makapaghatid ng tulong at pasasalamat sa ating mga tsuper na araw-araw nating kasama sa biyahe.

Sama-sama nating ipakita ang tunay na diwa ng bayanihan para sa kanila!

12/04/2026

𝗗𝗢𝗡𝗔𝗧𝗜𝗢𝗡 𝗗𝗥𝗜𝗩𝗘 𝗙𝗢𝗥 𝗝𝗘𝗘𝗣𝗡𝗘𝗬 𝗗𝗥𝗜𝗩𝗘𝗥𝗦

Noong Marso 2026, nakaranas ang Pilipinas ng matinding pagtaas ng presyo ng petrolyo (umabot ng mahigit ₱20/L sa diesel) dulot ng tensyon sa Gitnang Silangan. Lubos nitong naapektuhan ang ating mga tsuper, lalo na ang mga jeepney drivers sa Tanza at Trece.

Bagama’t may inaasahang rollback ngayong April 14, marami sa kanila ang patuloy na bumabawi sa pagkalugi at hirap na dinanas nitong mga nakaraang linggo.

📍 Ilan sa mga epekto:
• Mas mahabang oras ng biyahe para kumita
• Mas mataas na gastos sa krudo
• Mas mababang take-home income

📍 Bilang pasasalamat sa kanilang araw-araw na sakripisyo sa paghahatid sa atin nang ligtas, nagsasagawa tayo ng DONATION DRIVE para sa ating mga jeepney drivers.

📍 Ang inisyatibong ito ay sa pangunguna ni Angelo Ardina, kasama ang iba’t ibang youth organizations sa loob at labas ng bayan ng Tanza.

📍 Tumatanggap kami ng:
• In-kind donations (bigas, de-lata, pagkain, atbp.)
• Monetary donations (anumang halaga ay malaking tulong)

📍 Para sa karagdagang detalye, mag-message lamang sa aming page.

Sama-sama nating ipakita ang bayanihan para sa ating mga tsuper!

29/03/2026

𝐀𝐍𝐆𝐀𝐓 𝐀𝐍𝐆 𝐌𝐀𝐘 𝐀𝐋𝐀𝐌!

Ang Fire Prevention Month ay isinasagawa tuwing buwan ng Marso bilang pagpapaalala sa komunidad ng mga dapat gawin sa panahon nang sunog. Ito din ay naka angkla sa tema ngayong taon na" 𝐒𝐚 𝐏𝐚𝐠-𝐢𝐰𝐚𝐬 𝐬𝐚 𝐒𝐮𝐧𝐨𝐠, 𝐇𝐢𝐧𝐝𝐢 𝐤𝐚 𝐍𝐚𝐠-𝐢𝐢𝐬𝐚."

Nitong Marso 28, 2026 sa ganap na alas 8 ng umaga ay nagsagawa tayo ng Fire Prevention Awareness sa Sunrise Place Subdivision, Tres Cruses, Tanza, Cavite. Ito ay dinaluhan ng Barangay Nutrition Scholar, Barangay Health Workers, Tanod, Street Sweeper, Sunrise Place HOA Inc - SPHAI -Hoa Officers at mga youth organization.

Nakasama natin sa pagsasagawa ng aktibidad na ito ang Sangguniang Kabataan ng Tres Cruses, Barangay Tres Cruses at ang pangunahing partner natin mula sa Bureu of Fire Prevention-Tanza.

Lubos ang aming pagpapasalamat sa inyong lahat!