SayriNews Tanjay

SayriNews Tanjay SayriNews is news and public affairs page for Tanjayanons. This is managed by an experienced journal

13/11/2024

Kumusta na mga Ting?
Kon duna kay sugyot, reklamo, o pagpasalamat LGU, i-comment na!

UPDATED NGA MGA KALIHUKAN SA BUGLASAN 2022!
18/10/2022

UPDATED NGA MGA KALIHUKAN SA BUGLASAN 2022!

BREAKING NEWS! Dunay paghuot sa dagan sa mga sakyanan sa may NORECO II Tanjay tungod sa aksidente nga gilangkuban sa usa...
10/10/2022

BREAKING NEWS!

Dunay paghuot sa dagan sa mga sakyanan sa may NORECO II Tanjay tungod sa aksidente nga gilangkuban sa usa ka van ug motorsiklo.

Gikan sa Gihulngan ug paingon sa Dumaguete ang van dihang naigo sa motor.

Wa'y angul sa hitabo apan nakamugna kini og traffic sa nahisgutang dapit. //

'DONASYON' NGA UNIPORME SA PIO UG TOURISM, ILIGAL - ARCIDE Nag-trending sa mga Tanjayanon ang gi-post sa public informat...
22/09/2022

'DONASYON' NGA UNIPORME SA PIO UG TOURISM, ILIGAL - ARCIDE

Nag-trending sa mga Tanjayanon ang gi-post sa public information office sa Tanjay City kalabot sa usa ka prebado nga indibidual nga nigasto alang sa uniform sa ilang buhatan ug City Tourism Office.

Daling nag-trending sa social media sa mga Tanjayanon ang post sa Tanjay City Information Office (PIO) nga nagpakita og mga hulgway sa mga empleyado sa syduad nga nagsulot sa ilang bag-o nga mga uniform.

Matod sa maong post, napagama sa duha ka buhatan sa City Hall ang maong mga uniporme sa tabang sa usa ka lumad nga Tanjayanon.

Sigon sa social media post sa syudad, "dunay malumo nga kasingkasing sa mga nanginahanglan" ang naghatag sa gahin alang sa maong mga uniporme.

Apan alang ni Tanjay City Councilor Atty. Reynil Cata-al Arcide, gidili sa Code of Conduct and Ethical
Standards for Public Officials and Employees (RA 6713) ang pagdawat sa mga opisyal o empleyado sa gobyerno ug pag-solicit o pagdawat og bisan unsang matang sa gasa subya sa ilang trabaho isip public servants.

Nidepensa ang laing konsehal sa syudad nga si Arlot Regalado sa gipost sa Tanjay PIO nga nagingon: "not unlawful!" (dili sayop).

Lakip sa gipost ni Regalado ang tipik sa Graft and Corrupt practices Act nga naghisgot sa mga limitasyon kon unsay mahimo o dili dawaton sa mga naa sa gobyerno. Walay gihatag nga pagpasabot si Regalado sa iyang post.

Base sa records sa City Hall, ang kasamtangang officer-in-charge nga City Information Officer (IO) mao si Vanessa Regalado, kapikas ni Kons. Arlot.

Si Vanessa dunay item nga Senior Labor Employment Officer. Ang dunay item nga (IO) si Christian Sevilla.

"Public office is a public trust," pasabot ni Arcide. "Our positions are imbued with public trust, confidence and interest." (Ang serbisyo publiko usa ka pagsalig sa publiko. Ang atong mga posisyon napuno sa pagsalig, pagsalig ug interes sa publiko)

Nabalaka si Arcide sa mga inosente nga naalahig sa maong "dili maayo nga binuhatan." Gi-tag usab ni Arcide ang Civil Service Commission (CSC) sa maong nag-trending nga post.

Sa pagkutlo aning balita, gi-delete na sa Tanjay City PIO ang maong post. Walay gipagawas nga pamahayag ang maong page kon unsay rason sa ilang pag-take down sa post. //

MAGASAWA NGA NEGOSYANTENG INSIK GITULIS UG GIPAMUSIL SA TANJAYTANJAY CITY - Nakaangkon og mga samad pinusilan ang magasa...
11/09/2022

MAGASAWA NGA NEGOSYANTENG INSIK GITULIS UG GIPAMUSIL SA TANJAY

TANJAY CITY - Nakaangkon og mga samad pinusilan ang magasawa nga insik nga negosyante sa Lomboy St., Barangay Tugas, Tanjay City, Domingo, Sept. 11, 2022.

Sa initial nga kasayuran, giila ang mga biktima nga sila Zhuang Jiangcheng, 60, alias Mr. Cheng ug Quiyan Shi alias Ma'am Shi, tagiya sa Cheng Enterprises (kanihi Red Star) nga nahimutang sa poblacion area sa syudad.

Sa interbyu sa driver sa mga biktima nga nihangyo nga dili nganlan, gikan sila sa tindahan dihang nahitabo ang insidente ma pasado alas siyete.

Pagabot nila sa tungod sa balay sa mga biktima, nikanaog sa sakyanan ang magasawa aron ablihan ang ilang gikandado nga gate, nga maoy ilang naandan nga buhaton matagadlaw.

Dihang nakakanaog na ang magasawa, usa ka wala mailhing lalaki nga naka-motorsiklo ang nihunong sa ilang tungod, nikanaog ug giduol ang biktima nga babaye dayon bira sa iyang dala nga bag.

Gikatahong nagmagahi si Ma'am Shi ug nagbinirahay sa tulisan. Dinhi na gipusil ang babaye sa tiyan. Suway nga nitabang si Mr. Cheng apan gipusil sab siya duol sa liog. Upat ka mga kabhang sa gituohang cal. 45 nga pi***la ang nakuha sa nahitabuan.

Matod sa saksi, daling nisibat palayo ang tulisan dala ang bag sa magtiayon nga dunay sulod nga kwarta. Suway nga gidamagan sa driver sa mga biktima ang gunman, apan nakalusog kini.

Sakay sa motorsiko ang tulisan nga naka-mask ug baller cap. Gisusu sa kapulisan ang mga CCTV camera sa dapit kon dunay nakakuha sa tulisan ug sa hitabo.

Sigon sab sa usa ka residente sa dapit, dunay kadudahan nga lalaki ang naghupo-hupo atbang sa balay sa magasawa niadtong niaging semana, apan dihang namatikdan sa mga molupyo sa dapit ang daling nidagan. Nagtuo sila nga duna kini kalambigitan sa nahitabo nga pagpanulis ug pagpusil sa magasawa.//

BREAKING NEWS! (WITH UPDATE)MAGASAWA NGA MGA NEGOSYANTE GIPAMUSIL SA TANJAY CITY! Gisugdan na sa kapulisan sa Tanjay Cit...
11/09/2022

BREAKING NEWS! (WITH UPDATE)
MAGASAWA NGA MGA NEGOSYANTE GIPAMUSIL SA TANJAY CITY!

Gisugdan na sa kapulisan sa Tanjay City ang imbestigasyon sa gikatahong pagpamusil sa magasawa nga negosyante nga nagpuyo sa Lomboy St., Brgy. Tugas, Tanjay City.

Padayon ang imbestigasyon sa hitabo sa pagkutlo aning balita.

FULL STORY:

https://www.facebook.com/111108280255877/posts/822423522457679/

KINTAWO NI DOK GIPASOK SA BABA SA PASYENTE! Rio de Janeiro-Gitangtangan og lisensya isip anesthesiologist ang 32-anyos n...
18/07/2022

KINTAWO NI DOK GIPASOK SA BABA SA PASYENTE!

Rio de Janeiro-Gitangtangan og lisensya isip anesthesiologist ang 32-anyos nga si Giovanni Quintella Bezerra didto sa Brazil human nasakpan nga gipasulod niini ang kintawo sa ba-ba sa iyang pasyente nga gi-caesarean.

Nasakpan si Bezerra pinaagi sa gitago nga camera sa iyang mga kauban aron masusi kon igong anesthesia ang iyang giturok sa mga pasyente.

Base sa nag-viral nga video, gibuhat kini ni Bezerra samtang gitutukan sa iyang mga kauban ang caesarean operation ug siya ang nagbantay sa ulo sa pasyente.

Paghuman sa iyang gibuhat, iyang gotrapohan ang baba sa pasyente nga mabdos aron itago ang iyang gibuhat. Apan wala siya magdahom nga ang tibuok hitabo nakuha sa video.

Sa pagkutlo aning balita, gitangtang na sa Brazilian Society of Anesthesiology (SBA) ang doktor.

Gisusi pa sa mga otoridad kon duna pa siyay laing mga nabiktima nga mga pasyente.

Kon mapamatudan, posible siya magatubang og sumbong nga r**e nga nagtangang og walo hangtod sa 15 ka tuig nga pagkapriso./PhilStar

TRUCK SA ISDA NADISGRASYA SA AMLAN (UPDATED)Nilagpot ang mga karga nga isada nga bangus sa usa ka truck dihang nadisgras...
18/07/2022

TRUCK SA ISDA NADISGRASYA SA AMLAN (UPDATED)

Nilagpot ang mga karga nga isada nga bangus sa usa ka truck dihang nadisgrasya kini sa lungsod sa Amlan, Lunes, Hulyo 18.

Wa'y gikatahong grabi nga naangul sa hitabo apan gikatahong gipestahan sa mga tawo ang nagpasad nga mga bangus ug ang aksidente.

Apan sigon sa ubang mga residente sa Tandayag, wa'y gikawat nga isda sa maong aksidente. Gani, matod pa nila, gitabangan nila ang naaksidente paghipos sa mga nagpasad nga bangus.

📸 Gary Boy Desales

WA'Y TRABAHO SA TANJAY KARONG PISTA!
13/07/2022

WA'Y TRABAHO SA TANJAY KARONG PISTA!

Address

Nono Limbaga Drive
Tanjay
6204

Telephone

+639055829197

Website

Alerts

Be the first to know and let us send you an email when SayriNews Tanjay posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to SayriNews Tanjay:

Shortcuts

Share

Category