16/02/2026
There is nothing nobler than risking your life for your country.
SUNDALO PATAY SA ENGKWENTRO TALI SA MILITAR UG GIINGONG NPA SA TANJAY CITY
Patay ang usa ka 29-anyos nga sundalo sa Philippine Army human sa engkwentro tali sa giingong mga miyembro sa New People’s Army (NPA) sa Sitio Canggabi, Brgy. Sto. Niño, dakbayan sa Tanjay niadtong Domingo, Pebrero 15, 2026.
Sumala sa report nga ang mga sundalo sa 11th Infantry (Lapu-Lapu) Battalion ang nakaengkwentro sa mga miyembro sa Southeast Front-Dismantled (SEF-D), Komiteng Rehiyon-Negros (KR-N) diin nagsugod ang sunod-sunod nga engkwentro mga alas-5:35 sa buntag.
Giila ang namatay nga si Corporal Reynold Gardose, usa ka squad leader ug lumad nga taga Tapaz, Capiz. Samtang laing sundalo sab ang angol nga si PFC Janes Tyrone Lozano, 28-anyos, taga Riverside Bilar, Bohol.
Narekober sa lugar sa maong engkwentro ang hand grenades, long ug short magazines para M16 rifles, magazine sa .45-caliber pistol, assorted ammunition, personal belongings, ug mga subversive documents nga gibiyaan sa mga nisibat nga rebelde.
Gibutyag ni Brigadier General Jason Jumawan ang commander sa 302nd Infantry Battalion nga sa pagka-karon padayon ang pakig-engkwentro sa mga sundalo batok sa giingong mga miyembro sa NPA.
Alang sa mga dugang balitang lokal, i-follow ang among IG account: https://www.instagram.com/yesfmdumagueteofficial
