Barangay Darasa

19/08/2026

🚨 MAS HANDA, MAS LIGTAS, MAS MATATAG NA DARASA! 🤝

Taos-pusong pasasalamat ng Barangay Darasa sa City Disaster Risk Reduction and Management Office (CDRRMO) – City Government of Tanauan sa pagkakaloob ng mga kagamitang mahalaga sa ating disaster preparedness at rescue operations:

🎒 25 pcs. Go Bags
⛺ 10 pcs. Modular Tents
📻 5 pcs. Radios

Ang mga kagamitang ito ay malaking tulong sa ating barangay upang maging mas mabilis, organisado, at epektibo ang pagtugon sa oras ng kalamidad at emergency.

Maraming salamat sa patuloy na suporta at pakikipagtulungan para sa isang mas ligtas, mas handa, at mas disaster-resilient na Barangay Darasa! 💙

Barangay Darasa — Laging Handa, Laging Higit ang Serbisyo!

19/08/2026

ABISO SA PUBLIKO/ Ito po ang mga kasama sa pay-out ng AICS sa Agosto 20- araw ng Huwebes na gaganapin sa New City Hall Ground Floor, People's Lobby, Magsisimula ito sa ika-1 ng HAPON. Mangyari po lamang na magdala ng mga sumusunod:
1. Photocopy ng inyong Voters ID o Certification (pirmahan ng 3 sa gilid)
2. Black ballpen
3. Inuming tubig at biscuit (para maiwasan ang pagkagutom at pagkahilo)
WALANG REPRESENTATIVE NA TATANGGAPIN.

HUWAG pong pumunta ng mas maaga sa takdang oras at maghintay po kung may postponement na magaganap hinggil sa masamang panahon sa. Maari pong tingnan ito sa Tanauan CGTV CSWD Tanauan City at Barangay Darasa page.

18/08/2026

18/08/2026

LAGING HANDA, LAGING NAKAANTABAY PARA SA KALIGTASAN NG ATING MGA KABARANGAY

Sa anumang oras ng pangangailangan, nakahanda at laging nakaantabay ang Emergency Response Team ng Barangay Darasa upang agad na rumesponde sa anumang kalamidad, sakuna, aksidente, o iba pang insidenteng nangangailangan ng rescue at agarang tulong.

Bilang bahagi ng ating patuloy na paghahanda para sa kaligtasan ng bawat kabarangay, patuloy na pinananatili ng Barangay ang ating mabilis at maaasahang emergency response system.

📞 MAHALAGANG NUMERO PARA SA EMERGENCY:

🚨 Barangay Tanod:
0917 157 4731

🏥 Barangay Health Center:
0917 308 8456

Sa pangunguna ni Punong Barangay Hon. Gregorio F. Llanto, ang pamunuan ng Barangay Darasa ay laging handa, mabilis rumesponde, at nakahandang tumugon sa anumang tawag ng pangangailangan.

Huwag mag-atubiling tumawag kung kinakailangan ng agarang tulong. Ang kaligtasan ng bawat mamamayan ay aming pangunahing tungkulin at pananagutan.

Barangay Darasa — Handa sa Sakuna, Handa sa Serbisyo, Handa para sa Kabarangay!

18/08/2026

Community Immersion para sa Mas Ligtas, Mas Maalam at Mas Matatag na Pamayanan

Bilang bahagi ng Community Immersion Program ng Team Batangas para sa kanilang Police Community Affairs and Development Course (PCADC), isang makabuluhang learning session ang isinagawa para sa mga kababaihan at mga miyembro ng iba’t ibang organisasyon sa Barangay Darasa, kabilang ang KALIPI, Solo Parents, at 4Ps.

Nagbigay ng mahalagang talakayan si PAT Eternal E-Yella Godoy tungkol sa Republic Act No. 9262 o Anti-Violence Against Women and Their Children Act (VAWC). Layunin ng talakayan na higit na mapalawak ang kaalaman ng ating mga kababaihan hinggil sa kanilang mga karapatan, proteksiyon laban sa karahasan, at mga nararapat na hakbang upang mapanatili ang kanilang kaligtasan at dignidad.

Bukod dito, nagkaroon din ng livelihood training para sa mga kalahok bilang bahagi ng pagsusulong ng pagpapalakas sa kakayahan at kabuhayan ng mga kababaihan. Isinagawa ito sa pakikipagtulungan ng CCLEDO ng Tanauan City Government, bilang suporta sa pagbibigay ng dagdag na oportunidad para sa pagkakaroon ng produktibong pagkakakitaan.

Ang ganitong programa ay patunay na ang tunay na community policing ay hindi lamang nakatuon sa pagpapanatili ng kapayapaan at seguridad, kundi maging sa pagbibigay-kaalaman, proteksiyon, empowerment, at oportunidad sa ating mga kababayan.

Taos-pusong pasasalamat sa Team Batangas, kay PAT Eternal E-Yella Godoy, at sa CCLEDO ng Tanauan City Government sa kanilang pakikipagtulungan at malasakit para sa kapakanan ng mga kababaihan ng Barangay Darasa.

18/08/2026

Pagkakaisa para sa Kapayapaan at Hustisya

Isang makabuluhang lecture at learning session ang isinagawa para sa ating mga Barangay Tanod at mga miyembro ng Lupon Tagapamayapa, na nakatuon sa 8 Focus Crimes, bilang bahagi ng temang “Bridges of Justice: Empowering Women and Barangay Peacekeepers for Peaceful Communities.”

Layunin ng programa na higit pang mapalakas ang kaalaman, kahandaan, at kakayahan ng ating mga barangay peacekeepers sa pagtugon sa mga usaping may kinalaman sa krimen, kaligtasan, kapayapaan, at kaayusan sa ating komunidad.

Nakiisa rin sa mahalagang aktibidad ang mga miyembro ng CCW (Citizens Crime Watch), na patuloy na katuwang ng Barangay Darasa sa pagpapanatili ng seguridad, katahimikan, at kaayusan sa ating nasasakupan.

Nagpaabot din ng kanilang kaalaman at mahahalagang impormasyon bilang mga tagapagsalita sa nasabing lecture sina PCpl John Kevin Flormata at RTN. LCT Orly Libelo, na nagbahagi ng kanilang kaalaman hinggil sa mga usapin ng peace and order, crime prevention, at pagpapatatag ng mga barangay peacekeepers.

Lubos ang aming pasasalamat sa Kapulisan ng Batangas, sa pangunguna nina Team Leader PLTCOL Wilfredo Jimenez Jr. at Assistant Team Leader PLT Jonathan Librada, gayundin sa Rotary Club of Apolinario Mabini Premiere, sa pangunguna ni RTN. LCT Orly Libelo, sa kanilang suporta at sa pagbibigay ng napakahalagang pagkakataong ito upang matuto, magkaisa, at higit pang maging handa sa paglilingkod sa ating mga kababayan.

Sa kaalaman, pagkakaisa, at pagtutulungan—mas matatag ang ating barangay tungo sa isang ligtas, maayos, at mapayapang pamayanan.

18/08/2026

18/08/2026

Philippine Statistics Authority Services, nasa Lungsod ng Tanauan na!

Mula sa inisyatibo nina Mayor Sonny Perez Collantes at Vice Mayor Dodong Panganiban Ablao, katuwang ang Local Civil Registry Office, muling ilalapit ang mga serbisyo ng Philippine Statistics Authority para sa mga Tanaueño.

Mangyaring magtungo lamang sa Mayor's Lobby, 3rd Floor, New Tanauan City Hall Lobby, Tanauan City Hall, sa darating na August 19, 2026, 8:00 AM ng umaga para maka-avail ng mga sumusunod na serbisyo (FIRST COME, FIRST SERVE basis):

• PSA Documents On-Site Printing (Birth, Death, Marriage & Cenomar): 100 slot per day
• National ID Registration: 100 slots per day

Para sa karagdagang impormasyon, maaring tumawag at mag text sa mga sumusunod na numero:
☎️ 728-9880 local - 1033 / 1034 / 1035
📱 0964-196-2925 / 0963-007-6436

17/08/2026

PATULOY NA PAGPAPAUNLAD NG IMPRASTRAKTURA SA BARANGAY DARASA

Patuloy ang Pamunuan ng Barangay Darasa sa pagsasagawa ng mga proyektong pang-imprastraktura na naglalayong mapabuti ang kalagayan ng ating mga pasilidad at mapahusay ang kaginhawaan at kaligtasan ng mga kabarangay.

Kabilang sa mga isinagawang proyekto ang pagsasaayos ng bubong ng Barangay Darasa Health Center, pagpapaganda at pagsasaayos ng daanan para sa ating mga kabarangay, partikular sa mga residente malapit sa Darasa Covered Court, at ang pagsasaayos ng drainage canal upang makatulong sa maayos na daloy ng tubig.

Ang mga gawaing ito ay bahagi ng patuloy na pagsisikap ng Barangay Darasa na makapaghatid ng maayos, ligtas, at kapaki-pakinabang na imprastraktura para sa lahat.