Barangay Darasa

21/09/2026

LA CONSOLACION COLLEGE-TANAUAN, NAGHATID NG PAGMAMALASAKIT SA MGA PAMILYANG DARAseÑO

Taos-pusong nagpapasalamat ang Sangguniang Barangay Darasa sa pangunguna ni Punong Barangay Gregorio Llanto sa La Consolacion College-Tanauan sa isinagawang Outreach Program para sa ilang piling beneficiaries mula sa Barangay Darasa.

Ang simpleng handog na ito ay naging makabuluhang paraan upang maipadama ang pagmamalasakit, pagkakaisa, at malasakit sa kapwa, lalo na sa mga pamilyang nangangailangan ng karagdagang suporta.

Lubos nating pinahahalagahan ang mga institusyong patuloy na nakikiisa sa barangay sa pagsusulong ng mga programang may tunay na malasakit at nagbibigay ng pag-asa sa ating mga kabarangay.

Maraming salamat, La Consolacion College-Tanauan, sa inyong kabutihang-loob at patuloy na pakikiisa sa komunidad.

Sama-sama sa pagbuo ng mas maalaga, makatao, at nagkakaisang Barangay Darasa!

21/09/2026

SANGGUNIANG BARANGAY DARASA, NAKIISA SA JOINT FLAG RAISING CEREMONY AT PAGPAPAKILALA NG B.E.S.T. SCHOOL ALERT AND RAPID RESPONSE SYSTEM

Nakiisa ang Sangguniang Barangay Darasa, sa pangunguna nina Kagawad Macarthur Castillo at Kagawad Efren Carandang, kasama ang Barangay Secretary, Barangay Administrator, at iba pang Barangay Functionaries, sa isinagawang Joint Flag Raising Ceremony in Schools and Introduction of the B.E.S.T. School Alert and Rapid Response System na ginanap sa Bernardo Lirio National High School.

Dumalo rin sa makabuluhang pagtitipon sina PLTCOL Caesar Ian C. Binucal, Chief of Police ng Tanauan City Police Station; Principal Nancy Maralit ng BLNHS; SDO Nick Burgos; mga kinatawan ng Bureau of Fire Protection (BFP) Tanauan; at mga g**o at mag-aaral ng nasabing paaralan.

Layunin ng programa na higit na mapalakas ang koordinasyon, kahandaan, mabilis na pagtugon, at kaligtasan ng mga mag-aaral at kawani ng paaralan sa panahon ng emergency at iba pang insidente.

Ang Sangguniang Barangay Darasa ay patuloy na nakikiisa sa mga programa at inisyatibang naglalayong mapanatili ang ligtas, handa, at protektadong pamayanan, lalo na para sa ating mga kabataan.

Sama-sama para sa ligtas at handang paaralan at pamayanan!

20/09/2026

Ang buong Sangguniang Barangay Darasa, sa pamumuno ni Punong Barangay Gregorio Llanto, ay taos-pusong bumabati sa iyo ng isang masaya at makabuluhang kaarawan.

Lubos ang aming pasasalamat sa iyong dedikasyon at walang sawang paglilingkod sa ating mga kabarangay. Nawa’y patuloy kang pagpalain ng mabuting kalusugan, lakas ng loob, at tagumpay sa iyong personal na buhay at sa iyong tungkulin sa ating barangay.

Hangad namin ang mas marami pang taon ng masigla at makabuluhang paglilingkod para sa ating mga ka-barangay!

19/09/2026

16/09/2026

ABISO SA PUBLIKO/ Ito po ang mga kasama sa pay-out ng AICS sa Setyembre 17- araw ng Huwebes na gaganapin sa New City Hall Ground Floor, People's Lobby, Magsisimula ito sa ika-1 ng HAPON. Mangyari po lamang na magdala ng mga sumusunod:
1. Photocopy ng inyong Voters ID o Certification (pirmahan ng 3 sa gilid)
2. Black ballpen
3. Inuming tubig at biscuit (para maiwasan ang pagkagutom at pagkahilo)
WALANG REPRESENTATIVE NA TATANGGAPIN.

HUWAG pong pumunta ng mas maaga sa takdang oras at maghintay po kung may postponement na magaganap hinggil sa masamang panahon. Maari pong tingnan ito sa Tanauan CGTV CSWD Tanauan City at Barangay Darasa page.

14/09/2026

MAMAYA NA ANG PINAKAMAKULAY AT PINAKAMALAKING PAGDIRIWANG SA BARANGAY DARASA! 🥳

Makisaya at maging bahagi ng kauna-unahang DARASA FIESTA GRAND PARADE! Punong-puno ng sigla, talento, at mga surpresa ang nagiintay sainyo!

Petsa: September 14, 2026
Simula ng Parada: 1:00 PM

MGA DAPAT ABANGAN SA PARADA:
• 8 Marching Bands na magpapasiklab ng tugtugan
• Darasa Streetdancers na magbibigay-buhay sa ating Official Fiesta Theme Song na “Daras na! (Ito Ang Darasa)”
• Ang ating mga naggagandahang Reyna ng Darasa sa kanilang National Costumes
• Marami pang mahuhusay na performers!

⚠️ MOTORIST & TRAFFIC ADVISORY:
* One-Lane Traffic Flow: Ipatutupad sa Pres. J.P. Laurel Highway mula 1:00 PM hanggang 3:00 PM.
* Short Full Stops: Magkakaroon ng panandaliang paghinto sa kalsada habang nagtatanghal ang ating mga streetdancers.

Kita kits, Daraseños! 🧡

12/09/2026

Muli na namang magkukulay at sisimulan ng maaga ang Kapistahan!

Sa ikatatlong taon, makiisa at makilaro sa Palarong Pinoy Year 3 ngayong darating na Setyembre 13, 2026 (Linggo), ganap na 1:00 ng hapon sa Soledad Park!

Samu't saring palaro, matitinding labanan at mga cash prizes ang naghihintay para sa lahat!

Kasabay nito, muli na namang magkukulay ang kalangitan sa masisiglang saranggola ng mga taga-Barangay Darasa sa ating 2nd Saranggola Flying Contest!

Dalahin ang buong pamilya at tropa. Kita-kits tayo, mga ka-Barangay!

11/09/2026

📢 PAUNAWA SA PUBLIKO

Ang Barangay Office ng Darasa ay WALANG PASOK sa September 14–16, 2026 bilang pakikiisa sa pagdiriwang ng Barangay Fiesta.

🚨 Sa kabila nito, ang Barangay Emergency Response Team ay mananatiling handa at nakaalalay para sa anumang emergency o agarang pangangailangan ng ating mga kabarangay.

Maraming salamat sa inyong pang-unawa at pakikiisa.

🎉 Maligayang Kapistahan, Barangay Darasa!

11/09/2026

Sa ngalan ng Sangguniang Barangay Darasa, sa pamumuno ni Punong Barangay Hon. Gregorio F. Llanto, buong puso naming binabati ang bawat pamilya at mamamayan ng ating barangay sa pagdiriwang ng ating kapistahan.

Sa pagkakataong ito sama-sama nating pasalamatan ang Mahal na Birhen ng Soledad sa mga biyayang ipinagkaloob sa atin, palakasin ang ating pananampalataya, at ipagdiwang ang pagkakaisa ng buong komunidad. Nawa’y pag-isahin Niya ang bawat pamilya ng Darasa at patuloy na pagpalain ang ating barangay.

Maligayang Kapistahan, mahal naming Barangay Darasa! ❤️💙

Mabuhay ang nagkakaisang Barangay Darasa!