Barangay Bulac Talavera Nueva Ecija

07/07/2026

📢 2 DAYS SEMINAR

" Integrated Barangay Governance, Planning, and Environmental Management Seminar-Workshop"
A Seminar-Workshop for the 53 Barangays in Talavera, Nueva Ecija

Patuloy na nakikilahok ang ating Barangay sa layunin ng pagsasanay na ito na palakasin ang kakayahan ng mga opisyal ng barangay sa mahusay na pamamahala, wastong pagpaplano ng mga programa at proyekto, at pangangalaga sa ating kapaligiran upang mas mapabuti ang serbisyong naibibigay sa ating mga kababayan.

Maraming salamat sa DILG at sa Pamahalaang Bayan ng Talavera sa pagbibigay ng makabuluhang kaalaman at gabay para sa patuloy na pag-unlad ng aming mga barangay.
Sama-sama para sa mas maayos, mas malinis, at mas maunlad na Barangay! 🇵🇭💚

05/07/2026

ANNOUNCEMENT📣

Sa lahat po ng mga kukuha ng dokumento sa Barangay, kami po ay humihingi ng paumanhin sa pansamantalang abala.

Wala muna pong pagproseso at paglalabas ng mga dokumento sa loob ng dalawang (2) araw simula bukas Lunes at Martes, dahil ang ating Barangay Secretary ay dadalo sa isang seminar, kasama po ang ating Kapitan, Treasurer at Komite ng Appropriation.

Magpapatuloy po ang normal na paglalabas ng mga dokumento pagkatapos ng seminar.

Maraming salamat po sa inyong pang-unawa at kooperasyon.

— Barangay Bulac Officials

02/07/2026

🥗🌽 52nd NUTRITION MONTH 2026 🌽🥗

July 1, 2026

"Sama-sama sa Wastong Nutrisyon, Tungo sa Malusog at Matatag na Pamayanan."

Ang Pamahalaang Barangay ng Barangay Bulac ay buong pusong nakikiisa sa pagdiriwang ng 52nd Nutrition Month 2026 ngayong buwan ng Hulyo.

Layunin ng pagdiriwang na hikayatin ang bawat pamilya na isabuhay ang wastong pagkain, malusog na pamumuhay, at aktibong pakikilahok sa mga programang pangkalusugan upang maiwasan ang malnutrisyon at mapanatiling malusog ang ating komunidad.

Inaanyayahan namin ang lahat ng mamamayan na makiisa sa mga gawaing inihanda ng barangay bilang suporta sa adbokasiya ng tamang nutrisyon para sa bawat Pilipino.

Isulong ang wastong nutrisyon, para sa mas malusog na kinabukasan!

29/06/2026

📢 PAALALA SA MGA MAG-AARAL SA KOLEHIYO

Ang Pamahalaang Bayan ng Talavera ay nagpapaalala sa lahat ng kwalipikadong college students na ang huling araw ng pagsusumite ng aplikasyon para sa Student Assistance Program sa ilalim ng SEED Program ay sa:

🗓 June 30, 2026 (5:00 PM)

✅ Maaaring magsumite ng aplikasyon kahit wala pang Certificate of Enrollment (COE). Ang Certificate of Enrollment o Proof of Enrollment ay maaaring isumite sa sandaling ito ay maging available mula sa inyong paaralan.

Mahalagang Paalala:
• Ang pagtanggap ng aplikasyon ay first-come, first-served.
• Tiyaking kumpleto, tama, at lehitimo ang lahat ng isusumiteng dokumento.

Paraan ng Pagsusumite ng Aplikasyon:
✔️ Walk-in sa Mayor's Office
✔️ Online sa pamamagitan ng pag-scan ng QR Code

Hinihikayat ang lahat ng kwalipikadong mag-aaral sa kolehiyo na isumite ang kanilang aplikasyon bago ang itinakdang deadline.

29/06/2026

26/06/2026

📢 MATAGUMPAY NA PAMAMAHAGI SA 157 LOCAL PENSION NG SENIOR CITIZEN

Matagumpay pong naisagawa ngayong araw ang pamamahagi ng Local Pension para sa ating mga Senior Citizen, na dinaluhan ng ating mahal na Mayor Aries Gaboy Lim, Konsehal Michael Fausto, Sk Federated President Amir Ayson, OSCA Head Chairman Roberto Baldedara kasama ang Mayors Office, DSWD sa pamumuno ni Kapitan Bernabe Cabanes, Jr. bilang pagpapakita ng suporta at pagpapahalaga sa kapakanan ng ating mga nakatatanda sa komunidad.

Maraming salamat po sa lahat ng nakiisa at tumulong upang maging maayos at matagumpay ang nasabing aktibidad. Ang inyong patuloy na suporta ay malaking bahagi ng tagumpay ng programang ito.

Patuloy po nating pahalagahan at suportahan ang ating mga Senior Citizen. ❤️

25/06/2026

🌱 ARBOR DAY TREE PLANTING ACTIVITY 🌱

June 26, 2026

Bilang pakikiisa sa pagdiriwang ng Arbor Day, matagumpay na nagsagawa ng Tree Planting Activity sa Barangay Bulac Jose De Leon Dam sa ilalim ng pamaumuno ng Punong Barangay Bernabe Cabanes, Jr. na pinangunahan ng MENRO Office kasama ang mga kawani ng barangay, bilang bahagi ng pangangalaga sa kalikasan at pagpapanatili ng malinis at luntiang kapaligiran.

Ang simpleng pagtatanim ng puno ngayon ay malaking ambag para sa mas maayos at mas luntiang kinabukasan ng susunod na henerasyon. Maraming salamat sa lahat ng nakiisa at naglaan ng oras para sa programang ito.

"Magtanim ngayon para sa mas luntiang bukas." 🌳💚

24/06/2026

📢 ISANG PAGBATI SA BARANGAY BULAC AT SA LAHAT NG BARANGAY NG TALAVERA, NUEVA ECIJA

BARANGAY ANTI-DRUG ABUSE COUNCIL (BADAC) at BARANGAY PEACE AND ORDER COUNCIL (BPOC)
FUNCTIONALITY AUDIT 2026
Ang Barangay Bulac ay nakibahagi sa 2026 Barangay Anti-Drug Abuse Council (BADAC) BARANGAY PEACE AND ORDER COUNCIL (BPOC) Functionality Audit para sa Performance Year 2025 bilang bahagi ng patuloy na pagsusulong ng ligtas, maayos, at drug-free na komunidad sa ilalim ng pamumuno ni Kap Bernabe Cabanes, Jr.

Layunin ng audit na masuri ang mga programa, proyekto, at mga hakbang ng barangay sa pagpapatupad ng mga aktibidad laban sa ilegal na droga at pagpapanatili ng kaayusan at kapayapaan sa ating komunidad.

Patuloy po nating suportahan ang mga programa ng barangay tungo sa isang mas ligtas, mapayapa, at maunlad na Barangay Bulac.

“Sama-sama para sa isang Drug-Free na Pamayanan.”

24/06/2026

📢 ANUNSYO | SENIOR CITIZEN LOCAL PENSIONER PAYOUT

Magandang araw po sa lahat ng ating mga Senior Citizens ng Barangay Bulac.

Ipinaaalam po na ang Senior Citizen Payout ay gaganapin sa:

📅 June 26, 2026, Biyernes
📍 Barangay Bulac Gymnasium
⏰ 10:00 ng umaga

Pakiusap po na dalhin ang mga kinakailangang dokumento o valid ID (national Id at senior citizen Id) kung kinakailangan. Pinapayuhan din po ang lahat na panatilihin ang kaayusan at sumunod sa mga alituntunin habang isinasagawa ang payout.

Maraming salamat po! 💙

24/06/2026

📢 COMMUNITY CLEAN UP DRIVE KASAMA ANG MENRO OFFICE AT KAWANI NG BARANGAY BULAC 🌿

June 24, 2026

Ngayong araw ay nagsagawa ng paglilinis at pag-iikot sa Barangay Bulac ang bumubuo ng (MENRO)MUNICIPAL ENVIRONMENT AND NATURAL RESOURCES OFFICE, na pinangunahan ni Mam Lilibeth at buong staff, sa ilalim ng pamumuno ng butihing Kapitan Bernabe Cabanes. Jr., mga konsehal at kawani ng Barangay, bilang bahagi ng patuloy na pagpapanatili ng kalinisan at kaayusan sa ating komunidad.

Layunin ng gawaing ito na mapanatili ang malinis at maayos na kapaligiran at mapalakas ang kamalayan ng bawat mamamayan sa kahalagahan ng pangangalaga sa ating kalikasan.

Maraming salamat sa MENRO Office at sa lahat ng nakiisa at sumuporta sa gawaing ito. Sama-sama nating panatilihing malinis, ligtas, at maunlad ang ating Barangay Bulac. 💚🌱