23/03/2026
Inna lillahi wa inna ilayhi raji'un
Naway tanggapin ng Allah ang iyong mga nagawang kabutihan at magsisilbing ilaw mo sa iyong kubor at maging dawn upang papasukin ka ng Allah sa Jannah. Ameen!🤲🏻
Kami sa bumubuo ng BaitussalamPH, kasama ng aming mga Asatidh at Mashayk, ay buong puso po na nakikiramay sa mga naiwan at naulila ng Admin at namumuno sa Masjid Al-Ikhwa na si Pah tom Muthalib Abubakar Harris, kilala rin po siya sa Maharlika Village sa tawag ng karamihan sa kaniya na "Papa Tam" at "Uncle Harris". Saksi po ang Allah sa hindi mabilang na kabutihan, pagsasakrispisyo, at paglalaan ng kaniyang oras, yaman, at lakas na iginugol para sa kapakanan ng masjid at jama'ah nito. Ang Allahu Ta'ala na po ang magbibigay biyaya sa kaniyang mga pagsisikap na magabayan ang mga tao tungo sa pagbabalik loob sa Allah, manumbalik sa pag-aaral ng Islam hanggang sa muling pagsasabuhay ng mga aral at katuruan nito.
Ya Allah, igawad Niyo nawa sa kaniya ang pagpasok at walang hanggang panunuluyan sa Inyong Paraiso at Igawad Niyo nawa sa kanya ang pinakamataas na antas nito. Patawarin Niyo nawa ang kaniyang mga naging pagkakasala, pagkukulang, o pagmamalabis. Ya Rabb, igawad Niyo nawa sa kaniya ang Inyong Walang Hanggang Awa at Habag. At maging katanggap-tanggap nawa ang lahat ng kaniyang mga Salah, Amal Salih, at 'Ibadah na natatangi lamang para sa Inyo.
Allahumma Aameen 🤲🏼
!["The Believers are but a single brotherhood/ Sisterhood" [49:10]. 💜Sisterhood in Islam is a profound bond built on lovin...](https://img3.ngos1.com/144/690/1340480571446904.jpg)
