24/05/2026
PAUNAWA: MAGING ALERTO SA PALIGID – LALO NA SA PANGANIB NG SUNOG
Sa lahat ng mamamayan at meyembro ng asosasyon :
Hinihikayat po ang bawat isa na manatiling mapagmasid, maingat, at alerto sa inyong paligid sa lahat ng oras. Bigyan po natin ng espesyal na pansin ang pag-iingat laban sa sunog, dahil ito ay isa sa mga pangunahing sanhi ng panganib
Mangyaring bantayan at gawin ang mga sumusunod:
✅ Bantayan ang mga posibleng sanhi ng sunog:
- Mga luma, sira, o maluwag na kable ng kuryente at saksakan
- Sobrang init ng mga gamit o kagamitang de-kuryente
- Amoy ng gas o pagtagas ng gasul
- Mga bagay na madaling masunog (papel, tela, gasolina, kerosene) na inilalapit sa kalan, ilaw, o pinagmumulan ng init
- Mga upos ng sigarilyo na hindi pinatay nang maayos
✅ Mga Dapat Tandaan:
- Huwag iwanang walang bantay ang niluluto o nakasinding apoy/kandila
- Tanggalin sa saksakan ang mga gamit kapag hindi ginagamit
- Huwag siksikan ang mga kagamitan sa iisang saksakan
- Panatilihing malinis at walang harang ang mga daanan at labasan
✅ Kapag may nakita kayo:
- Agad na iulat sa mga tanod, kinauukulan, o pinakamalapit na istasyon ng bumbero kapag nakakita ng usok, amoy na kakaiba, o senyales ng pagkakaroon ng apoy
- Huwag mag-panic at alamin ang mga daanan palabas ng lugar
Ang pagiging alerto at maagap ay malaking tulong upang maiwasan ang sakuna at mapanatili ang kaligtasan ng ating lahat.
Maraming salamat po at manatiling ligtas!
WATERLILY BARANGAY USUSAN TAGUIG NEIGHBORHOOD ASSOCIATION INCORPORATION
-admin Jhen 🦋
