09/04/2026
MV Mary Carol nga pletehan makatarungan ba?
Sa wala pa mosaka ang presyo sa krudo, pahatod ka ug tricycle gikan Popoo to Saguise P600.00. Pila na kaha ron?
* Justifiable raman ang increase basta mga in ani labi na nga naay approval sa MARINA.
* Liner Service ang MV MARY CAROL buot pasabot sa ilang latest nga schedule nga Tuesday, Thursday, Saturday and Sunday COMPULSORY nga mobiyahe dapat gyud sila ma naay pasahero or wala as long as walay valid reason nga sama sa laing panahon or mechanical failure sa sakyanan. Pwedeng kasuhan sa MARINA ang operator o pwede i-revoke ilahang prangkisa kon mapamatud-an nga wala sila magsunod sa aprubado nilang schedule. Imagina kon 10 ra ka pasahero ang mosakay? Ayaw ninyo ipanundog sa jeep ang passenger craft nga kon tumal ang pasahero pwede sa mopahuway, mohunong o unsa.
* Nanaka man ang uban nga mga liner, di man pud tali pasagdaan sa operator ang mga trabahante nga mawad an ug trabaho ug ihikaw natu ang mas dali nga byahe pauli sa ato so need nilang mosaka gyud. If gimahalan ka or di ka ganahan naay daghang options aron moabot ka sa ato pero sure ko mas kapoy ug mas madak an ka.
* Dili lang sa krudo ang gipanagan-an o gihasulan ang operator, isa sa mga rason nganong dili magdugay ang negosyante sa in ani nga klase sa negosyo tungod sa pagkamahal sa presyo sa spare parts, maintenance ug istrikto nga compliance sa mga government agency aron pagprotektar sa kalikupan ug katawhan. Usahay obsolete pa ang spare parts nga need nalang diskartihan aron ma- operational gihapon ang machine.
