02/03/2025
๐ผ๐ฃ๐ ๐ผ๐ ๐ค๐ฃ ๐๐๐๐๐ฅ๐ค๐จ๐๐ฃ ๐ ๐๐ฎ ๐๐๐ช๐ฃ๐ค๐ ๐๐๐ฃ๐ ๐๐๐๐ค ๐ ๐ ๐๐ช๐ก๐ค๐ฃ๐ ๐ฃ๐๐ ๐๐๐ฃ๐๐ ๐๐๐ ๐๐๐ฌ๐
Sa sining kinabuhi ko nga puno sang problema, daw wala ko may madalaganan. Pamatyagan ko piot ang akon kalibutan nga daw wala ini sang lugar para sa akon, sa akon handom nga mabatian man ang akon nilibo ka ginakumkom nga mga ginahuna-huna.
Pirme ko maagihan kag mabatyagan nga wala sang interesado nga magkig-istorya o mamati lang man sakon. Ako lang man ang isa nga klase sang tao nga dali lang magdamdam ka isa ka problema, mapa-gamay man na o dako.
Estudyante pa lang ko pero daw indi ko na masarangan ang kabudlay sang kinabuhi kag samtang gapadulong ako sa akon pagtubo madamo na ko naagyan kag ato tanan nagapabilin nga bug-at bitbiton sa dughan. Indi lang ko ordinaryo nga estudyante, kundi isa ka estudyante nga ang ulo puno sang mga problema, sang mga kabalaka nga daw indi gid matapos, kag ang tagipusoon ko daw mahumok para atubangon ang gakasari-sari nga arantuson, akon pirme ginapamangkot kung paano mangin mapag-on nga pamatyag ko kung kaisa hindi ko na gid masarangan tanan atubangon. ๐๐ฏ๐ฐ ๐จ๐ช๐ฅ ๐ฃ๐ข๐ญ๐ข ๐ข๐ฏ๐จ ๐ฅ๐ข๐ฑ๐ข๐ต ๐ฌ๐ฐ ๐ฉ๐ช๐ฎ๐ถ๐ฐ๐ฏ ๐ฑ๐ข๐ณ๐ข ๐ช๐ฏ๐ช ๐ต๐ข๐ฏ๐ข๐ฏ ๐ด๐ฐ๐ญ๐ฃ๐ข๐ณ๐ฐ๐ฏ? Pero, ano ang masarang ko nga mahimo? Ang maghilom.
Sa kahiposan ko ginapaagi ang tanan. Daw angay ko sa isa ka libro nga wala gid ginabuklat kag wala gintagaan tyansa nga hibal-unon, isa ka kanta nga wala gina-intindi ang lirika, kag daw angay ako sang isa ka pulong nga nabatian sa dalunggan pero kadali lang nadula sa huna-huna. Ang akon kahiposan indi pagkawala sang gahum kag paglaum, kundi ini isa ka paagi sa pagtago sang akon mga kasakit. Ang akon nga mga mata nagapangayo sang paghangop, pero ang akon nga baba nagapadayon nga hilom kag kung itikab ko ini, wala sang eksakto nga mga hambalanon ang makabungat sang tanan ko nga buot ipabalo. Daw isa ka damgo nga indi gid masugpunan tarong, isa ka sekreto nga indi gid maistorya, kag daw sunluganon nga kulba sa pagkabalaka nga indi amo ang mahangpan nila saakon.
Budlay...
Madamo gid ang akon ginapangita sa kabuhi para mabatyagan ang kalig-on: ang pagkaon nga bastante, ang bayad sa eskwelahan nga indi problemahon kung diin kuhaon, kag ang mga panginahanglan sang akon pamilya nga dapat kag angay nila mabaton. Sa akon pagdumdom sa akon mga ginikanan, madamo nga kasubo kag kabala ang akon mabatyag, pareho gid sila nga nagapangabudlay, pero biskan sa sini nga pagpaningkamot, ang ila kita kulang gid gihapon. Ang akon nga libro, nagapahinumdom sang importansya sang akon nga pangandoy, ini nagahatag man gahimkag nagatudlo man sang akon kung ano ka lapad ang kalibutan sang pagkainalamon. Ang akon nga grado nga nagapakita sang akon abilidad, nagapakita man sang akon mga pagkapakyas kag sakripisyo. Ang akon mga kaklase, nga daw wala gid nagaundan sang akon mga problema, nagakadlaw-adlaw nga nagatuon, nagakaon, kag nagakilig. Ako? Nagapangita ko sang kusog sa akon kahiposan, sa akon pagpanago sang akon nga luha nga nagapatak lamang kung ako isahanon labg. Ang akon kahiposan amo ang akon panagang, ang akon paagi sang paggpakabakod sa likod sang mga kasakit
Pamatyagan ko ang iban daw wala man nagabitbit sang parehas sang akon mga ginadala, nga daw wala gid nagaundan sang akon mga ginabatyag. Ako? Nagapangita ko sang paglaum sa akon kahiposan. Ang akon kahiposan amo ang akon panagang, ang akon paagi sang pagpanago sang akon mga kasubo.
Ang akon kahipusan isa ka kusog, isa ka pagpahanumdom sa akon ikasarang nga atubangon ang biskan ano nga ginahatag sang kabuhi. Natun an ko nga ang tagsa-tagsa saaton may ginakumkom nga sarisari nga balatyagon kag ang akon kahiposan nagatudlo kag nagabulig saakon sa paghunahuna sang matutom sang sarang kag dapat ko nga himoon, ang pag-amlig sang akon kaugalingon sa pag-atubang sa sining kamatuoran sang kabuhi.
Ang akon kahiposan nagasugid sang libo ka pulong. Ini nagasugid sang akon kasakit, akon pag-antos, akon pagkamapinadayunon, kag akon pag-laum. Ini ang akon nga kinaagyan. Ang akon kahiposan isa ka tanda sang akon kabakod kag mahumok nga tagipusoon pero hindi madinaugon.
Budlay.. pero, kinahanglan magpadayon.
โ๏ธ| Amir Raiz Iskak
