EVSU - Kapisanan ng mga Estudyanteng Maka-Wika

17/05/2026

𝐌𝐚𝐚𝐥𝐚𝐛 𝐧𝐚 𝐩𝐚𝐠𝐛𝐚𝐭𝐢 𝐚𝐭 𝐭𝐚𝐨𝐬-𝐩𝐮𝐬𝐨𝐧𝐠 𝐩𝐚𝐠𝐩𝐮𝐩𝐮𝐠𝐚𝐲 𝐬𝐚 𝐚𝐭𝐢𝐧𝐠 𝐦𝐠𝐚 𝐛𝐚𝐠𝐨𝐧𝐠 𝐋𝐢𝐜𝐞𝐧𝐬𝐞𝐝 𝐏𝐫𝐨𝐟𝐞𝐬𝐬𝐢𝐨𝐧𝐚𝐥 𝐓𝐞𝐚𝐜𝐡𝐞𝐫𝐬! 🎓✨

Ang inyong tagumpay sa March 2026 Board Exam ay bunga ng sipag, dedikasyon, at pagmamahal sa edukasyon at karunungan. Mula sa mga silid-aralan ng pamantasan, dala ninyo ngayon ang mahalagang misyong humubog ng isipan, kakayahan, at kinabukasan ng kabataang Pilipino.

Patuloy ninyong pagningasin ang diwa ng kahusayan, kabutihan, at makabuluhang paglilingkod sa bayan sa pamamagitan ng pagtuturo.

𝑷𝒂𝒅𝒂𝒚𝒐𝒏, 𝒎𝒈𝒂 𝒃𝒂𝒈𝒐𝒏𝒈 𝒈𝒖𝒓𝒐 𝒏𝒈 𝒃𝒂𝒚𝒂𝒏! 🇵🇭❤️

✍️: John Carlo Librando
💻: Gabriel Estopin

04/05/2026

𝗣𝗔𝗚𝗗𝗜𝗥𝗜𝗪𝗔𝗡𝗚 𝗡𝗚 𝗣𝗔𝗠𝗕𝗔𝗡𝗦𝗔𝗡𝗚 𝗕𝗨𝗪𝗔𝗡 𝗡𝗚 𝗣𝗔𝗡𝗜𝗧𝗜𝗞𝗔𝗡: 𝗦𝗜𝗡𝗜𝗡𝗚 𝗡𝗚 𝗣𝗔𝗚𝗕𝗔𝗕𝗔𝗦𝗔 𝗔𝗧 𝗣𝗔𝗚𝗦𝗨𝗟𝗔𝗧

Bilang pakikiisa sa pagdiriwang ng Pambansang Buwan ng Panitikan, buong husay na ipinamalas ng mga mag-aaral ang kanilang talento at pagkamalikhain sa ginanap na "Poetry Writing" noong Abril 27, 2026 sa SAS Building ng Eastern Visayas State University. Sa bawat tulang kanilang nilikha, naipadama ang lalim ng damdamin, talas ng kaisipan, at ang taos-pusong pagpapahalaga sa sariling wika bilang sandigan ng identidad.

Sa naturang patimpalak, kinilala ang mga natatanging kalahok: Unang Gantimpala: Grace Jan Tablatin, Pangalawang Gantimpala: Leah Andrea R. Regis, Pangatlong Gantimpala: Ana May Badeo

Sinundan ito ng "Open Mic" noong Abril 28, 2026, kung saan tampok ang pagbabasa ng mga teksto mula sa panitikan o sariling likha, at muling nasilayan ang husay ng mga mag-aaral sa pagpapahayag at interpretasyon ng mga akda.

Narito ang mga kinilalang nagwagi: Unang Gantimpala: Geance Fernandez, Pangalawang Gantimpala: John Carlo Librando, Pangatlong Gantimpala: Arianne Grace Matas

Lubos ding pinasasalamatan ang hurado ng patimpalak na si Prop. Ramona Dizor kabilang si Bb. Riza Batucan sa kanilang mahalagang ambag, patas na paghusga, at suporta sa pagpapaunlad ng kakayahan ng mga mag-aaral sa larangan ng panitikan.

Sa kabuuan, naging matagumpay at makabuluhan ang mga gawaing ito sa pagpapaigting ng pagpapahalaga sa panitikan at wikang Filipino bilang daluyan ng damdamin, kaisipan, at pagkakakilanlan ng kabataang Pilipino.

✍️: John Carlo Librando
💻: Gabriel Estopin

04/05/2026

𝐏𝐀𝐆𝐒𝐀𝐒𝐀𝐋𝐈𝐍 𝐍𝐆 𝐊𝐀𝐀𝐋𝐀𝐌𝐀𝐍 𝐓𝐔𝐍𝐆𝐎 𝐒𝐀 𝐊𝐎𝐌𝐔𝐍𝐈𝐃𝐀𝐃

Isinagawa noong ika-24 ng Abril ang isang matagumpay at makabuluhang Extension Activity na may temang “Pagsasanay sa Pagsasalin ng Teksto sa Modyul.” Layunin ng programang ito na maipaliwanag at maibahagi sa mga kalahok ang mga modyul mula sa DSWD na isinalin sa mas angkop at nauunawaang wika.

Pinangunahan ang pagsasalin ng mga teksto nina Project Leader Raven C. Encina at Assistant Leader Jeremiah Sumilang, katuwang ang mga dalubg**o na sina Asso. Prof. Ma. Kim C. Morallos, Asso. Prof. Ligaya S. Ponce, Asso. Prof. Ramona A. Dizor, Asso. Prof. Raquel N. Romero, Bb. Riza B. Batucan, at Bb. Rose Ann Claire D. Reyes, kasama ang masisipag na mag-aaral ng BSF 3A.

Sa bahagi ng talakayan, malinaw at masusing ipinaliwanag ni Prop. Cristina C. Polancos ang nilalaman at kahalagahan ng mga naisaling modyul, na nagbigay ng mas malalim na pag-unawa sa kahalagahan ng epektibong pagsasalin sa komunidad.

Naging ganap na matagumpay ang programa sa pamamagitan ng sama-samang pagtutulungan ng mga opisyales ng KEMW, habang mahusay na ginampanan ni G. Jofken Apoya, Jr. ang papel bilang tagapagdaloy ng programa.

Ang gawaing ito ay nagpapatunay na ang wika ay patuloy na nagsusulong ng kaalaman, kasanayan, at serbisyong may malasakit sa komunidad.

✍️: John Carlo Librando
📷: Gabriel Estopin

26/04/2026

25/04/2026

"𝐁𝐚𝐰𝐚𝐭 𝐤𝐮𝐰𝐞𝐧𝐭𝐨'𝐲 𝐦𝐚𝐲 𝐩𝐚𝐠-𝐚𝐬𝐚 𝐚𝐭 𝐦𝐚𝐲 𝐚𝐫𝐚𝐥 𝐬𝐚 𝐛𝐚𝐰𝐚𝐭 𝐩𝐚𝐡𝐢𝐧𝐚"
‎
‎Ngayong Abril, sama-sama nating ipagdiwang ang 𝗣𝗮𝗺𝗯𝗮𝗻𝘀𝗮𝗻𝗴 𝗕𝘂𝘄𝗮𝗻 𝗻𝗴 𝗣𝗮𝗻𝗶𝘁𝗶𝗸𝗮𝗻 na may temang “𝐁𝐞𝐤ë𝐭 𝐏𝐚𝐧𝐢𝐭𝐢𝐤𝐚𝐧: 𝐏𝐚𝐫𝐚 𝐬𝐚 𝐊𝐚𝐭𝐰𝐢𝐫𝐚𝐧 𝐚𝐭 𝐊𝐚𝐥𝐢𝐤𝐚𝐬𝐚𝐧”. Sa pangunguna ng 𝗞𝗮𝗽𝗶𝘀𝗮𝗻𝗮𝗻 𝗻𝗴 𝗺𝗴𝗮 𝗘𝘀𝘁𝘂𝗱𝘆𝗮𝗻𝘁𝗲𝗻𝗴 𝗠𝗮𝗸𝗮-𝗪𝗶𝗸𝗮 (𝗞𝗘𝗠𝗪), katuwang ang 𝗘𝗻𝗴𝗹𝗶𝘀𝗵 𝗟𝗮𝗻𝗴𝘂𝗮𝗴𝗲 𝗦𝗼𝗰𝗶𝗲𝘁𝘆 (𝗘𝗟𝗦𝗼𝗰), inihahandog ang isang makabuluhan at makulay na hanay ng mga gawain na magbibigay-buhay sa ating wika, kultura, at kamalayan.
‎
‎Simula sa 𝗔𝗯𝗿𝗶𝗹 𝟮𝟳 hanggang 𝗠𝗮𝘆𝗼 𝟱, inaanyayahan namin ang buong komunidad ng unibersidad na makiisa sa iba’t ibang patimpalak at programa—mula sa 𝗠𝗮𝗹𝗶𝗸𝗵𝗮𝗶𝗻𝗴 𝗣𝗮𝗴𝘀𝘂𝗹𝗮𝘁, 𝗧𝘂𝗹𝗮, 𝗦𝗮𝗻𝗮𝘆𝘀𝗮𝘆, 𝗢𝗽𝗲𝗻 𝗠𝗶𝗰, 𝗟𝗶𝘁𝗲𝗿𝗮𝗿𝘆 𝗤𝘂𝗶𝘇 𝗕𝗼𝘄𝗹, hanggang sa pinakahihintay na 𝗣𝗮𝗺𝗽𝗶𝗻𝗶𝗱 𝗻𝗮 𝗣𝗮𝗹𝗮𝘁𝘂𝗻𝘁𝘂𝗻𝗮𝗻 na may kasamang 𝗟𝗶𝘁𝗲𝗿𝗮𝗿𝘆 𝗖𝗵𝗮𝗿𝗮𝗰𝘁𝗲𝗿 𝗖𝗼𝘀𝗽𝗹𝗮𝘆. Bawat gawain ay magsisilbing entablado ng talino, husay, at malasakit—hindi lamang sa panitikan, kundi pati sa katuwiran at kalikasan.
‎
‎Hindi lamang selebrasyon ng mga salita, kaugalian, at sining ang pagdiriwang na ito kundi isang panawagan—upang gamitin ang panitikan bilang kasangkapan sa pag-unawa, pakikibahagi, at pagbabago.
‎
‎Tingnan ang iskedyul ng mga aktibidad sa kalakip na paskil at manatiling nakaantabay para sa iba pang pabatid. ‎Halina’t makibahagi, makilahok, at makibekët na!

Isalaysay ang saysay ng ating bayan sa pamamagitan ng kapangyarihan ng panitikan!
‎
‎𝐌𝐚𝐛𝐮𝐡𝐚𝐲 𝐚𝐧𝐠 𝐏𝐚𝐧𝐢𝐭𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨!
‎
‎
‎
‎

💻: Gabriel Estopin | Grapikong Disenyador

08/04/2026

𝐌𝐀𝐇𝐀𝐋𝐀𝐆𝐀𝐍𝐆 𝐏𝐀𝐁𝐀𝐓𝐈𝐃 | 𝐏𝐀𝐍𝐀𝐖𝐀𝐆𝐀𝐍 𝐒𝐀 𝐌𝐆𝐀 𝐀𝐋𝐔𝐌𝐍𝐈
‎
‎Magandang araw po sa inyong lahat!
‎
‎Sa lahat ng mga gradweyt ng 𝗕𝗮𝘁𝘀𝗶𝗹𝘆𝗲𝗿 𝗻𝗴 𝗦𝗶𝗻𝗶𝗻𝗴 𝘀𝗮 𝗙𝗶𝗹𝗶𝗽𝗶𝗻𝗼 (𝗕𝗦𝗙) mula sa Eastern Visayas State University (EVSU) Main Campus (Batch 2019–2025), kami po ay magalang na nananawagan ng inyong pakikiisa sa pagsagot ng aming 𝗔𝗹𝘂𝗺𝗻𝗶 𝗧𝗿𝗮𝗰𝗲𝗿 𝗦𝘁𝘂𝗱𝘆.
‎
‎Bahagi ang gawaing ito ng 𝟯𝗿𝗱 𝗟𝗲𝘃𝗲𝗹 𝗔𝗰𝗰𝗿𝗲𝗱𝗶𝘁𝗮𝘁𝗶𝗼𝗻 ng ating programa na isasagawa ngayong buwan. Layunin nitong masubaybayan ang inyong mga karera, tagumpay, at karanasan matapos ang pagtatapos—mga impormasyong napakahalaga upang higit pang mapabuti ang kalidad ng edukasyon at serbisyong aming iniaalok.
‎
‎𝗠𝗮𝗵𝗮𝗹𝗮𝗴𝗮 𝗮𝗻𝗴 𝗶𝗻𝘆𝗼𝗻𝗴 𝘁𝘂𝗴𝗼𝗻!
‎
‎Kailangan po naming makamit ang hindi bababa sa 𝟴𝟬% 𝗿𝗲𝘀𝗽𝗼𝗻𝘀𝗲 𝗿𝗮𝘁𝗲 𝗯𝗮𝘄𝗮𝘁 𝗯𝗮𝘁𝗰𝗵. Sa kasalukuyan, ang Batch 2025 pa lamang ang nakaaabot sa target, kaya naman lubos po naming hinihikayat ang iba pang batch na makiisa.
‎
‎𝗦𝗮𝗴𝘂𝘁𝗶𝗻 𝗮𝗻𝗴 𝗳𝗼𝗿𝗺 𝗱𝗶𝘁𝗼:
‎https://docs.google.com/forms/d/e/1FAIpQLSfQ2ZNxZENdDVM0qGVGvsxJ2StEJduZWonlSIC0ygHEjibUtA/viewform?usp=header
‎
‎Tinitiyak po namin na ang lahat ng inyong ibabahaging datos ay mananatiling kumpidensyal at alinsunod sa umiiral na Data Privacy Policy.
‎
‎Bukod sa pagsagot, hinihiling din po namin ang inyong tulong sa pagpapasa ng link na ito sa iba pa nating kapwa alumni upang mas marami ang makalahok.
‎
‎Isang mahalagang ambag sa patuloy na pag-unlad ng ating programa ang inyong pakikilahok at sa mga susunod pang pangkat ng mga mag-aaral.
‎
‎Maraming salamat po sa inyong panahon, suporta, at patuloy na pakikibahagi.
‎
‎𝐃𝐢𝐲𝐨𝐬 𝐦𝐚𝐠𝐛𝐚𝐥𝐨𝐬!

01/04/2026

‎Buwan ng Panitikan ang Abril!
‎
‎Alinsunod sa Proklamasyon Blg. 968 s. 2015, nakikiisa ang Kapisanan ng mga Estudyanteng Maka-Wika (KEMW), kasama ang Pambansang Komisyon para sa Kultura at mga Sining, Komisyon sa Wikang Filipino, at Pambansang Lupon sa Pagpapaunlad ng Aklat, sa selebrasyon ng Pambansang Buwan ng Panitikan ngayong Abril na may temang Bekët Panitikan: Panitikan ng Katwiran at Kalikasan. Nagmula ang salitang “bekët” sa mga Agutaynë́n ng Palawan at nangangahulugan ito ng pagkakaisa at pagbibigkis.
‎
‎Ipakita ang suporta sa panitikang Filipino ngayong Buwan ng Panitikan. Magbasa. Magsulat. Magkuwento. Makinig. Manood. Maki-bekët na!
‎
‎Samahan kami sa buong buwang pagdiriwang! Para sa iba pang impormasyon tungkol sa pagdiriwang, bisitahin lamang ang https://ncca.gov.ph/nlm-2026/

29/03/2026

PULSO HAN BALITA NG EVSU, NAMAYAGPAG SA RMN BROADKADA 2026
‎
‎Nasaksihan sa isang makabuluhang tagpo ng galing at talino ang mga mag-aaral ng Batsilyer ng Sining sa Filipino ng Eastern Visayas State University matapos silang magwagi ng Ikalawang Puwesto sa kanilang programang Pulso han Balita ng DYRS 1130 sa katatapos lang na RMN BroadKada 2026 na ginanap nitong Biyernes, Marso 27 sa RMN Tacloban Station.
‎
‎Sa gitna ng matinding tagisan ng mga kabataang brodkaster mula sa iba’t ibang pamantasan at paaralan, ipinakita ng mga kabataang journo ng EVSU ang kanilang kahandaan sa larangan ng radio broadcasting—mula sa malinaw na pag-uulat hanggang sa organisadong paglalahad ng balita. Dahil dito, kinilala ang kanilang tagumpay sa pamamagitan ng ₱3,000 cash prize at gift pack mula sa ACS Manufacturing Corporation.
‎
‎Bagamat nanguna ang ZENITH NEWS ng Leyte National High School at pumangatlo si G. Ricardo Todio, Jr. ng Leyte Normal University, nanatiling tampok ang kahusayan ng Pulso han Balita bilang isa sa mga pinakamaaasahang grupo ng mga estudyanteng mamamahayag sa naturang patimpalak.
‎
‎Patunay ang kanilang panalo na may kakayahan at tinig ng kredibilidad ang ating mga Ka-Wika upang maghatid ng mga napapanahon at mapagkakatiwalaang impormasyon sa publiko.
‎
‎
‎
‎

💻: Gabriel Estopin
✍️: John Carlo Librando

14/02/2026

PINNING CEREMONY: PAGKILALA SA PAGSISIKAP NG MGA MAG-AARAL NG BATSILYER NG SINING SA FILIPINO
‎
‎Idinaos nitong Biyernes, Pebrero 13, 2026, sa Miguel Romualdez Memorial Auditorium ng Eastern Visayas State University-Main Campus sa Lungsod ng Tacloban ang isang makulay at makahulugang Pinning Ceremony. Tampok dito ang mga mag-aaral ng Ikaapat na Taon sa kursong Batsilyer ng Sining sa Filipino. Bahagi ito ng kanilang akademikong yugto bilang propesyonal na estudyanteng nagsasanay.

‎Naging simbolo ng dedikasyon, pagpupunyagi, at pagsulong sa disiplina ng wika at panitikan ang nasabing okasyon. Hindi lang ito basta paglalagay ng pin, kundi isang pagkilala sa mga estudyanteng nagpakita ng kahandaan sa pagtanggap ng mas malaking responsibilidad bilang mga g**o, mananaliksik, at tagapagtanggol ng pambansang pamanang pangkalinangan sa hinaharap.
‎
‎Patunay din ang pagkakaloob nito bilang pagpapahalaga sa mga hamon at tagumpay ng mga mag-aaral na nagpalakas, nagpatibay, at nagpatatag sa kanilang determinasyong isulong ang pagmamahal at pagpapahalaga sa kulturang Pilipino anuman ang maging larangan na kanilang pipiliin at tatahakin.
‎
‎Nawa’y magsilbing ng gabay at inspirasyon ang seremonyang ito upang lalo pang palalimin, payabungin, palawakin ang kanilang pangmalas sa wika habang patuloy na itinataguyod ang pagkakaisa at makabayang kamalayan tungo sa mas makatarungan at maunlad na bansa.