San Isidro Labrador Ulat Chapel

06/05/2022

ANNOUNCEMENT:
In honor of our patron, San Isidro Labrador we will be having Novena Mass from May 6 - May 14.
Please be guided by the following schedule posted below. Thank you!😊

15/12/2021

05/12/2021

2nd Sunday of Advent. Have a blessed Sunday everyone!

22/07/2021

Reminder:
Our Regular Mass Schedule will be moved to 9:30-10:30 AM. Starting this Sunday, July 25, 2021. Thank you.

30/05/2020

Magandang Gabi po sa ating lahat. Magkakaroon po muli tayo bukas ng Live Streaming Mass sa ganap na 9 ng umaga sa pamamagitan po ng Facebook live ng San Antonio ng Padua Parish. Pagkatapos po nito ay igagala po sa ating Barangay ang ating Mahal na Birheng Maria bilang pagdiriwang po ng ating FLORES DE MAYO. Mangyari lamang po ay maglagay tayo ng kanya-kanyang imahe at magtirik po tayo ng kandila sa harap ng ating mga tahanan tanda po ng pagtanggap at pamimintuho sa kanya.
Ang ating pakikiisa ay lubos na inaasahan sa nasabing pagdiriwang. Maraming Salamat po at Magandang Gabi po muli sa ating lahat.

GOD BLESS PO SA ATING LAHAT

23/05/2020

https://www.facebook.com/191299691215712/posts/1162328124112859/

Mayo 23 2020
Sabado sa Ika-6 na Linggo ng Pasko ng Pagkabuhay

UNANG PAGBASA
Mga Gawa 18, 23-28

Pagbasa mula sa Mga Gawa ng Mga Apostol

Matapos tumigil sa Antioquia nang kaunting panahon, si Pablo’y muling naglakbay. Binaybay niya ang mga bayan sa lupain ng Galacia at Frigia, at pinatatag sa pananampalataya ang mga alagad.

Dumating sa Efeso ang isang Judiong nagngangalang Apolos na ipinangangak sa Alejandria. Mahusay siyang magtalumpati at maraming alam sa Banal na Kasulatan. Naturuan siya tungkol sa Daan ng Panginoon, at masigasig na nangangaral at nagtuturo nang wasto tungkol kay Hesus, ngunit ang binyag na nalalaman niya ay ang binyag ni Juan. Siya’y walang takot na nagsalita sa sinagoga ng mga Judio. Narinig ng mag-asawang Aquila at Priscila ang pagpapaliwanag ni Apolos, kaya’t isinama nila ito sa bahay nila at doo’y ipinaliwanag na mabuti ang mga bagay na hindi pa niya alam tungkol sa Daan ng Diyos. At nang ipasiya niyang tumawid sa Acaya, pinalakas ng mga kapatid ang kanyang loob. Sumulat sila sa mga kapatid doon na malugod nilang tanggapin si Apolos. Pagdating doon, malaki ang naitulong niya sa mga nanampalataya sa pamamagitan ng kagandahang-loob ng Diyos. Sapagkat walang magawa sa kanya ang mga Judio sa hayagang pagtatalo, at mula sa mga Kasulatan ay pinatunayan niyang si Hesus ang Kristo.

Ang Salita ng Diyos.

SALMONG TUGUNAN
Salmo 46, 2-3. 8-9. 10

Tugon: Hari ng sangkalupaan, D’yos na Makapangyarihan.

Magdiwang ang lahat ng mga nilikha,
pumalakpak kayong may awit at tuwa,
bilang pagpupuri sa Diyos na Dakila!
Ang Diyos na P**n, Kataas-taasan,
ay dakilang haring dapat katakutan,
siya’y naghahari sa sangkatauhan.

Tugon: Hari ng sangkalupaan, D’yos na Makapangyarihan.

Ang Diyos, siyang hari ng lahat ng bansa,
awita’t purihin ng mga nilikha!
Maghahari siya sa lahat ng bansa,
magmula sa tronong banal at dakila.

Tugon: Hari ng sangkalupaan, D’yos na Makapangyarihan.

Sa mga hinirang ng Diyos ni Abraham,
sasama ang madlang mga pamunuan
ng lahat ng bansa sa sandaigdigan;
ang mga sandata ng lahat ng kawal,
lahat ay sa Diyos na hari ng tanan.

Tugon: Hari ng sangkalupaan, D’yos na Makapangyarihan.

ALELUYA
Juan 16, 28

Aleluya! Aleluya!
Mula sa Ama si Kristo
at naparito sa mundo
nang sa langit dalhin tayo.
Aleluya! Aleluya!

MABUTING BALITA
Juan 16, 23b-28

Ang Mabuting Balita ng Panginoon ayon kay San Juan

Noong panahong iyon, sinabi ni Hesus sa kanyang mga alagad: “Tandaan ninyo: anumang hingin ninyo sa Ama sa aking pangalan ay ibibigay niya sa inyo. Hanggang ngayo’y wala pa kayong hinihingi sa kanya sa pangalan ko; humingi kayo, at kayo’y tatanggap, upang malubos ang inyong kagalakan.

“Ang mga ito’y sinabi ko sa inyo nang patalinghaga. Subalit darating ang panahon na hindi na ako magsasalita sa inyo nang gayun; tuwiran ko nang sasabihin sa inyo ang tungkol sa Ama. Sa araw na yao’y hihingi kayo sa kanya sa aking pangalan; at hindi ko sinasabi sa inyo na dadalangin ako sa Ama para sa inyo, sapagkat iniibig nga kayo ng Ama. Iniibig niya kayo sapagkat ako’y iniibig ninyo at naniwala kayong nagmula ako sa Diyos. Ako’y mula sa Ama at naparito sa sanlibutan; ngayo’y aalis ako sa sanlibutan at babalik sa Ama.”

Ang Mabuting Balita ng Panginoon.

19/05/2020

ORATIO IMPERATA
Laban sa paglaganap ng N-Corona Virus

Diyos Ama Namin, lumalapit kami sa Iyo para aming kahilingan na kami ay iyong proteksyunan laban sa 2019 N-Corona Virus na kumitil na ng maraming buhay at nakaapekto na sa sangkatauhan.

Nananalangin kami para sa Iyong biyaya para sa mga taong inatasan na pag-aralan ang kalikasan at sanhi ng virus na ito, gayundin upang mahinto ang patuloy nitong paglaganap.

Gabayan mo po ang mga inatasang mangalaga sa kalusugan na kanila nawang magampanan ang kanilang tungkulin ng buong husay at may malasakit.

Gabayan Mo po ang mga kawani ng pamahalaan at ang mga nasa pribadong institusyon sa kanilang paghahanap ng lunas upang masugpo ang epidemyang ito.

Ipinapanalangin namin ang lahat ng mga naapektuhan, nawa ay hilumin Mo po ang kanilang karamdaman.

Ipagkaloob Mo po sa amin ang Iyong biyaya upang kami ay patuloy na makagawa ng kabutihan para sa lahat at makatulong sa lahat ng mga nangangailangan.

Ipinapanalangin po namin ito, sa pamamagitan ng aming Panginoong Hesukristong Iyong Anak, na nabubuhay at naghahari kasama ng Espiritu Santo, magpasawalang hanggan. Amen.

Maria, aming ina at tulong ng mga Kristiyano, ipanalangin mo po kami.
San Rafael Arkanghel, ipanalangin mo po kami.
San Roque, ipanalangin mo po kami.
San Lorenzo Ruiz, ipanalangin ko po kami.
San Pedro Calungsod, ipanalangin mo po kami

15/05/2020

Magandang Gabi po sa ating lahat. Maraming salamat po sa lahat ng sumuporta at tumulong personal, materyal, ispiritwal at technikal para sa kapistahan ng ating mahal na patron. Sa ating pinagpipitagan Ina ng Bayan, Mayor Corrie Poblete at sa ating Mahal na BM, Atty.Kevin Amutan Anarna, sa ating napakasupportive na Kura Paroko Fr. Luisito Gatdula at Fr. Igue D Cruz, sa ating mabait na kapitan Kap. Teddy Salazar at sa kanyang mabuting maybahay Jannet Salazar pati na sa kanyang mga kasamahan sa pamunuan at sa kanyang mga Barangay Pulis, at sa lahat po ng hindi na nabanggit, MARAMING MARAMING SALAMAT PO SA INYONG LAHAT. Higit sa lahat sa ating PANGINOON at sa MAHAL NATING PATRON SAN ISIRDRO LABRADOR na humawi ng masamang panahon upang mairaos natin ng maayos ang ating MOTORCADE.
GOD BLESS PO SA ATING LAHAT AT PATULOY PA RIN PO TAYONG MAG INGAT. 🙏❤