Usrep-D

04/02/2026

Pananglit lang.

Unsa kaha Kung Nag ung-ong na gyud ang hulga sa semento.

Hilom.
Nagkamang.
Gimainobra.
Nagkadool na.

Sugot ba ta?
Andam ba ta mobabag?
Andam ba ta mohatag sa atong oras, kabtangan, o kusog aron tabangan ang atong kawsa?

Kung ang inyong tubag, Gusto ko moasenso apan dili sa semento, Dali. Nagkinahanglan mi kanimo.

Palihug og private message alang sa dugang kasayoran.

Niining bahina sa atong pagpakigbisog, atong ipakita:

Ang kusog sa kinabag-an, ang gahom sa tagsatagsa.

08/09/2025

Atong ipadayon ang atong pag-asdang batok sa semento.

🏔️ | “BCPC has assured residents that the mangroves will not be affected, and the project will provide jobs for the Cebuanos, according to reports. These are all words as the project will course through a mangrove area and will surely disrupt fisherfolk's lives and livelihood. Mangroves are a potent carbon sink and provide protection in the event of storm surges. We should not disguise destructive and extractive projects as 'economic development' when they clearly treat residents as collateral,” said PMCJ Visayas Coordinator Estela Vasquez.

The project includes a 16-hectare cement plant area in Sabang, a 410.47-hectare mining claim area in Sabang, Mangyan, and Candaguit, and a 2.2-hectare pier area in Sabang.

Read the full press release: https://www.climatejustice.ph/post/sibonga-residents-launch-campaign-against-environmentally-degrading-cement-plant-project-pier-con

⛏️

07/09/2025

Kagahapon, malampusong gipahigayon ang ikaduhang Save Sibonga Movement (SSM) Assembly.

Ang unang Asembliya gihimo niadtong tuig 2008, sa dihang gipili ang mga opisyales sa USREP-D (nga karon nailhan nga USREPS) ug ang mga nagkalain-laing sektor nga gilangkoban sa mga mag-uuma ug mananagat.

Kagahapon, napili ang mga bag-ong mangulo sa SSM ug nilapad pa ang mga sektor nga galangkob sa atong kalihokan.

Ang SSM gitapok ubos sa pagpangulo sa USREPS ug kini gibuligan sa mga organisasyon sa PMCJ, Sanlakas, STANCe, ug PAHRA.

Ang tinibook nga suporta sa PMCJ maoy hinungdan nga nahimong malamposon ang kalihokan kagahapon. Apan labaw sa tanan, dako kaayo ang among pasalamat sa katawhan sa Sibonga nga kanunay nga nakigbisog alang sa usa ka makiangayon nga katilingban padulong sa usa ka malahotayon nga kalamboan.

Linain namong pasalamat sa mga nipaambit sa ilang katakos:

Si Atty. Aaron Pedrosa, Pangulo sa Legal Team sa PMCJ ug SecGennsa kuyog ang kaubang mga abogado ug kawani ilabi na gyud sila si Estela ug Lito Vasquez nga walay po-as ang pagkuyog sa panaw sa mga Sibonganhon, si Atty. John Menguito sa PEJC, si Atty. Yla Paras sa Klima Policy Center sa Manila Observatory, si G. Jake Atienza, visiting fellow sa STANCe ug doctoral student sa University of California in Irvine, ang grupo sa komitiba sa piniliay pinangulohan ni G. Clint Recopilacion, ang subli nga napili nga Provincial PTA Federation President kuyog sila si Gng. Bella Dizon sa STANCe ug Gng. Janery Doromal sa USREPS. Nila nga nibisita nato gikan sa mga nagkalain-laing katilingban libot sa mga minahan sa Toledo, Naga, ug San Fernando agi'g pagpaambit sa ilang mga asoy ug kasinatian.

Dili matukib ang among kalipay ug walay sukod ang among pasalamat kaninyong tanan.

Alang sa mga nihatag sa ilang pagtando apan wala mahinayon pag-abot tungod sa nagkalain-laing kakulian, sa sunod higayon na pod unya. Hinaot nga magpabilin ang inyong kaikag alang sa usa ka malamboon apan dili hinulga nga katilingban sa Sibonga.

Sayod kami nga daghan pang detalye ang kinahanglan natong umolon, mga lakang nga angay han-ayon. Padayon kita.

Uyon ta nga moasenso basta dili lang gyud semento. Luwasa ang Sibonga. Karon na!!!!

31/07/2025

Diha dayoy nagpadungog-dungog ba,

"Save Sibonga? Naunsa diay ang Sibonga? Gikulbaan lagi ko. Unsay balita?"

Ihimutang nato angkol aron di ma pareha sa imong kilay nga nagkagidlay.

1. And Save Sibonga Movement naumol ni adtong 2007. Kalooy sa Ginoo nagpabilin pa gihapon mi. Naopaw na lang ang uban, kami labong lang gihapon.
2. Pero seryoso lang, ang atong Movement nagpabilin nga mibarog batok sa maski unsang proyekto nga nibalewala sa katungod sa sunod henerasyon sa limpyong hangin ug tubig, tambok nga mga basakan, mabungahon nga mga uma, ug seguro nga panagat. Ang tawag ana, sustainable development from ridge to reef!
3. Nganong Save Sibonga? Kung ikaw ginikanan, nakita nimong padulong kahulog na ang imong anak sa kimba, di ba nimo luwason?

Ikaw angkol ba, kagip-ot sa imong panabot. Morag kinahanglan ta mag istorya.

Mao na to.

Save Sibonga Movement.

11/04/2025

Napamalandongan ba nimo unsa ang mahitabo sa imong kaugamaon ug sa imong mga anak kung matukod ang planta sa semento ug magsugod paglumpag sa atong mga bukid aron himoong sagol sa semento?

Nakita ba nimo unsay umaabot damlag sa dihang ablihan na ang pantalan diha sa Sabang nga dool kaayo sa mga lunhaw ug baga nga pagatpatan?

Nabati ba nimo unsa unyay resulta kung ang planta sa semento mokuha og pahat sa tubig nga atong imnon?

Kuyog ta. Babagan ta ang planta!
I-scan ang QR Code ug tubagi ang atong online petition.

“We are faced not with two separate crises, one environmental and the other social, but rather with one complex crisis which is both social and environmental. Strategies for a solution demand an integrated approach to combating poverty, restoring dignity to the excluded, and at the same time protecting nature” (Laudato Si' No. 139)

08/04/2025

ANG USREPS DILI PARTIDISTA.

APAN DUNA SIYAY ADBOKASIYA BATOK SA MINA.

Bisan tood wala tay gituboy nga mga kandidato, klaro sa atong baroganan ang pagpanalipod sa katawhan, panginabuhian, ug malungtarong kalamboan alang sa mga Sibonganhon.

Busa, agig ehersisyo sa atong pagpakiglambigit sa pangamahanan, gilusad sa USREPS ang kampanya:

BOTO ALANG SA KALIKOPAN
BOTO ALANG SA KALAMMBOAN
BOTO ALANG SA SIBONGANHONG KATAWHAN.

Unta pilion sa katawhan ang mga manalipod sa kalikopan ug tinood nga mopaapil sa katawhan diha sa usa ka maayo ug malambigitong pangagamhanan.

Ang Akong Boto Dili Imo Kung Uyon Ka Sa Semento

05/04/2025

The Commission on Human Rights (CHR) expresses grave concern over the rising number of electoral offenses, particularly incidents of red-tagging and a recent case involving a Congressional candidate making sexist remarks during a campaign event.

26/03/2025