24/10/2026
๐๐๐๐๐๐๐: ๐๐๐๐๐๐๐ ๐๐๐ ๐๐๐๐๐๐๐๐๐๐๐ ๐๐๐ ๐๐๐๐๐๐๐๐๐๐ ๐๐๐๐ ๐๐ ๐๐๐๐๐ 2026
๐๐๐๐๐๐ ๐๐ ๐๐๐๐
๐๐๐๐๐๐๐ ๐๐๐๐๐๐ ๐๐ ๐๐๐๐๐๐ ๐๐๐๐ ๐๐ ๐๐๐๐๐๐๐๐๐ 2026, ๐๐๐๐๐๐๐ ๐๐ ๐๐๐๐๐๐๐๐ ๐๐๐๐๐
Pinaigting ng Sariaya Municipal Police Station ang paghahanda para sa Undas 2026 upang matiyak ang kaligtasan ng mga mamamayan at maayos na daloy ng trapiko sa mga lugar na inaasahang dadagsain ng mga bibisita sa mga sementeryo.
Sa panayam kay PLTCOL Marlon M Manalo, Acting Chief of Police ng Sariaya Municipal Police Station, sa programang RK Trio nitong Oktubre 23, sinabi niyang nakipag-ugnayan na ang kanilang himpilan sa lokal na pamahalaan, Municipal Disaster Risk Reduction and Management Office at Bureau of Fire Protection para sa paghahanda sa Undas.
Inaasahang magsisimula ang pagdagsa ng mga dadalaw sa kanilang mga yumaong mahal sa buhay sa Oktubre 31 hanggang sa mga unang araw ng Nobyembre. Dahil dito, kabilang sa mga inihahandang hakbang ang paglalagay ng mga pulis sa mga sementeryo at pagpapatupad ng traffic rerouting upang maiwasan ang pagsisikip sa Maharlika Highway.
Ayon kay Manalo, nakatakdang ilihis sa bypass road at Lutucan Road ang mga malalaking truck na bibiyahe patungong Maynila, habang gagamitin din ang bypass road sa Sampaloc ng mga bus at iba pang sasakyang hindi kailangang dumaan sa poblacion area ng Sariaya.
Magkakaroon din ng mga itatalagang loading at unloading area at no-parking zones sa mga piling bahagi ng highway. Makikipag-ugnayan din ang pulisya sa mga barangay, pribadong sementeryo at iba pang force multipliers upang maging maayos ang pagpapatupad ng mga panuntunan.
Bukod sa pamamahala ng trapiko, magpapatuloy ang police visibility at crime prevention operations upang maiwasan ang mga insidente ng kriminalidad sa panahon ng Undas. Hinimok din ng hepe ang publiko na sumunod sa mga ipatutupad na regulasyon at huwag magdala ng matutulis o mapanganib na bagay sa mga sementeryo.
Samantala, nakapagtala rin ng mahalagang pagkilala ang Sariaya Municipal Police Station matapos makuha ang pinakamataas na Unit Performance Evaluation Rating para sa Setyembre 2026 sa hanay ng mga Class A municipality sa lalawigan ng Quezon.
Ayon kay Manalo, kabilang sa mga naging batayan ng mataas na rating ang pagkakahuli sa tatlong most wanted persons na sangkot sa kasong r**e, gayundin ang pagtupad sa mga kinakailangang dokumentasyon at pagsasagawa ng mga operasyon at programang pangkapulisan.
Kabilang sa mga gawaing ito ang mga operasyon laban sa ilegal na droga at sugal, paghuli sa mga wanted person, pagpapatupad ng search warrant, crime prevention at police community relations.
Para kay Manalo, hindi lamang dami ng mga nahuhuli ang sukatan ng kapayapaan sa isang komunidad. Mahalaga rin ang tiwala at pakikiisa ng publiko, gayundin ang koordinasyon ng kapulisan, mga barangay at lokal na pamahalaan.
Patuloy namang isusulong ng Sariaya Municipal Police Station ang mga programang pangseguridad upang mapanatili ang kaayusan at kapayapaan sa bayan.
