29/05/2026
FLORES DE MAYO: PAGTATAPOS 2026
Human sa usa ka bulan nga pagselebrar sa Flores de Mayo, nagpahigayon kita og Graduation Ceremony isip pagtapos ug paghatag og sertipikasyon sa mga kabataan nga aktibong misalmot sa maong kalihokan.
Mapasalamaton kami sa tanang nitabang ug misuporta sa kalampusan niini—sa atong GKK ug DYA Officials nga gipangulohan nila Mr. Alnor Salmoro ug Mr. Micheal Angelo Pahit, sa atong mga Unit Leaders, sa Barangay ug SK Council nga gipangulohan nila Hon. Mishael Carl Salvador Royo ug Hon. Rey Hijosa, ug sa atong mga bisita nga sila Hon. Ian Kim Fuestes, Mrs. Judie Rollan, ug Hon. Deofel Rollan. Sa atong mga ginikanan nga walay hunong nga nagsuporta sa ilang mga anak, daghang salamat sa inyong pag-amuma ug pagdasig.
Sa atong mga sponsors, dili mahimong malampuson kining kalihokana kung wala ang inyong tabang, suporta, ug presensya. Hinaut nga ang Ginoo maoy magapanalangin ug magaganti kaninyo sa inyong pagkamanggihatagon.
Labaw sa tanan, daghang salamat sa atong Makagagahom nga Amahan ug sa atong Mahal nga Inahan, si Birhen Maria, sa kusog, kaalam, ug grasya nga Imong gihatag kanamo aron mahimong malampuson kining atong selebrasyon.
Sunod tuig nasad! Daghang salamat sa tanan.
Birhen Maria, ig-ampo mo kami!
