Sais Siklab Dos

12/06/2026

✨06/11/2026✨

Sa pagsisimula ng bagong buwan ng Hunyo, muli pong nakiisa ang mga kabataan ng aming purok sa iba't ibang gawaing pangkomunidad at pangkalikasan.

Sa araw na ito, sama-sama naming inayos ang aming Learning Center sa pamamagitan ng pagpupunas ng mga alikabok, pag-aayos ng mga libro, at pagsasaayos ng iba pang mga kagamitan upang maging malinis at maayos ang lugar para sa mga kabataang nais mag-aral at matuto.

Kasabay nito, nagsagawa rin kami ng pagdadamo, pag-aayos ng mga tanim, pagdidilig, paglilinis ng paligid, at pag-aayos ng compost heap. Nagtanim din kami ng iba't ibang uri ng mga gulay sa aming nursery upang mapalago at mapakinabangan ng mga kabataan at ng buong komunidad sa hinaharap.

Maraming salamat sa lahat ng mga kabataang naglaan ng oras, tumulong, at nakiisa sa ating mga gawain. Ang inyong pagtutulungan at dedikasyon ay malaking hakbang tungo sa mas maayos, mas malinis, at mas maunlad na purok.

Padayon sa paglilingkod at pagkakaisa! 🌱📚💚

12/06/2026

✨MONTHLY RECAP | MAY 2026✨

Sa buwan ng Mayo, naging aktibo at produktibo ang mga kabataan ng aming Purok sa iba't ibang gawaing pangkomunidad. Sama-sama kaming nakiisa sa paglilinis at pag-aalaga ng aming Purok Youth Garden upang mapanatili itong malinis at maayos para sa kapakinabangan ng lahat.

Nagsagawa rin kami ng Purok Youth Meeting para talakayin ang mga programa, plano, at mga aktibidad na makatutulong sa pagpapaunlad ng aming samahan at komunidad.

Lubos din ang aming pasasalamat sa Tau Gamma sa kanilang isinagawang Feeding Program para sa mga bata sa aming purok. Malaki ang naging ambag ng programang ito sa pagbibigay ng saya at suporta sa aming mga kabataan.

Maraming salamat sa lahat ng nakiisa at tumulong. Nawa'y magpatuloy ang ating pagkakaisa at pagtutulungan para sa mas maunlad na komunidad.💛

24/05/2026

Maligayang kaarawan, Khalil Adam!🥳

Bilang isa sa masipag at aktibong officer ng ating purok nawa’y patuloy kang pagpalain ng lakas, tagumpay, at kaligayahan sa bawat hakbang ng iyong buhay. Maraming salamat sa iyong dedikasyon, sipag, at magandang impluwensya sa organisasyon. Isa kang inspirasyon sa pagiging responsableng lider at mabuting kasama.

Hangad namin ang mas marami pang tagumpay, masasayang alaala, at biyayang darating para sa’yo. Patuloy kang magningning at magsilbing ilaw sa kapwa mo kabataan at kaibigan.

Muli, maligayang kaarawan, Khalil! 🎂🎈
— Mula sa iyong pamilya sa SAIS Siklab Dos 💙

20/04/2026

04/20/2026
🌱HARVEST DAY!🌱

Sa araw na ito ay masayang ibinabahagi ng inyong lingkod ang bunga ng aming pagsisikap sa aming purok youth garden. Matapos ang patuloy na pag-aalaga, pagdidilig, at pagtutulungan ng bawat kabataan, sa wakas ay aming naani ang mga sariwa at masusustansyang gulay. 🍆🌶️

Ang simpleng hardin na ito ay patunay na kapag may tiyaga at pagkakaisa, tiyak na may magandang resulta. Hindi lamang ito tungkol sa ani, kundi pati na rin sa aral ng disiplina, sipag, at pagmamahal sa kalikasan.

Maraming salamat sa lahat ng kabataang tumulong at patuloy na sumusuporta sa ating proyekto. Tuloy-tuloy lang tayo sa pagtatanim at pag-unlad! 💛

26/03/2026

26/03/2026

✨03/24&26/2026✨

Isang masigla at produktibong araw muli para sa mga kabataan ng aming purok! Patuloy ang kanilang aktibong paglilinis at pangangalaga sa aming youth garden, na ngayon ay mas lalong gumaganda at umuunlad.

Makikita na ang unti-unting pag-usbong ng aming mga tanim, pati na rin ang pagyabong ng kanilang mga dahon na nagpapakita ng maayos na pag-aalaga at dedikasyon ng bawat isa. Ang kanilang sipag at malasakit ay tunay na nagbibigay-buhay sa aming munting hardin.

Patunay lamang na sa patuloy na pagtutulungan at tiyaga, ang bawat tanim ay lalago at magbubunga. Maraming salamat sa mga kabataang patuloy na nagbibigay ng oras at pagmamahal sa aming youth garden. 🌿

26/03/2026

✨03/11-18-21/2026✨

Sa patuloy na pagkakaisa at sipag ng mga kabataan sa aming purok, hindi lamang ang aming youth garden ang kanilang inaalagaan kundi pati na rin ang paghahanda para sa darating na liga. Sama-sama nilang pinapanatili ang kalinisan ng paligid at masigasig na dinidiligan ang aming mga tanim na gulay at medicinal plants upang ito ay patuloy na lumago at mamunga.

Kasabay nito, ang mga kabataan ay nagtulong-tulong sa pagkabit ng net na gagamitin sa basketball, bilang bahagi ng kanilang paghahanda para sa inaabangang liga. Ipinapakita nito na bukod sa pagiging responsable sa kalikasan, sila rin ay aktibong nakikilahok sa mga gawaing pampalakasan.

Ang kanilang pagkukusa at pagtutulungan ay tunay na kahanga-hanga at nagsisilbing inspirasyon sa buong komunidad. Patuloy kayong maging ehemplo ng kabataan na may malasakit, disiplina, at pagkakaisa. 🏀🌱

26/03/2026

✨03/04&07/2026✨

Sa patuloy na pagkakaisa at pagkukusa ng mga kabataan sa aming purok, tuloy-tuloy ang pagpapanatili ng kalinisan at pag-aalaga sa aming youth garden. Araw-araw ay sama-sama naming dinidiligan ang aming mga tanim na gulay at medicinal plants upang masiguro ang kanilang maayos na paglaki at pag-usbong.

Ang simpleng gawaing ito ay patunay na sa sipag, tiyaga, at malasakit, ang bawat punla ay lalago at magbubunga. Patuloy kaming magsisilbing halimbawa sa komunidad na ang pag-aalaga sa kalikasan ay responsibilidad ng bawat isa.

Maraming salamat sa mga kabataang patuloy na nagbibigay ng oras at lakas para sa ikagaganda ng aming garden. 🌱

25/02/2026

✨02/23-24-26/2026

Sa kabila ng iba’t ibang gawain at may liga man o wala, patuloy ang pagkilos at pagkukusa ng mga kabataan sa aming purok sa pangangalaga ng aming mga tanim na gulay at medicinal plants. 🌱

Araw-araw silang nagtutungo sa aming Purok Youth Garden upang magdilig, maglinis, at siguraduhing maayos ang kalagayan ng bawat halaman. Ipinapakita nila na ang tunay na malasakit sa komunidad ay hindi lang nakikita sa malalaking proyekto, kundi sa simpleng pag-aalaga at pagtitiyaga.

Maraming salamat sa ating mga aktibo at masisipag na kabataan. Nawa’y patuloy kayong maging inspirasyon at magandang halimbawa sa iba. 💛✨

25/02/2026

✨02/22/2026✨
Isang produktibo at makabuluhang araw para sa mga kabataang Nagueño! 💛

Maagang bumangon ang ating mga kabataan upang magsagawa ng paglilinis sa P5 irrigation. Sama-samang binawasan ang mga naglalakihang damo at inalis ang mga naipong kalat sa paligid ng irrigasyon upang mapanatili itong malinis at maayos.

Pagkatapos nito, nagtungo naman ang mga kabataan ng P6-A2 sa ating garden upang ipagpatuloy ang YCAP sa ating purok. Patuloy ang pag-iipon at paglalagay ng mga plastic bottles bilang harang sa paligid ng ating mga tanim. Kasabay nito ang pagdidilig at pag-aalis ng damo upang masigurong lalago at mamumunga nang maayos ang ating gulayan. 🌱

Pagsapit ng 1pm, dumiretso naman tayo sa Barangay Hall upang dumalo sa KK Assembly, picking o pag-aayos ng teams para sa junior at senior basketball players, gayundin sa volleyball girls at boys.

Tunay ngang punong-puno ng makabuluhang gawain ang araw na ito—patunay na ang kabataang Nagueño ay aktibo, nagkakaisa, at handang maglingkod para sa komunidad.

Maraming salamat sa lahat ng kabataang patuloy na nakikilahok at sumusuporta sa mga programa ng Sangguniang Kabataan ng Barangay Naggasican. ✨