Mayor Dinan Labung

19/09/2026

MARAMING SALAMAT PO, SENATOR RODANTE MARCOLETA AT SAGIP PARTY-LIST!

Nagpaabot po si Senator Rodante Marcoleta at ang SAGIP Party-list ng 500 family food packs para sa ating mga kababayang Pimpeño na naapektuhan ng malawakang pagbaha. Ang tulong na ito ay mula po sa sariling bulsa ni Senator Marcoleta.

Taos-puso po ang pasasalamat ni Mayor Dinan Labung at ng ating mga kababayang Pimpeño sa patuloy na pag-alala, malasakit, at pagtulong sa bayan ng Sta. Ana.

Mabilis ang aksyon at walang korapsyon!
miDINAN neng LABUNG ing BALEN!

18/09/2026

PANOORIN | Matagumpay na pong naipamahagi ang Municipality of Sta. Ana Educational Assistance 2026 sa halos 3,000 Pimpeño college students, kung saan bawat isa ay nakatanggap ng ₱2,500.

Sa direktiba ni Mayor Dinan Labung, lahat ng kwalipikadong aplikante ay nabigyan ng tulong, at pinalawig pa ang pagsusumite upang mas marami pang estudyante ang makinabang.

Payo ni Mayor Dinan sa ating mga kabataan: Huwag susuko. Patuloy na magsikap, mag-aral, at abutin ang inyong mga pangarap.

Mabilis ang aksyon at walang korapsyon!
miDINAN neng LABUNG ing BALEN!

17/09/2026

Ipinapaabot po ni Mayor Dinan Labung ang taos-pusong pakikiramay sa pamilya at mga naiwang mahal sa buhay ni Quirino Province Governor Dakila Carlo “Dax” Cua.

Si Governor Cua, na dati ring nagsilbing Pangulo ng Union of Local Authorities of the Philippines (ULAP), ay malapit na kaibigan ni Mayor Dinan, na nagsilbi rin bilang Treasurer ng ULAP.

Nakikiramay po si Mayor Dinan at ang buong bayan ng Sta. Ana, Pampanga sa pamilya, mga kaibigan, at mga kababayan ni Governor Cua sa panahong ito ng pagdadalamhati.

Ang aming taos-pusong pakikiramay at panalangin sa kanyang mga naiwang mahal sa buhay.

16/09/2026

16/09/2026

COA, KAAGAPAY SA TAPAT NA PAMAMAHALA | Malugod pong tinanggap ng Lokal na Pamahalaan ng Sta. Ana, Pampanga, sa pangunguna ni Mayor Dinan Labung, si Fedalyn M. Macapinlac, ang bagong Audit Team Leader ng Commission on Audit (COA) para sa bayan.

Personal po saying inendorso ni Marlyn C. Mercado, ang outgoing Audit Team Leader, kasama si Princess Lea B. Taroy, Supervising Auditor ng COA Pampanga.

Nagkaroon din po ng pagkakataon si Mayor Dinan na pasalamatan si Ms. Mercado at ang COA sa kanilang patuloy na paggabay sa Lokal na Pamahalaan upang matiyak na ang pondo ng bayan ay nagagamit nang tama, naaayon sa batas, at para sa kapakanan at ikauunlad ng Sta. Ana.

“Nanu ya ing sabyan dang dapat at ustu, pamintuan mi. Ing importanti, reng pera da reng memalen, magamit la keng ustu.”
— Mayor Dinan Labung

Patuloy pong isinusulong ng administrasyon ni Mayor Dinan ang maayos, tapat, at responsableng paggamit ng pondo ng bayan.

Mabilis ang aksyon at walang korapsyon!
miDINAN neng LABUNG ing BALEN!

15/09/2026

SUPORTA SA ATING MGA MAGSASAKA | Pormal na pong pinasinayaan ang Inuman Baka Palay and Rice Trading Sustainable Livelihood Program sa Barangay Santiago. Pinangunahan nina Mayor Dinan Labung, Atty. Jun Canlas, Vice Mayor Oday Nacpil, kasama ang mga kapitan at ating Municipal Agriculture Office, ang pagbubukas ng programa.

Layon po ng programang ito na magkaroon ng direktang bentahan ng mga produktong agrikultural, tulad ng palay, nang walang middleman, upang mas malaking bahagi ng kita ay direktang mapunta sa ating mga magsasaka.

Naging posible po ang programang ito sa pakikipagtulungan ng Department of Social Welfare and Development (DSWD) at ng Pamahalaang Panlalawigan ng Pampanga, sa pangunguna ni Governor Nanay Pineda, gayundin sa pag-endorso at pakikipag-ugnayan ng tanggapan ni Mayor Dinan Labung at ng ating Municipal Agriculture Office.

Patuloy po ang pagtutulungan upang mabigyan ng mas magandang oportunidad at kabuhayan ang ating mga magsasakang Pimpeño.

Mabilis ang aksyon at walang korapsyon!
miDINAN neng LABUNG ing BALEN!

14/09/2026

SAMA-SAMA SA PAGKILOS | Kaagad na pong sinimulan ng administrasyon ni Mayor Dinan Labung ang pagbuo ng rehabilitation at action plan para sa iba’t ibang sektor na naapektuhan ng nagdaang matinding pagbaha dulot ng mga pag-ulang dala ng Habagat.

Kabilang sa mga prayoridad ang agarang pagsasaayos at pagkukumpuni ng mga nasirang imprastraktura at kalsada, pagtugon sa mga nasirang pananim at iba pang kabuhayan, gayundin ang pagmomonitor sa kalusugan at kalagayan ng mga pamilyang naapektuhan ng baha.

Kaugnay nito, pinulong ni Mayor Dinan ang mga department head, miyembro ng Sangguniang Bayan, mga barangay captain, at SK officials upang pagtugmain ang mga hakbang ng bawat sektor at matiyak ang mabilis at maayos na pagpapatupad ng mga programa para sa pagbangon ng bayan.

Isinagawa rin po ang oath-taking ceremony para sa mga bagong nakumpirma sa kanilang mga tungkulin sa Human Resources, MDRRMO, Municipal Engineering Office, BPLO, at Legal Office.

Patuloy po ang pagkilos ng Lokal na Pamahalaan upang unti-unting maibalik sa normal ang kalagayan ng ating bayan, kasabay ng pagpapatupad ng mga hakbang at pangmatagalang solusyon upang maiwasan na maulit ang malawakang pagbaha at mapangalagaan ang kaligtasan at kapakanan ng bawat Pimpeño.

Mabilis ang aksyon at walang korapsyon!
miDINAN neng LABUNG ing BALEN!

13/09/2026

Para po sa buwan ng Agosto, inilaan ni Mayor Dinan Labung ang kaniyang buong sahod kay Erlinda Lapuz, na nagkaroon ng problema sa kaniyang terminal leave na naging sanhi ng labis na pag-aalala.

Ayon kay Erlinda, tila “hulog ng langit” daw po si Mayor Dinan, na bukas-palad na naglaan ng kaniyang sahod upang makatulong at kahit paano ay maibsan ang kaniyang pinagdaraanan.

Personal naman po siyang nagpaabot ng kaniyang taos-pusong pasasalamat sa ating butihing Alkalde.

11/09/2026

Ipinaaabot po ni Mayor Dinan Labung at ng buong Lokal na Pamahalaan ng Sta. Ana Pampanga ang pagbati sa mga kababayan nating Pimpeño na nakapasa sa August 2026 Licensure Examination for Criminologists (LEC).

Gayundun ang malugod na congratulations sa Holy Cross Colleges Inc. na nagbigay na karangalan sa ating bayan matapos na makuha ang Top 4 ranking nationwide sa August 2026 Licensure Examination for Criminologists (LEC). Sa 93 examinees ng paaralan, 89 ang nakapasa, na katumbas ng 95.70% passing rate, ayon sa inilabas na listahan ng mga top-performing schools.

Ito na ang ikalawang magkakasunod na taon na kinilala ang Holy Cross Colleges-Pampanga bilang Top Performing School in the Philippines. Noong August 2025 LEC, nakamit naman ng paaralan ang Rank 1 nationwide.

Congratulations po sa lahat ng mga nakapasa!